ما أنا عارف
ما أنا عارف إن الإخوان مش هيوافقوا علي تولي قبطي منصب رئيس الجمهورية
طبيعي إن الإخوان "المسلمين" ميسمحوش ل "مسيحي" أو غير مسلم بتولي الرئاسة
أنا مش هتكلم عن الحتة دي لإنها موجودة ف التوقعات المرئية
لكن الحاجة اللي فعلا لازم نقف عندها هي رفضهم إن المرأة تتولي الرئاسة
عدم إعتراف صريح بالمرأة وقدرتها علي الإدارة والقيادة للعبور للمستقبل
دا طبعا علي أساس إن المرأة كائن أقل ومكانه الطبيعي هو البيت
والوظيفة الوحيدة اللي مطلوبة منها هي تربية العيال وإسعاد أبو العيال
كل دا وف اﻷخر يقلك دولة مدنية
كله بيكدب علي كله وكإن الناس هنا مغفلين
أنا بقي مش عارف البنات لما تسمع حاجة زي كدا هيعملوا إيه
نفسي أعرف البنات حاسين بإيه دلوقتي بعد التصريح الصريح دا
طبيعي إن الإخوان "المسلمين" ميسمحوش ل "مسيحي" أو غير مسلم بتولي الرئاسة
أنا مش هتكلم عن الحتة دي لإنها موجودة ف التوقعات المرئية
لكن الحاجة اللي فعلا لازم نقف عندها هي رفضهم إن المرأة تتولي الرئاسة
عدم إعتراف صريح بالمرأة وقدرتها علي الإدارة والقيادة للعبور للمستقبل
دا طبعا علي أساس إن المرأة كائن أقل ومكانه الطبيعي هو البيت
والوظيفة الوحيدة اللي مطلوبة منها هي تربية العيال وإسعاد أبو العيال
كل دا وف اﻷخر يقلك دولة مدنية
كله بيكدب علي كله وكإن الناس هنا مغفلين
أنا بقي مش عارف البنات لما تسمع حاجة زي كدا هيعملوا إيه
نفسي أعرف البنات حاسين بإيه دلوقتي بعد التصريح الصريح دا
29 comments:
انت ممكن توافق ان المرأة تبقى رئيس؟؟؟
انا ممكن اقبل امرأة تكون وزيرة..مستشارة..لكن رئيس؟؟
اكبر مشكلة هي تخلي المرأة عن دورها الطبيعي كخاضعة للرجل وتبقى هي الرأس لان ده ضد منطق الخلق اساسا
"الرجل رأس المرأة".. ولا ايه؟
وهنروح بعيد ليه..اكبر مشكلة للبشرية حصلت في جنة عدن لما حواء حبت تاخد مكان الراجل وتاخد وتدي مع الحية وانت عارف الباقي...
لما الحية قالتلها:هل قال الله لكما لا تاكلا من كل شجر الجنة كان ممكن حواء ببساطة ترد وتقولها ده ماقليش انا ده قال لادم روحي كلميه..اعتقد الحية كانت هاتهرب وماتروحش لادم..
لو كانت حواء قالتلها في راجل للبيت روحي اتفاهمي معاه مكانش حصلت مشكلة ابدا وكان زمانا احنا دلوقتي في ..يلا هانقلب فاللي فات ليه..
صدقني انا مابشفش مشاكل اكتر من اللي ناتجة عن ان المرأة رافضة الخضوع للراجل..والراجل متنازل عن رياسته.. والاتنين بعيد عن رياسة الله..حاجة صعبة
ياريت مانقلبش الادوار عشان الدنيا مش ناقصة..
وماتقلقش على شعور البنات دلوقتي اكيد مش هايجيلهم انهيار عصبي عشان مامسكوش رياسة الجمهورية..
هههه حلوة حكاية التوقعات المرئية دي
ده علي إعتبار أن قفزة الإخوان علي الحكومة ها تبقي أصعب إمتحان يمر به المصري
--
و رغم أن ده مش موضوعنا .. لكن أسمحلي أسأل سؤال للأخ كركور إذ قال
".
