Sunday, 20 April 2008

أخر الرومانسية

عندي كمية مشاعر وأفكار رومانسية عظيمة اﻷيام دي ومش عارف ليه .. يعني مثلا خد عندك

كلم صاحبتك علي الموبايل واستني لما ترد
وأكيد هتعرفك لإنه المفروض تكون مسجلة رقمك
لما تقول الو قلها بحبك وأقفل السكة ف وشها

الحركة دي فظيعة .. حركة بتبين كل حاجة وبتجيب م اﻷخر
بس الجاية دي أفظع

كلم صاحبتك علي الموبايل واستني لما ترد
وأكيد هتعرفك لإنه المفروض تكون مسجلة رقمك
لما تقول الو أقفل السكة ف وشها

إيه رأيكوا؟ متهيألي مفيش بعد كدا .. ومينفعش يكون فيه رومانسية أكتر من كدا .. المشكلة إن مفيش بنت هتسموا بمشاعرها عشان تفهمك .. أكيد هتقول إن الشبكة فيها مشكلة ولا حاجة .. وعمرها ما هتفهم إنك كنت عايز تسمعها عشان صوتها وحشك

8 comments:

متغيرة شوية said...

معلش بجد بجد بس لازم أقولك كده
تصدق انك رخم

سمراء said...

كلم صاحبتك علي الموبايل واستني لما ترد
وأكيد هتعرفك لإنه المفروض تكون مسجلة رقمك
تخيل لو ردت قالتلك مين معايا ؟
أكيد هتقول إن فيه حد جنبها.. وعمره ما هيفهم انها زهقت من كتر ما كان رومانسي وعايز يسمع صوتها بس
سمراء

على باب الله said...

و مالها قزقزة اللب و التمشية علي الكورنيش .. و أنتم ملبسين بعض جوز دبل صفيح ؟

أم الرومانسية اللي في الدنيا

---

micheal said...

هههههههههه...نظريه برضه
بقولك يا عم بيشو..أنا كنت بتكلم مع ياسمين سكاي لايت إمبارح و عاوزين نلتقي بعد 3 مايو..إيه النظام...ساعدني أنمنا نوصل للبشر
أنا حخاطبهم من الفيس بوك..شوف أنت تقدر تقول لمين عشان ننسق
تحياتي

sabrina said...

لو نيتك صاااااافيه هتفهم!

The Alien said...

متغيرة شوية

أديكي مفهمتيش يا سلمي
دي مش رخامة .. دا إبداع
الرومانسية محتاجة تجديد
ومتهيألي مفيش تجديد أكتر من كدا

نورتيني ياجميل

*************************************
سمراء

ياسلام عليكي
زي ما قلت لسلمي ف التعليق اللي فات
الإبداع .. إنتي كدا إستخدمتي خيالك
ودا بيكون مفيد جدا للعلاقة
هيخلي الإتنين يفكروا

نورتيني جدا

The Alien said...

علي باب الله

أيوة كدا
هي دي اﻷفكار اللي الناس محتاجاها عشان تجدد علاقتها
فعلا .. أم الرومانسية اللي ف الدنيا

منورني دايما

***************************************
مايكل

نظرية .. بس ياريت يعملوا بيها

فكرة حلوة
الناس دي وحشاني بجد
بس متهيألي المفروض نحدد معاد

نورتني

*************************************
sabrina

بقي كل اللي بعمله دا وتبقي نيتي مش صافية!
أكيد نيتي صافية
ولو مفهمتش تبقي غلطتها
:)

نورتيني
وأتمني أشوفك دايما

اجندا حمرا said...

ياسلام علي التجديد

رومانسيه القرن الواحد و العشرين:))))

فعلا يابيشوي ممكن الواحد يعيش لحد مايسمع عن اليوم ده اللي حتحصل فيه الحاجات دي؟

تحياتي ليك ياقمر