Monday, 2 February 2009

الفوضي

أخيرا قمت بتحقيق واحد من أهم أحلامي .. الأن أنا أجلس في سيارتي .. ليست مثل المرسيدس عن يميني ولا ال BMW عن يساري ولكني لا أعباء لذلك .. لقد جاهدت كثيرا طوال السنوات الماضية من أجل هذه السيارة .. 5 سنوات قضيتها في توفير ثمن هذه السيارة الصغيرة .. أشعر بالنجاح .. لذلك لن يسرق سعادتي أي شئ.
أنطلق في شوارع القاهرة بلا هدف .. فقط أقود سيارتي بمنتهي الزهو والسعادة.
أنا لا أتابع الكرة .. وبالتالي لا أعرف أن اليوم كان منتخب مصر يلعب المبارة النهائية لبطولة أفريقيا .. وشاءت الأقدار أن أتوجه إلي شارع جامعة الدول العربية لأجد نفسي محاطا بعشرات السيارات ... وأمامي مئات الشباب يتصايحون ويهتفون .. من الواضح أننا فزنا.
أمامي مجموعة كبيرة من الشباب يهتفون ويرقصون .. لا أستطيع التحرك بالسيارة .. حالي كحال من حولي .. لا أتضايف رغم مرور أكثر من 30 دقيقة علي وقوفي .. في النهاية هم شباب سعداء يعبرون عن فرحتهم بفوز مصر. ولكن فجأة يتغير الوضع تماما .. يقترب أحد الشباب من سيارتي ممسكا بعصا غليظة وينهال علي زجاج سيارتي الأمامي .. تجمدت مكاني لا أفهم ما حدث .. بعدها إنطلق عشرات الشباب تجاه باقي السيارات يحطمون ويكسرون .. وكأن تحطيم زجاج سيارتي كان إشارة البدء.
المشهد غريب ولا يمكن وصفه .. في ثواني تحولت كل مظاهر الفرحة والإحتفال إلي مظاهر شغب وإنتقام .. تحول كل شئ إلي مشهد عبثئ فوضوي.
نزلت من سيارتي متجنبا الزجاج المتساقط منها .. لاحظت أن بعض الشباب قاموا بجذب بعض الفتيات والسيدات إلي خارج السيارات وقاموا بالإعتداء عليهن .. فيما إنهمك الباقون في تحطيم السيارات .. كل هذا يحدث ولا وجود للأمن. لا أعرف ماذا أفعل .. هل أحاول منعهم من تحطيم سيارتي ؟ .. هل أساعد هذه الفتاة التي تستغيث؟ .. هل أبحث عن وسيلة لطلب المساعدة ؟ لا أعرف .. أصبحت كالتمثال لا أتحرك .. تجمدت واقفا أمام حلمي المحطم.

10 comments:

^ H@fSS@^ said...

يا ابني
مش عارفة بجد انت بتزعلني على الحاجات اللي بتحصلك و كمان اشارتها انها بتدل على الانحدار اللي كل مدى احنا بنتجه له

بس حصقلك على حاجة انا كمان لما جبت عربية جديدة
كانت مخبوطة من الحمير اللي بسوق وياهم مرتين ف يخلال شهر واحد
خبطة خبطة يعني مش اي كلام

فكويس انها اتخبطت الاول و تبعد العين عنها
هههههههههههههههههههههههههههههه
ولا انها تتخبط بعدين او الحسد يجيي فيك انت
لووووول
معلش يا يا بيشو
و طبعا انت عارف انا بضحك على ايه
المثل بيقول تيجي في الحديد احسن ما تيجي في الناس

وينكى said...

يانهار اسود ومنيل
ايليان.. هو الكلام ده حصل بجد؟؟؟
يعنى بجد بجد البلاوى دى حصلت؟؟
وماحدش عرف عنها حاجه
يانهار ازرق
عليه العوض ومنه العوض
انا مشلوله دلوقتى ومش عارفه افكر
بس اكيد انت حاسس باللى انا حاساه
زى مانا حاسه بالقهر اللى انت حاسه
اااااااااااااااااااااه

Bastawisi said...

مش عارف ليه مش مصدق ان ده حصل

على باب الله said...

: كما قال أبن مكي
" A 7 A "

micheal said...

الكلام ده حصل امتي بس
مكنتش فيه أي ماتشات نهائية قريبا لا فيها أهلي ولا زمالك ولا منتخب
صبح صبح يا عم الحاج
:)
بس انا متخيله ممكن يحصل عادي في أي تجمهر
تحياتي

micheal said...

الكلام ده حصل امتي بس
مكنتش فيه أي ماتشات نهائية قريبا لا فيها أهلي ولا زمالك ولا منتخب
صبح صبح يا عم الحاج
:)
بس انا متخيله ممكن يحصل عادي في أي تجمهر
تحياتي

Wandering Scarab said...

I don't understand. If they were happy, why were they sexually assaulting women and breaking car windows?

الرابطة وبناء الأمة said...

السلام عليكم ورحمة الله وبركاته
نتقدم بدعوي لك أخي ( أختي ) المدون بمناقشة
محاكمة عادلة
مبارك بين التأييد والرفض
ملف يناقش ويحلل ويضع الحلول
رائيك يهمنا جدا
مع خالص تحياتنا الكتيبة السياسية

hartaka said...

نفسي الناس الي من 6 سنين كانوا بيطلعوا في التليفزيون ويقولوا مصر ميزتها عن اي دوله تانية انها امان
ومشعارف ايه
يقرواالبوست دا
بس موضوع البنات الي بيطلعوهم من العربية دة جديد
حد كتب عنه تاني ؟

SaSo said...

كل مانتنيل نفرح كل مالواحد يلاقى نفسه بيسأل "ليه الفرحه مرتبطه عندنا بالهمجيه؟"
موش عارفه دى عاده من ايام الانسان البدائى ولا الغوغائيه سلوك ف الوجدان الجمعى لكل البشر واحنا موش واخدين بالنا ولاايه


ربنا ينكد عليكو وبغمكو طالما فرحتكو فرحه حيوانيه كده