Friday, 6 April 2007

الموت

يقترب بسرعة
وهو يراه أمامه وينتظره
فلقد إستدعاه وهاهو يلبي ندائه
الموت
إنه قادم بسرعة
إنه قادم لا محاله
لا ... إنتظر
لقد نسيت أن أودع حبيبتي
ولكن لا وقت للتراجع اﻷن
فهو أسرع منك بكثير
ولكني أريد أن أراها
لقد أصبح قريب جدا
وأصبح القرار في يده
وماذا أفعل ؟
إنتظره
أغمض عيناه ورأي حبيبته
وأفاق من شده الضوضاء والرياح التي أحدثها الموت عندما مر بجواره
لقد تركه ولم يأخذه معه
ماذا اﻷن ؟
هل أعطاني فرصة لكي أراها ؟
نعم ... ولكن يجب عليك أن تحسن إستغلالها هذه المرة
وماذا أفعل ؟
إفعل ما كان يجب أن تفعله قبل أن تقرر أن تموت

25 comments:

مصر هى أمى said...

ايه يا ابنى البوست اللى على الصبح ده موت ايه بس دا الحياة حلوة جدا والحكومة هتصرف شهر مكافاة بمناسبة زواج ولى العهد

انت عارف انا كتير جدا بصحى من النوم بحس انى خلاص مت وانى رايح اتحاسب دلوقتى بصراحة بحس انى ضيعت عمرى فى الفاضى وبيبقى نفسى ارجع تانى واعمل حاجات كويسة
بس اما بفوق والاقى نفسى لسه مامتش مبملش اى حاجة كويسة خالص

BR!AN said...

أهلاً إيليان .. إزيك ؟!
إيه الكئابة اللي إنت فيها النهاردة يا عم ؟! ده أنا لسه راجع مبسوط وحياتي عال بتقولي موت وحبيبتي وكلام كبير ..
طيب بص اقولك حاجة حلوة .. كل واحد بيكون مضيع مليون حاجة كان عاوز يعملها قبل ما يخلص النهار (بقولك النهار مش العمر كله) ولما يفتكر إنه معملش حاجة بيكبر دماغه وبيقول بكره .. فلو الموت سابك برضه هتكون تعلمت تكبر دماغك طول الوقت .. فهتكبر دماغك وتقول ما هو سابني أهو .. معايا وقت .. معايا وقت ..

Sharm said...

فكرة البوست تجعل الانسان يفكر و يعيد حساباته من جديد

hosnysoliman said...

بشوى
اولا كل سنة وانتى طيب وانت فى صحة وعافية وقد تحققت كل احلامك..
العزيز بشوى
الدنيا اجمل من ذلك بكثير لا داعى لهذه النظرة التشاؤمية..الايام والشباب والمسقبل بين ايدكم واؤكد لك ما هو ات جميل

reri said...

لو فكرنا إنه ممكن ييجي في أي لحظه... حاجات كتييييييييييير هتتغير... بس الإنسان بيكرهه الفكره دي ودايما بيهرب منها

كل سنه وإنت طيب يا بيشو

و سلاماااااااااااااااات

شادي فايد said...

ههههههههههههههههههههههههههههههههههههههههههههههههههههههههههههههههههههه

ده وقت تفكير في الموت

كل سنة وان طيب يا بيشوووو

Bassam said...

Ana mesh shayef ka2aba,
bel3ks ana shayef tafa2ol,
la2ano mamatsh we 7'ad forsa tanya 3ashan ya3mel elle 3ayaz ya3meloh.

mabrook ya alien 3ala el forsa el tanya

eih elle elmafrod kont ta3maloh??

Ahmed said...

هاي .. كيفك ؟!
قرأت المدونة الخاصة بك، وجدتها ملفتة للنظر بالفعل، أتمنى أن أرى المزيد من بلوجاتك، لأنها حقًا لافتة.

أحمد

ShAb 3AdY said...

الموت علينا حق

micheal said...

بس أسلوبك في الكتابه عاجبني بغض النظر عن انه كلام عن الموت لاني مقتنع أن الموت هو الحقيقه الواحده في الكون و العالم اللي عايشين فيه بس ليا تحفظ علي جمله
إفعل ما كان يجب أن تفعله قبل أن تقرر أن تموت
تحياتي لك

The Alien said...

مصر هي أمي

ياعم هو أنا قلت حاجة
الحياة حلوة وزي الفل
أنا بس مش عايز أأجل الحاجات اللي المفروض تتعمل
عشان مرجعش وأندم

***********************************
brain

إزيك يامان ... أنا كويس وتمام
هي دي الفكرة
نقعد نقول لسه فيه وقت
ونكتشف إنه مفيش وإننا معملناش حاجة

**********************************
sharm

يفكر ويعيد حساباته
ويلحق يعمل اللي المفروض يتعمل

**********************************
أستاذ حسني

وحضرتك طيب
وهي مش نظرة تشائمية ولا حاجة
أنا بس مش عايز الوقت يسرقني
والحياة تعدي وأنا لسه واقف
بتشرفني دايما

***********************************
reri

ييجي ف أي وقت وزي ما يحب
المهم ساعتها الواحد ميقلش سبني شوية عشان في حاجة كان المفروض أعملها

وإنتي طيبة ياجميل

The Alien said...

