حرية بتقرب
بقالها كتير واقفة لوحدها .. بتبص حواليها وبرضه مفيش .. سندت علي السور ولفت وشها للميدان .. شوية وقرب منها .. أكيد هي متضايقة منه عشان إتأخر عليها وسابها لوحدها .. وأكيد هو عارف دا .. من غير ما تاخد بالها قرب من وراها وراح بايسها علي خدها .. لفت وبصتله وملي وشها ضحكة نسيتها كل حاجة.
الكلام دا حصل ف ميدان التحرير .. أنا فرحت جدا بيه .. ولد بيبوس صاحبته ف ميدان التحرير .. أي نعم باسها علي خدها بس برضة حاجة حلوة جدا .. ومعني إن دا حصل ف نص اليوم ف ميدان التحرير -اللي مش بيفضي- يبقي فيه حاجة إتغيرت .. فيه حرية بتقرب.
3 comments:
تصويرِك واحساسك بالمشهد .. وترجمته لكلمة ترسمه بالاجمال
جميل جدا
..
حساس بجد زيك اني في حاجة بتغير
بس مش عارف دي فرفرة الموت ولا بجد في حاجة حلوة بتحصل
مفيش حاجة بتتغير
ما أنا شفت قبل كده بوس كتير في وسط البلد
حصل حاجة يعني من ساعتها
:)
Post a Comment