الناس إتغيرت
الراجل واقف بالعافية ومفيش حد منهم إتحرك وقعده
طفلة صغيرة قاعده ف العربية مكان باباها وعماله تدوس ع الكلاكس
لما أبص لباباها اللي واقف جنب العربية يستغرب ويقلي إنت مالك
أخت محتاجة فلوس بتطلب من الغريب
وإخواتها معاهم ومش قادرة حتي تطلب منهم سلف
ولد بيدايق بنت ف الشارع ولما تعترض صوته يعلي ويتهمها بقلة الأدب
والناس تشجع الولد ويفرحوا ف البنت
شاب ف العشرينات يزق الست اللي داخله اﻷتوبيس قدامه عشان يلحق يقعد قبلها
واحد عامل حادثة بعربيته وإتكسرت إيديه ورجليه
يعدي شوية شباب يفكوا الكاسيت وياخدوا الموبايل وهو مرمي ع اﻷرض غرقان ف دمه