العلم
العلم هو صاحب الفضل ف كل حاجة وصلنالها
العلم مبني علي التجربة ولا يعتمد علي الملاحظة أو الإحساس
العلم لا يؤمن بالخوارق أوالمعجزات
العلم منفصل عن الفلسفة
العلم مكانه المعمل
العلم هو الطريق الوحيد للمستقبل
وأخيرا أقول
العلم مش زي حاجات تانية .. ف العلم لا يكيل بالبتنجان
العلم مبني علي التجربة ولا يعتمد علي الملاحظة أو الإحساس
العلم لا يؤمن بالخوارق أوالمعجزات
العلم منفصل عن الفلسفة
العلم مكانه المعمل
العلم هو الطريق الوحيد للمستقبل
وأخيرا أقول
العلم مش زي حاجات تانية .. ف العلم لا يكيل بالبتنجان
21 comments:
فعلا صديقي العلم اهم حاجه احنا محتاجين ليها
زمان كنت بفتكر ان الجاهل هو اللي مابيعرفش يقري و لا يكتب لكن للأسف الجاهل هو اللي عنده مخ و مش بيعرف يشغله حتي لو كان متعلم
تحياتي علي موضوعك المميز
أيوة .. صحيح العلم لا يكي بالبتنجان
العلم يكيل بالعمل
أي عالم من بتوع نوبل دايماً يقول أن إنجازه العلمي نتاج لعمل و جهد كبير
---
و هي دي المشكلة .. أنت بتتكلم عن دولة متوسط ساعات العمل اليومية فيها ماكملش نص ساعة
لأن قيمة العمل تم أستبدالها - عن قصد و تعمد - بقيمة البتنجان
و بقي مش لكل مجتهد نصيب
بقي لكل مؤمن نصيب
---
إحنا كتر خير الدنيا أننا لسة عايشين بصراحة
----
أجندا حمرا
دا الجاهل مش بس مش بيعرف يشغل مخه
دا كمان بيرفض يشغله
ودول خطر حقيقي علي العلم والإنسانية
منوراني دايما يا جميل
************************************
علي باب الله
إنت جبت الخلاصة
قيمة العمل تم إستبدالها عن قصد
وبما إن مفيش عمل يبقي مش هيكون فيه علم
يبقي هنفضل زي ما إحنا وعمرنا ما هنمشي لقدام
هنفضل نقول إننا كسبنا عشان بنصلي
منورني
العلم قوي. العلم صادق مع ذاته وأمين مع المجتمع. العلم لا يخشى الأعتراف بالحدود الوقتية. ولا يخشى الأعتراف بالخطأ. العلم شجاع. العلم جريء. العلم ماضٍ في طريقه رغم انف الجهلاء. العلم نور. والظلام ليس كيانا. الظلام هو غياب النور. ومساحات العلم تزداد يوما بعد يوم. وتهرب الخرافة وجهلاتها الى اكثر المناطق ظلاما. لكن هيهات، إن العلم آت.
تحياتي
كلامك كله صح يا ألينز ... العلم هو الذي يرفع رءوس الأمم ، عندك مثلا القيلم ده من قناة الBBC عن أثر العلم في الحضارة الإسلامية لما كان المسلمين فاهمين الإسلام صح مش زي دلوقتي
http://www.nasraneyat.com/islamegy/An_Islamic_History_of_Europe.wmv
و الأفلام التلاثة الجايين من التلفزيون الأماني عن وضع العرب و الميلمين في ظل الثقافة العلمية اللي كانوا عايشينها
http://rapidshare.com/files/64727259/1.rar
http://rapidshare.com/files/64747469/2.rar
http://rapidshare.com/files/64761912/3.rar
الدكتور راغب السرجاني اتكلم زيك بالتفصيل عن ضرورة الأخذ بالعلم لو كنا عاوزين يكون لينا اخترام و هيبة بين الأمم
http://www.islamstory.com/AVSeries.aspx?ScholarID=1&SeriesID=A.1.10
و في سبيل تحفيز الناس على أنهم يقتدوا بأجدادهم إليك الموسوعة التالية.
http://www.islamstory.com/Category.aspx?ID=14
و شكرا يا ألينز على طرحك الموضوع ده
علم الانسان ما لم يعلم
قال تعالى: (قل هل يستوى الذين يعلمون والذين لا يعلون) .. انا يا سيدي في كليه علوم... ومش فاهم اي منكش
بس متهيألي علم الدين اهم
أخي vague أظنك قد جانبت الصواب فيما ذكرت ... ليس معنى أنك لا تشعر بميل نحو العلوم التطبيقية و الحياتية أنها لا تقل اهمية عن العلوم الشرعية ... قد يكون السبب في عدم استمتاعك بدراستك طريقة التدريس نفسها أو خطأ في طريقة استقبالك لها أو أنك من الأساس ميولك و اهتماماتك ليست في مجال دراستك _ و هذه مشكلو يشكو منها الكثير من الطلاب في مصر نتيجة تقافة " كل واحد يخش الكلية حسب المجموع بتاعه " -
أنا مهندس اتصالات و أخب دراستي و كلما تفقهت في العلوم الهندسية أشعر بنفس إحساس الظفر و السعادة و الراحة التي أشعر بها عند قراءة القرآن أو التغقه في العلوم الشرعية و التاريخ الإسلامي..
