Monday, 30 April 2007

حفلة

عرفت متأخر معاد ومكان الحفلة ... كل اللي كنت عارفة إن فيه حفلة لوجيه عزيز يوم الحد ... ملحقتش أكلم غير شوية ناس قليلين وشكلهم كدا مش جايين بس عادي ... هروح لوحدي زي كل مرة ... الحفلة كانت الساعة 8 ف متحف أحمد شوقي ف الجيزة ... أنا معرفش المكان ودي أول مرة أروحه ... مشيت كتير بس ف اﻷخر وصلت ... المكان جميل جدا ... البيت مش ضخم بس جميل ... الحفلة كانت برة ف الجنينة ... الجو كان حلو جدا ... أنا بحب وجيه عزيز جدا ... يعني م اﻷخر كل الظروف متاحة عشان أستمتع بيوم جميل.

وأنا قاعد مستني قبل ما الحفلة تبدأ ... دخل محمد ياسر ... كنت عارف إني هشوف الواد دا هناك ... إتبسطت جدا ... علي اﻷقل المرادي الواحد مش هيبقي لوحده تماما ... شوية ولقيت مينا صاحبي كلمني وبيقول إنه ع الباب ... متعرفوش اد إيه أنا فرحت إنه جه ... ومتعرفوش فرقت معاي إزاي إن يبقي معاي أصحاب طول عمري بحضر الحفلات والعروض لوحدي ... المرادي كانت مختلفة وإتبسطت أكتر من كل مرة.

نفسي ييجي اليوم اللي لما أبقي رايح حفلة ... يبقي معاي شلة

20 comments:

واحد من الناس::طارق:: said...

بيشوى
ممعلش والله كان نفسى اجاى بس كان عندى مشوار مهم والله
وبعدين انت قولتى الساعة 7 لو كنت عرفت انه 8 يمكن كنت لحقت
العموم انا متشكر جدا انك اتصلت بى وبلغتنى ..
بص بقى طالما انتى بتعرف مواعيد الحفلات الجامدة دى يبقى انتى اللى هاتبقى المسئول الاعلامى لنا .. موافق ... خلاص اجماع..انت فى مصر يا بنى يعنى طالما اتقال موافق يبقى لازم بعدها على طول اجماع

وينكى said...

وااااااااااااااااا
أنا زعلانه بجد
ليه ماحدش قالى؟؟؟؟
عموما ملحوقه وحصل خير
يارب تكون استمتعت بالحفله
انا نفسي احضر حفله لوجيه عزيز

وينكى said...

على فكره انا مررتلك تاج عندى فى مدونتى
تعالى واقرا ورد عليه

شادي فايد said...

الله يسهله ياعم
حفلات
وكلام ميه ميه

ربنا يكون في عون الغلابة اللي في اسيوط زي حلاتي
:)

نبيــذ said...

ههههههه حفلة ومابتلاقيش حد يجى معاك من أصحابك ؟

غاويين نكد يعنى

nadine said...

ساعات كتير قوى مابتبانش حلاوة الحاجة غير وسط اللمة

كلامك حلو قوى و كتير بحس بيه

انشاءالله الحفلة الجاية تحضرها مع شلة كبيرة

ياسمين said...

يا بختك ما قدرتش أروح رغم ان محمد حسام كلمنى بس كنت مشغولة قوى
ماليش حظ اشوفكم

safa7_karmooz said...

انا يا جميل لو كان فى دماغى تمن شغال كنت جيت معاك...بس لسه كنت طالع من انترفيو ...معصوووور منه...ومرهق...والموود مش تمام ....

بس سيبك انت...انا روحى المعدنية اترفعت حبتين تلته لما لقيتك ماشى كده...وبتبص حواليك يمين وشمال ...كان يوم لظيظ لما شفتك يا جميل ...:)

The Alien said...

طارق

بجد كان نفسي تيجي
أنا كنت فاكرها الساعة 7.5 بس هي طلعت 8
وهعوضهالك قريب

**************************************
وينكي

أنا أسف إني مقلتش
بس أنا عرفت متأخر
وأكيد هبلغك لما يبقي فيه حفلة تاني لوجيه

ليه بس كدا
إحنا مش قلنا بلاش تاجات
علي العموم أنا هجاوب عليه
بس يمكن بعد شوية
منوراني

*************************************
شادي فايد

أنا كمان فضلت أربع سنين ف أسيوط
وعارف تماما إنت بتتكلم عن إيه
الواحد ف الصعيد بيبقي معزول عن كل حاجة
بس خلاص هانت يامان
كلها شوية وتيجي المحروسة

*************************************
نبيذ

تخيلي؟
يمكن يكونزا غاويين نكد فعلا
وشكلي هخلي الموضوع إجباري بعد كدا
منوراني وأتمني أشوفك تاني

The Alien said...

