Monday, 29 October 2007

دخلت نمت

ماشي ع الكوبري زي أيام كتير ... ولوحدي كالعادة ... هي كمان ماشية ... وقفت قدامي وبصينا لبعض ... مفيش لاكلام ولا غيره ... معدي واحد وصاحبته ومش عارفين يكلموا بعض ف الموبايل – أصل إتصالات نازلة علي موبينيل وفودافون فكلهم واقعيين – ورغم ذلك ولا بصيت عليهم ... إتأملتها كتير وفكرت ف زمان ... كانت أيام لطيفة وحلوة ومش عايزها ترجع تاني ... بدأ الكلام ... كلام من أبو عادي – مش عايز حد يقلي عادي عشان دلوقتي مفيش حاجة بقت عادي – سلامات طيبون ... وبعدين! ... عامل إيه؟ عاملة إيه؟ - أصل أنا ميهمنيش حد – فضل الحال كدا ساعتين يتخللهم الكثير من الصمت – الصمت هو عدم الكلام – عارفة أنا عايز إيه وأنا معنديش فكرة هي حتي بتفكر ف إيه ... عادي جدا – أنا أقول عادي براحتي – أنا زهقت وهي شكلها مستمتعة ... طب وأخرتها! ... سبتها ودخلت نمت.

25 comments:

Miss Egyptiana "Trapped Soul" said...

الصمت الصمت
يقتل معانى بداخلنا اذا شاركنا فيه احد
ويحي مشاعرنا اذا استمتعنا به وحدنا
عجيبه هى طبيعه الصمت

micheal said...

يا رايق
:)
تحياتي يا باشا
بجد وحشتوني كلكم

على باب الله said...
This comment has been removed by the author.
على باب الله said...

---
عادي

---

§a§a said...

كل شىء عادى

اجندا حمرا said...

الصمت جميل مع الشخص المناسب ل حاولنا نستمتع بيه و مانملش منه

The Alien said...

miss egyptiana

بس كتير الصمت مع الناس بيكون مفيد

منوراني دايما

*********************************
مايكل

ماشي ياعم

وإنت كمان وأكيد هنتقابل قريب
نورتني

*********************************
علي باب الله

مش قلنا بلاش عادي

نورتني

The Alien said...

sasa

همشيها المرادي - عادي

نورتني

*********************************
اجندا حمرا

أنا زي ما قلت .. هو كتير الصمت بيكون مفيد
بس مش دايما بيكون ممتع

منوراني دايما

Mirage said...

ده تمجيد لأحمد حلمى ولا إيه
:)
عادى

جـيـداء said...

الصمت ...
عذابى فى تلك الدنيا صمتى و صمت من احبهم
ببقى نفسى اتكلم و نفسهم يتكلموا و كل واحد يستنى التانى يبدأ
و محدش بيبدأ

بس انت مليت ليه؟

Eagles said...

بسم الله الرحمن الرحيم
الاجابة
تونس

لالالالالالالالا

اكيد البطيخة

هههههههههههههههههههههههههههههه
ازيك يا مان
عامل ايه
ايه الاخبار
هنفضل كدة تقول عاشزشن نتقابل لحد امتى ؟؟؟؟؟؟؟؟؟؟
بص انا عندى اقتراح احنا نحددد ميعاد يوم الجمعة اللى جاى او السبت اللى جاى دة خبط لزق ولو انت فاضى انا كمان ان شاء الله هكون فاضى ولو حد فاضى يجى ونقعد على البورصة ولو مش فاضى نبقى نحدد ميعاد تانى بس نعمل خطوة ايجابية واحدة
قولى رايك ايه فى الكلام دة


والسلام.........

The Alien said...

mirage

تتصور ولا أخدت بالي!
وبعدين ماهو كله عادي

نورتني

***********************************
جيداء

مش دايما الصمت عذاب
كتير بيبقي مفيد

هو مل من إيه؟
عادي

منوراني دايما

**********************************
eagles

مش تونس
ولا البطيخة
وهسيبك كدا حيران زيي

الجمعة تمام
أنا هكون ع البورصة يامان
هكلمك

منورني

Hannoda said...

