Saturday, 10 May 2008

ساكتين

ساكتين
يزود ينقص وإنتوا واقفين
يشيل يحط وأنتوا مش فاهمين
تاخدوا علي قفاكو وبرضه متنحين
مش لاقين تاكلوا يا مساكين
وإن إتكلمتوا علي طول تبقوا مساجين
شعب طيب ... يمكن
بس علشان كده مسروقين
كل اللي بتعملوه إنكم بتدعوا ... وتستنوه يقول أمين
خليكوا مستنيين ... إن الله مع الصابرين

11 comments:

على باب الله said...

يا باب يا مقفول ... إمتي الدخول
صبرت ياما و اللي يصبر ينول
دقيت سنين ... و الرد يرجع لي : مين ؟
لو كنت عارف مين أنا كنت أقول
وعجبى.!!

صلاح جاهين

بيسوو said...

لأ متقلقش..من ناحية الصبر عندنا منه بالقناطير المقنطرة..كتيير قوي

اما بقى من ناحية اننا مساكين ومتنحين وساكتين..ده بس من الحر والجوع والفرهدة..مش اكتر

مش احنا برضو نفس الناس الي عملت مظاهرات ايام الانجليز مطالبين بالجلاء واحنا برضو الناس الي عملت مظاهرات ورحقوا الدنيا لما رغيف العيش غلي ايام السادات

ايه الي انا بقوله ده..انجليز ايه وسادات مين..على رأي واحد اعرفه احنا في زمن المسخ

اجندا حمرا said...

كلامك حكم بجد يابيشو

ساعات بحس ان الصبر مفش اكتر منه عندنا
نجعجع و نزعق بس في الاخر بننزل علي مفيش طب و ايه الحل؟ياتري فيه حل؟ونهايه للي احنا فيه؟
تحياتي ليك

الافغاني said...

انا اتخنقت ياعم الين


احنا مش ناقصين




ع العموم مدونة رائعة انا اول مرة ازورها


يسعدني ان تزور مدونتي انا لسه مستجد

The Alien said...

علي باب الله

الباب مش هيتفتح لوحده
واللي يصبر مش بينول ولا حاجة

منورني دايما

************************************
بيسوو

معاكي إن عندنا منه الصبر كتير .. ومعاكي إننا مساكين .. ومعاكي إننا كنا زمان كويسين .. بس إيه الفايدة؟
إحنا في زمن المسخ

نورتيني

The Alien said...

أجنجا حمرا

الحل ؟؟؟
أنا شخصيا مش عارف ومش شايف
الموضوع فعلا معقد وصعب

منوراني دايما ياجميل

************************************
اﻷفغاني

مش إنت لوحدك .. كلنا مخنوقين

مبسوط بزيارتك وأتمني أشوفك دايما
نورتني

micheal said...

حلوة منك يا بيشو
:)
تحياتي

سمراء said...

لسة الاغاني ممكنة
سمراء

rai said...

شعب طيب ... يمكن
بس علشان كده مسروقين
===========

احلى بيت
بسبب طيبة الشعب
تحاول الحكومات سرقته
وكل من يكون طيب
مثلما تقولون
بينظرب على قفاه :)

مدونة رائعة


تحياتي

The Alien said...

micheal

مرسي كتير
نورتني

************************************
سمراء

مبقتش متأكد

نورتيني

*************************************
rai

مبسوط جدا بزيارتك
ومبسوط أكتر إن كلامي عجبك
وأتمني أشوفك تاني

نورتني

The Innocent said...

طفح الكيل والكاس اتملا
هم وفقر وفوضى وغلا
فقلت أقوم اوريهم المرجلة
قالو لي اصبر، الصبر طيب يا ولا

تحياتي