كنت بحبه ودلوقتي بكرهه
بحبه عشان مليان حاجات حلوة
بحبه عشان الدراسة كانت ساعاتها قليلة وف الإنجاز
بحبه عشان كنت بحب أتفرج علي مازنجر والسلاحف وباور رينجروز
بحبه عشان النشاط الثقافي المركز ف القاهرة
بحبه عشان السهر والصحور ف الحسين
بحبه عشان الشوارع الفاضية ساعة الفطار
كرهته عشان كل حاجة حلوة كانت فيه ضاعت
كرهته عشان زحمته اللي من غير أي سبب
كرهته عشان التدين الظاهري اللي بيبقي بزيادة قوي
كرهته عشان صوت الجوامع اللي مبينيمنيش طول الليل
كرهته عشان الشغل اللي مبيتعملش والناس اللي بتتدلع ف الشغل
كرهته عشان عربية الفول اللي بفطر عليها مش بتشتغل
كرهته عشان اللي بيحصل ف كل وسائل الإعلام
كرهته عشان زيادة الإستهلاك وبالتالي زيادة الأسعار
كرهته عشان المشاعر اللي بتتجرح لما باكل أو بشرب
كرهته عشان كلمة "أصل أنا صايم"
بحبه عشان الدراسة كانت ساعاتها قليلة وف الإنجاز
بحبه عشان كنت بحب أتفرج علي مازنجر والسلاحف وباور رينجروز
بحبه عشان النشاط الثقافي المركز ف القاهرة
بحبه عشان السهر والصحور ف الحسين
بحبه عشان الشوارع الفاضية ساعة الفطار
كرهته عشان كل حاجة حلوة كانت فيه ضاعت
كرهته عشان زحمته اللي من غير أي سبب
كرهته عشان التدين الظاهري اللي بيبقي بزيادة قوي
كرهته عشان صوت الجوامع اللي مبينيمنيش طول الليل
كرهته عشان الشغل اللي مبيتعملش والناس اللي بتتدلع ف الشغل
كرهته عشان عربية الفول اللي بفطر عليها مش بتشتغل
كرهته عشان اللي بيحصل ف كل وسائل الإعلام
كرهته عشان زيادة الإستهلاك وبالتالي زيادة الأسعار
كرهته عشان المشاعر اللي بتتجرح لما باكل أو بشرب
كرهته عشان كلمة "أصل أنا صايم"
كرهته عشان زهقت من النفاق
6 comments:
ازاى تكره ورق فى تقويم مالوش ذنب
اكره الناس اللى شوهت جماله
اكره المنافقين اللى بيعبدوا الشهر مش اكتر
اكره اللى بيتخانقوا واللى بيكسلوا وينافقوا
ماتعملش زى اللى جاره حدف على شباكه طوبه وكسره
راح شتم الطوبة وساب جاره
حبيت اسلم عليك فى السريع
بقالى كتير ما جيتش هنا
الحمدلله غار
عندك حق يا بيشو انا كمان الشهر ده كان مرتبط عندي بحاجات حلوة كتير و للاسف راحت و ما فضلش من الحاجات الحلوة الا الكنافة والقطايف خاصة لما الناس بتشتمني في الشارع وتقولي حرام عليكي،اتقي ربنا ،روحي اتغطي وكاني مرتكبة اثم كبير .
زمان وانا في المدرسة كنت باكل عادي قدام اصحابي وهما كمان كانوا بيعملوا كده لما باكون صايمة كانت الحياة ابسط ومن غير نفاق
فعلا كانت زيارته تقيلة جدا على قلبى السنة دى .. كل سنة النفاق بيزيد عن السنة اللى قبلها
اهوه انت تكره واحد زى اللى فهمه على قده اللى قال الحمد لله غار
كدة انت تكره دة مش تكره الشهر نفسه
لكن اقولك على حاجة بجد
مش كل الناس كدة
اولا يا باشا
مش عيب ان الواحد فى رمضان تزداد عزيمته فى الايمان
انا مثلا اعتكفت فى المسجد طول العشرة ايام الاخره السنة دى ودى كانت اول مرة اعملها
مش معنى انى عملت كدة ومش بعمل كدة طول السنة يبقى انا منافق
لا
انا طول السنة بعبد ربنا بصدق وايمان واخلاص مش بعبد الشهر نفسه
لان لو كنت بعبد الشهر فالشهر دة هيجى مرة فى السنة وهيمشى
حتى لو كنت زنديق وباى فى الشهر دة وبعبد ربنا باخلاص يمكن تكون دى خطوة عشان ربنا يقوينى ويغفرلى ويهدينى
لان فى حديث قدسى بيقول
من تقرب مني شبراً تقربت إليه ذراعاً، ومن تقرب إلي ذراعا تقربت إليه باعاً،
ومن أتاني يمشي أتيته هرولة
فمعنى كدة ان الواحد لو اتقرب من ربنا يعنى بحجة الشهر دة ممكن ربنا يتقبل توبته ويهديه
لكن لو على الفول تعالى عندى يا عم وانت تامرنى على طول
ولو على الزحمة وصوت المساجد هو شهر واحد يا عم نستحمل بعض شوية مش مشكلة يعنى اومال مصريين ازى
ولو عشان مش بتحب تاكل ولا تشرب قدام المسلمين فده بجد من شعور نبيل جدااااا منكم مش هقدر اوصفه
بس لو جعان قوى او عطشان قوى برحتك يا مان طبعا محدش هيقولك حاجة يعنى
وفعلا زى ما وينكى قالتلك ما تكرهش الشهر اكره الناس اللى شوهت جماله
ما كلنا بنحب مصر وبنكره الناس اللى بتخرب فى مصر
مش هنكره مصر نفسها يعنى
ولو عايز مازنجر وسلاحف النينجا وباور رينجرز انا كنت بموووت فيها جدااااااااا ممكن لو جبتهم ابقى عديهم عليا
ههههههههههههههههههه
:))))))
وكل سنة وانت طيب يا مااااااااااااان
والسلام.........
Post a Comment