و ما اقسى كلمة
عادي
لما تسيطر على كل ردود أفعالنا

مش حاتكلم عنها كتير رغم انها بحر كبير جدا

اللي حسيته و انا بقرأ
ان فيه ناس غالية جدا
بتشغل حيز كبير جدا في حياتنا و تفكيرنا وذكرياتنا
اللي ليها عندنا ابتسامة رائعة مع كل مرة نفتكرهم و شوق غالي

لكن بجد مكانهم هو الذكريات و بس

لكن لما يظهروا و يرجعوا للحاضر و لو دقايق
مابنتحملهمش

ده رد الفعل اللي حسيته هنا


**يا ما في زماناقلوب رسماها أعمارنا.. زي النجوم حواديت على ضل شباكنا***

يعني مكانهم لازم يكون بعيد
نطل عليهم كل يوم
لكن من غي ما يقربوا

Big Code said...

هو انا شكلي مفهمتش حاجة
بس عادي لو انت فاهم خلاص
ولا بلاش عادي دي
ادخل انام انا كمان

truelove said...

طيب ليه شغل التنفيض ده بس بجد قصة معبرة جدا سلاموت

The Alien said...

hannoda

دا حقيقي
فيه ناس لازم تفضل بعيد عشان نحافظ علي نفس الصورة والحاجات اللي بنحبها

سعيد جدا بتعليقك
منوراني

*************************************
big code

عادي يا مان
أنا كمان مش فاهم حاجة
والنوم ف الحالات دي حل عظيم
تصبح علي خير

************************************
truelove

ولا تنفيض ولا حاجة
لما الواحد بيتعب بيدخل ينام

منوراني

e7na said...

تصدث ان النوم بيبقى القرار الافضل فى مواقف كتير قوى

يمكن يكون هروب
بس هرزوب لذيذ

MONDAHESH said...

الصمت من غير الوحدة مابيبقاش صمت



بالنسبة ليوم الجمعة

مقابلة خاصة ولا مفتوحة؟؟؟

عامة لو مفتوحة انا بخلص شغل الساعة 12 بالليل

اعتقد مش هينفع برده

بس انا عايز اشوفك برده قريب وياريت يكون يوم خميس علشان اجازتي الوحيدة

تحياتي

صدعتك

:))

karkor said...

بجد انا قريت الكلام ده اكتر من 10 مرات ومافهمتش حاجة
مش عارف نقص ذكاء مني ولا عيب فالكاتب
متزعلش مني
حاسس انك عايز تقول حاجات كتير بس مش موضح
او عايز تقلد كاتب كبير اسلوبه اوضح
متزعلش مني
قول اللي عايزه بس ابقى وضح

Amr Ahmed said...

ااااااااااااه
خيانة

مقولتلناش الكلام ده لما كنا مع بعض

ولا انت فاكر بس المكرونة اللي ب112جنيه

ههههههههه

Fantasia said...

missed your short stories.. i remember the first time to visit your blog you had a short story also. this one is much better i have to say. the usual silence and talk that resembles silence.. how brilliantly you described that! when this becomes the norm, then it is no different than sleep. so sleep, at least you can dream of something that is unusual. sweet dreams :)

The Alien said...

e7na

أنا كمان بقول كدا
النوم مفيد ولذيذ

نورتني

**********************************
مندهش

الصمت ف الوحدة حاجة
والصمت وإنت معاك حد حاجة تانية خالص
وصدقني .. الإتنين صمت

معلش ملناش حظ نشوفك
وأكيد هتعوض قريب

نورتني

**********************************
karkor

ياعم مش هزعل
وقول اللي إنت عايز تقوله
إشمعن أنا بقول براحتي
وبعدين مش يمكن أنا مش عايز أوضح؟

نورتني

The Alien said...

amr ahmed

ال 112 تنسي الواحد اسمه

منورني دايما

************************************
fantasia

مرسي كتير علي كلامك
وعلي فكرة .. أنا عمري ما هنسي تعليقك علي القصة القديمة بتاعتي لما زورتيني أول مرة

منوراني دايما

زكريات said...

طبعا انا حاولت افهم وعلى ادى شوية
اصل كل حاجة بقت عادى ومش بتفرق مع حد اصلها كانت لعبة خايبة
والصمت اسوء مافيهاواسواء حاجة فى الوجود
والاستهتار بالمشاعر اسوء منهم
والايام الحلوة بتروح ومبترجعش تانى
وسلامات

The Alien said...

زكريات

أنا مش قايل محدش يقلي عادي؟
وبعدين معاكوا .. علي العموم عادي

هي اﻷيام الحلوة فعلا بتروح ومبترجعش
بس بتيجي أيام غيرها حلوة

نورتيني