Monday, 14 May 2007

جزمة وعربية

هامر
عربية حلوة
بس أنا برضه عندي جزمة حلوة
لو تركز تلاقيهم بيأدوا نفس الوظيفة
وأنا شخصيا جزمتي مريحاني
علشان كده مش ناوي أغيرها
لا بهامر ولا بغيرها

22 comments:

وينكى said...

طب انا هاموت واجيب جيب شيروكى
ومستعده اسوقها وانا حافيه
بس تيجى
:(

david santos said...

Madeleine, a girl of 4 years was abducted in the Village of the Light, the Algarve, in Portugal, goes all to place fhoto of it in ours blogues has of finding

شادي فايد said...

هامر ايه وجيب شيروكي ايه

بس ادوني الاول

فيات 124
وخدو الجذمة مش مشكلة
:)

Amr Ahmed said...

هي المشكلة انك ناوي ولا لا

قول انا مش قادر
متقولش انا مش ناوي

ياعم انا ناوي

تيجي هي بس
لا بلاش هامر

ياعم تيوتا كورولا
حاجة بسيطة

هههههههههههه

The Alien said...

وينكي

الجيب الشروكي لازم تتساق وإنتي حافية
أصلك بعد ما تجيبيها مش هيبقي معاكي فلوس للجزمة

*********************************
david santos

i am so sorry for the littel girl
hope she return home safe soon

*********************************
شادي فايد

حد يفرط ف جذمته في مقابل فيات
وكمان 124 ... طب قول 128 129
ساعتها يبقي الموضوع يستاهل

********************************
عمر

يابني ... بما إني عارف إنها مش جايه
أنا قررت أقاطعها
عشان كدا أنا اللي مش ناوي
إفهم يامان

فرحة said...

انا معاك جزامة الواحد غالية علية بردة وحمالة قسية بس المشكلة فى اليلد بقت زحمة قوى ولو عايز توصل للمكان فى ميعادك لازم تخرج قبلها بساعى دا لو المكان كان قريب ومتقليش مترو

انا رأى تيجى على نفسك وتلحق تبدل جزمتك بالهمر قبل ما تخلص وتقول يارتنى بدلتها نتقابل على شباك حجز الهمر

هههههههههههه تحياتى

Anonymous said...

هامر !!!

و لو معاك هامر مش هتلاقى ليها مكان تركن فيه

بقولك ايه
اعمل زي ما انا عملت
واختار الجزمه بارادتك

احسن برده ... مش كده

john

Big Code said...

اضافة الى كلام جون انت لو معاك اي عربية مش هتلاقي مكان تركن فيه وان لقيت هايبقى بعيد, يعني عاوز تاخد مواصلة علشان تركب عربيتك وبعد كدة تروح تلاقي واحد راكن عليها صف تاني ..
انا بقى عاوز 126 بدال الجزمة بتاعتي اصل جزمتي غالية شوية وبعدين 126 ممكن تربطها في باب العمارة .

رشدي

dyin_soul said...

أنا عارفة الكلام ده يعني اقتناع بان العربية مش جاية فمن الأول الجذمة أحلي و خلاص

وبعدين محدش عارف ايه اللي ممكن يحصل بكرة ربنا يكرمنا جميعا

The Alien said...

فرحة

يعني رأيك أبدلها؟
يعني لو إنتي مكاني وإتعرض عليكي العرض دا
كنتي هتفرطي ف جزمتك بالسهولة دي
يابنتي جزمة الواحد غالية عليه
ومش هتحسي بغلاوتها غير لما تضيع منك
وساعتها هتقولي يارتني ما بدلتها

مبروك علي ال profile
وعقبال المدونة

**********************************
john

أخيرا حد متفق معاي
قال هامر قال
أبدلها وبعدين أحتاس بيها!

**********************************
big code

معتقدش المشكلة دي موجودة مع الهامر
أصلك ببساطة ممكن تركن فوق العربيات
عادي جدا

مبروك المدونة
هزورك حالا

**********************************
dyin soul

شكلك فاهم يانصه
وقال علي رأي المثل
جزمة ف الرجل ولا عربية ف الشارع

micheal said...

أنا مستعد أولع في الجزمه بس اديني الهامر
تحياتي لك

صاحب البوابــة said...

اضحكتني كثيراً

بالفعل فالجزمة تؤدي نفس الغرض

حتى انها انسايبة اكثر بكثير

:)

تحياتي

بياترتس said...

فكرتنى بأتوبيس 11
عرفته؟
الرجلين يافندم
هههههههههههه

The Alien said...

مايكل

تولع فيها !
اوعي تعمل كدا
ساعتها مش هيرضوا يبدلوها

**********************************
صاحب البوابة

مش كدا برضه
أنا كمان بقول إنها أريح

نورتني

**********************************
بياترتس

لا مش فاكر .. هو دا فيلم؟
ياريت يكون بيعالج هذه القضية الحساسة

نورتني وأتمني أشوفك تاني

مصر هى أمى said...

