Thursday 21 May 2009

صوتكِ يجلب الشياطين

"إنتي المفروض تسكتي لإن صوت النساء يجلب الشياطين"

أنا مش فاهم إزاي واحدة يتقالها كدا وفعلا تسكت
هل هي مقتنعة إن صوتها فعلا عورة وإنها المفروض متتكلمش أصلا؟
ولا هي خايفة تتكلم وتتبهدل؟
ولا هي مش عايزه ترد علي الأشكال الوسخة دي؟
أنا مش عارف غير إن هي دي دماغ أغلبية الرجالة ف بلدنا
حاجة في منتهي القرف

9 comments:

Anonymous said...

الصراحة رجالة المسلمين عاوزين أفران الغاز بتاعة هتلر

The Alien said...

Bastawisi

والمسيحيين وحياتك
أصل دي ثقافة شعب بيحتقر المرأة
وكل حد بيدور علي أي حاجة يبرر بيها فكره المتخلف

تحياتي

Anonymous said...

أول مرة اعرف منك ان الأقباط بيؤمنوا ان صوت المرأة عورة و بيجلب الشياطين

The Alien said...

Bastawisi

مش بالظبط
يعني مش بيقولوا عورة وشياطين
بس ف الأخر هما مصريين
وأنا بقول إن دي حاليا ثقافة شعب
المرأة لازم تفضل ف قالب مرسوملها ومتطلعش منه
الموضوع مش مسيحيين ومسلمين

تحياتي

Anonymous said...

جميل منك انك تقول لأ اى نعم انت قلت "مش بالظبط" بس انا هاعتبرها لأ
برافو عليك خليك حقاني دايما كده

انا عن نفسي مش بعتبرها ثقافة شعب و انما ثقافة مسلمين

سمراء said...

اتفق معك في انها ثقافة الرجال المصريين
وقد كتبت موضوع اللي ناقص
ودة حصل في الكنيسة ان الكاهن قال اللي ناقص الستات كمان هتقول وصوتها يعلي
اهو دة اللي ناقص

ونسينا انها معين نظيره
سمراء

^ H@fSS@^ said...

الحمدلله الزي هدانا الى نعمة الاسلام و ما كنا لنتهدي الا به

اما بعد فانا الحمدلله صوتي عالي سواء اقصد او مقصدش و لسه متخلقش اللي يقلي وطي صوتك
او تقدر تقول اتخلق بس فشل في انه يوطي لي صوتي
:D
ازيك انت؟؟

وينكى said...

اعتقد انها رفضت ترد عليه عشان ماتلاقيش نفسها بترجع فى وشه كل اللى فى معدتها
بلا قرف
هاتلاقى فى كل مكان زمان الراجل المعفن اللى يقولك
ماتقعدوا فى بيوتكو
انتو ليكو الخلفة وتربية العيال وبس
والله العظيم باسمع الكلام ده بودنى واكتر كمان وماببقاش عارفه ارد اقول ايه
لأنى هابقى بانطح فى صخر
عاوز رأيي
رجالة الوطن العربي كلهم عاوزين تربيط صواميل
واحشنى يامان.. فينك

على باب الله said...

"وماببقاش عارفه ارد اقول ايه
لأنى هابقى بانطح فى صخر"

على رأي وينكي

هي غالباً كده

الحديث العقلاني مع بتوع صوتك يجلب الشيطان دول ما بيجيبش غير الصداع و وجع الدماغ .. ليك أنت بس طبعاً هما دماغهم مستبدليتها بفردة جزمة