لو كانت حواء قالتلها ( الحية ) في راجل للبيت روحي اتفاهمي معاه مكانش حصلت مشكلة ابدا وكان زمانا احنا دلوقتي في ..يلا هانقلب فاللي فات ليه..
"
طيب .. بفرض أن المرأة .. مخها ضارب و معندهاش تمييز و صدقت كلام الحية
كان فين عقل الرجل ( آدم ) اللولبي .. لما صدق هو كمان حواء ؟
ما قال لهاش ليه " لأ .. أنا عندي أمر صريح أني ما أكلش منها " .. إعقلها كده
--
حبيبي على باب الله
اعقلها انت..انهي اسهل للراجل: يقول للحية لا.. ولا يقول ل(حـــــواء)لا؟
احنا معشر الرجالة نقدر نقول للجن لاااااااا وبعلو الصوت وكلنا حماس وثورة
لكن قدام المرأة هاتلي راجل قال لا..
(غير يوسف طبعا)
سليمان: نساؤه املن قلبه وعبد الهتهن
يعقوب: اشتغل 14 سنة عشان خاطر راحيل
شمشون: فضح سر قوته وحنث نذره قدام دليلة
ومش هاتكلم عن نابليون وهتلر وملك انجلترا وغيرهمممممممم
قصره.. الراجل سهل يقول لا لاي حد (ساعات حتى لربنا)لكن الا..(حــــــواء)
مش كده ولا ايييييه؟؟؟
عزيزي كركور
شكراً ليك علي أهتمامك بالرد علي
--
"
لكن قدام المرأة هاتلي راجل قال لا..
(غير يوسف طبعا
"
يااااااه بس كده .. خد عندك
---
متهيألي اللي بيطلقوا زوجاتهم يومياً - بدون رغبة و يمكن بدون علم من الزوجة كمان - أكيد مش بيقولولهم نعم
--------
متهيألي في حوادث الإغتصاب .. المرأة بتتقول للرجل لأ مليون مرة .. معتقدش أن الرجل بيقول نعم
-----
متهيألي أن أعمال العنف المزلي - من ضرب الزوجات , - من قبل أزواجهم
أكيد مكانوش بيقولوا نعم
----
متهيألي دول بالكامل مثل أفغانستان و أشباهها .. بيقولوا للمرأة المطلقة أو الأرملة ( التي ليس لديها عائل ) لأ لما بيطالبوا بحقوقهم في العمل لكسب الرزق
علي فكرة المرأة في أفغانستان و المناطق الطالبانية في باكستان
لو أتطلقت أو ترملت بدون عائل
يا إما تشتغل عاهرة يا إما متسولة
( لأنه غير مسموح بعمل المرأة )
متهيألي دول بيقولوا لأ
----
لكن هي المشكلة أننا فاكرين أن طلب العلاقة الجنسية هو الطلب الوحيد الذي تطلبه المرأة من الرجل
--
و ده نابع من التفكير في المرأة كجسد .. فقط لا غير
---
حبيبي على باب الله
ولو اني مافهمتش عايز تقول ايه من الكلام الكبير اللي انت قلته ده عشان يمكن انا فهمي على قدي
لكن كل اللي انت ذكرته ده دليل على تخلف الرجل مش دليل على قوة شخصية الرجل قدام المرأة
يعني طلاق من غير سبب واغتصاب واعتداءات منزليه مش ده كله دليل ان الرجالة دول(مش كل الرجالة)ما الا حيوانات ناطقة
وعدم السماح للمرأة بالعمل دي مش قوة شكيمة لكن ده تخلف عقلي هاتقول ايه بقى؟
بالعكس بقى..
