Thursday 7 May 2009

NSGB .. مصلحة حكومية مصرية متنكرة ف شكل بنك

وأنا ف البنك دا بحس إني ف السجل المدني أو الشهر العقاري .. كإني ف مصلحة حكومية ورايح أخلص مصلحة. يعني مثلا أروح البنك عشان أعمل حاجة معينة .. وأنا داخل يقولولي روح عند مدام أمينة تاني مكتب علي الشمال .. أروح لمدام أمينة تقولي الموضوع دا مع أستاذ حسين ف أول مكتب علي اليمين .. أروح للأستاذ حسن ملاقيهوش .. يقولولي إستناه زمانه جاي .. لما ييجي الأستاذ حسين يقولي مصلحتك عندي بس محتاجين نطبع ورقة معينة من عند الأنسة إنجي .. أورح لإنجي أقلها تطبع الورق .. تطبع الورقة وتقلي روح هاتها من البرنتر برة .. أجيب الورق وأرجع للأستاذ حسين .. ياخد الورق ويكتبلي طلب علي ورقة بيضة .. أمضي عليها ويقولي فوت علينا بعد أسبوع.

حتي البنوك الأجنبية لما بتيجي مصر بتتحول .. يعني ميتهيأليش البنك دا شغال كدا ف فرنسا. HSBC هو أفضل بنك ف مصر.. علي الأقل وأنا هناك بحس إني ف بنك وإن أنا العميل وإنهم بيحاولوا يقدمولي خدمة .. مش أنا اللي بترجاهم يخلصولي مصلحة.

6 comments:

Anonymous said...

ياحبيبي مادام اللى شغالين فيه مصريين يبقى هاتلاقى الخدمة درجة خامسة لان المصريين شعب درجة خامسة

سمراء said...

عدوي

سمراء

على باب الله said...

بصراحة لا جربت البنك ده ولا ده

بس شفت الحركة القرعة اللي عملها البنك الأهلي .. علشان يلم فلوس تحديث ماكينات الصرف الآلية .. قام حاطط رسوم على عمليات سحب الفلوس اللي بتتم يدوياً بداخل البنك

انت تسال والكمبيوتر يجيب said...

الأخ العزيز
سعدنا فعلا بمرورنا واعجبنا عقلك النشط ونحن كنا نفكر فى موضوع غلبة الطابع الحكومى المميت على مرافق القطاع الخاص فى مصر ولذلك سعدنا بتدوينتك التى سنجعلها مدخلا لمناقشتنا فى برنامجنا الأذاعى ومدونتنا
ونوجه لك هذه الدعوه لتكون فارس الجلقه التى ستتناول هذا الموضوع
ونرجوا ان نراك فى المدونه مشاركا معنا بالراى
دعوه
/الأخ العزيز
تحيه طيبه
برنامجنا الأذاعى عن النت والمدونات من الأذاعه الرئيسيه لمصر اى اذاعة البرنامج العام يذاع يوميا التاسعه وعشر دقائق صباحا عدا الجمعه
ندعوك لزيارة مدونتنا والتعليق على ما نطرحه من موضوعات وهذه التعليقات تذاع باسماء اصحابها فى حلقات برنامجنا

وبموقعنا رابط بالضغط عليه والأتنتظار قليلا وقت أذاعة البرنامج يمكنك الأستماع الينا
المدونه
http://netonradio.blogspot.com
الموقع
http://stop.to/cairo

Sarouk7 said...

NO I am Completely Not Agree with You
I always go There and have a Good treatment
an I Remember last time I Were There Last Wednesday I was finish some Paper and I told the Clark there Shall I Get you the Print out of the Printer coz I were so busy
He said NOOOOOOO and he went and get it him Self

it's Maybe About the Branch you go Not the Whole bank Stuff

anyway it's Still my point of View
and I respect yours of course

tallonquartararo said...

Borgata Hotel Casino & Spa - JetBlue Vacations
Find out 포항 출장샵 what makes Borgata 경상북도 출장마사지 Hotel Casino & Spa a great option when you stay at 세종특별자치 출장샵 Borgata Hotel Casino 여수 출장샵 & Spa in 당진 출장마사지 Atlantic City.