Saturday 19 September 2009

الإجهار بالصيام

أنا راجل مش بصوم لا رمضان ولا غيره
والمشكلة إن الصايمين ف أغلب الأوقات بيضايقوني
طول الوقت بيحاولوا يحسسوني إني بعمل حاجة غلط وإني قليل زوق
مع إني شايف الموضوع بالعكس
أنا بعمل حاجة عادية جدا .. باكل وبشرب
هما اللي مقررين لا ياكلوا ولا يشربوا .. وكمان طول الوقت بيبينوا دا
أنا مال أهلي !!!
الموضوع بدأ يزيد جدا ... ولإني انسان حساس
فأنا أطالب كل اللي بيصوموا بعدم الإجهار بالصيام علنا
وذلك مراعاة لمشاعر المفطرين من أمثالي
وكل سنة وإنتوا طيبين

4 comments:

بنت القمر said...

:)
حلوة

بتنفس حريه said...

:D you clearly have a point hehehehe

أخوك فى الله said...

إنت بتتكلم جد
الصيام ده فرض على المسلمين أخى فى الله
مش احنا اللى فرضناه على نفسنا
ده ربنا سبحانه وتعالى هو اللى فرضه علينا
ولازم ننفذ الفرض لأن ربنا هو اللى خلقنا وهو اللى يأمرنا وينهانا

إذا كان أبويا وأمى اللى كانوا سبب فى انجابى ليهم الحق عليا فى طاعتهم

يبقى الأدعى أن أمتثل لأوامر الله عز وجل وأبتعد عما نها

والنتيجة فى الآخر بإذن الله هتكون الجنة مع حبيبك المصطفى صلى الله عليه وسلم

مش نفسك تجاوره فى الجنة

أدعو لى ولك ولسائر المسلمين بالمغفرة والثبات على الحق

إيمان said...

إذا كنت تنادى المسلمين المؤمنين بالله وفرائضه و حدوده عن إعلانهم الإيمان به والإمتثال لأوامره - سبحانه - وتدعوهم دعوة خفية من نص كلامك لمعصية الله وفوق ذلك الجهر بمعصيته !!!!!!!

فأنا أناديك أن تحتفظ بذنوبك لنفسك
ولأن صيامك أو عدمه لن يفيدنا بشئ بل ويقزز مسامعنا كفرك بأوامر الله
.
.
.
.
فأناأدعوك بالمثل ألا تجاهر بها أيضا