أغانيكي وإعلاناتك
كل كام يوم ألاقي إعلان ولا أغنية جديدة ملهاش أي لزمة بتقول وتزيد ف مصر وحب مصر وجمال مصر وطعامة مصر ... ياسلام عليكي يامصر ... إتربينا فيها وإتعلمنا فيها ... السهرة الحلوة فيها ... الكشري فيها والبرج فيها ... مفيش بلد زيها ... حلوة مفيش بلد زيها دي ... طب ليه بقي؟ إيه من اللي إحنا فيه يخلي مفيش بلد زيها
وياعيني ع الإعلانات اللي شغالين فيها اليومين دول ... بلدي بتحبك وخايفة عليك ... الأسرة السعيدة ... القرية الذكية ... مستقبل بلدنا ف إيدينا ... الزيارة الدورية للدكتور ... هأو ... دكتور ... ماقفشتها ياكرديه
حاجة تفرح ... مش عارف مين دول اللي قاعدين يفنوا ويتحفونا بالأفكار دي ... بس الحقيقة الناس دي عندها خيال خصب ... بيعملوا بلد غير بلدنا ويتكلموا عنها
أتحدي إذا كان فيه حد ف مصر عايش فيها أو كان عايش فيها بيشوف الأغاني والإعلانات دي ومش بيقعد يتريق عليها ... عارفين ليه؟ عشان كله عارف اللي فيها ... بس إحقاقا للحق هي حاجات حلوة ... أهي حاجة بتخلي الناس تضحك وتهيس حبتين
29 comments:
بس الحقيقة الناس دي عندها خيال خصب ... بيعملوا بلد غير بلدنا ويتكلموا عنها
-------------
رائعة هذه الجملة
بالفعل هم يتكلمون عن بلد أخرى غير بلادنا
تحياتي
صديقى
والله انا عن نفسى بحب البلد ديه بس النهاردة كنت بتكلم مع صديقة قالتلى جملة حلوة اوى
انا من يوم ما اتولدت ولقيت البلد ديه وحشة والناس مبقتش كويسة
يبقى هحبها ازاى
اجدادنا كانوا بيقولولنا البلد ديه كانت حلوة زمان
هوا المفروض انى احب الذكريات ولا احب الحاضر اللى انا شايفة
اديك قلتها ناس عندها خيال خصب
دي خطه مرسومه عشان ينيمونا في العسل بس الحمد لله أنا مبحبش العسل
:)
تحياتي لك
عندك حق
من كام يوم شفت اغنية لشرين عن مصر و حلاوتها ونضافتها
الصراحة
مقدرتش اكمل
دى حاجة تفقع ياجدع
الواحد حيجيبلهم صحة منين يضيعها عليهم يعنى؟؟؟؟
انا شايفة ان البوست بتاعك الرد عليه الصور اللى فى البوست بتاعى اللى فات
ده دليل على صحة كلامهم....التعبانة
هههههههههههه
تحياتى يابرنس
صاحب البوابة
بيتكلموا عن بلد تانية
وكأن الناس مش واخده بالها
منورني دايما
****************************
مصر هي أمي
أنا كمان بسمع وبقرا عن زمان
بس أنا مالي ... أنا لي اللي أنا عايشه
أنا نفسي أحبها ... ما أنا عايش فيها
بس مش عارف
منورني
*********************************
مايكل
السؤال الذي يطرح نفسه:
هل فيه حد فعلا بينام ف العسل؟
ولا كل الناس زيك مش بيحبوا العسل
شرفتني
**********************************
البتاع
هو بعينه بغباوته ... هي نفس اﻷغنية
أنا مكنتش قادر أستحمل
منوراني يا بتاعة
رغم أني عارفه الحقيقه المره بس بحب أشوفها حلوة ولو بالكدب
