Sunday 22 July 2007

هو دا الحل؟

هو دا الحل ... إختلاف يعني موت ... منتهي البساطة ... حل عبقري وسهل وبينجز كل حاجة ويجيب م اﻷخر ... من غير تعب ومن غير وجع دماغ

سيناريوا لطيف وبيمشي كالتالي:
يطلع رأي مختلف ... كلام من اللي معندهمش ليه رد ... كلام لو الناس سمعوه وفكروا فيه ناس تانية هتخسر كتير ... والخسرانين هما اللي معاهم الميكرفون ... هما أصحاب الصوت العالي ... يقوم كل واحد يمسك الميكرفون بتاعه ويجيب أخر طبقة ف صوته ويقول ... دم حلال

تطلع المظاهرات وتطالب برأس الخاين العميل ... والناس غلابة مش فاهمين ... ييجي صاحبنا الغلبان ... لا ليه ف الطور ولا ف الطحين بس سمع الكلام ... يقول أنا أولي بالثواب ... وأهي نواية تسند الزير ... ينفذ من غير مناقشة المطلوب ... ويموت صوت ورأي جديد زي ماغيره ماتوا كتير.

بذمتكوا مبسوطين باللي بيحصل؟

27 comments:

micheal said...

للاسف كل واحد بيحب يفرض رأيه و معتقداته علي التاني و بيحاول يستخدم اي سلطه في قهر من هم أقل منه أي كان حجم السلطه دي و كله في النهايه بيصب في خانه عدم تقبل الرأي الاخر
تحياتي لك

catroz said...

مبسوطين..!!
هننبسط بايه بس
كل يوم الحاله اسوا من اللى قبليه
و الله بنحمد ربنا اننا عايشين و خلاص
مش مشكله الظروف اللى احنا فيها
ما دمنا قادرين نتنفس
و اللى مش فاهمين حاجه و الغلابه رايحين فى الرجلين
فكرتنى بتعديل الدستور
هنقول ايه يعنى
ربنا يرحمنا برحمته
.....:)

mariam said...

شعار اختلاف الرأى لا يفسد للود قضيه
مش نافع معانا
احنا شعارنا اختلاف الرأى يدمر القضيه

المشكله فى القمع و كل واحد شايف انه مش ممكن يغلط
يعنى التانى هو اللى غلط
و من ليس معى فهو ضدى

أحمد المصري said...

مبسوطين من ايه بس ده سؤال برضه؟
يمكن من كتر الشعور بالقهر كل واحد بيفش غله بإنه يفتكر رأيه غير قابل للرفض أو التعديل وبيعمل خناقة ظريفة عشان نفسه تستريح ده بالنسبة للعامة أما بقى أصحاب الطبقات العليا والترددات الكبيرة في الأصوات فدول امتهنوا الحكاية بقت شغلتهم يعني وربنا يهدي0!!

Samir Saad said...

ده نفس رأيي اللي كتبته في بوست قشة في مهب الريح.

انا تعبت من الناس اللي ناسيين وجود الأخر. الأخر اللي من حقه علينا القبول كما هو. الناس اللي بتتعامل مع الأخر بخلفية لزوم اقناعه. الناس اللي ماعندهاش مبدأ الوقوف على ارض محايدة أو مشتركة. مافيش حلول وسط. الناس اللي باسم المحبة والرحمة بيكرهوا وبيقتلوا.

من يحترم إله باسمه ترتكب الفظائع؟ اما انه لايستحق الاحترام وأما هو بريء منهم. وارجح الثانية.

reri said...

قبول الإختلاف
قبول الآخر
مفاهيم لاتطبق في زمننا هذا
مجرد شعارات
لكن ما يطبق هو العكس
بس مش معني كلامي ده إن الحريه في التعدي علي حرية الآخريين وأقول أنا بعبر عن رأيي
للحريه أيضا حدود
نختلف مع الآخر
ولكن لا نصتدم به تحت مسمي الحريه

Unknown said...

التغيب بقه شعار البلد

احنا بقينا عايشين وسط ناس مش عايشين و قال ايه بنحاول نعيش طب ازاى

تحياتى يا صاحبى

أنا حر said...

