Sunday 13 January 2008

محدش فاهم حاجة

محدش فاهم حاجة
وانا شخصيا مش عايز أفهم
عشان قبل كده فهمت
ولما فهمت فكرت
ولما فكرت مفهمتش
أصلها عايزه ناس تحل معادلات
وتفسر خوارزميات
وأنا مفياش دماغ لخد وهات
أتعب ليه وأنا ممكن أرتاح
ماهو قالهالك زمان
نام و إرتاح يأتيك الفلاح

9 comments:

MerMaid said...

بيشوي

اي كان الحاجة اللي بتتكلم عليها
فانت عندك حق

بس لازم برضه توصل لحاجة مقنعة في اللي بتفكر فيه ده
لان مينفعش نمشي كدة عبثا بلا هدي ولا نور
اكيد في حل للمعضلة دي

بس عاوز منك شوية تعب كمان
:)
صدقني
في حل واجابة لكل حاجة

:)
نورتني في المدونة و انا كمان مستمتعة بارائك

:))

أحمد سلامــة said...

وعلى راي المثل القائل
لا ياس مع الحياة ولا حياة لمن تنادي
ايه يا عم الاكتاب والاستلام اللي انت فيه ده
بلاش صدقني مفيش احلى من النزال ووجع الدماغ
هي دي الحياة

Samir Saad said...

من طلب العلا نام الليالي... وشد اللحاف وقال وأنا مالي
آه يا دنيا وضاق فيها حالي... جريت عليكي ومنتيش جاية لي
صداعي نصفي وبطني خالي... ولسة بأضحكلك، ولم تبالي
ياخي ملعون أبوك على أبو أمالي... على أبو من فيك عزيز وغالي

The Alien said...

mermaid

الفكرة ف إنه مينفعش حد يفتكر نفسه فاهم
ولما يصدق إنه فاهم يريح
وكمان مينفعش حد يصدق إنه مش فاهم
وساعتها يريح

أصلها هي كدا
تفكر عشان تفهم
فتفهم إنك مش فاهم
فتفكر تاني عشان تفهم .. وهكذا
واللي بيزهق .. بيريح

.. معضلة ..
منوراني دايما

**************************************
أحمد سلامة

ودا الجميل ف الموضوع .. وجع الدماغ
عشان كدا الواحد بيفكر .. عشان يوجع دماغه

نورتني

*************************************
innocent

مفهمتش قلت أفكر عشان دماغي
لقيت الفهم سهل وبييجي طوالي
ولما فهمت عرفت إني مش فاهم
قلت أنام وأرتاح عشان الضنا غالي

تعليقاتك بتسعدني
منورني

على باب الله said...

محدش فاهم حاجة
وانا شخصيا مش عايز أفهم
عشان قبل كده فهمت
ولما فهمت فكرت
ولما فكرت مفهمتش

---

لازم تفهم

و بعد ما تفهم تفعل

علشان تكون فاعل .. مش مجرد مفعول به

--

Ahmad Hegab said...

هاهاها يا بيشو يا جامد
تحفة اوى يا ريس
اختيارك للكلمات عاجبنى جدا
تحياتى

The Alien said...

علي باب الله

تفتكر اللي بيفهم بيكون فاعل؟

منورني دايما

*************************************
أحمد

كويس إن الكلام عجبك
منورني

على باب الله said...

The Alien


أنا من رأيي الشخصي

أن أكيد الفهم يختلف عن الفعل

لكن الفهم هو الخطوة الأولي و الأساسية للفعل الصحيح

--

The Alien said...

علي باب الله

الفهم هو الخطوة اﻷولي .. موافق
لكن يوم ما تعرف إنك فهمت بتكتشف إنك مش فاهم .. وهو دا الفهم