لا يا بيشوي
مش بتخلينا نضحك وهيس حبتين
دي بتخلينا ننسي اننا عايشين فيها
بتجبرنا ولو للحظة اننا نشوفها مرة واحدة بصورة حلوة
حاجة بتخلينا نغير من ملامحنا ولو لدقيقة
سيب الشعب يعيش
او بمعني ادق
سيبه يفتكر انه هيعيش
لأ صدقنى انا فيه اغنيه عجبتنى بتاعت يبقى انت اكيد فى مصر
كلامها حلو و جديد بس انا معاك ان فيه ميت اغنيه تانيه عباره عن شويه كلام فارغ طالع من شويه مغنيين ملهومش اى لازمه ولا صفه مع شويه صور هابله
اجمل اغنيه ممكن نغنيها اكيد مش هتبقى ليها صوت اجمل اغنيه احنا المصريين
بس ده لو قدرنا نحب بعضنا لاننا خلاص دلوقتى بقينا بندوس على بعضنا علشان كده مبقاش فيه حاجه ليها طعم
تحياتى يا كبيررررررررررررر
لا حاسب
كله كوم
واغنية شيرين الرخمة كوم تاني
يا سلااااااااام
والنبي عاوزة تنضرب بالنار
يا راجل سيبك من الكلام الفاضي ده
بس الحقيقة الناس دي عندها خيال خصب ... بيعملوا بلد غير بلدنا ويتكلموا عنها
لخصت الي فيها والله
موضوع مميز و في الصميم
الاغنية الوطنية بدأت في ايام الاحتلال والحرب وكانت فعلا مهمة وقتها جدا ده لان الشعب والحكومة كان هدفهم واحد.
لكن دلوقتي بنغني ونضحك على بعض.
مصر كانت حلوة قووووووووووي زمان
لكن قول للزمان ارجع يازمان
مكسوفة
نظرية مش بطالة
بس أنا شخصيا مش بعرف أعمل كدا
فتلاقيني بتخنق بسرعة من الإشتغالات دي
منوراني
************************************
سمرا
إلا هو دا التنويم المغناطيسي اللي بيقولوا عليه؟
طب هما وبيحاولوا ينسوا ويوهموا الناس ودي مفهومة
اللي أنا مش فاهمه
ليه الناس فعلا تصدق وتسكت
إحنا بنشتغل نفسنا
بتنوريبني دايما يا جميل
**********************************
whyme
يبقي إنت أكيد ف مصر كان ممكن تبقي حلوة
بس لو كانوا قالوا ليه إنت اكيد ف مصر
فلما تشوف السرقة والفقر والفساد والمرض
يبقي انت أكيد ف مصر
كله بيجري ورا لقمة العيش ومحدش بيراعي حد
الحب واﻷغاني ييجوا بعد اﻷكل
ولا إيه يا كبير
شرفتني
عمر
أنا الدكتور بينصحني ماشوفش الحاجات دي
فلما شفت اﻷغنية دي
كنت عايز أضرب شيرين بالنار
وكنت عايز أكسر التليفزيون علي دماغها
منورني يا باشا
***********************************
rosa
دول بيتكلموا عن بلد تانية
موجودة ف كوكب تاني
مبسوط بزيارتك
وأتمني أشوفك تاني
***********************************
big code
زمان كانت أغنية وطبية
دلوقتي بقيت أغنية إشتغالية
وقول للزمان ارجع يازمان
منورني
modo3 gamed gadan ya Besho...
ta3raf ana 2abelt nas kateer gadan fe 7ayatee men mo7'talaf elthqafat wel7'brat..
we lama 2areet elmodo3 beta3ak a3adat afakar meen felnas deih momken ya sada2 ela3lanat wel a3'anee deih...ma2dertesh 2ala2ee wa7d..