كالعاده المتحكمين في العقول هم أسوأ ناس بيضحوا بناس تانية كتير علشان يحققوا ولو جزء من اهدافهم الغريبة على حساب الغلبانين
تحياتي ليك

The Alien said...

مايكل

يعني هي ف اﻷخر مصالح
وحفاظ علي السلطة
نورتني

********************************
cartoz

إنت مش مبسوط وأنا مش مبسوط
دا طبيعي
لكن الغريب إن فيه ناس مبسوطين

نورتني

*******************************
مريم

حلوة دي
بس هزودلها حاجة
إختلاف الرأي يدمر القضية ويحلل الدم
دا بسبب الصح المطلق والغلط المطلق

نورتيني

*********************************
أحمد المصري

بقت شغلتهم
يعني أكل عشهم
وبيدافعوا عنه كويس جدا
لدرجة إنهم بيقتلوا المختلف

نورتني

The Alien said...

samir

إنت كتبته وأنا بكتبه
عشان لازم نكتب ونقول
يمكن حد يشغل دماغه ويسأل نفسه عن اللي بيحصل

اﻷخر كلمة مش موجودة ف القاموس
أخر يعني مختلف
والمختلف عندنا بيموت

إله ترتكب باسمه الجرائم
وكله مصالح
بتبسط بتعليقك
نورتني

*********************************
reri

اﻷخر وقبول رأي مختلف
لا تطبق ودلوقتي بقت مش موجودة

الحرية سقفها الوحيد هو حرية اﻷخر
وتعبيري عن رأيي مش بيمس حرية حد
لإنه ببساطة مش لازم كل الناس يبقي ليهم نفس القناعات والمعتقدات عشان كدا فيه إختلاف
التصادم بييجي عشان إحنا مش بنقبل حتي نسمع رأي مختلف أو حتي نتناقش معاه
اللي بيحصل إننا بنعتبره هجوم ولابد من الدفاع وبقوة
لدرجة إن الموضوع بيوصل للقتل
وهو دا اللي أنا بتكلم عنه

نورتيني ياجميل

The Alien said...

whyme

تغييب
وأي محاولة من أي حد عشان يصحي ويفوق الناس
بتقابل بأشد الهجوم اللي بيعتبروه دفاع

مبسوط بزيارتك ياكبير

*************************************
أنا حر

أهداف ومصالح وسياسة
ومحدش بيهمه حاجة
لاغلبانين ولا مساكين بيفرقوا معاهم

نورتني

Anonymous said...

anta betetkalam 3an meen ya Besho?
feih 7aga 7asalet wana ma3rafhash?
2asdee...meen dah elle kafaroh we a7alo damoh?

ma3a2en 7akayet enohom ya7elo dam wa7ed deih..7aga ta7'awef shoaya.. lakan ta3raf ya besho..dah sharf kabeer walahe....

kafaya elwa7ed yaba2a asmoh ma3a nas zay 'Nagiub Mahfoz' we 'Farag Foda'

http://www.paulocoelho.com.br/ozahir/livro/index.html

human said...

للاسف ما اشد صعوبة الطريق
عندما يصبح هدف الانسان اصلاح المجتمع من سيطرة افكار ظلامية يعتبروها كل حياتهم فلابد من ان يستعد لعدو اخر غير صناع الظلام انفسهم وهو
الاحباط

§a§a said...

هممممممممم

Rushdy Kamel said...

وده مش جديد علينا
ومش مبسوطين خالص !! وده برضه مش جديد علينا
نحمد ربنا ان اختلافنا ده مابيتسمعش عنه وانه احنا بنتكلم ونعلي صوتنا جوانا بس وإلا كان زماننا مثال واضح على كلامك
يا بيشو احنا لسة قدامنا كتير
علشان البلد تتغير
ياريت كل حاجة تحصل زي ماحنا عاوزين

تحياتي

مشروع انسان said...

يدعوكم موقع مدون خانه (تحت الانشاء)الى الاجتماع من اجل الاتفاق على الخطوات النهائيه لنشاء مجمع المدونين (مدون خانه)وذلك يوم السبت القادم الموافق 28 / 7 / 2007 وذلك الساعه 6 مساء يوم السبت فى مركز العربى للدرسات العنوان 23 شارع باهر زغلول من شارع المنيل

husam shady said...

