Monday 26 November 2007

حق

من حقي يكون فيه حد عارفني علي حقيقتي
حد أتكلم معاه براحتي
حد أقلع قدامه المليون وش اللي بلبسهم

طول الوقت بخبي
مع كل الناس بخبي
ف أي مكان بخبي
أصله مينفعش يتكلم
مينفعش يكون صريح
اللي عنده مرفوض
اللي عنده مكروه
اللي عنده يبهدله

ممكن تسموه خوف
ممكن تقولوا عليه جبان
لكن هي شايفاها حكمة
شايفة نفسها واقعية
عارفة هي عايشة فين ومع مين

صدقوني الموضوع مش سهل
مش سهل إنها طول الوقت عندها كلام مش قادره تقوله
عايزة تصرخ بس مينفعش

كتير بيتعبوا وبيزهقوا
يرجعوا يفتكروا إنهم مش من هنا
لازم يعيشوا لوحدهم
يخلوا الحقيقة ليهم
يفضلوا يلبسوا الوشوش
ساعتها محدش بيعرف إني Alien

8 comments:

Samir Saad said...

أحلم باليوم الذي أنزع فيه عني أقنعتي. الأقنعة ليست جبن. حين يختار الإنسان بين حياة مقنعة وشبه موت مكشوف، لا يكون القناع جبن. الجبن الحقيقي هو رد فعل من لا يحتملون قسوة الحقائق. نضجر احيانا ولكن الحياة أغلى ما في الحياة وهي تستحق ان تعاش وانا حريص على كل لحظة منها حتى لو من وراء أقنعة
تحياتي

Fantasia said...

aho 3amak innocent 2alak elmofeed.. dear alien, all people wear their best clothes when they go to meet others. you have to follow the fashion. and you have to avoid anything shocking, even if it makes you comfortable and reflects your real taste. this is not a mask, this is an attire.
i might be an alien to most of those who see me everyday, but writing those words sets me free. those who deal with me don't give a damn about who is the real me, or what goes inside my mind. all that they want is that i show them respect by maintaining an appearance which is accepted by them. however, my demands from myself far exceeds that. i want to feel that i am the best human that i could be when i am all alone. in doing so, i might hold radical beliefs or views which may shock the majority of people. i don't hide them on purpose. which means that there is absolutely no pretence involved. it is a survival skill.
enta ba2a endamaet lnady elbloggers who don't reply wala eih? ya3ni e7na no23od nekteb fi ta3lee2at w 7adretak mesh mekalef 7'atrak te3abarna b kelmet shokr 7atta? law mash3'ool momken nosbor, bas balash tetaneshna ya reet.

The Alien said...

innocent

معنديش مشكلة مع أقنعتي
أنا بس شايف إنه من حقي أقلعهم شوية

شكرا علي متابعتك وتعليقاتك
منورني

*******************************
Fantasia

ياجميل أنا مقدرش أطنشكوا أبدا
بس صدقيني كتير بيكون كلامي ف الهوا
وكتير مش بيكون عندي رد يتقال
ساعات بكون بس عايز أقول كلمتين وأروح

معاكي ف اللي قلتيه
أنا بس عايز علي اﻷقل الناس اللي حوالي بجد تعرفني بجد .. يعني يبقي عندي المكان والوقت والناس اللي أكون فيهم علي حقيقتي .. مش دايما أكون معاي لوحدي
وعلي فكرة .. كوني alien
بيسعدني

منوراني دايما

Rushdy Kamel said...

الاقنعة
الظاهر انه فعلا صعب نتخلى عن اقنعة اتولدنا بيها

Anonymous said...

الأقنعه ليست جبن و لكنها حرص زياده مع ناس ممكن مانعرفهاش كويس لكن لو فعلا مع حد مش فارقه معاه كنا ايه و بيحبنا زي مااحنا اكيد كل الأقنعه حتقع قدامه

تحياتي علي البوست المميز صديقي

The Alien said...

big code

إتولدنا بيها؟ .. مش فاهم
بس اﻷكيد إنه صعب نشيلها تماما
إحنا بس بنحتاج وقت ولو قليل نعيشه من غيرها

منورني

**************************************
أجندا حمرا

هو دا اللي صعب تلاقيه
هو دا اللي محتاجينه فعلا
حد نعيش معاه من غير أقنعة

منوراني دايما

karkor said...

معلش رجعت اعلق عندك تاني
اصلي بحبك
تعرف ان دي مشكلة فعلا
بس مش مشكلة اقنعة..
مشكلة نقص
نقص حب..قبول..صراحة..يمكن كل ده
زمان كنت باحب اوى استخدام الاقنعة، ويمكن باستخدم واحد لحد دلوقتي.. ساعات يعني مش دايما
بس كتير بيبقى ف ايدي وارميه-بقصد- واللي عاوز يقبلني كده يقبلني واللي مش عاجبه براحته، وساعات باخسر
حاليا باتعمد اظهر بوشي الحقيقي واحب الناس بجد واتحمل الخسائر اللي هاتجيلي من خلع الاقنعة
لسة زعلان؟

The Alien said...

karkor

بيتك ومطرحك
تعلق فيه زي ما إنت عايز
وصدقني مش بزعل من حد

مشكلة الإختلاف
إحنا مش بنعرف نختلف ولا نقبل المختلف
ودا اللي بيجبرنا نلبس أقنعة
وصدقني الموضوع مش سهل إنك تشيل اﻷقنعة وتبقي علي حقيقتك مع كل الناس
رد الفعل ساعات بيكون عنيف
عشان كدا من الحكمة إنك تلبس قناع
ساعتها محدش بيعرف إنك مختلف
وأتمني تكون دلوقتي فهمت أنا ليه مش عايز أتكلم هنا ف الدين

سعيد بتعليقك
منورني دايما