أغانيكي وإعلاناتك
كل كام يوم ألاقي إعلان ولا أغنية جديدة ملهاش أي لزمة بتقول وتزيد ف مصر وحب مصر وجمال مصر وطعامة مصر ... ياسلام عليكي يامصر ... إتربينا فيها وإتعلمنا فيها ... السهرة الحلوة فيها ... الكشري فيها والبرج فيها ... مفيش بلد زيها ... حلوة مفيش بلد زيها دي ... طب ليه بقي؟ إيه من اللي إحنا فيه يخلي مفيش بلد زيها
وياعيني ع الإعلانات اللي شغالين فيها اليومين دول ... بلدي بتحبك وخايفة عليك ... الأسرة السعيدة ... القرية الذكية ... مستقبل بلدنا ف إيدينا ... الزيارة الدورية للدكتور ... هأو ... دكتور ... ماقفشتها ياكرديه
حاجة تفرح ... مش عارف مين دول اللي قاعدين يفنوا ويتحفونا بالأفكار دي ... بس الحقيقة الناس دي عندها خيال خصب ... بيعملوا بلد غير بلدنا ويتكلموا عنها
أتحدي إذا كان فيه حد ف مصر عايش فيها أو كان عايش فيها بيشوف الأغاني والإعلانات دي ومش بيقعد يتريق عليها ... عارفين ليه؟ عشان كله عارف اللي فيها ... بس إحقاقا للحق هي حاجات حلوة ... أهي حاجة بتخلي الناس تضحك وتهيس حبتين