Wednesday, 14 March 2007

البلد

قاللي كفاياك قلق ع البلد

لا عندك بيت ولا شايل هم ولد

إنساها وإنسي اللي بيحصل فيها

وبطل تزعل علي حاجة ملكش دعوه بيها

والناس اللي محدش بيهم عليم

ليهم رب إسمه الكريم

البلد دي أحسن من غيرها

عيش ومتفكرش في تغيرها

**************************************

القضية مش قضيتك

والحرب مش حربك

دور علي قضية ينفع تدافع عنها

دور علي حرب ينفع تكسبها

دور علي ناس يستاهلوا مجهودك

****************************************

مجتمعك هو الناس اللي جنبك

سيبك من اللي بيحصل بعيد عنك

****************************************

أنا كنت ف اللعبة دي زمان

لو ليك مصلحة أدخل وكمل

بس لو ملكش أبعد عن المكان

*****************************************

ده كلام الناس لي ... كل القريبين مني قالوا نفس الكلام ... أنا مش عارف أعمل كده ... مش عارف أبعد وأبطل أتخنق ... بس شكل كلهم عندهم حق ف اللي قالوه ... أصل ف اﻷخر أنا اللي بلبس اسود ... أنا اللي بقعد متدايق وقرفان ... ليه أبدأ يومي متنرفز ومش طايق حاجة ... لو أكبر دماغي هتبقي عال

21 comments:

mano said...

للأسف يا بشوى انا كمان بسمع الكلام ده كتير
انتى مالك
خليكى فى نفسك
مش انتى اللى هتصلحى البلد
المهم ان انتى كويسه مالك و مال الناس

لكن لو احنا كمان انسحبنا هيتبقى مين
اوعى تبعد يا بشوى
و صدقنى اللى زيك مش هيقدر يكبر دماغه حتى لو حاول لأنك بتحب بلدك من غير مصلحه
تحياتى ليك

الزعيـمة said...

كلنا بنسمع الكلام دا
لان معظم البينصحونا بية منهم جربوة
زمان ايام شبابهم وفى الاخر بقي الحال على ما هو علية .. فعايزين يوفروا تعبنا وصحتنا واعصابنا لشئ يفيدنا احنا ومستقبلنا ..

طبعا انا مش معاهم
لكن مقدرة وجهه نظرهم وخوفهم علينا


زميلي بيشوي
تقبل ارق تحياتي

Bassam said...

Ma yo3'yer Allah ma beqwmen ma lam ya3'ayaro ma b2anfosahom

elle 3ayez ya3'ayar Masr lelasaf mesh 3'areeb 3an el7koma we bas, dah 3'areeb 3an elnas, be3tabroh kafeer, 3amel, liberaly "liberal" (we deih 7aga wa7asha fe balad mo7afaza "conservative")

7ata kol elnas elkoyaseen elle hena mabasosh le Karim we a3tabroh Kafer we deih elnahaya beta3toh
belra3'm men en Karim kan 3andoh afkar koyasa kateer mogarad eno mol7ed kan sabab kafee en 7ata el mofakreen yat7'alo 3ano

Bas lo 7'adto balko men elle Karim 2aloh hatla2o eno matl3esh shatam 3ala elaslam kol elle 3amlo eno adam weghet nazaro feih, we dah mesh elmafrood yo3tabar azdara2

asf eza kont 7'alat el2ora2 bas ana mota2keed en 3ala el 2a2l feih wa7ad hayafhamnee (sa7 ya Alien)

مصر هى أمى said...

بيشوى
انا مش عارف احنا المفروض نعمل ايه
لو سكتنا وكنا سلبيين هتفضل الحالة منيلة برده واولادنا هيطلعوا ينتقدوا سابيتنا اللى مغيرتش حاجة وان احنا سبنالهم البلد منيلة
ولو اتكلمنا اهالينا يمنعونا من الكلام ويقولولنا احنا خايفين عليكم وان مفيش فايدة والحكومة بتضغط من الناحية ديه تمسك الواحد وتعتقلة هوا واهلة وتبهدلهم
محدش عارف ايه المفروض نعمله

متغيرة شوية said...