اعمال العنف والاغتصاب والطلاق دي حاجات نابعة اساسا من النظر للمرأة انها جسد فقط
انا قلت الست ماتبقاش رئيسة عشان ده مش مكانها الطبيعي اللي اتخلقت عشانه
لكن كل اللي انت قلته ده انا ماجتش عنده ولا فتحت النقاش فيه
شكرا حبيبي
بص يا عزيزي
متوقع إيه من الإخوان المسلمين؟
أنا أبويا من عتاة الإخوان وبقالي أسبوعين بتناقش معاه في الموضوع ده لحد ما بضاني فرقعت وطبعا دي مش مناقشة بالمعنى المعروف لأ دي بتبقى مناقشة من طرف احد هو بس بيتكلم وأنا أنغزه بكلمات صغيرة ومكثفة وصادمة أحيانا لكنه حين يسأم ينهي الحوار بطرق عديدة
رفض تولي القبطي في رأيي هو أخطر من رفض تولي المرأة
لماذ؟
لأنه اعتراف صريح وواضح بأنهم كاذبون ومخادعون
بأنهم يريدو ببساطة دولة دينية لا مدنية ولكنهم يتلاعبون بالألفاظ ويقولون أنهم يبشرون بدولة مدنية ولكنها دولة مدنية مفصلة على مقاس طيز فضيلة المرشد العام في المنيل نيله الله عليهم
عموما الأمران في الحقيقة لا يقلان خطورة عن بعضهما إما في رفض تولي المرأة أو رفض تولي القبطي
لا تتوقع أن النساء في مصر سيكون لهن رأي مغاير عن رأي جماعة عاكف
النساء أكثر ذكورية اليوم من الذكور والبركة في الجهل والتغييب
الأمران لا ينفصلان ولا يقبلان وسطا ولا يحتاجان تأصيلا فلسفيا أو دينيا جديدا
يا دولة مدنية جديثة يا إما لا
لا يوجد دولة مدنية بمرجعية دينية وتميز بين التاس على أساس الدين أوالجنس
الإخوان واضحون تماما هذه المرة ولا يحاولون مهادنة المثقفين وإنهم لماضون في غيهم ألا بعدا لهم
تصريح غبي كالمعتاد
دون ان يصرح الاخوان او غيرهم بهذا التصريح العنصري فمعروف سلفاً ان المجتمع لايمكن يوافق ان تحكمه واحدة ست
وبصراحة انا عن نفسي كست لااريد أن تحكمنا واحدة ست
ليس لعدم ثقة في قدراتها فالمرأة اثبتت تفوق على الرجال في مجالات متعددة ولا ينكر ذلك احد
ولكن إشفاقا عليها من تعامل المجتمع معها وتحميلها كل اخطاء النظام السابق
تصور لو واحدة ست اخطأت في قرار ولو صغير ستنصب لها الرجال المشانق بحجة انها ست والستات مش بيعرفوا يتصرفوا وكا وكيت وكل الاسطوانات المشروخة اللى كلنا عارفينها
لكن لو اخطأ رجل في قرار حتى لو كان قرار مصيري يضر بمصالح الآلاف او الملايين فلن يسن له احد السكين
نحن اصلا مجتمعات مريضة تعاني من امراض مجتمعية كبيرة تحتاج لعلاج سريع وعاجل
والاخوان ليسوا الا افراز هذا المجتمع السقيم الذي يعتبر فيه الرجل نفسه افضل من المرأة لا لتفوقه الفعلي عليها ولكن لإمر ليس له اي فضل فيه وهو ان الله خلقه رجل
افهم ان الافضلية تكون بعمل جنته يد الانسان وليس بخلقه الله له
لكن ماذا نقول في مجتمع تعيش ومتعدد المعايير
خلينا نتكلم بصراحة يا الين، هو كان مين قبل الأخوان أعطى للمرأة حقوق من الجماعات الدينية وخصوصا الجماعات الإسلامية. انسى حوارات حقوق الانسان والمساواة والمواطنة في ظل الفكر الإسلامي.
