Wednesday 29 April 2009

خاتمة

أستودعكم في عناية الرحمن الذي لا تضيع ودائعه
أمضوا بسلام سلام الرب يكون معكم

دي مجرد خاتمة أنا بحبها
مش معناها إني هبطل أكتب هنا
أسف علي أي لخبطة

Wednesday 22 April 2009

e=mc2

ف 3 ورقات نشر اينشتين سنة 1905 الورقة العلمية اللي فيها المعادلة دي.
e=mc2 .. الطاقة تساوي حاصل ضرب الكتلة في مربع سرعة الضوء
واحدة من – وممكن تكون - أهم المعادلات في الفزياء الحديثة
الفكرة كانت جديدة .. لأول مرة حد يفكر ف إن المادة والطاقة مش حاجتين منفصلين
لإن كلام اينشتين معناه إن المادة هي عبارة عن تكثيف للطاقة وإن الطاقة ممكن تتحول لمادة والمادة ممكن تتحول لطاقة
أنا بحب المعادلة دي جدا

Thursday 9 April 2009

إضراب مخيب للآمال

نزلت من بيتي الصبح وأنا كلي أمل .. ولكن خاب ظني
أنا نزلت متأخر شوية عن معادي علي أمل إن الإضراب يكون شغال
أنا قلت إن الدنيا هتكون فاضية وهوصل بسرعة
ولكن فوجئت إن الشوارع زحمة جدا زي كل يوم
فوجئت إن الناس كلها ف الشارع عادي جدا ولا كأن فيه إضراب ولا حاجة
وصلت شغلي متأخر .. فعلا حاجة مخيبة للآمال