Wednesday, 28 March 2007

جنون

بتجيلي لحظات كتير بحس إني مخنوق ومتكتف
محتاج أطير أرقص أجري وأغني
محتاج أعمل اللي أنا عايزه من غير ليه
محتاج أتجنن

الجنون بالنسبالي حرية
حرية التخلص من كل القيود المفروضة علي
حرية التخلص من كل حاجة بعملها وأنا مش عايز
متستنوش مني أمثلة ... الأمثلة كتيرة وكلنا عندنا منها

اللي إحنا بنسميهم مجانين هما ف الحقيقة أحرار
قرروا يتمردو علي النظام والمجتمع
قرروا ينطلقوا ويكسروا كل القيود الإجتماعية وحتي اﻷخلاقية
قرروا ببساطة يعملوا اللي هما عايزينه ف الوقت والمكان اللي عايزينه

طبعا بتقولوا إني بقول كلام كبير
بس الموضوع أبسط من كده بكتير
الجنون مش حاجة غريبة علينا
الجنون موجود ف كل حاجة حولينا
التناقضات اللي إحنا عايشنها كلها همسات من الجنون
إحنا عايشين ف عالم مرستان ملئ بالجنان

28 comments:

مصر هى أمى said...

بيشوى

ايه يا عم اللى انت كاتبه ده صحيح ان الوااحد ساعات كتير بيحب يعمل حاجات مجنونة يجرى فى الشارع يروح هنا او هنا لكن متبقاش حياتنا كلها جنان
وعلى العموم متخافش لو انت متجننتش لوحدك الحكومة وتصريحاتها هتقوم بالواجب وزيادة

smraa alnil said...

ايه الجديد اللي جبته يا بيشوي
عادي بقي
اتجن يا ابني ولا يهمك
كدة كد احنا في نظر الغير مختلين عقليا

micheal said...

اتجنن يا ابني علي بركه الله و كلنا وراك...ما هو ازاي الواحد حيحتفظ بعقله وسط كل اللي حوالينا...أنا شخصيا اتجننت بعد موريتانبا
تحياتي لك

reri said...

هو في أحلي من الجنان ... وعيشة المرستان...إتجنن يا بيشو ...ده قمة العقل في زمن الجنان...ده كفايه اللي بيحصل حولينا ...إنت مستني إيه ...المفروض كنت إتجننت من زمااااااااااان

سلامات

Guevara said...

الجنون مرتبط بالفن ومرتبط بالحرية
انا مع الجنون البناء وضد الجنون الهمجي

ياسمين said...

احنا فعلا عايشين فى عالم موريستان مليان جنان
المهم اننا فى حريتنا وجنوننا ما نجرحش حد ولا نؤذى حد
واحشنى بجد

The Alien said...

مصر هي أمي

أنا مش عايز حياتي كلها جنان
أنا بس عايز شوية حرية من اللي هما بيسموها جنان
والمفروض دلوقتي نعزر أي مجنون بسبب اللي بيحصل فينا
وكتر خير البني ادم مننا
تصريح واحد من الحكومة بيعملي عته مغولي
فقلت أخليها تيجي مني المرادي

*******************************
سمرا

علي رأيك ياجميل
دا أنا لما بمسك كتاب ف المترو
بيفتكروني مجنون
يبقي بالمرة والواحد يتتجنن بمزاجه

********************************
مايكل

دا اللي حصل ف موريتانيا
طيرلي برج كامل من اللي باقينلي

********************************
ريري

الجنون هو الحرية
ومفيش أحلي من الحرية
بس لازم كله يشارك ف حملة الجنان
ولازم كل واحد وواحدة يبدأو بنفسهم
يعني نتجنن كلنا مع بعض
ونشوفلنا حته نقعد فيها

*********************************
Guevara

الجنون مرتبط بالحرية وده اللي بقوله
لكن يعني إيه جنون همجي وجنون بناء؟
لو الجنون الهمجي هو إن الواحد يعمل حاجة مجنونة من غير أي هدف أو تفكير
فده ساعات بيبقي مطلوب

بقالي كتير متجننتش
تقدر إنت تقولي أخر مرة عملت فيها حاجة مجنونة كان إمتي؟؟؟؟؟

*********************************
ياسمين

بس هما يسيبوني أتجنن
وأوعدك مش هدايق حد مني
يعني لا همشي أزقل الناس بالطوب
ولا هكسر عربيات ويفط

وإنتي كمان واحشاني كتير
وأتمني نتقابل قريب

الزعيـمة said...

ومين سمعك يا بيشو

انا اول واحده نفسي اتجنن
ولو ان فيا جنان برضة
و لحظات الجنان بتكون فعلا ممتعه

شادي فايد said...

هو انت كل ده ولسة عاقل

:)

mano said...

نفسى نتخلص فعلا من القيود يا بشوى
ساعات احنا بنقيد نفسنا
امتى نعمل اللى بنحبه طالما مش غلط
لأن كده كده الناس مش هيعجبهم حاجه

تحياتى

Carol said...

تيجي نتجنن :)
معك في كل حرف
أنزع الأقنعة
أضحك و
غني بأعلى صوتك
تعلم فن الرقص
عيش الجنون
تمرد
انظر للدنيا كما تراها أنت
هذا ما أعيشه
بس على فكرة محتاج مجهود شوية
بس المهم تكون مبسوط

amira said...