نادين الجميلة

بتفرق قوي لما يكون معاي أصحاب
وحاجات كتير فعلا مش بنستمتع بيها غير وسط اللمة
مرسي لكلامك
وأتمني تكوني موجودة ف الحفلة الجاية

*************************************
ياسمين

أنا اللي مليش حظ أشوفك
بجد واحشاني وأتمني نتقابل قريب

*************************************
السفاح

أنا كمان إتبسطت جدا لما قابلتك
وكان باين عليك إنك تعبان وطالع عينك
عشان كدا أنا مرضتش أجبرك تيجي الحفلة
بس المرة الجاية مش هرحمك

Memo said...

يا ابني ابعت قول و هتلاقي الناس كلها سابت الي وراها والي قدمها و راحت معاك
انت بس ابعت
تحياتشي

Anonymous said...

hey Besho
what do you mean with:
"يمكن يكونوا غاويين نكد فعلا"
???

john

إبـراهيم ... معـايــا said...

طبعًا كان نفسي أكون معاكم يا بشوي !!! ، بس للأسـف كان عندي امتحان غبي !!! ، ياللا يا معلم ، خيرها ف غيرها ..............

أمـــا أنا فقد تداركت الخطأ ، و ... يعني ، تقدر تقول كده ،،، مممممممم ، كتبت ..........

مش عارف أقول لك إيه ؟؟
ما علينـــــــا

مصر هى أمى said...

بيشوى

انا متشكر جدا على انك اتصلت بيا بس والله انا كنت مسافر

المرة اللى جاية قولنا قبليها بيوم وهتلاقى المدونيين كلهم جم

او نزل بوست بس وقول فيه ماشى يا جميل


تصدق لو رديت على التاج اللى جايلك لابعتلك خمس تاجات مردتش ابعتهملك مع انى كتبت اسمك فى الناس اللى همررلها التاج لكن رجعت شلته علشان افتكرت انك قولت مبتحبش التاجات

The Alien said...

memo

الجايات أكتر م الرايحات
وهنشوف

**********************************
john

دا علي سبيل المزاح
أنا بس بحب يبقي معاي ناس بحبها ويشاركوني الحاجات اللي بعملها
ومش بعتب علي حد إنه مجاش ... خالص
أنا مش بفرض علي البشر زوقي وإنهم يلتزموا بالحاجات اللي أنا بحبها
عشان ببساطة ممكن ميكونوش بيستمتعوا بيها
بس بجد بتفرق معاي كتير لما مكنش لوحدي

***********************************
إبراهيم

يادي الإمتحانات
هي ورانا ورانا
المهم تكون رفعت راسنا لفوق

بالنسبة لموضوع الخطاء اللي إنت وقعت فيه
أقدر أقول ...
ولا أقول عندك أحسن
***********************************
مصر هي أمي

حمدلله ع السلامة
أنا بس كنت أتمني أشوفك يا باشا
وبعدين ملحوقة وقريب أكيد هيبقي فيه حاجة حلوة

متقلقش يامان
أنا مش وش التاجات والكلام دا
بس أنا مش عايز أكسف حد
وبحاول أعتذر بالذوق
و بعدين أنا مكدبتش
أنا هجاوب التاج بس ف سري

وينكى said...

هاى يا جماعه
انا هاعمل حفله بلوجريه جامده جدااااااا عندى على مدونتى الصغنونه يوم الخميس 3 مايو ابتداءا من الساعه الخامسه مساءا بتوقيت مصر
المناسبات الحلوه كتيره وعاوزين نفرح مع بعض
مستنياكوووووووووو
:)

دوللي said...

فعلا اللمه الحلوه حاجه جميله و خصوصا في الحاجات دي بس انا لي عندك طلب ياريت تكلمنا عن وجيه عزيز لان لا اعرف عنه غير اسمه

micheal said...

باذن الله تتعوض يا باشا المره الجايه
تحياتي لك

The Alien said...

دوللي

تحت أمرك
هيبقي فيه بوست مخصوص لوجيه عزيز

**********************************
مايكل

ماشي ياعم مايكل
المرة الجاية

fares said...

انا اسف علي عدم التعليق مقدما ارجو التضامن معي لقياده حمله عدم سب المصريين