اغلب الوقت بأشعر ان الإسلام دين للرجال فقط. الست فيه اقرب إلى الشئ منه إلى الشخص. عادة ما تجدها مفعولا به سواء الآن أو بأعتبار ما سيكون. والفعل غريزي في الغالب جنسي على وجه التحديد
karkor
أنا أكيد موافق إن المرأة تكون رئيس
أنا ضد التمييز بين البشر بأي شكل سواء جنس أو دين
وبعدين إنت ليه ممكن توافق إنها تكون وزيرة بس مش رئيسة؟ إشمعن لا مع منصب رئيس الجمهورية؟
إيه بقي موضوع إن المراة دورها الطبيعي خاضعة للرجل؟
مين اللي قالي كدا ؟ إنت ؟
أنا أقولك .. اللي قالوا كدا هما الرجالة
مصلحتهم إن المرأة تكن تابعة وخاضعة ليهم
أصل دي مصالح
وموضوع الجنة والحية والتفاحة .. فدي القصة اللي الرجالة بيفسروها بمزاجهم ويتمسكوا بيها عشان يثبتوا النظرية العظيمة بإن المرأة هي السبب ف أي شر أو مشاكل .. زي ما إنت قلت بالظبط
الراجل اللي ميقدرش يقول ﻷ ف أي حاجة بالنسباله غلط يبقي راجل غبي .. مش تقلي إن الراجل مبيعرفش يقول للمرأة ﻷ
أنا عايز أعرف إيه رأيك ف الستات اللي علي رأس حكومات ف بلاد أجنبية؟
إيه رأيك ف ألمانيا؟ إيه رأيك ف أنجيلا ماركر؟
هل عشان هي ست يبقي مكانها الطبيعي مش الرئاسة؟ مكانها الطبيعي الوزارة بس؟
منورني
ومبسوط بمتابعتك
علي باب الله
فعلا الموضوع متوقع ومعروف
وطول عمر الإخوان بيخبوا وبيزوغوا لما يتسألوا فيه
بس المرادي قالوها بصراحة
أنا معاك إن مفيش حاجة اسمها الراجل مبيعرفش يقول ﻷ
بس أنا مفهمتش اﻷمثلة اللي إنت قولتها عشان توضح الحكاية دي
نورتني
ومبسوط جدا بمتابعتك
مزمز
دي النكتة الكبيرة
أنا نفسي أفهم يعني إيه يقولوا دولة مدنية وف نفس الوقت يقولوا الكلام دا؟
هما طول عمرهم بيتهربوا من الإجابة علي الأسئلة من نوعية .. المرأة، اﻷقباط، السياحة ....
الغريب إنهم المرادي قالوها بصراحة
أنا مش متوقع أي رد فعل من المجتمع كله سواء رجالة أو ستات
لإن المجتمع ذكوري والكلام دا ف مصلحتهم
والستات عندنا مغيبين ومصدقين إنهم كائنات أقل
مفيش حاجة اسمها دولة مدنية بمرجعية دينية
دا كلام تخريف مش راكب علي بعضه
مدنية ودينية .. الكلمتين دول مينفعوش جنب بعض
منورني دايما
bella
حلوة تصريح غبي دي
بس مش متأكد إنه غبي قوي كدا
فعلا الإخوان مقالوش حاجة جديدة
دا واقع إحنا عايشينة
شكرا علي تعليقك وإضافتك للموضوع
منوراني
**************************************
innocent
إتكلم ياعم بصراحة .. هو فيه صراحة أكتر من كدا
نظرة المجتمع للمرأة مش بس السبب فيها الدين
المجتمع الذكوري تكون قبل ظهور اﻷديان
اﻷديان دلوقتي بتستخدم لفرض سيطرة الرجل وإخضاع المرأة بحجة أن دي طبيعتها وإنها إتخلقت عشان كدا
وصدقني ف المسيحية أو غيرها الوضع مش هيفرق كتير
أهلا بيك
وأتمني أشوفك دايما
حبيبي alien
ده مش تمييز..كل واحد فالكون ليه دور اتخلق عشانه وهايبقى سعيد جدا والكون حواليه هايسعد لو قام بالدور ده على اكمل وجه
المرأة مخلوقة عشان تبقى معين ونظير للرجل مش معنى كده انها اقل منه لكن كل واحد ليه دوره فالحياة
يحصل ايه لو الودن جت مرة وقالت انا عايزة ابقى عين؟انا ليه ماتخلقتش عين..