بيشوى

ابويا كان زمان اما كنا بنتخانق معاه علشان يغير العربية القديمة بتاعتنا
كان بيقول مثل معروف اوى

حمارتك العرجاء تغنيك عن سؤال اللئيم

طول ما جزمتك مريحاك وانتى مبسوط معاها خلاص متغيرهاش

بس خلى بالك لو انت جبت الهامر هتعرفك على بنات كتير حلوة وممكن تشبك مع اى واحدة منهم وتتجوزها ونبقى خلصنا من واحد

شكرا على اتصالك بيا يا صديقى

ياسمين said...

هى الهامر عربية حلوة صحيح
وجزمتى حلوة صحيح
بس لو حد عاوز يبدل ويدينى الهامر ويا خد الجزمة ماعنديش مانع
تحياتى

The Alien said...

مصر هي أمي

حلو جدا المثل دا
جزمتك المقطعة تغنيك عن همر الئيم

يعني لازم عشان تتعرف علي بنات حلوة يبقي معاك هامر
يعني حتي جزمة نيك ولا أديدس متمشيش؟

مبسوط بتعليقك
وأتمني تكون اﻷمور بخير

***********************************
ياسمين

إنتي بس بتقولي كدا
لكن لما تيجي تبدلي بجد
مش هتهون عليكي جزمتك ... أنا عارف
علاقة الانسان بجزمته قوية ومش بياخد باله منها غير لما يبعد عنها

منوراني دايما

صاحب البوابــة said...

الاخوة الكرام لأن دورنا هو إظهار الحقيقة وتوعية الناس بها , ولأن ما علمته عن ذلك المجاهد يمثل قيمة عظمى المفترض أن نفتخر بها ونكرمها , لا أن نعتقلها ونسجنها , فإني أطلب منكم رجاءاً أن تساعدونا في بدء حملة الافراج عن شيخ المجاهدين السيد / أبو الفتوح شوشة , المعتقل منذ حوالي 20 يوماً , ويعاني وضعاً صحياً سيئاً داخل محبسه نظراً لكبر سنه البالغ 80 عاماً , وتتمثل الحملة في نشر هذا البوست الجاهز يوم الجمعة الموافق 19/5/2007 , ونشر صور شيخ المجاهدين في جميع المدونات المشاركة – الصور موجودة في مدونتي- , مع توسيع نطاق الحملة لتشمل كافة المدونات التي نستطيع الوصول اليها .. وجزاكم الله خيراً ...

البوست بعنوان

أن تكون أبو الفـتوح شوشة

حملة الإفراج عن شيخ المجـاهدين :

في ظل تلك الهجمة الشرسة التي يتعرض لها كل وطني حر شريف , تتعدى تلك الهجمة هذه المرة خطوطها الحمراء , وتتمادى في غيها المنهجي , لتصطدم برمز من رموز العزة والكرامة في مصرنا الحبيبة , إنه شيخ المجاهدين الذي يربو عمره عن الثمانين , الأستاذ أبو الفتوح شوشة , ورغم ان الكثيرون من قد لا يعرفونه , ربما لأنه ليس بلاعب كرة قدم قديم أو مطرب شهير قد إعتزل ... بل إنه من القلائل الذين ما زالوا أحياء ممن سبق لهم الخروج مجاهدين وقت تقسيم فلسطين عام 48 م , ورغم أن الكل قد تناساه , في غمرة إعتقال نائبي مجلس الشعب من الإخوان المسلمين , وقد تم إعتقاله معهم وقتها بكل القسوة رغم شيخوخته وكبر سنه , إلا أنهم لم يرحموه , ولم تمنعهم كهولته , بل لفقوا له التهمة الشهيرة وهي محاولة قلب نظام الحكم !!! وكأن كهولته وكِبر سنه تسمح له بمجرد التفكير في قلب منضدة و ليس قلب نظام الحكم !!! لكننا اليوم نعلنها إننا لم ننساه , وكيف ننساه ؟؟ وقد حمل لواء الرجولة والعزة آنفاً وخرج ببدنه وماله قاصداً فلسطين ليجاهد عام 1948م اليهود الصهاينة وهو يبغي النصر أو الشهادة , , إنه اليوم له كل الحق علينا في ان ندعمه تماماً , حتى ولو لم يطلب , وحتى ولو لم يعلم , فإننا من منطلق من نمثله من صحافة شعبية , تمارس دورها في تنوير شعوب المنطقة , نعلن اليوم ما الذي يعنيه أن تكون شخصاً كشخص أبو الفتوح شوشة في مصرنا الحبيبة ...

أن تكون أبو الفتوح شوشة فهذا معناه أن تكرم وتصير رمزاً لكرامة الرجال لو كنت في بلد غير مصر ... أما لأنك في مصر ... فهذا معناه أن تصير نزيل أحد السجون وحبيس أحد المعتقلات ...

أن تكون أبو الفتوح شوشة فهذا معناه أن تخرج للجهاد في فلسطين وعمرك لم يتجاوز التاسعة عشر ...فتبلي البلاء الحسن ... ثم تعود لتنال جزائك على جهادك وبدلا من تكريمك يزج بك في السجون 15 عاماً مع الشغل والنفاذ ..

