إختلاف
مش بيعرفوا يختلفوا
ميعرفوش إزاي يتعاملوا مع رأي أخر
مجرد ظهور رأي مخالف يعتبر جريمة
وصاحب الرأي المخالف لابد من عقابه
حتي لو الموضوع وصل للقتل
بيتعاملوا بمبدأ الصح المطلق والغلط المطلق
وأكيد رأيهم هو الصح وأي رأي مخالف هو أكيد غلط
ميعرفوش إزاي يتعاملوا مع رأي أخر
مجرد ظهور رأي مخالف يعتبر جريمة
وصاحب الرأي المخالف لابد من عقابه
حتي لو الموضوع وصل للقتل
بيتعاملوا بمبدأ الصح المطلق والغلط المطلق
وأكيد رأيهم هو الصح وأي رأي مخالف هو أكيد غلط
26 comments:
فكرة كويسة..مش بيعرفوا يختلفوا..ما يعرفوش ازاي يتعاملوا مع الرأي الاخر..الحكاية دي بتحصلي ساعات..ابقى كدابة لو قلت لك ما حصلتش قبل كده..و ساعات كمان بتعامل بمبدأ الصح المطلق و الغلط المطلق..مع إني عارفه إن الفكرة دي غلط مطلق
:)
باحاول احط في دماغي إني ممكن اكون غلطانة و اللي قدامي ده ممكن يكون صح..مهما كان رأيه غريب..طبعا حاجة صعبة إنك مجرد تفكر إنك غلط و الاخر(التاني)هو اللي صح
في مدرسة قالت لي قبل كده رأي..هو كويس برضه..ما فيش حاجة أسمها رأي غلط و رأي صح..في رأي مؤيد بأدلة مقنعة..و رأي مؤيد بأدلة ضعيفة..مع الوقت ممكن تتغير الموازين
هو الجزء اللي صعب فعلا في الموضوع..لما توصل للقتل
شكرا على الموضوع المختلف
في انتظار المزيد
:)
والكارثة ان الناس دي بقت في كل مكان و تلاقيهم واقفينلك علي كل حركة طالما اختلفت معاهم . عانيت و لازلت اعاني بس موصلتش للقتل , عموما المشكلة اساسا في الفكر اللي الناس طلعت بيه و ملقتش حد يوجهها وان شاء الله في الاجازة انا هفكر في موضوع جمعية التنمية البشرية دي بجد و بخطوات مدروسة عشان الناس محتاجة اللي يفهمها الصح من الغلط
موضوعك مهم و كلماتك البسيطة عبرت
حلو أوي
تحياتي
للاسف لا أحد منا يتقبل الراي الاخر هذه ثقافه طبعنا عليها وتجذرت في نفوسنا
أدعو لهم بالهداية والصلاح
masria
مفيش صح مطلق وغلط مطلق
كل حاجة نسبية
أكتر حاجة إنتي شايفاها صح
بالنسبة لحد تاني أكيد غلط
والعكس بيحصل
نورتيني
*****************************
dyin soul
كلنا بنعني من المشكلة دي
وبنواجها كل يوم و فكل مكان
أتمني تهتمي بفكرتك
وأتمني أقدر أساعد
منوراني دايما
********************************
wahed
إحنا فعلا معندناش ثقافة تقبل اﻷخر
ودي كارثة ومشكلة بجد
بس لازم الوضع دا يتغير لو عايزين نطلع لقدام
مبسوط بزيارتك وأتمني تتكرر
********************************
abdou basha
الدعوة لوحدها مش كفاية
الموضوع محتاج وعي ونشر للثقافة السليمة
لازم نخلص من تعنت الرأي الموجود ف مجتمعنا
شرفتني وأتمني أشوفك دايما
الموضوع ده موجود منذ بداية الخليقة ولن يتوقف عندنا .. الشاطر هو اللى يقرأ كويس ويدعم افكاره بالثقافة والعلم .. المشكلة في مصر اننا لسة بنختلف في البديهيات و بنختلف في اشياء انتهى عصرها .. الصورة فيها نقطة بيضة هي انت و اصحابك و الناس المثقفة اللى بتفهم في مصر .. حبيت مصر النهاردة