هي مخلوقة ودن والجسم هايستفيد بيها لما تقوم بوظيفتها كودن..
واللي قال كده مش انا ده ربنا:"ايها النساء اخضعن لرجالكن"(اف5: 22),(كو3: 18)
وقصة الجنة دي انا مش مألفها من عندي دي ف كل الاديان
الاختلاف بين الرجل والمرأة ومابقولش تميز حد عن التاني.. لكن اختلاف الاتنين امر واقع
كان ممكن ربنا يخلق كل البشر رجالة او كل البشر ستات لو الاتنين يصلحوا لنفس المهام
ورايي فالحكومات اللي ماسكاها ستات انها امر واقع.. زي اي حاجة حاصلة فدنيتنا ومش كل حاجة حاصلة فدنيتنا اليومين دول تبقى صح
وبعدين يعني ايه فالمسيحية او غيرها الوضع مايختلفش
تعرف ايه فالمسيحية عشان تحكم على تقييم المسيحية للمرأة؟
لو عندك اجابة:ليه ربنا خلق المرأة من ضلع ادم وماخلقهاش من طينة تاني زي ادم, ياريت تجاوبني.. ولا كان التراب خلص ساعتها؟
متزعلش مني..انت اللي طلبت رايي
نسيت اسالك ايه مصلحة الراجل في ترويج الافكار دي؟انه يتحمل مسؤلية كائن تاني غير نفسه؟هو في حد قادر يشيل روحه؟
ده كل واحد حامل همه بالعافية
منورني دايما...
نفس شعور المسيحين
المرأه برا وصلت للرئاسه و بلاش ننسي جولدا مائير و تسيبي ليفني دول ستات عقارب بصراحه
ده جهل مش اكتر
nefsy ashoof Mahdy 3akef da law we2ef odam Condoleezza Rice hye3mel eih. hyboos edha wreglha 3alashan terda 3anoh tab3an. The Muslim Brotherhood can not last 5 mins in power without the American blessing.
When it comes to the MB we are the same. Fantasia and Alien will both end up in hell in their point of view. kolena kedda 3ala ba3d mn elqella elmondassah. Even muslim men who don't agree with them will join us in hell.
ya 3am dol 3ayzeen ye3melo hay2ah mn elmshaya7' teb2a foo2 ra2ees eldawla. what more do you want? ya3ni even if a christian became a president, hyroo7 menhom feen?