عندك مثلا الدكتور راغب السرجاني أستاذ في المسالك البولية و مرؤخ و داعية إسلامي كبير و هذا موقعه
http://www.islamstory.com/Default.aspx
و ليس الدكتور السرجاني هو النموذج الأول على مر التاريخ و لكن سبقه الكثير مثل جعفر الصادق (ع) و ابن الأثير و جابر بن حيان و غيرهم ، أذكر لك بالتفصيل منهم الإمام حعفر الصادق (عليه السلام) حفيد رسول الله (صلى الله عليه و آله و سلم) كان فقيها و إماما علما و كان من رواد علم الكيمياء في الحضارة الإسلامية تعلم على يديه الإمام أبو حنيفة النعمان ( رحمه الله ) و العالم الكبير جابر بن حيان أحد مراجع الكيمياء إلى عصرنا هذا ، فتحصص أبو حنيفة في العلوم الشرعية و تخصص ابن حيان في الكيمياء و لهذا كانت للحضارة الإسلامية هذه السطوة و هذه الإنجازات المشرفة
________________
محاضرة ألقاها الدكتور راغب السرجانى بمسجد طارق بن زياد بألمانيا يستعرض فيها صور رائغة من الإنجازات العلمية للمسلمين على مختلف العصور وماذا قدم المسلمون للعلم والعالم. ومكانة العلم عند المسلمين على مختلف العصور والأقطار الإسلامية
http://www.islamstory.com/Vedio/wmv/HadaraElMeia_H.wmv
المضحك والمبكي من يقولون أن علم الدين اهم وماذا فعل علماء الدين؟
هذه البلاد تمتليء بعلماء الدين اكثر من امتلاء امريكا بعلماء الطبيعة
نحن في حالة تردي عام سيزداد في الاتساع طالما كان الدين عند بعضهم لحية وجلباب قصير و تغطية كاملة لجسد المرأة
والي ان يشاء الله بحوله فمصر علي علتها الآن ذاهبة الي جحيم لن يعرفه سواها
ههههههههههههههه....أنت بترد ع البوست الاخير بتاعي و لا ايه يا عم بيشو
:)
بالنسبه لي فيسقط العلم و ليذهب للجحيم طالما مش جايب تمنه و ده بجد مش هزار...أنا بكره العلم و الثقافه و اللي عاوز يتثقف عشان يقولوا عليه مثقف..بلا علم بلا نيله...الحاجات دي مش في بلدنا يا عم...خلي العلم للي يقدره
تحياتي
بيشو...أنا عارف أن البوست ده مالوش علاقه بالبوست بتاعي بس يظهر أن البركان اللي جوايا إنفجر لما شفت كلمه علم...غعلا أنا مبحبش أننا ندخل موضوع الخوارق و المعجزات في العلم رغم أني بؤمن بوجود المعجزات و لكن في نطاق محدود جدا
تحياتي
the innocent
العلم آت .. موافق
بس الجهل عنيف ودي المشكلة
منورني دايما
*************************************
طيف بدر
العلم هو اللي بيرفع ناس وهو اللي بيدفن ناس
الغريب إنه فيه ناس مصره تنداس
وبيقولوا إن العلم ممكن يتباع ف أكياس
عشان كدا هيفضوا ف القاع لغاية ما يشيلهم الكناس
علي فكرة .. يمكن دي أول مرة نتفق
نورتني
******************************
SaSa
ومع ذلك مش راضي يتعلم
نورتني
vague
أنا رأيي إن الدين حاجة شخصية
ودراسة الدين لو ممكن تفيد يبقي هتفيد الشخص اللي بيقرا
ومش هي دي الدراسة اللي يتقال عليها علم
لشعب كامل ودولة .. العلم هو الطريق لوحيد .. العلم اللي بجد
نورتني
************************************
طيف بدر
أنا مش عارف بنحكي ف إيه
ليه مصرين نغمي عيونا عن الحقيقة
الواقع بيقول إن العلم هو السبب ف أي تطور ورخاء وصلتله البشرية لغاية دلوقتي
ليه نحقر العلم ونهمل دوره .. ومين المستفيد من الحكاية دي .. مش عارف
شكرا لكلامك
zivago
معاك حق
الإصرار الغريب علي إهمال العلم ودوره
حاجة تضحك وتبكي
مع إن نظرة واحدة للواقع كافية إن أي حد يشوف الحقيقة
إننا في قاع العالم علي جميع المستويات حتي الإنسانية .. وإننا رايحين للأسواء والحالة بتتنيل أكتر
ومع ذلك ...................