ده نتيجة عدم وجود ثقافة الحوار وطبعا ثقافة قبول الاخر
يعني هو عارف ان رأيك غلط من قبل ما يسمعه
لازم ننمي ثقافة الحوار وتبادل الأراء
بس مش عارف ده ممكن يحصل ازاي
موضوع جامد كالعادة
لك تحياتي
كنا زمان فى العربى بناخد جملة مشهورة قوى:
إختلاف الرأى لا يفسد للود قضية
لا يا معلم
دلوقتى لو اتنين بيتنقشوا
يقوموا يسيبوا الموضوع الأساسى
و يمسكوا فى خناق بعض عشان مختلفين فى الرأى
الله يرحم ايام النقاشات الهادية الرزينة
اللى تقنعك من غير إنفعال ولا صوت عالى
راح كل ده
و فضلتلنا حكمة خدوهم بالصوت قبل ما يغلبوكم
كلامك مقتضب و عام
بس من السهل قوى انى اصف بيه اى مناقشة بتحصل فى اى حتة دلوقتى
egypt rose
مين قال إنه موجود من بداية الخليقة
إحنا مكناش كدا
مكنش فيه التعنت اللي موجود دلوقتي
مكنش فيه فكر متخلف بيفرض نفسه
ويلغي اي تفكير ويقتل أي فكر مختلف
النقطة البيضة دي صغيرة
وبتصغر يوم بعد يوم
واللي جواها مخنوقين ومتبهدلين وتعبانين
نورتيني
*********************************
big code
الفكر الموجود دلوقتي قاصد يلغي الثقافة اللي إنت بتتكلم عنها ... قاصد يدمر أي فكر مختلف
واللي بيدافع عن رأيه ومش بيتراجع
بيتقتل
واحشني ياواد وعايز أشوفك
بكرة فيه حفلة حلوة ... تعالي
نورتني
**********************************
nadine
إنتي جبتي م اﻷخر
خدوهم بالصوت قبل ما يغلبوكوا
ودي طريقة اللي كلامه ضعيف
وميقدرش يتكلم ويتحاور
نورتيني
فعلا انا بقيت اقابل الناس دى كتير اوى لدرجة انك لما بتعرض فكرة فى ناس بتاخد عليها فوووت علشان تثبتلك انك غلط
ارحمنى يا رب
أزيك يا بوشبوش
اولاً ازيك يا بيشو
انا شايفةان دلوقتى فى ناس بتعترض لأجل الاعتراض مش بيسمعوا اساساًلوجهة نظرك فى اى موضوع بس صدقنى لما بتوصلهم بتشغلهم وبيفكروا فيها منهم اللى بيقتنع بيها وبتلاقية فى اوقات بينفذها من غير ما ياخد بالة صدقنى انا قبلت من دول كتير
بس بردة فى غيرهم وممكن نصنفهم
1- ناس مبتسمعش غير نفسهاوبترفض اى فكر مختلف معاها
2- ناس بتعترض لاجل الاعتراض لكن لو سمعتك بتقتنع بس بردة مبتتخلاش عن الاعتراض وبعدين بتعمل بوجهة نظرك
3- ناس بتسمع لأى رأى مخالف وبتحترمة
مثال انت والناس اللى بتكتبلك والناس اللى بتحترم بعضها بجد
دول موجودين ودول موجودين دور وهاتلاقى ومش اقلية زى ما قلت
متتأخرش علينا فى البوست اللى جاى
تحياتى ليك
اولاً بشكرك جداص على جدول المواعيد الى عامله عندك علشان بجد انا كان نفسى احضر حاجه انصير شمه
ثانياً الاختلاف اجمل لغه انسانيه لم نتعلمها بعد
تحياتى
ahmed
هو دا الموجود يامعلم
وكلنا بنقابل الفكر المتخلف دا
واحشني ياواد وعايز أشوفك
نورتني
**************************************
فرحة
أولا أنا كويس
وأتمني تكوني إنتي كمان كويسة
حلو تصنيفك