دا العادى زى ما إنتا قلتها ببساطه
بس إمتى هنتخلص من نمط التفكير ده مش عارف ويمكن مش واثق
بس هنفضل نقول ولو كانت النهايه زى نهاية ناس سبقونا
تحياتى

The Alien said...

بسام

بتكلم عن ناس كتير
وكل يوم بيطلع واحد جديد بفكر جديد
وبيحصل نفس السيناريو اللي بينتهي بالقتل
وأخر واحد كان سليمان رشدي ف أنجلترا
دا محللين دمه من 1988 بس الموضوع سخن تاني اليومين اللي فاتوا لما ملكة إنجلترا إديته لقب سير
قاموا جددوا الفتوة

شكرا علي الكتاب
نورتني

**********************************
human

معاك حق
كل حاجة حوالينا تجيب إحباط
وأنا تقريبا فاقد اﻷمل إن الحال ممكن يتعدل

نورتني ومبسوط بزيارتك

***********************************
sasa

همممممممممممممم إيه؟

The Alien said...

big code

هو من حيث مش جديد
فهو مش جديد خالص
لكن فيه ناس مبسوطة وبتطلع ف مظاهرات تطالب بالقتل
ولو عليت صوتك يبقي الدور عليك

***********************************
امام الجيل

هدخل أشوف الموضوع عندك

************************************
حسام شادي

المشكلة إنه بقي العادي
لدرجة إن الناس بتمشي وراه من غير ما تفكر
ماهو بيحصل كتير

نورتني جدا

h said...

جاء وقال انا ديموقراطي
واللي عندو راي تاني هشوف شغلي معاه

روز

§a§a said...

همممممممم
لانى مش لاقى حاجه اقولها فعلا

الواحد بقى محبط

Anonymous said...

حفلة أيامنا الحلوه يوم 27 يوليو الساعه 8:30 فى ساقية الصاوى
اكبر تجمع بلوجرى اوعى يفوتكو
Blogger Radio Station
سبقتنى يا معلم;)

Nadine Alfred said...

عارف يا بيشوى
احنا فى الأصل ربنا خلقنا متساويين
بس مع الوقت
ناس نصبوا نفسهم حماه ، ناهين آمرين
يعنى عملوا نفسهم بيفهموا اكتر من باقى الناس
و اى حد يخالفهم يبقى غلط
و اللى يعارضهم يبقى مستوجب القتل

هو ربنا وهو بيخلق الإنسان عمل من الإنسانية(بما تحمله الكلمة من صفات) درجات؟

ليه أصلا فى ناس مقتنعة انها احسن من الباقيين و انها بتفهم عنهم
و بعدين إحنا بقينا نمشى بمبدأ:
عشان انا اطلع صح يبقى لازم كل اللى قدامى غلط

للأسف موضوع متأصل فينا
تحياتى

صاحب البوابــة said...

عزيزي بيشوي

نتمنى منكم دعمنا في حملة ( افضحوا تجار الكيف )

التفاصيل في مدونتي

safa7_karmooz said...

انتا ازاى تعارضنى

انت بتستعبط

يا زنديق...يا بروجوازى...يا مبمريالى ...سحقا

هوا ده نغمة اى حد يسمع راى معارضه..:(

The Alien said...

Rose

أصل الحته دي بالذات مينفعش فيها ديقراطية
عشان مع الديمقراطية فيه مصالح هتضيع

نورتيني

********************************
SASA

إحباط
كلمة مناسبة جدا للموقف

نورتني

***********************************
نادين

إحنا فعلا متساويين
بس محدش واخد باله
وكله شغال بمبدأ الصح والغلط المطلق
وبما إني أكيد صح يبقي التاني أكيد غلط
والغلطان لازم يتعاقب لو إتكلم
ويستمر السيناريو

نورتيني ياجميل

***********************************
سفاحي المفضل

هي دي النغمة
مع شوية شتايم وإتهامات
وهب ... يموت المعارض

نورتني

Anonymous said...

العبد لله عامل محاولة تحتاج للدعم
لتأصيل وعي حقيقي بالهوية المصرية
من خلال سـرديات مصرية نلقي الضوء على التراث المصري ومفاتيح الشخصية المصرية بقراءة غير منحازة لهذا التراث
التجربة لسه في أولها ستتدعم بكم