Tuesday 1 January 2008

الخلاصة

ولإنه لابد أن يكون واقع متصل بكل ما ينتج من الارتباطات البعبلية التي تنبع من الفكر اللوزعي المخالف لجميع الخلايا الممتدة علي شواطئ الإنفعالات التي تتيح لنا الإنبعاث الكثائي العابر للأحلام القارية
وإذا أكملنا مع الإتجاه من حيث أنه لا يوجد مبدأ للتعبير السائل المرتكز علي اﻷفكار المتجمدة ف الفرن الذي يصر البعض علي أنه لايمكن المساس بالسلطة البيزنسية بدون أن يرن التليفون المتقوقع في حد الإنفلات اللالوني عند السيول المتدفقة
وحيث أن الارتباط الداخلي الموثق مردود للفكر المتحضر اللادوجماطيقي الموجود في داخل العقل الدائم التفكير في دورات الحياة القطرية المكلكعة في ظل وجود الكائنات الصغيرة علي المريخ اللي ملوش أي علاقة بالموضوع ... نصل إلي الخلاصة التالية:
أن الإنسان كائن ولامؤاخذة غبي

20 comments:

MerMaid said...

The Alien

كل سنة وانت طيب ده اولا ..تعليقا علي البوست اللي فات

و بعدين مش تقوللي انك حطيت بوستين جداد؟؟
:))

-------------
بغض النظر عن الكلام اللي كتبته في اول خمس سطور

الخلاصة هي الكلام الوحيد اللي فهمته و قدرت اكون منه جملة مفيدة

يمكن لانها جملة بنحب نسمعها
مع انها غير صحيحة في معظم الاوقات
لكن ربما في استثناءات لبعض الحالات يكون فيها الانسان غبي

:"
:))
دمت بمحبة

على باب الله said...

"أن الإنسان كائن ولامؤاخذة غبي"

كلام سليم جداً

Rushdy Kamel said...

اعتقد ان هذا الاستنتاج ينبع من مثول عدة عوامل متسقة المعالم على مسرح الاحداث في وقت اختفت فيه كل تطبيقات نظريات الاندماج الكمي والكيفي بين العقل والعاطفة.

المهم .. كل سنة وانت طيب :)

Unknown said...

من واقع رصدى لحياه المجتمع المتشرذم و تئوهات الحاضر المستنير و تهافتات الماضى السحيق و من واقع رؤيتى المتشبثه و المتعمده لتخليق واقع اكثر لعلطه و زروطه و من خبراتى السالفه والتالفه احب ان اقول

ان الانسان كائن من المفترض الا يكون غبى و لكن هيهات

تحياتى

micheal said...

بقولك ايه...أنا معندي دماغ للي أنت كاتبه ده
كل سنه و أنت طيب يا عم

:)

The Alien said...

mermaid

وإنتي طيبة ياقمر

الإنسان غبي .. مش كلام وخلاص
خصوصا لو عرفتي إني بتكلم عن البشرية بشكل عام
وأوعدك هشرح أنا ليه شايف إنه غبي ف البوست الجاي
لإنه واضح إنك مفهمتينيش هنا
مع إن الكلام سهل و واضح وصريح ومريح و....
:)

منوراني دايما

**********************************
علي باب الله

كلام سليم جدا
دا رأيي .. وأظن أسبابي كانت واضحة

منورني

*********************************
big code

نحن نتفق علي الخلاصة ولكني أختلف معك ف التفسير يا سيدي
حيث أنني قد وضحت أن الإندماج سواء الكمي أو الكيفي لم يختفي بين العقل والعاطف وإنما الذي حدث أن الإندماج بشكل عام تحول إلي الشكل الفزموليتاريكي الذي يجعل من الصعب حدوث توافق لا ضغائني بين العقل والعاطفة

وإنت طيب
وأتمني كلامي يكون مفهوم

**********************************
whyme

أنا قلت مفيش غير البشمهندس بتاعنا هو اللي هيفهمني
فعلا مفترض ألا يكون غبي .. ولكن أنا هنا أثبت بالدليل القاطع إنه .. هيهات

سيبك إنت الكبير كبير
منورني دايما

***********************************
مايكل

ياعم ولا يهمك
أنا عارف إن الموضوع كبير ومحتاج تركيز
لما تكون رايق وفاضي إرجع إقراه بتركيز وإنت هتلاقي الدنيا أكثر وضوحا :)

كل سنة وإنت طيب
منورني

karakib said...