بس المشكلة فين اﻷغلبية
وتقولي إيه ف الناس اللي نشرت ثقافة الرأي المطلق
لدرجة خلت الناس كلها ماشية عليها
بتنوريني دايما
***********************************
whyme
أي خدمة وأتمني أشوفك ف الحفلات
معاك حق
الإختلاف جميل
وبجد نفسي نتعلم نختلف
نورتني
كويس
انا كنت جاية اقولك على حفلة الأورمان لقيتك عارف
مش مشكلة
المهم تكون هتيجى انشاءالله
يلا اشوفك هناك بقى
سلام
كلامك شكله كده علي نموذج فتح و حماس
تحياتي لك
ميرسي يا مان
انا فعلا كان نفسي احضر بس منه لله الشغل ياللا أبقى احكيلك بعدين
على فكرة عجبتني جدا الكالندر دي وياريت تخليها علطول
لك تحياتي
nadine
أنا هروح
أشوفك هناك
*******************************
مايكل
لا ياعم يابتاع السياسة
كلامي مش علي فتح وحماس
بس دا مش معناه إن الكلام مينطبقش عليهم
أنا بتكلم عن الواقع اللي إحنا عايشينه ف مصر
ثقافة التخلف بعيد عنك
اللي من أهم مظاهرها عدم تقبل فكر أخر
نورتني
**************************************
big code
كنت أتمني أشوفك
نعوضها قريب يامعلم
أي خدمة
نورتني
أول ما قريت البوست خطر فى بالى إسم جماعة اسلامية معينة ومحظورة
دة أول اسم خطر فى بالى
وماتسألنيش ليه
انت تحمل على عاتقك الكثير
اتمنى الا تتوقف
استمر
تحياتى
من كترهم بقيت مش عارف انتي تقصدي مين فيهم
اصل اللي مكتوب دة بينطبق على نصف سكان مصر
موضوع جامد
تحياتي
اكيد
انت ازاى عاوز تخالف الرأى
وكمان ليه مبتقولش عالحفلات اللى بتروحها
يعنى اعرف بالصدفة عندى ياسمين فى الكومنتس عن حفلة الاورمان؟؟
اخسسسسسسسسسسسسس
مش بيعرفوا يختلفوا ..دا مش هم وبس..دى بقت سمة فى معظم افراد الشعب..
هم مين؟؟
ياسمين
جماعة إسلامية وجماعة مسيحية
صدقيني مش فارقة
دي بقت ثقافة عند كل الناس
تشوفيها ف أصعب حاجات
وتشوفيها ف أبسط حاجات
ف الدين و السياسة والكورة
إحنا منعرفش نقبل فكر وراي مختلف
نورتيني
***********************************
a.samir
أنا معاك
بص هما مش نص سكان مصر
مبسوط بزيارتك وأتمني تتكرر
السفاح
ياعم أنا حاطط إعلان عن الحفلة
وقايل كل التفاصيل بقالي إسبوع
يعني مالكش حجة
وبعدين ياسيدي المرة الجاية هجيلك وأبلغك
وأتمني أشوفك قريب
نورتني
************************************
barbie girl
بقت ثقافة رأي واحد
وللأسف منتشرة
مبسوط بزيارتك
نورتيني
************************************
anonymous
هما مين؟
كتير ... بص حواليك وإنت تلاقيهم
معاناة مع الناس اللي بتفكر كدة...و كارثة لو ماسكين قيادة...أو منصب..
النقاش معهم أو محاولة النقاش لمدة دقيقتين ...ممكن تجيب ضغط مزمن
و ممكن تعدي لو في أمور عادية...لكن بتقبي في الدين لا تطاق.....
تحياتي
sabsoob
الدين دا الكارثة الكبيرة اللي الكلام فيها ممنوع
واساسا مرفوض إبدأ أي رأي أو فكر مختلف
حتي لو لم يتعارض مع الدين
نورتيني
وأتمني أشوفك دايما
Post a Comment