بيشوي

إزيّك

بخصوص عالم الموريستان وخلافه
عندك حل من إتنين
إمّا إنك تشوفه حدث غير إعتيادي وهياخد وقته ويخلص
ولمّا ما يخلصش
تتجنن
أو إنك تشوفه أمر واقع
فتحاول تصلحه
ولمّا ما تعرفش
تتجنن برضه

يللا
المهم إنك كويس

سلااام

tearwhispers said...

الجنون موجود فى كل حاجة حوالينا
ألذ حاجة ان الواحد يعمل اللى هو عايزه
مهو كده كده كل واحد بيقول على التانى مجنون كل واحد مجنون بطريقته
و لو دورنا على كلام الناس عمرنا مهنعمل حاجة
هنعيش و نموت فى كبت
فلما الواحد يتجنن و هو بيعمل اللى هو عايزه احسن ميتجنن من النكد و القهر الداخلى

ملحوظة

طبعا الكلام ده أكتبه لكن عمرى منفذه لانى مازلت عايشه فى قيود الواقع

3araby said...

كلامك كلام ناس عاقلة وبتفكر صح .
بس يارب منتجننش اكتر من كده كلنا.

Sharm said...

و ما الدنيا الا مسرح كبير يا بيشوي

ياسمين said...

حضر نفسك للقاء اللى جاى

bastokka طهقانة said...

لسة الجنون جاي ورا

The Alien said...

الزعيمة

وأنا كمان مليان جنون
بس نفسي أطلعه بحرية
حتي ولو شوية صغيرين

*****************************
شادي فايد

صدقني مش عارف إذغ كنت لسه عاقل
ولا خلاص إتجننت
بس اللي عارفه
إني نفسب\ي أتجنن

*****************************
mano

معاكي حق
إحنا الي بنعملها ف نفسنا
مش عاجبنا حاجة
ونفسنا نعمل كل حاجة

******************************
carol

هو حتي الرقص بقي جنان!!!!!!!!!
طب دا أنا الرقص من أحلامي
شكلي كده هبدأ جناني بيه

الموضوع مش سهل
لول إنتي عرفتي تعملي ده
قوليلي ينوبك في سواب

********************************
amira

جربت الحل الأول ومبيخلصش
وجربت التاني ومبيتغيرش
والحل عشان أبقي كويس إني أتجنن

The Alien said...

tearwhispers

كل واحد مجنون بطريقته
ونفسي نتجنن كلنا
وياريت لو نساعد بعض

مبسوط بزارتك جدا
وأتمني تتكرر

*********************************
3araby

مش أكيد إننا ناس عاقلة
لإن كتير شايفنا مجانين
وأنا بقي نفسي نتجنن بجد ونخلص

نورتني
********************************
sharm

مش بس مسرح كبير
دي مرستان كبير

*******************************
طهقانة

هو هيبقي فيه أكتر من كده؟

شرفتني

ahmEd_H said...

يابنى مهو لازم تعيش مجنون علشان تواكب المجتمع اللى انت عايش فيه

فعلا الجنون حرية بس لو متحكمتش فيه حيكون السبب فى الكثير من القيود

إبراهيم محسن said...

بيشو حبيبي

جنووووووووووون انا عاجز عن الوصول للجنون.. العالم مش مجنون.. العالم بيصطنع الجنون
يعني الحكومة بتعمل عبيطة علشان تكلفتك
وأمريكا عملت عبيطة لما دخلت العراق
واسرائيل كذلك مع فلسطين
والعالم كله شايف اللي بيحصل وعامل عبيط

ممكن أنا كمان أعمل زي ما قال علاء ولي الدين
اعمل نفسك ميت
سلام

Bassam said...

anta feen?

The Alien said...

ahmed

هي دي النتيجة اللي وصلتلها
لازم تتجنن عشان تعرف تعيش
بس إزاي الجنون يتيبب ف قيود إذا كان الجنون حرية؟

*****************************
إبراهيم

إن الواحد يصطنع الجنون
ده فحد ذاته جنون
أنا مش عايز أعمل مجنون
أنا عايز أتجنن

dyin_soul said...

الحمد لله اني مش طلعت مجنونة لوحدي

طلع ليا اشباه كتير الناس كلها

مشجعاك وأنا أولهم عشان أنا طبيعي

مجنونةةةةةةةةةةةة

:)

The Alien said...

dyin soul

كويس إن الواحد لقي حد يشجعه ف المشوار ده
واضح إن الجنون بقي إتجاه عام ومطلب شعبي
ولذلك يجب التفكير ف خطوات جدية
ووضع خطط مبدأيه للجنون
عشان نتجنن كلنا مع بعضينا

حياة الروح said...

انا بحس بنفس الا حاسيس دى ونفسى بجد اكون مجنون والناس تسبنى فى حالىصحيح المجانين فى نعيم....ممكن بما انى مدونه جديده تضع مدونتى عندك عشان الناس تعرفنى....شكرا

Anonymous said...

بتفكرني "بهمس الجنون" لنجيب محفوظ

The Alien said...

حياة الروح

كلنا جوانا نزعة جنونية
بس أغلب الوقت قافلين عليها ومكتفنها
أنا نفسي أسيب نفسي وأتجنن شوية

*******************************
anonymous

أنا كتبتها بعد ما قريتها