Saturday 28 July 2007

كدبة وصدقناها

كدبة وصدقناها كلنا
إفتكرنا هييجي اليوم وتدينا
بس الحقيقة إنها متباعة
متباعة لناس غريبة علينا
ناس هتدوسنا ومش هيهمها أهالينا
لازم نفوق ونعرف إنه ملناش مكان فيها

21 comments:

micheal said...

لو كان لينا ثمن كانوا باعونا كمان
:)
تحياتي لك

§a§a said...

لا ما هما باعو الشعب من زمان

مش حت على البلد

لكى الله يا محروسه

Bitzer4c said...

انا اول امرة ادون بس مش عارف ادون بس على العموم البلد دى احلى بلد مش عشان حاجة بس علشان هى بلدى....واللى فيها مش حاسس بقيمتها ..مسيرك تتغرب وتعرف قيمتها..وعجبى

R.O.U.R.O.U. said...

ta2riban 2l nas 2ly 7adosna,tasitna 5alas,bs msh 3aynfa3 maykonsh lina makan fiha,la2n an 5alas fiha we 7anefdal fihaaaaaaa

ta7yaty

Masria said...

أنا كنت باحاول أمسك نفسي و أقول لا .. البلد بتاعتنا .. بس بصراحة .. لو خدوا النت مني .. اللي هو أهم بارقة أمل عندي .. يبقى خلاص .. هايئس .. و أقول البلد دي مش بتاعتنا

أنا حر said...

موافقك مليون في الميه انها كدبة واحنا صدقناها بس ياترى في امل اننا ندور على الحاجة بتاعتنا ولا احنا ملناش اصلا حاجة؟؟؟
تحياتي

smraa alnil said...

يا سلام يا بيشوي

بقولك ايه تعالي شوف صبحي وعبد اللطيف ودرويش وعبيد
وابو سمرا
كاناوا بيحاولوا يقولوا كلمة حق


يعني حتي دي اتباعت في الفضاء
عندك يعني
:)

mariam said...

لأ يا بيشوى
لينا مكان فيها غصب عنهم

دى بلدنا و هترجع لنا فى يوم من الأيام

احنا صدقنا الحقيقه
لكن هما زوروا الحقيقه
و هتفضل بلدنا مهما حصل

MONDAHESH said...

رغم اني دايما معترض وشايف اننا مابنقدرش نعمل حاجة

بس بحس ان لما نقول مش بتاعتنا ومالناش فيها والسفر والهجرة وكل المواقف دي

استسلام وهروب

مجرد رأي

Egypt Rose said...

ملكش مكان ازاى .. ده ملهاش هى وجود من غيرك .. انت مصري اصيل بتحب بلدك واحوالها مش عجباك وده معناه انك بتحبها ونفسك تتغير وهتتغير بيك يا استاذ

فكر مرة تقوم الصبح وتمشي في مكان فيه النيل والخضرة وشم ريحة مصر واستمتع بيها واعرف انها بتعتك انت وكل عائلتك الماضية والقادمة .. هنسيبها لمين .. للمتخلفين علشان يهدوا الهرم ذي ما هدوا تمثال بوزا ولا ايه

Unknown said...

صدقنى يا ابنى انت بتقول كلام قليل بس بجد فيه معانى كتير

فعلاً احنا كل يوم بينضحك علينا علشان نفتكر ان الى جاى احسن
ولكن ادى الجمل وادى الجمال هييجى منين الاحسن

تحياتى يا صاحبى

Unknown said...

to bitzer4c

يا باشا شرفت التدوين كله و عايز نقرا قريب مواضيع ليك انا متاكد انها هتكون جميله جداً


اتمنى زيارتك

moneer said...

كده كده ملنهاش مكان فيها من ساعة ما العساكر سرقوها و بقت بتاعتهم

انا مش هشتغل عند العساكر انا ماشى

بايع و مين يشترى

سلام

Rushdy Kamel said...

بلدنا ومش بلدنا
الاسم لينا مكان فيها
لكن الحقيقة ان الحقيقة ضاعت من زمان
فكرتني بمقال للعبقري د.أحمد خالد توفيق
هايعجبك
بلدهم يا عم

تحياتي

Mirage said...

ايه صحيح موضوع الجماهير اللى شتمت تامر فى حفلة منير اللى فاتت

انت كنت واقف قدام وفى قلب الاحداث ولا كنت واقف ورا

عندك تفاصيل ؟

-_- said...

ايوة متباعة
بكتيييييييير اوي

واحد من الناس::طارق:: said...

الاول كانت بلدنا اللى بنحبها وبنموت فى ترابها وبنعشق حروف اسمها .. بس كان ماسكها عصابة من اوسخ واقذر البني ادمين فى تاريخها ...كنا مستحملين عشان بنحب بعض ..كنا بنتسند على بعض بنصبر بعض .. كنا شايفين بعض احسن واطيب ناس فى الدنيا ..
والان.. بقينا احنا الحرامية زيهم .. بقينا بنسرق بعض زيهم .. بنستحل دم وفلوس وعرض بعض زيهم.. بقينا بنخاف من بعض .. خلاص انتهت على كدة ..مبقاش فاضل حاجة.. ومن الاخر ... منير قالها وكل ما اسمعاها اعيط اوى
طول العمر العسكر عسكر .. بس الناس الناس كانت ناس

وبالظبط حالنا بقى زى محمد فؤاد لما اقال
عرفنا الخوف فى عز النور.. وبقينا نخاف من حبايبنا

ياااااااااااااااااااه .. بحبها اووووووووووووووووووى يا بشوى وهاموت على اللى بيجرا منها وفيها

The Eagles said...

ازيك يا مان
عامل ايه
انا اقترح اننا نعمل دولة لوحدنا وما حدش يدخل فيها ونحكمها احنا لوحدنا ونعين رئيس وننتخبه ونحاول نعيش الاحلام اللى احنا بنحلمها بدل ما احنا مش لاقين حقنا خالص ولا عارفين نحققه


والسلام..........

Anonymous said...

أسئلة للتاج
http://no-dsl.blogspot.com/2007/07/blog-post_31.html

Anonymous said...

أسئلة للتاج


حملة انترنت بلا حدود : شارك من فضلك وساهم فى الحملة

fawest said...

بلش التشائم دة
احنا صحيح فى ولقع زى الزفت
بس لازم نتخلص من وهم كدبة
علشان نقدر نفوق