القمر
القمر حلو اوي النهارده
بقالي كتير مبصتلوش كدا
سما صافيه وهو منورها
دايما يسألوني بتشوف إيه لما تبصله
وأنا بجاوب نفس الإجابة
عشان دايما بشوف نفس الحاجة
ولد و بنت
الولد لابس برنيطه
والبنت لابسه فستان
وماسكين مابنهم سلة
ودايما بيبقوا مبسوطين
بقالي كتير مبصتلوش كدا
سما صافيه وهو منورها
دايما يسألوني بتشوف إيه لما تبصله
وأنا بجاوب نفس الإجابة
عشان دايما بشوف نفس الحاجة
ولد و بنت
الولد لابس برنيطه
والبنت لابسه فستان
وماسكين مابنهم سلة
ودايما بيبقوا مبسوطين
14 comments:
مع ان غيرك بيشوف حاجات تانية انت عارفها. لكن الواضح ان القمر زي احلام اليقظة. فعلى القمر نرسم لحظات سعيدة وفي احلام اليقظة نحيا لحظات سعيدة. لكن تبقى جميعها لحظات تخبو سريعا لنعود حيث انتهينا إلى ذلك الكابوس المفزع الذي نهرب منه.
حلو أوي بتشوفه ولد لابس برنيطه و البنت لابسه فستان .. و دايما بيبقوا مبسوطين
أنا بقى ساعات باشوفه وش مبتسم .. أو صورة لمارجرجس بالحصان .. و ساعات باشوفه مجرد سطح فضي يعكس ضوء الشمس .. و فيه حفر سوده
ما اعرفش ليه؟
:)
بس بيتهيألي زي السحاب كده .. باشوف فيه اللي أنا عايزه اشوفه
تصدق مبصتش عليه من زماااااااااااااان
أو يمكن بقا مألوف
أروح أبص عليه وأشوف هشوف إيه دلوقتى
allah ya Besho...
basatane...
we yarab dayman el2amr yad7aklak besora 7elowa!
سمير
كله بيهرب من الكابوس
والقمر وسيلة جميلة للهروب
القمر مكان اﻷحلام
نورتني
*********************************
masria
بالضبط كدا
كل حد بيشوف علي القمر اللي هو عايزه
وتلاقي القمر دايما بيعكس مع نور الشمس إحساس اللي بيبصله
نورتيني
***********************************
حسام شادي
مبسوط بزيارتك
ومستنيك تقلي بتشوف إيه
**********************************
بسام
أنا إكتشفت إنه بيضحك للي بيبصله ويضحك
مقلتليش بتشوف إيه؟
انا بشوف نفسي فيه .. بعيد كل الناس بتبص عليه عاجبهم بس سيبينو لوحده
لقد اختفي الفستان من دولابي ويمكن هو ده سبب حزني الدائم .. هروح اشتري فستان وادور على رجل ببرنيطة
ساعات بشوف القمر وباحس زيك كدة بالظبط
وساعات تانية احس انه مجرد شوية حجارة واحنا اللي مكبرين الموضوع
وساعات كتير مش باشوفه اصلا
بس سيبك انت احلى حاجة الكلاسيكية اللي انت بتشوفها فيه دي ولد لابس برنيطة وبنت لابسة فستان
كويس من زمان مشفتش منك بوستات من النوع دة
تحياتي يا مان
ايه يا عم الروقان ده كله..ربنا يزيدك
تحياتي لك
TheAlien هاي
موضوعك رومنسي وحلو
هم بيقولوا انهم اكتشفوا ان القمر صحاري وحجارة - بس مش صحيح واوعا تسدق لان القمر جميل وحلو شكلو وسط الضلمة اللي كل العشاء بيستنوا الليل لما ييجي علشان يتغزلوا بالقمر وينسوا البنت القاعدة وفاكرة انو حبيبها بيتغزل فيها
بس لا هوا هيمتلك الشجاعة ويقول ليه الكلام الحلو
ههههههه
روز
يا جميل انت
و مال القمر ماله ماجنياش على باله
واحشنى جدا يا بيشوووووووووووووو
egypt rose
كل واحد مننا بيشوف اللي هو عايزه
دي كمان بتفرق من يوم ليوم
بس أنا بجد دايما بشوف نفس الصورة
يمكن عشان أنا اللي عايز كدا
عايز القمر دايما يفضل جميل ف عنيا
دوري علي فستانك
أنا كمان بدور علي برنيطتي
نورتيني
***********************************
big code
بتشوفه زي ما إنت عايز تشوفه
ولو إنت عايز تشوفه حجارة هتلاقيه حجارة
ولو عايز تشوفه جميل هتلاقيه جميل
بس إنت بصله وقله
نورتني
مايكل
مرسي لزيارتك
وعقبالك لما تروق إنت كمان
********************************
rose
ماشي هو حجارة بس أنا مليش دعوة
المهم أنا بشوف إيه
قمر جميل منور الليل
بكلمه دايما يسمع ويرد
مبسوط جدا بزيارتك
وأتمني أشوفك دايما
نورتيني
**********************************
أحمد
وإنت كمان واحشني
وأتمني أشوفك قريب
fe3lan momken teshofouf kol dah,bs momken teshouf 7agat a7la we aktar la2no fe3lan momken yekon shabih beh a7lam 2l yakaza,bs begad 2l amar dah momken neshouf 7agat a7na nefsena fiha,3an nafsy,bashouf fi el amar weshosh nas ana a3rafa we 3ala tol bashabiha bel amar,we baftekir nas 3'alyin 3alaya awyy:)
اولا احب اقولك انك تبقى اخو اعز اصدقائى و شوف الدنيا صغيرة ازاى بان بيتر يكلمنى عنك و عن كتاباتك و اكتشف انك تبقى اخوه و هو كمان ميعرفش انى من المدونين لكن دى فعلا حاجة ظريفة جدا.
المهم بقى يا سيدى بمناسبة القمر انا بحس انه بيعكس شعور فى داخلى يعنى مثلا لو كنت مضيقة من حاجة بحس انى شايفة فية طفل بيبكى و احيانا باشوف فية ولد و بنت و احيانا كتير باشوف فية فارس و الصورة دى بشوفها لما بحس ان جوايا بركان او طاقة كبيرة و بحس انى نفسى افرغها.
best regards,
Post a Comment