شادي

وإنت طيب يامان

*************************************
بسام

إنت دايما اللي فاهمني
بس ياريت الواحد ميدورش علي فرصة تانية
ويستغل اللي معاه دلوقتي

الله يبارك فيك
بس هي مش فرصة تانيه
أنا عايز أستغل اللي ف إيدي
وصدقني مفيش حاجة بعنها عايز أعملها
أنا بتكلم عن الأداء عامة
مش عايز أحس إن العمر بيعدي وأنا مش بعمل حاجة

***********************************
أحمد

شكرا علي تعليقك
وكويس إنك لقيت حاجة تعجبك
أتمني أشوفك كتير

***********************************
شاب عادي

الموت والحياة والنوم واﻷكل
وحاجات كتير علينا حق

***********************************
مايكل

أنا كمان مقتنع
إن الموت هو الحقيقة الوحيدة المطلقة

طب مش تقولي ع التحفظ!

micheal said...

بص يا سيدي..أنا شايف التحفظ في مقطه قبل أن تقرر أن تموت لان المفرزض أننا منعرفش للموت ميعاد لان ربنا وحده اللي يعرف
تحياتي لك

The Alien said...

أنا بتكلم عن قرار الموت
لما الواحد يقرر يموت
لما تقرر إن حياتك ملهاش لزمة
ومعندكش حاجة تعملها
ولما ييجي الموت
تطلب منه فرصة تانية
ولما يديهالك يبقي
إفعل ما كان يجب أن تفعله قبل أن تقرر أن تموت

micheal said...

شكرا للتوضيح يا بيشوي

dyin_soul said...

يااااااااااااااااااااه

بوست بجد جميل

ويمس القلب كمان يا بيشوي

كل سنة و انت طيب الاول

بس فعلا الواحد لازم يعيد حساباته كتير

وياخد قرارات صح عشان ميقولش

رب ارجعون لعلي اعمل صالحا

الواحد ادامه فرص كتير مش اي موقف في

الحياة هيخليها تقف كله بيعدي

المهم ان الواحد يبدأ من جديد

يتناسي اي احزان و يتذكر الاخطاء

علشان ميكررهاش

أحييك علي هذا البوست الرائع

carol 2002 said...

أغتقد إنه ليس من الضرورى أن ننتظر هذه اللحظه المُفزعه
اللحظه التى تجعلنا نطلب من الموت ان يعطينا فرصه ثانيه
لكى نفعل فيها ما كان ينبغى علينا أن نفعله من قبل تلك اللحظه
فى رأيى الموضوع بعيد عن التشاؤم أو التفاؤل
مثله مثل قرار السفر ,و التراجع فيه فى آخر لحظه
فكرتك جميله فى طرح موضوع مثل هذا
بالتوفيق

إبـراهيم ... معـايــا said...

حلووو قووووي يا بيشوي ، محتاجين نفتكـر الموت ( هادم اللذات) في كـل لحظـــة !!!!



بـس ما اعتقدش إنه بينسانا !!!


تحيااااتي يا إليان :) ....


وتسلم على زياراتـك المتكررة :)

إبـراهيم ... معـايــا said...

حلووو قووووي يا بيشوي ، محتاجين نفتكـر الموت ( هادم اللذات) في كـل لحظـــة !!!!



بـس ما اعتقدش إنه بينسانا !!!


تحيااااتي يا إليان :) ....


وتسلم على زياراتـك المتكررة :)

mano said...

ليه كده
انا مش ناقصه اكتئاب يا بشوى

كل سنه وانت طيب رغم انه متأخر

لكن للأسف قرار الموت مش بايدنا
يعنى مفيش فرصه تانيه

تحياتى

The Alien said...

dyin soul

وإنتي طيبة
ومبسوط إن البوست عجبك

*******************************
carol 2002

فعلا الموضوع بعيد عن التفائل والتشائم
ليه نستني فرصة تانية
وف إيدينا فرصة ينفع نستغلها

*******************************
إبراهيم وإبراهيم

الموت هادم اللذات ... هي فين اللذات دي؟
بس لو إفتكرناه ف كل لحظة مش هنعرف نعيش

********************************
mano

وإنتي طيبة يا جميل

قرار الموت مش بايدينا
ومفيش فرصة تانية
يبقي نستغل اللي ف إيدينا

ahmEd_H said...

من اروع ما كتبت يا ايليان

جامد اوى

Guevara said...

مابين الحياة والموت هناك طريق ولكن هناك من يعيش ويموت يبحث عنه فهل انت عرفت الطريق فمجردالبحث عن فكرة وجودك وما هو هدفك بدية جيدة للطريق البوست حلو يا بيشوي اوووي

shabfa2re said...

يارب فعلاً نكون مدركين قرب الموت مننا

The Alien said...

Ahmed_h

شكرا يا باشا

*****************************
Guevara

موت وحياة و فالنص شوية وقت
يا تستغله صح
يا تفضل تطلب فرصة تانية لحد ما تموت

*****************************
shabfa2re

قريب ولا بعيد
المهم إنه جاي
نورتني