مبسوط بكلامك وزيارتك
وأتمني أشوفك هنا دايما
**************************************
مايكل
أيوة ممكن يكون رد علي كلامك
بس بشكل مختلف
لو الهدف هو حياة كريمة ومستوي معيشي محترم
يبقي الطريق هو العلم
العلم لايعترف بالخوارق والمعجزات
هي مجرد حوادث لسه مش عارفين نفسرها
ومسيرنا نعرف
إنت بتقول يسقط العلم لإننا عايشين ف بلد ومجتمع مش بيقدروا العلم ولا بيحترموه
وتعريف العلم عندنا هو أبعد ما يكون عن تعريف العلم عند الناس اللي بتقدره
نورتني
واحد دخل السينما عشان يتفرج على فيلم بس للاسف دخل قبل الفيلم ما يخلص بعشر دقايق وخرج قبل الفيلم ما يخلص بخمس دقايق ومع كده واحد صاحبه ساله على قصه الفيلم قاله عايزك تثق فى عقلى وقدرتى انى اقدر استشف قصه الفيلم من الوقت اللى انا قعدته بداخل السينما
فيترى هيقدر يقول ايه قصه الفيلم او حتى مين البطل اشك
كذلك اللادينين
يدخل الدنيا لمده لا تزيد عن ستين سنه ويجى وهو عنده تلاتين سنه او اصغر ويقول العقل وانا اثق فى عقلى ولا اثق فى وجود الله
غريبه جدا هذا النوع من المرض النفسى
عندي راي سلبي شوية
هو الي اعرفه انه فعلا العلم لا يكيل بالبتنجان..بس في الزمن ده ممكن يكيل بالكوسة
وماأدراك ما الكوسة متهيئلي انها المحرك الاساسي للأمور اليومين دول
مبدأ العلم والعمل وتقدم الشعوب ملناش دعوة بيه..لاني احيانا بحس اننا خارج السباق.. وبرة الزمن
عايز تعرف انا بتكلم عن ايه روح اي مصلحة حكومية وانت تعرف
ياسر شمس الدين
علي فكرة
حضرتك عندك خلط مابين الملحدين واللادينيين
اللادينيين مش بينكروا وجود الله
وبعدين مين إتكلم عن وجود الله هنا؟
ليه خلط اﻷوراق دا
أنا هنا بتكلم ف العلم وبس
العلم اللي خلا أمريكا أقوي دولة ف العالم
واللي بسبب إننا أهملناه وصلنا للي إحنا فيه
عمر التفكير ما يبقي مرض نفسي
نورتني
************************************
بيسوو
رأيك مش سلبي ولا حاجة
إنتي بتتكلم عن الواقع اللي إحنا عايشينه ف مجتمعنا
مجتمعنا اللي أهمل العلم واللي خرج نفسه من السباق
مجتمعنا اللي لغاية دلوقتي مش قادر يفهم إن العلم هو الطريق الوحيد لمستقبل أفضل
مجتمعنا اللي بيكيل أي حاجة بالكوسة
نورتيني
هو العلم الحل الامثل لما نعانى منه اليوم من جهل فى حياتنا و مجتمعنا
تحياتى
Rania
وهو دا اللي أنا بقوله
ومع ذلك في ناس مش عاجبها الكلام مش عارف ليه
شكرا لمرورك وتعليقك
وأتمني أشوفك دايما
نورتيني
العلم.. آخ يا الين.. آخ
علم ايه بس؟ علم ايه اللي انت جاي تقول عليه؟
دا بتاع كلية العلوم جاي يقولك علم الدين اهم
يا سيدي احنا في بلد البتنجان
وبما ان العلم لا يكيل بالبتنجان, فاحنا مش عايزينه من اصله
احنا نحب البتنجان يا عم. نحب بابا غنوج أوي ونعز البتنجان المقلي
دا انت بتلاقي الموظفين الصبح داخلين المكاتب شايلين بتنجان مقلي ومخلل. ويقعدوا ساعة يفطروا وساعة بعدها يشربوا الشاي
يا علم يا علم
يا الين احنا بتوع العجز العلمي.. قصدي الاعجاز العلمي
نشوف الناس اللي برة اكتشفوا ايه ونأيفه احنا هنا عشان نطلع اننا كنا عارفينه من قبلهم. شفت شغل البرم والفهلوة؟ شغل حداقة يعني م الاخر
انما تقولي علم؟ علم!! عيب عليك يا راجل. بلاش كلام فارغ. انت بتشتمنا ولا ايه؟ بقى احنا وش علم برضه؟
fantasia
عارفه لو نعترف إننا مش بتوع علم .. كان حالنا هيبقي أحسن
نشوف إيه اللي ممكن نقدمه للبشرية ونركز عليه
لكن إحنا بنحب البتنجان ومع ذلك بنقول إن العلم كله عندنا
طب تيجي إزاي دي؟ .. مش عارف
منوراني دايما
Post a Comment