وليه تهتم بكلامهم اصلا..يا عم خلي اللي يقول يقول..اعمل اللي انت شايفه صح علشان تبقى مستريح من جوا ، لأنك لو سمعت كلام الناس عمرك ما هتبقى مستريح.
لكن في حاجة كمان ، كونك حامل مشكلة بلدك ومهتم انك تخليها أحسن مش معناه انك تعيش في اكتئاب ن انت ممكن تعيش وتموت والمشاكل ما اتحلتش ، علشان لازم تفضل تضحك وتعيش حياتك من غير ما تبيع تالقضية وبرضه من غير ما تكتئب

david santos said...

هذا عمل جيد جدا ، شكرا

شادي فايد said...

بيشو

مدونتك جميلة قوي وعايز قاعدة عشان الواحد يقراها كله

تحياتي

micheal said...

ياما الواحد سمع كلام من ده كتييييير بس عاوز أقولك أعمل اللي أنت حاسه و مقتنع به عشان تكون راضي عن نفسك
تحياتي لك

مزمز said...

يا سلاااااااااااااااااام

الكلام ده متظبط معايا جدا بما إني محبط بشدة هذه الأيام كل شئ يدعوا للإحباط على جمييييييييع المستويات لدرجة أنني أحيانا أفكر أنني أصبحت سوداويا أو ما شابه ولكن كل الناس حولي محبطون يعني أنا سليم والحمد لله مش عيام لوحدي

عموما أهو الواحد بيحبط وبيكتئب وبيؤمن إن مفيش أمل وبيرجع تاني يضحك على نفسه ويقول:

آه ما أقسى الجدار
ربما لولا الجدار
ما عرفنا قيمة الضوء الطليق

رحمك الله يا أملا
.
.
قصدي أمل دنقل طبعا
ههههههه

whyme said...

لا فيه فايده و لو كلام الناس الى حواليك كده اسمع بقه كلام الناس الى بتحبك


البلد دى بلدنا و الى يصبها يصيبنا

لو قلت انا مالى و مشيت جنب الحيط هتعيش وتموت عبيط

لو فكرت فى نفسك و ناسك بس الى حواليك مين ياعينى هيفكر فى الى مالوش ناس ولا ضهر


صديقى العزيز انت نموذج جميل لشباب مهتمه بجد ببلدها و بانسانيتها فباش تحت اى مسمى ترجع من اول الطريق و برضه بلاش تتغم على اول اليوم خليك دايماً سعيد كفايه انك بتفكر فى غيرك و مهتم بيه و كمان خليك دايماً فخزر بالى وصلت له لان كتير من شبابنا هيعيش و يموت و هوه معرفش فى يوم يعنى ايه شكل الانسان

Sharm said...

عيش حياتك مش حياة غيرك

دوللي said...

المشكله ان احنا كلنا جوانا اللي جواك لكن مش بنشجع بعضنا لكن شاطرين قوي في كلمه وانا مالي
طريقه سرد الموضوع جميله تحياتي

The Alien said...

mano

أنا فعلا مش قادر أكبر دماغي
كتير بحاول وأقوا لنفسي كبر تعيش
بس فعلا مش بقدر

************************************
الزعيمة

لو اللي قبلنا جربوا وملوش فايدة
طب يبقي إحنا بنعمل إيه
هو ده اللي مجنني
ومخليني متدايق

*********************************
بسام

فاهمك ياعم
هو فيه حد فاهمك ادي

*********************************
مصر هي أمي

الي أنا بعمله
إني شوية بعافر
وشوية بزهق
شوية شجاعة وأمل
وشوية خوف وقلق
وشكلها هتفضل كده علي طول

***********************************
متغيرة شوية

أنا بقي مشكلتي إني بتأثر وبيبان علي
يعني تلاقيني لما أشوف حاجة من الحاجات اللي بتدايقني ع الصبح
أفضل باقي اليوم متدايق
وياريت أعرف أعيش من غير ما أبيع القضية

************************************
David santos

شكرا علي الزيارة والتعليق
أنا زرتك بس مع اﻷسف
مدونتك بالفرنساوي
وأنا علاقتي بيه فيها شوية مشاكل
أتمني تكرر الزيارة

************************************
شادي

اقعد براحتك ياعم
المهم تلاقي حاجة تعجبك
وهستني تعليقاتك

The Alien said...

