Monday 29 October 2007

دخلت نمت

ماشي ع الكوبري زي أيام كتير ... ولوحدي كالعادة ... هي كمان ماشية ... وقفت قدامي وبصينا لبعض ... مفيش لاكلام ولا غيره ... معدي واحد وصاحبته ومش عارفين يكلموا بعض ف الموبايل – أصل إتصالات نازلة علي موبينيل وفودافون فكلهم واقعيين – ورغم ذلك ولا بصيت عليهم ... إتأملتها كتير وفكرت ف زمان ... كانت أيام لطيفة وحلوة ومش عايزها ترجع تاني ... بدأ الكلام ... كلام من أبو عادي – مش عايز حد يقلي عادي عشان دلوقتي مفيش حاجة بقت عادي – سلامات طيبون ... وبعدين! ... عامل إيه؟ عاملة إيه؟ - أصل أنا ميهمنيش حد – فضل الحال كدا ساعتين يتخللهم الكثير من الصمت – الصمت هو عدم الكلام – عارفة أنا عايز إيه وأنا معنديش فكرة هي حتي بتفكر ف إيه ... عادي جدا – أنا أقول عادي براحتي – أنا زهقت وهي شكلها مستمتعة ... طب وأخرتها! ... سبتها ودخلت نمت.

Wednesday 24 October 2007

الانبهار

ذاع عنه أنه عالم بكل شئ وقصدته الجموع في ركن الطريق الذي يجلس علي أريكة فيه
وقال وسيط خير: لاوقت للأسئلة السهلة ، هاتوا ما لديكم من أسئلة مستعصية
وإنهالت عليه اﻷسئلة المستعصية حقا
وساد صمت عميق ليسمع كلُ الجواب الذي يعنيه
لم أر حركة تدب في شفتيه ولم أسمع صوتا يند عن فيه
ورجعت من عنده وسط جموع قد إنبهرت بما سمعت لحد الجنون

نجيب محفوظ .. أصداء السيرة الذاتية

Thursday 18 October 2007

رعد وبرق



منمتش كويس
طول الليل قلقان
صحيت علي صوت رعد
فتحت شباكي
المطر غسل وشي
والبرق زغلل عنيي
إتبسطت مش عارف ليه
فضلت واقف كتير
ما أنا مبسوط
يبقي أمشي ليه؟

Wednesday 3 October 2007

ليه؟

ليه يشيل هموم ويبقي مهموم
ليه يبقي زعلان والمفروض يبقي فرحان
ليه يفكر ويبقي مشغول البال
ليه وحيد ومفيش صاحب
ليه الدنيا ضلمة والنور بعيد
ليه الضحك قليل والدمع كتير
ليه محبوس والمفروض يطير
ليه كبر وهو صغير
ليه ؟