إيه الصعوبة؟
إيه الصعوبة ف إن القطر يطلع ف معاده؟ .. إيه الصعوبة ف إن القطر يوصل ف معاده؟ .. إيه الصعوبة ف إن القطر يكون نضيف ومفيهوش صراصير وفيران؟ .. إيه الصعوبة ف إن الكراسي تكون سليمة؟ .. إيه الصعوبة ف إن الشبابيك متكنش بايظة؟ .. إيه الصعوبة ف إن الحمام يكون شغال وصالح للإستخدام الأدمي؟ .. إيه الصعوبة ف إن الواحد يسافر وهومرتاح ويوصل وهو مرتاح؟
أنا مش شايف إن قصة السكة الحديد صعبة للدرجة دي ..مش عارف إيه اللي وصلنا للدرجة دي .. ميتهيأليش إن الموضوع محتاج عقول فذة وخطط عبقرية .. هيئة السكة الحديد فاشلة وكل يوم فشلها بيزيد .. عشان كدا ياريت السكة الحديد تتخصص .. مش لازم الواحد دمه يتحرق كل ما يركب قطر .. أدام صعبة عليكوا يبقي بيعوها وريحونا.
7 comments:
عم ايليان
ارحم نفسك انت جالك الضغط من شوية؟؟
بص هو انا معاك ان الخصخصه ممكن تكون حل
بس ساعتها الراكب الغلبان هايدفع كام عشان يروح يزور قريبه فى اسوان مثلا
الطالب اللى بيعمل اشتراك شهرى واهله دافعين عليه دم قلوبهم وقلوب الجيران
الخصخصه اللى انا عرفتها ولاحظتها تساوى تحويل حاجات هلكانه غير صالحه لاستخدام البنى ادمين لحاجات ماتصلحش الا لاستخدام الاغنياء
ماحدش بيفكر فى خدمة المواطن الغلبان قبل ما يفكر يدفى جيبه يا معلم
روق انت بس كده وانا اشتريلك قطر لوحدك وبيقول توت توت
وبقضبانه كمان.. تصور
:P
يعنى هى مشكلتك فى السكة الحديد و بس؟؟
كل حاجة بقيت زى الفل و ناقص السكة الحديد
طيب قولى انت ايه الصعوبه فى ان دكتور قعد يدرس 7 سنين فى الكلية لحد ما طلع عينه و لما يتعين يعينوه فى محافظته
ليه لازم اللى من اسوان يتعين فى البحيره و اللى من البحيرة يحدفوه فى شمال سينا و اللى فى شمال سينا يترمى فى الوادى الجديد
ايه الصعوبه فى اننا نعيش حياة كريمة زى خلق الله فى اى حته فى العالم
و ايه الصعوبه فى اننا منتبهدلش فى كل حته و كل مكان
مجتش على السكة الحديد يا عم ايليان
وينكي
عارف إن الخصخصة عندنا بتفشخ الناس
بس إحنا دلوقتي برضة مفشوخين
كل حاجة ليها حلول محترمة
يعني مثلا : السكة الحديد دلقوقتي بتخسر والحكومة بتصرف عليها .. ممكن تتباع الفلوس اللي كانت بتتصرف عليها تتدفع للي هيشتري في مقابل إنه يسيب موضوع الإشتراكات والدرجة العادية زي ماهما
بس مع الأسف محدش من مصلحته ينفذ الحلول دي
متاخديش ف بالك
أنا بس بفضفض
منوراني دايما ياجميل
new life
لا .. مشكلتي مع حاجات كتير
ومش فاهم قصدك؟
لو مشينا بالمبدأ دا يبقي محدش هيقول حاجة
أنا بفضفض
مخنوق ومفيش حاجة بإيدي أعملها فبفضفض
وهفضل أفضفض
نورتني
انت عاوزهم يحلوا ده لا بتهزر طبعا ليه امال يسرقا ازاى امال كل يوم يقلك احنا بنطور منين يا راجل اتكلم عن بلد تانى طيب
الصعوبة اني مفيش ضمير
الصعوبة اني الناس مفتقدة الادمية
مهو سواق والقطار وعامل النظامة والشركة الي بتدير القطار بنادمين بس مع وقف التنفيذ يا صديقي
وحشتني اوووي بجد
ايووووووووووووه ياعم
والله مشكلة حمامات السكة الحديد دي مش صعبة
البامبرز مالي البلد
وآه منك يا بلد
Post a Comment