Tuesday, 19 August 2008

غريزة أساسية

أنا زمان كنت بقول إن الجنس نتيجة للحب .. يعني لما إتنين يحبوا بعض يبقيوا عايزين يناموا مع بعض .. وكنت بتصرف علي هذا الأساس .. مكنتش بعرف أتخيل إني ممكن أنام مع بنت مش بحبها. اليومين دول بدأت أفصل شوية بين الحب والجنس .. إكتشفت إن الإنسان ممكن يستمتع بالجنس من غير حب .. إكتشفت إن دا بيحصل فعلا.

أنا كنت إتكلمت عن هرم ماسلو للإحتياجات قبل كدا .. بس كنت بستخدمه ف حاجة تانية .. المرادي أنا بفكر فيه عشان أوصل للعلاقة بين الحب والجنس.

هرم ماسلو للإحتياجات بيقول إن المتطلبات الأساسية في أسفل الهرم وكل ما نطلع لفوق الإحتياجات بتعلي .. يعني تحت هنلاقي إحتياجات زي الأكل والسكن وكل ما نطلع نلاقي إحنياجات زي التعليم والعلاقات الإنسانية اللي علي رأسها الحب.

لما فكرت وقعت في معضلة فلسفية عظيمة .. الجنس هو واحد من أهم الإحتياجات الأساسية للإنسان وبنلاقيه تحت ف أول درجات الهرم .. أما الحب فيمثل أسمي العلاقات الأنسانية وبنلاقيه ف أعلي الهرم. وبما إننا لازم نطلع الهرم بالتدريج من تحت لفوق .. يبقي إحنا مينفعش نحب وإحنا معندناش إشباع لغريزة أساسية زي الجنس!!!

هي دي المعضلة .. الجنس ثم الحب .. ولا الحب ثم الجنس ؟؟؟

أنا مش عارف

6 comments:

Wandering Scarab said...

Alien..

You raise an excellent subject. I, personally believe in the Triangular Theory of Love: Intimacy + Passion + Commitment. Sexual activity is part of passion, therefore without it love is not complete. In order for love to be complete all parts of the triangle have to connect. I'm sure others see it differently, but that's the way I see it. I think sex in general is as necessary as food. If you were starving and you had nothing but rice to eat, and you hate rice, would you starve or would you eat it to keep yourself alive? Sex is a basic instinct that needs to be fed every once in a while. Sex feels good in terms of biology with the release of endorphins, which is why on it's own it still is very much needed. However, sex with someone you love is far superior in terms of emotional connection. In summary, I'm in favor of sex before love.

زهرة الياسمين said...

أكيد الحب الأول طبعا
و إلا أصبح الجنس غريزة حيوانيه
صحيح الجنس زى ما وصفته غريزة أساسية لكن اللى بيعيش عمره كله ما يتجوزش او تعيش عمرها و ما تتجوزش تعمل ايه ؟؟
تروح تنتحر على كده

micheal said...

أعتقد الحب الاول
والله أعلم
:)
تحياتي

اجندا حمرا said...

شوف يابيشو ممكن تستمتع بالجنس من غير ماتحب اللي معاك بس اكيد الاستمتاع حيكون اكتر لما تكون بتحب اللي معاك و عموما ده بيختلف من واحد للتاني فيه ناس مفيش مشكله عندهم الجنس من غير حب و فيه ناس ماتقدرش تمارس الحب الا مع حد بتحبه
عشان كده فيه حاجه اسمها جنس و فيه حاجه اسمها ممارسه الحب
تحياتي ليك

ahmEd_H said...

الجنس من غير حب هو مجرد جنس و الجنس يصحبه الحب هو الحب

Mul7id Muslim said...

كل حاجة بيعملها البني آدم بيعملها عشان إستمرار الجنس البشري. حتى الحاجات إلي بيعملها لا إرادياً.

الجنس وظيفته واضحة في إستمرار الجنس البشري. لكن الحب مش واضح أوي. وظيفة الحب إنه بيخلي الواحد يحافظ على الناس إلي بيحبهم. وبالتالي يقدروا هما يعيشوا أطول و يخلفوا عيال أكتر. والنتيجة أكيد إستمرار الجنس البشري.

لكن بما إن تأثير الجنس أقوي على إستمرار النسانية، فبالتالي غريزة الجنس أقوي من الحب. يعني الجنس ليه أولوية على الحب. و مش لازم تكون بتحب واحدة عشان يكون بينكم جنس.