7ata Fady Lahtal maftekersh eno yasad2
bas ta3raf..ana kaman 7abeet o3'nayaet yaba2a anta akeed fe Masr..la2naha bebasata el7agat elle be7abaha fanan fe masr katabha fe o3'naya we 7'alas
laken el7agat elle betala3aha el7akoma..we kol el2arf dah..maftakersh anohom be7awlo yat7ako beih 3ala elnas..dah bas ta2fel ma7ader (if you know what I mean)
low mafahamtesh ta2feel ma7ader 2asod beha eih hadelak mathal
enohom yaktbo fel Ahram en gamaheer 3'afera men elsha3ab elmasree adlet be2sotaha we 2alet na3m lelta3del eldstoree, emanan men elsha3b elmasree be2hamet elta3delat fe maseret eldemocrataya wal 2asla7
el7akoma mesh motdara tekteb el7'ara dah..homa haya3melo elle haya3mello keda keda
laken bektaboh ta2fel ma7ader :-D
3ashan yaba2a nazarayan kol 7aga shaklaha 7elow we gamel we sa7 we tamam eltamam
shoaya 3ashana we million shoaya 3ashan soret masr odam el mogtam3 eldawlee
You made me laugh.. It is a black comedy. These songs and ads only serve to make people more miserable when they compare their lives to what they see on TV. It is another country, a country for the rich maybe, but not for 90% of the Egyptians. If you ever think of making a song which really shows Egypt, they will ban it and say that you are ruining the country'd reputation.
اخى الفاضل بيشوي
انا لما بسمع اغنية وطنية بعيط
مش عارفة لية بس اكيد مش بتفكرني بحالنا الوقتي لكن بفتكر بيها الذكريات الجميلة فى البلد الجميلة العاش فيها اهلنا واجدادنا الكان اسمها ام الدنيا مش امنا الغولة
تقبل تحياتي
انا شايفة اننا فعلا اللي بنعمل دنيتنا حتى لو من خيالنا على الاقل ممكن الحلم او الخيال يخلينا نتحرك للحقيقة في يوم من الايام احسن ما احنا واقفين محلك سرك
اه والله عارف الاغانى دى تبقى حلوة امتى لما تكون واقعيه يعنى اسمع كدة اغانى الثورة والسد العالى والحجات دى والحرب وكدة هتلاقى الناس بتنفعل بيها فعلا لانها كانت بتمس واقع
مش لو سالتك انت مصرى تقولى ايه
هتقول ايه يعنى مش لاقى اكل مع الاعترزار للفنانه الجامدة نانسى
تحياتى
معرفش بس يمكن ده نوع من انواع التربيه القوميه
اصل بصراحه مينفعش يكرهونا فى البلد
الناس مش ناقصه
استفزاز و تلاعب بالعقول مع الأسف
بس هو في حد بيصدق
هما باين بيشتغلوا نفسهم
بسام
ياه ياواد فكرتني بأيام زمان
ولا أي حد من عيال زمان يصدق
طب دا أنا متخيل دلوقتي كل واحد هيقول إيه
دا إحنا كنا بنسمع وبنقول أحلي كلام
صدقني أنا كان نفسي أحب أي أغنية
بس حتي يبقي أنت أكيد ف مصر
كانوا بيتكلموا عن حاجات مبقتش موجودة
وكله تقفيل محاضر
بتبسط بتعليقك
**********************************
fantasia
if u made any thing that shows the real Egypt, u will find yourself in prison for a while
black comedy is all what i have but it is good that u laugh
**********************************
الزعيمة
أنا مش بفتكر أي ذكريات جميلة ... عارفة ليه؟
عشان أنا معشتهاش
أنا من أول ما وعيت وهي كدا
كل اللي عندي شوية حكايات عن زمان
زمان اللي مشفتوش ومش هشوف زيه
منوراني دايما
true love
نظرية صعبة ومعتقدش ممكن تنفع