اولا مش من حق الأخوان منح المناصب
ليه ان شاء الله
فى اختراع اسمه المواطنه يعنى كل المواطنين سواء و ده مكتوب فى الدستور
بس واضح ان دستور الأخوان هيشيل النقطه دى
الفكره مش فكرة مسيحى و مسلم الفكره ان المفروض يكون فى دستور يطبق مش مهم اللى يطبقه ديانته ايه المهم انه لو مش هينفذ يتحاسب
لكن فكرة رفضهم للمسيحى بتدل انهم مقتنعين ان كل حد ييجى يمشى البلد بمزاجه
مش بالدستور
و بعدين لو رجعنا للتاريخ هنلاقى ان معظم مرشحى مكرم عبيد من المسلمين
ليه بقى؟
لأنه كان بيتم النظر للأصلح اصل انا مش برشح شيخ جامع
بالنسبه للمرأه
العجيب ان موضوع المرأه ده بقى كثير من رجال الدين افتوا بجواز توليها المنصب لأنها مش هتأم المصلين فى الصلاه
واضح ان الأخوان مش قادرين يتخلصوا من تمسحهم بالدين
انت بقى بتسأل شعور المرأه ايه
لأ احب اطمنك المرأه مقتنعه بالكلام ده
و شايفه انها لا تصلح
ايه رأيك بقى؟
اولا مش حبا فى الاخوان ولا دفاع عنهم
بس فى فترة الثلاثينات والاربعينات والخمسينات
كان فيه الاخوان المسلمين
واكان ليهم تأثير سياسى كبير فى الدوله وفى الحكم ويكفى انهم كانو من اسباب نجاح وثورة 1952
مش موضوعنا
الموضوع
ان فى الفترة اللى ذكرتها دى كان فى كثر من الاقباط واخد حقه فى البلد ووصل لقمه المناصب
يعنى اعتقد عادى
بالنسبه للمراءة بقى
ان تعالى وشوف التاريخ واتحداك ان امراة حكمت ووصلت بالدوله الى الامان
من اول شبسكاف الفرعونيه مرورا ببلقيس اليمنيه وشجر الدر وغيرها
لان المرأة لا تتحمل الرأسه
ليس تقليل من حقها ولكن
اعتقد ان المنرأة مخلوق ناعم رقيق لا يتحتمل بعض الامور التى تؤثر عليها
سألت المذيعه مواطن"توافق أن تحكمك واحده ست؟"
قالها"هو يعني أنا كنت وافقت يحكمني واحد راجل"
ما علينا...و الله أنا معنديش أي مانع خالص
تحياتي
بجد يابيشوي اي حاجه بيقولوا عليها الأخوان مابقتش بستغرب ليها
كارثه طبعا انهم يوصلوا للحكم مش بس عشان نظرتهم للنساء و انت عارف في الاخر حيقولولك ده تكريم للنساء ماهما عندهم اجابه لكل حاجه
بس و احنا دلوقتي في سنه 2007 و لسه النظره دي موجوده في مخهم عن الستات تفتكر ممكن تتغير؟مافتكرش
ربنا يلطف بينا و يصبرنا
تحياتي علي موضوعك المميز ياجميل
الا صحيح بالمناسبه كمان
هل ينفع ان واحد او واحدة مسلمه تحكم الرئاسه فى
الفاتيكان
ولا انجلترا ولا روما
لو الاجابه بنعم يبقى هتكون لاجابه
فى مصر وفى السعوديه واى دوله عربيه بنعم
أظن ان أبلغ رد عليهم من القران الكريم ان في مثال لملكة رائعة و هي ملكة سبأ و كانت بتحكم حكم مثالي جدا
تحياتي علي البوست الرائع
karkor
دلوقتي إحنا بنتكلم عن وظيفة
رئيس الجمهورية دي وظيفة
يعني مطلوب من اللي يكون رئيس إنه يكون عنده شوية مؤهلات وقدرات عشان يكون مناسب للوظيفة
أنا رأيي إن مفيش حاجة تمنع أي راجل أو أي ست عندهم المؤهلات المناسبة إنهم يشغلوا الوظيفة دي
ودي خلاصة الكلام
نورتني
*************************************
emy
معاكي حق ودا اللي أنا بقوله
الموضوع ملوش علاقة بالدين
مفيش حاجة اسمها يمن يشتغل إيه
اللي عنده مؤهلات يبقي مناسب لأي شغل
منوراني
***************************************
Fantasia
علي رأييك
الموضوع من أوله لأخره إشتغاله
