Tuesday 2 December 2008

بجاز وسخ

إيه يخلي أب بنته ماتت من كام يوم يبقي كل همه إن شرف بنته يفضل متصان
إيه يخلي الأب يقول إنه فرحان ومصر كلها فرحانه لما اللوا بشره بالحقيقة
إيه يخليه ميهموش ف كل اللي حصل غير إنه يقول إن بنته مؤدبة
إيه يخليه يقول إن بنته ماتت وهي ساجدة لربها ؟؟؟؟؟؟

مجتمع كل همه وتركيزه ف جريمة قتل هو إذا كانت البنت بتنام مع صاحبها ولا لسه عذراء
إذا كانت هي وصحبتها بيشربوا مخدرات ولا أخرهم بيبسي
مجتمع سايب جريمة قتل وماسك ف سيرة البنات واللي بيعملوه


إحنا فقدنا كل إنسانيتنا
محصلناش الحيوانات اللي المفروض إننا أكثر تطورا منها
إحنا مجتمع وسخ يستاهل الحرق بجاز وسخ

9 comments:

Empress appy said...

ربنا يحميك يا رب
انا كتبت بوست عندي باسم عادتهم ولا هيشتروها عن كده برضه من قبل ما يتعرف اي حاجه خالص والله

على باب الله said...
This comment has been removed by the author.
على باب الله said...

أولوياتهم كده

أعضائهم التناسلية أولاً

ثم يتبعها - بمسافة محترمة - كل شيء آخر

---

الجميل أنهم لا يفوتون أي فرصة للتوقف و حمد الله حمداً كثيراً .. أنهم ليسوا مثل الغرب المنحل العربيد

Unknown said...

والله معاك حق
يعني البنت ماتت المفروض الراجل يكون كل حزنه علي وفاة بنته بس المجتمع فرض عليه ان يكون كل تفكيره ازاي يدافع عن بنته و يقول انها كانت عذراء و شريفه

مجتمع فاسد بيسيب المشكله و يمسك في التفاهات

ربنا يرحمنا

Guevara said...

احلي من الشرف مفيش

انا من كنر العصبية كتبت تعلقيت كتير ومش عارف ارد
بس يا ريت المجتمع ابن الكلب بتاع الشرف دة يقولنا فين هو الشرف دة ولا الشرف بقي محدود في عضو لانثي فقط
طب انا بقول لكل انثي لو دة الشرف بجد استغني عنة دي حاجة اخر قرف وبلد ملعونة ووسخة وقدرة وكل اللي بتكلم فيها عن الشرف معتدوش اصلن اي شرف

اية البلد دي يا ريت نصحي الصبح ومنلقيش البلد دي ونخلص يا اخي
انا هموت من الغيظ

مُزمُز said...

مجتمع وسخ؟ اكيد
ناس وسخة؟ طبعا
مقاييس عجيبة وعقيمة؟مفيش شك
أفكار مضطربة؟ بديهي

كل دي أشياء معلومة من المصريين بالضرورة

لذلك كل ما أتمناه بقى بجد
إنك تحافظ على أعصابك
وتاخدش اي حاجة من دي على سدرك لانها هتتدمرك
وتحاول تتفرج وتضحك او تتفرج متضحكش حتىبراحتك
يعني
خلليك سلبي شوية
سلبي كتير في الحقيقة
الحكاية مبقتش مستاهلة اي حرقة دم ولا وجع دماغ والله
في صحتك بالدنيا يا بيشوي يا اخويا

عيد اضحى سعيد يا عم :P
وواحشني والله يا عم

واخيرا

ياريت لو تاخد ايميلي ده وتضيفه عندك
MIZO_bns2011@yahoo.com

:)

وينكى said...

معلمي
انا ماعرفش اى حاجه عن الموضوع ده
بس مش هامسك فى الحادثه وهامسك فى اللى كاتبه
بص
كلمة حلوه قوى اتقالت فى فيلم مش فاكراه
اعمل اللى انت عايزه.. مادام ماحدش شايفك
وكل ما مركزك يبقى اقوى
اعمل ولو اتشافت .. اللى شافوك هايعموا نفسهم
الناس مابقاش عندها قضية تدافع عنها
فابتعمل زى الناس وخلاص
روق دماغك يابنى.. والله حاسه ان اخرتك هاتموت مشلول م اللى بتعمله ف نفسك

محمود محمد حسن said...

وجعتني تتصور

مجتمعنا بقى اوسخ مما يمكن تحمله

Anonymous said...

بيفكرني بوالدي لما قاللى اهم حاجة فى البنت انها تكون مؤدبة

كل تفكيرنا هنا فى مصر حتى كاأقباط هو له منطلق واحد الا و هو الجنس