أنا متهيألي اﻷفضل إننا نواجه الواقع
لأن اللي بيحصل دا هروب
أنا معنديش مشكلة إننا نحلم ونتخيل مستقبل أفضل
بس دا مش معناه إننا ننسي الواقع اللي إحنا فيه
مبسوط بزيارتك
وأتمني أشوفك دايما
**********************************
ضد الظلم
الفكرة إنها كانت أغاني واقعية
يعني عن اﻷحداث الي بتحصل فعلا وشاغلة الناس
لكن دلوقتي اللي شاغل الناس هو أكل العيش
ودا طبعا مش هيعمل أغنية حلوة
مبسوط بزيارتك وعايزها تتكرر
********************************
r.r
يعني هما كدا بيحببونا ف البلد؟
منوراني
*********************************
dyin soul
هما بيحاولوا يشتغلونا ودا واجب عليهم
المشكلة إن كتير مننا بيساعدهم ويشتغل نفسه
منوراني
ياصاحبى
اصحاب الاعلانات دى عارفين ان كلة وهم
بس زى ما قولت حاجة تضحك وتبسط الناس
وكل دى حملات اعلانية بتخاطب ناس من الفضاء مش فى مصر
تحياتى
أنا ما شفتش الأغاني دي ، يمكن أنا ربنا رااااحمني أصلاً ... من الدش يعني !!! تخيل إنه فعلاً راااااااااااحـــة
فكرني أكتب حاجة عنه يا بشوي
تسلم إيـدك برضوووو
واعذرني لو كنت مقصر معاك !! ، أعمل لك إيه إنتا اللي خرك سابق
تامر
مالهم ياعم بتوع الفضاء
علي اﻷقل معندهمش اللي بيحصل هنا
منورني
**********************************
إبراهيم وإبراهيم
يابختك
أنا مش بيبقي قصدي أشوف الحاجات دي
بس بتشنكل فيها غصب عني
بتبسط لما بشوفك
اهو كله كلام دعايه بيشحتوا بيه قرشين من السواح
انا بقيت باتخنق اصلا من كل الهبل ده
لانى بحس انهم بيضحكوا بيه على عقولنا
انا بحب مصر من غير البرج ولا الميريديان ولا شرم الشيخ
ومش محتاجه حد يقعد يزن على دماغى ويقولى احبها ازاى وليه
بقالى كتير ما جيتش عندك يابيشو
امتحانات بقى وانت عارف
دست على الزرار يا عم .. انا عن نفسي بحب مصر جداً وشيفاهة احلي بلد في العالم ولازم تحب مصر .. وتفرق بين مصر والمصريين .. زي الامريكان و الحكومة الامريكية .. الشعب الامريكي غلبان جداً وطيب وبيحب المصريين ولكن حكومتهم طاغية وتكره الجميع .. بمعني ان مصر بدون المصريين احلي بلد في الدنيا .. علشان الناس اللى على ارضها لا يحبونها وليسوا ابنائها .. مصر بلد جميل ودافء منظر النيل يحيى العظام وهى رميم .. سافر بره وارجع هتحس بيها وبريحتها وكانها بتحضنك انزل مرة يوم جمعة صباحاً وامشي في وسط البلد .. يا عمراتك يا مصر .. يا رحتك يا مصر .. يا جمالك يا مصر .. ويا سلام لو بتعرف تغطس في البحر وتشوف سحر رأس محمد والبلو هول .. .. مصر احلي بلد في الدنيا بعيد تماماً عن المصريين .. لان اى حاجة وحشة اى حد شايفها فهي من فعل الانسان و الناس المصريين أو هكذا بيدعيو انهم مصريين .. شفلكوا بلد غير ده .. البلد ده عايزة الناس اللى بيحبوها فقط .. ارجعو دول الخليج وعيشو فيها ذي ما كنتم عيشين وسيبونا في حلنا .. حلو عنا بدنا نعيش احنا .. حب تتحب .. حبيت مصر النهاردة
وينكي
كله كلام دعاية
ومعاكي حق مش المريديان اللي هيخلينا نحب البلد
عارف ياختي
يقطع الإمتحانات وأيامها
المهم إنك بتنوريني
************************************
egypt rose
طب هي مصر اﻷماكن والموقع ولا مصر الناس اللي فيها؟
أنا بحب وسط البلد وهي من أسباب بقائي ف البلدي
بس شوفي الناس عملت فيها إيه
أنا إن كان علي نفسي يبقي مفيش بلد زييها
بس الواقع مش كدا خالص
نورتيني
Post a Comment