كلام متناقض علي طول الخط
ميدخلش دماغ حد
منوراني دايما
mariam
دي الكارثة يا مريم
إن الستات عندنا صدقوا إنهم لايصلحوا
وهو دا اللي محتاج يتغير
منوراني
*************************************
SaSa
سيبك من موضوع المسلم والمسيحي والبوذي
دا مفيش خلاف عليه
لإن متهيألي كله متفق إن مفيش فصل بين الناس علي أساس ديني
المشكلة ف موضوع المرأة
أنا معرفش تاريخ كويس بس متهيألي حتشبسوت كانت ملكة كويسة
وحتي لو محصلش إن جت ملكة قوية ف دا مش معناه إن المرأة لاتصلح للحكم
والدليل اللي بيحصل وحصل ف بلاد تانية
زي ألمانيا دلوقتي
وعندك فرنسا .. ساركوزي كسب رويال بفرق بسيط
وف الغالب هنشوف مرشحة ف إنتخابات أمريكا الجاية
أما موضوع الفاتيكان .. الفاتيكان مش دولة بالمعني الطبيعي .. الفاتيكان هي مؤسسة كنسية يرئسها البابا
يعني م اﻷخر كنيسة والحكم الديني فشل ف أوربا من زمان وخلصنا
الدول التانية اللي إنت بتتكلم عنها تعرف حاجة اسمها حقوق الإنسان
يعني لاتمييز بين البشر علي أساس جنسي
إحنا هنا لسه مسمعناش عن الكلام دا
نورتني
مايكل
معاك إن الواقع نيله
بس هنا بنتكلم ف مبدأ وقانون
منورني دايما
*************************************
اجندا حمرا
ولا أنا بستغرب
بس كلام زي دا لازم الناس تتكلم فيه وتناقشه
ولازم البنات يكون ليهم رأي
منوراني
***********************************
dyin soul
شكرا علي تعليقك
ومبسوط برأيك
وياريت كل البنات تفكر ويكون ليها موقف من الحكاية دي
نورتيني
مش عارف ليه حاجة مخلياني لازم ارد عليك
مع اني ممكن اقفل الحوار فالنقطة دي على كده
بس ينفع الست تشتغل حدادة؟؟ مادي وظيفة برضه
ينفع تشتغل فرصف الطرق
بنا الكباري
شفتها لما لعبت كورة قدم؟
لما رفعت اثقال؟
انا مش بهين المرأة..ولا بانقص شأنها .. لكن انا مع الرجوع لقواعد الطبيعة .. لقواعد الخلق
كفايانا اوضاع مقلوبة
karkor
أنا مش عايز نقول الشغلانة دي مين يشتغلها ومين ميشتغلهاش
لإن حتي رفع اﻷثقال هتلاقي بنات أقوي من ميت راجل
وأظن نهلة تشهد علي كدا
ومينفعش تجيب أي راجل جسمه علي قده وتخليه يرفع أثقال
الفكرة ف إن المفروض يكون فيه مؤهلات لأي شغل واللي تنطبق عليه سواء راجل أو ست يبقي مناسب ومن حقه الوظيفة .. لكن الرفض لمجرد الجنس ف دا اسمه تمييز عنصري .. ودا اللي نفسي نرفضه
رد ياعم زي ما إنت عايز وقول اللي ف نفسك إحنا
بنتناقش
منورني
حبيبي يا alien
الستات اللي اقوى من 100 راجل دول استثناءات
مش عايزين نخلط بين القاعدة والاستثناء معلش
ثانيا انا هارد عليك بالمثل اللي انت جبته
شفت نهلة لما حبت ترفع اثقال.. فضلت ست؟
فسيولوجيا يمكن.لكن بذمتك .... ست؟
شفت لما حبينا نبدل ادوارنا فالطبيعة، الطبيعة حصلها ايه؟اتقلبت
افهموها بقى
مستني موضوعك الجديد
طبعا الكلام يضايق ويخلى الواحد عنده احباط بس خلينا واقعيين
لما المراة تاخذ حقوقها فى بيتها تبقى ترشح نفسها للرئاسه... اذا كان لو راجل عنده مديره ست مش بيكون على بعضه... ما بالك رئيسه جمهوريه
اضف على ذلك موضوع المسيحيين !!!
فى دوله تعتبر اسلاميه ( مع تسجيل اعتراضى على تلك التسميه) كيف بالله سيتم هذا
الراجل مغلطش، الراجل بيتكلم واقع مر عايشينه
تحياتى للبوست يا عزيزى وفى انتظار المزيد
Post a Comment