أن تكون أبو الفتوح شوشة فهذا معناه أن تعود من فلسطين راضياً عن نفسك ... راضياً عن جهادك ... راضياً عما فعلته لرفع لواء الذود عن فلسطين ... فلا يرضى عنك النظام ... لتذوق الويل والتعذيب في السجون المصرية ...

أن تكون أبو الفتوح شوشة فهذا معناه أن تخرج من السجن بعد 15 عاماً كاملةً لتمارس رسالتك في البناء والاصلاح من جديد ... بدون أن تتغير قناعاتك أو تتزعزع ثقتك في نفسك ...

أن تكون أبو الفتوح شوشة فهذا معناه أن تترشح في انتخابات مجلس الشعب لعام 1987م ... فيهب جميع أبناء دائرتك لإنتخابك ... بما فيهم أقباط دائرتك بالكامل .... فتنجح نجاحاً باهراً ... ثم يتم حل المجلس لأجل إسكاتك ...

أن تكون أبو الفتوح شوشة فهذا معناه أن تتحصن بحب الله و تحظى بحب الناس لك ...... لكنك في الوقت نفسه تجد أن النظام يُكن الكره لك ... ويعتقلك المرة تلو الأخرى ...

أن تكون أبو الفتوح شوشة فهذا معناه ألا يرحموا شبيتك وأنت قد قاربت الثمانين ... فيزجوا بك في المعتقلات غير آبهين ... ويحولوك لمحاكمة هزلية غير مستنكرين ...

أن تكون أبو الفتوح شوشة فهذا معناه أن تُحارب في رزقك وسكنك وراحتك وانت شيخ كبير ... ويضيقوا عليك كل شئ حتى يسجنوك ... في الوقت الذي تتمنى أن تنعم فيه براحتك ...

أن تكون أبو الفتوح شوشة فهذا معناه جهاد في صغرك ... تعذيب في شبابك ... بهدلة في كهولتك ...

أن تكون أبو الفتوح شوشة فهذا معناه ... اننا معك حتى النهاية ... نهاية ظلمهم أو نهايتهم ...

الروابط :
مدونة انسى تذيع نبأ اعتقال شيخ المجاهدين
http://ensaa.blogspot.com/2007/04/blog-post_9947.html

مجلّة "فلسطين المسلمة" تذيع فقرات من جهاد شيخ المجاهدين
http://www.fm-m.com/2003/aug2003/story24.htm

تقرير صحيفة المصريون عن اعتقال قدامى رجال الاخوان المسلمين
http://www.almesryoon.com/ShowDetails.asp?NewID=34088&Page=1

ملف pdf عن جهاد شيخ المجاهدين المصريين في فلسطين
http://www.fm-m.com/2003/aug2003/pdf/51.pdf

تم تدشين مدونة الحرية لأبو الفتوح
http://freeaboalftouh.blogspot.com/

جاري تدعيم الحملة بتقرير جريدة الدستور عن شيخ المجاهدين بتاريخ 13/5/2007
جاري تدعيم الحملة بتقرير جريدة الوفد عن شيخ المجاهدين بتاريخ14/5/2007

whyme said...

الباشا اخو الباشا ايه اخبارك و عامل ايه يا كبير
واحشنى جداً جداً ونفسى اشوفك و اشوف الشله كلها

و كمان يا ريت يكون مكان مش زحمه علشان اقدر اركن الحته الكوتشى بتاعتى

تحياتى و عايز اشوفك

The Alien said...

whyme

حمد الله ع السلامة
ليك وحشة بجد
وفعلا نفسي أشوفك
وأكيد هنرتب للقاء قريب
دا إنت تأمر ... إحنا ما صدقنا إنك فضيت شوية

مش عايزك تقلق خالص من موضوع الركن
أنا عارف لكل حته مكان ركن
يعني هتركن وتسيب جزمتك وإنت مطمن

هشوفك قريب
نورتني

البتاع said...

لا ياعم هامر ايه وفور باى فور ايه بس؟؟
ايه الكلام الفاضى ده؟؟؟
مالها ال128؟
اشتكت؟
قالت اى؟
طب مالها السيات علبة الكبريت؟؟
وحشة دى رخرة؟
اعترض بقى
!!!!!!!

جزمتك مهما كام ممكن تجيب خمسمياية
دول ارخص واحسن
مش كده واللا ايه؟
;-)

بلوج عسول وبوست عسول جدا
تحياتى

The Alien said...

صاحب البوابة

إلهي يفك أسره وأسرنا جميعا

************************************
البتاع

سيات إيه و 128 إيه اللي إنتي بتتكلمي عنهم
بقلك جزمتي تقوليلي سيات وكلام فارغ
أنا عمر ما جزمتي رخصت ف عيني للدرجة دي
لازم تحسي شوية بقيمة جزمتك
هي اللي بقيالك

مرسي كتير
أتمني أشوفك تاني
نورتيني