و يحضرني بيت شعر قديم بعد كل هذه الكلمات و بعد كل سنة و انت طيب
و ها قد تعدعت القنابير
و شرب السنكفور الثري
حيث تمدد الزيزفون عالسرير
و ضربه علي قفاه من ورا

Egypt Rose said...

Hi,
بيشو هو حصل ايه .. اسيبك شوية ارجع الاقيك كدة ولا ايه ؟؟؟

تحياتي اليك وشوقي لرويتك في المدونة
اختك الكبيرة

Amr Ahmed said...

كان كويس والله

ايه اللي حصلك يابني

يابني الانسان زي البني ادم

اما بيموت بيتوفي

وكل سنة وانتم طيبين

MONDAHESH said...

بداية كل سنة وانت طيب

بس اعتقد ان الانسان مش غبي

هو بيستغبي مع شوية من الجهل

بس واضح من الخلاصة اللي انت وصلتلها انك ماقبلتش محامين قبل كده

:)))

تحياتي

§a§a said...

هممممممم

اولا كل سنه وانت طيب

ثانيا

ايه ياعم اللى حصلك


على فكرة الانسان مش غبى ذى ما بتقول

الانسان كائن حى عاقل او ممكن تقول كائن حى له تاريخ

))):

VioLotus said...

actually, I got the same result 1 month ago. *no offence meant for any human friend I have*
btw, I'm an alien, too ^^
from which planet are you?

Anonymous said...

كل سنه وانتم طيبين
وحبيت أعزمكم على حفل افتتاح دار الكتب بتاعت صاحب البوابه , زميلنا البلوجرى الفظيع
ودا هايكون يوم الخميس 10 يناير الساعه 6 مساءا فى مكتبة البلد , 31 شارع محمد محمود بالتحرير
عاوزين تواجد مكثف هناك
مستنيينكواااااااااااا

Anonymous said...

بس ماتقولش غبي

:)
تحياتي ليك ياجميل و كل سنه و انت طيب
مستنيين بوستات جديده يالا بقه مستني ايه؟

MerMaid said...

بيشوي

فين البوست الجديد ؟؟؟
كل شوية اجي ملاقيش حاجة

-------------------------------
:)

The Alien said...

أسف جدا علي التأخير ف الرد
أنا كنت ف أجازة طويلة ولسه راجع
مرسي كتير لكل اللي زاروني

The Alien said...

karakib

كل سنة وإنت طيب
ومرسي علي الكلام الجميل

منورني

**************************************
egypt rose

أحلي وردة ف مصر
أنا عارف إني بعيد بقالي فترة
وإني أرجع ألاقي تعليق منك فدا بجد سبب سعادة لي

منوراني دايما

***************************************
عمر أحمد

ولسه كويس ياواد
كل سنة وإنت طيب

منورني

The Alien said...

mondahesh

وإنت طيب
بس صدقني غبي
وهثبتلك ف بوست قريب هو ليه غبي

وإيه موضوع المحامين دا؟
محتاج توضيح .. بس من غير تحيز

منورني

***********************************
SaSa

وإنت طيب
إحنا متفقين .. هو كائن حي .. عاقل (دا مش دليل ذكاء) .. له تاريخ .. ملوش مستقبل (هو دا لالغباء)
منورني

************************************
violotus

very happy to see an alien here in my blog, at least i am not the only one.
i can tell u about my planet, but this will take some time, or u can read my blog to know about it.

happy with ur visit
and hope to c u here always

The Alien said...

وينكي

وإنت طيبة يا جميل

************************************
أجندا حمرا

هثبتلك إنه غبي .. قريب جدا

كل سنة وإنتي طيبة

*********************************
mermaid

أنا أسف
أصلي كنت ف أجازة
وأنا ف اﻷجازات باخد أجازة
بس خلاص .. اﻷجازة خلصت ورجعتلكوا
وهتزهقوا مني

منوراني دايما

karkor said...

صدقني اكر دليل على صحة خلاصتك اني بعد ما قريت البوست وبصيت مين هايعلق على الكلام ده لقيت عدد التعليقات 19 رغم ان اللي معلق على تهنئة العام الجديد 2
كان عنده حق سعد: مافيش فايدة