مايكل

أنا مقتنع باللي أنا بعمله
بس كتير بيجيلي إحساس باليأس
ومش ببقي عارف أنا هفضل مخنوق لغاية إمتي
وهو ده اللي تاعبني

*************************************
مزمز

فينك ياعم من زمان
مبسوط إنك زرتني

الكلام ده متظبط معانا كلنا
اللي إحنا فيه عامل حالة إحباط عامة
وده اللي بيعمل إحساس باليأس
وعلي رأيك ورأي أمل
لولا الجدار ما عرفنا قيمة الضوء

************************************
whyme

مش عرف أقولك إيه علي كلامك الجميل
غير إن الكلام ده هو اللي بيخلي الواحد يكمل
ويقول إنه لسه فيه فايده

*************************************
sharm

أنا حياتي بتتأثر بقوة بحياة غيري
وهي دي المشكلة

*************************************
دوللي

شكرا ع الزيارة والتعليق

الإحباط والكلام ده موجود كتير
عشان كده الواحد بيحاول يدور علي كلام يشجعه
عشان يقدر يكمل

ahmEd_H said...

بلادى بلادى بلادى

أقولك رايى فى الموضوع دا يا بيشوى يا خويا

انا شايف اننا نتكلم برحتنا و نقول كل اللى احنا عايزينه بس من غير ما نغلط فى حد

و لولا ان فى ناس اتكلمت و قالت لا كان زمنا لسة بدرى علينا بس دلوقتى صدقنى هانت

إبراهيم said...

زي ما انا وانت رغينا مع بعض في الجيزة.. هتعمل إيه وعملك ده هيوديك لفين؟

يا سيدي حاول تغير نفسك.. ومن تغيير نفسك يبدأ تغيير ما حولك.. إن الله لا يغير ما بقوم حتى يغيروا ما بأنفسهم.. ديني قاللي كده.. وأكيد دينك ميختلفش كتير.. الرسالة واحدة

رسالة المسيح عليه السلام كانت تطهير الأرض وتعميم المحبة
ورسالة محمد عليه الصلاة والسلام تطهير الأرض وتعميم السلام

والسلام والمحبة حاجة واحدة
سلام يا اخي في المدونات وفي الانسانية وربنا يستر ومتبقاش أخويا في المعتقلات

ياسمين said...

لا تكن الا انت يا بيشو

انا كنت أصلا جاية أشكرك
على الكومنت بتاعك على البوست الأخير

تحية من قلب مجروح

Memo said...

aih ya ebny elgamal dah enta ely katb elklam dah
tah7itshy begad elmdowna gamila
awl mara agy bas not gonna be the last
ta7ishty

The Alien said...

ahmed

مأنا بقالي كتير بتكلم
ومن غير ما أغلط ف حد
والكلام ملوش لزمة
بس لو إنت شايف إنها هانت
يبقي أنا معاك يا معلم

****************************
إبراهيم

عارف لما تحس إن اللي بتعمله وبتقوله ملوش لزمة
وإن الحال مش هيتعدل ولا الناس هتفهم
اﻷديان طول عمرها بتقول ومفيش فايدة
اﻷيام بتعدي ومفيش حاجة حوالينا بتتغير

منورني ومبسوط بزيارتك
وياريت تتكرر

**********************************
ياسمين

صدقيني بحاول
بس الواحد ساعات بيتعب

منوراني يا ست الكل
وأتمني ترجعلنا بسرعة

***********************************
memo

المجنونة الجميلة
مبسوط جدا بزيارتك وبكلامك

عمرو said...

المدونة جميلة وارجو كتابة الكثير من الاخبار

عمرو said...

المدونة جميلة وارجو كتابة الكثير من الاخبار