Tuesday 7 August 2007

نتيجة التجربة

إقترحت تجربة جديدة ف البوست اللي فات وواضح إن التجربة معجبتش الناس ... واﻷغلبية إعترضوا لسببين واضحين ... اﻷول لأن اللبس مش سبب المشكلة وبالتالي مينفعش يكون الحل ... والتاني رفضهم لفرض لبس ... كلام جميل وكلام معقول مقدرش أقول حاجة عنه وأنا مقتنع بيه ... بس الغريب إن الناس وأولهم البنات ساكتين ... يعني مثلا معترضين علي فرض اللبس واللي حاصل إن الحجاب مفروض علي البنات ... واللي مش لابساه بتتعاقب ... وإنتوا عارفين دا كويس أكتر مني ... ومحدش يقلي دي حرية شخصية عشان اللي بيحصل ملوش علاقة بالحرية ...

البنات نفسها تلبس براحتها وتحس بأنوثتها وبلاش تضحكوا علي نفسكوا ... ولو فضلتوا ساكتين الوضع مش هيتغير بالعكس ... لو النهاردة الموضوع حجاب وشوية نقاب ... بكرة هيبقي زي بلاد تانية ... تتمنعوا من النزول من البيت ونرجع لعصر الحريم ... ومعتقدش هو دا اللي بناتنا عايزاه

بسكوتكوا وإستسلامكوا بتهينوا المجتمع وبتساهموا في زيادة تخلفه ... بتسمعوا كلام أصحاب المصالح وبتساعدوهم يخربوا البلد عشان يوصلوا للسلطة ... متصدقوش إن جسمكوا عورة لازم تتغطي ... متكرهيش جسمك وتحسي إنه سبب مشاكلك ... متصدقيش إن المشكلة عندك وإنك السبب ... المشكلة عمرها ما كانت عند البنت ... المشكلة عند المتخلفين اللي بيبصولك وكإنك فقط وسيلة لإشباع رغبتهم.

.. لازم نرفض اللي بيحصل ... لازم يابنات تدافعوا عن حريتكوا وحقكم ... لازم ترفضوا الحجاب اللي هو مظهر من مظاهر سلطة الرجال عليكوا ... لازم تقولوا ﻷف وش النقاب اللي هو مثال واضح لقهر المرأة ... عشان تتحرروا لازم تقفوا ف وش سلطة الرجال عليكوا ... فكري وكوني إنسانة.

نفسي الحجاب يختفي تماما من حياتنا

112 comments:

Masria said...

في الحقيقة أنا مش عارفه أقول ايه على الحجاب .. نظريا المفروض أي حد يلبس اللي هو عايزه .. بس فعلا في بنات بيتفرض عليها الحجاب .. في الحالة دي أنا أعترض
من ناحية تانية أنا لحد دلوقتي مش فاهمة الجزء الديني من الحجاب .. يعني في حد بيقول إن الله هو اللي بيقول إن البنات لازم تتحجب .. ساعتها مش باعرف أقول ايه خالص
في ناس بتقول الحجاب ده حشمة .. دول مش باعرف برضه اقولهم بطريقة كويسة .. إزاي يعني ؟ .. و أنا طريقتي في اللبس مالها .. و بعدين ما أماهتنا و جداتنا كلهم ما كانوش محجبات .. كانوا وحشين؟
ناس بتقول حماية للبنات ..حماية للبنات من مين ؟ ..من الرجالة؟!!.. مش الرجالة دول بني آدمين و بيفهوا و لا ايه؟.. و البوليس لازمته ايه؟ بلاش البوليس .. لو واحد عايز يغتت على واحده الحجاب هو اللي هيوقفه .. مافيش رجالة في الشارع طيب يوقفوه؟
كده تعليقي قلب بوست
:)
أنا آسفة .. بس الموضوع ده يهمني جدا

Samir Saad said...

يسلم فمك يا صديقي. انا مستمتع بالكلام اللي قريته ونفسي أقول معاك كمان. سيبوا البنت تلبس. الراجل يحل مشكلته بنفسه. الراجل يقدر يغطي عينيه لو هو متضايق. وبعدين اللي بتغريه البنت من لبسها، طب وبعد ما نغطيها. صوتها... صوتها هيستثيره. لألألأ دا ريحتها دا كعب رجلها. العيب في الراجل قبل البنت.

Doaa Ebrahim Aaql said...

عاوزه اعرف مين اللى قال لك ان البنت المحجبة
دايما مفروض عليها الحجاب
هل انت سألت كل البنات اللى لابسين حجاب
ولقيت نفس الرد
أنه مفروض عليها ومش لابساه بمزاجها
البنت لما بتحب تعمل حاجة بتعملها
ولو عاوزه متلبسهوش هتعمل كده
لو كان فى ناس بيتفرض عليها
ف ده مش معناه ان كل البنات كده

تحياتى

Rushdy Kamel said...

انا مش ضد الحجاب
ان ضد فرضه قهرا
انا ضد ان البنت تلبسه من غير ماتفكر

اللي بتتكلم عليه ده صعب جدا
بس انا رأيي انك لازم تبني جيل جديد فاهم مش هاينفع تصلح في اجيال اتربت على كدة
ومش هاينفع تطلب من بنت تعيش بحريتها قبل ماتغير نظرة الرجل ليها

تحياتي

Anonymous said...

صدقنى انا مش ضد الحريه
انا بنت و بالمناسبه مش محجبه
و عارفه المضايقات بسبب عدم الحجاب
و كمان صحابى المحجبات بيتبهدلوا

لكن بدون تعصب
انا مش هقدر ارفض الحجاب و بحاول اقنع نفسى بيه
مش لأنى خايفه
لكن لأن معظم علماء الدين اتفقوا انه فرض
ده غير تفسير بعض آيات القرآن انها بتنص على الحجاب
و كمان بعض الأحاديث الخاصة بالرسول (ص)
طيب انا بفكر معاك بصوت عالى لو تسمح
الحجاب موجود فى كل الدول الأسلاميه او بين كل المسلمين
لدرجة انه موجود بقوه فى لبنان
هتقولى مش بنشوفه فى القنوات اللبنانيه
لأن لبنان المسيحيين فيها قد او يمكن اكتر من المسلمين
فالطبيعى بيكون ظاهر اكتر عدم الحجاب
ماهو مش متسأل واحده واحده انت مسيحيه و لا مسلمه
لكنه منتشر بين المسلمات يمكن مش بنفس قوته فى مصر

طيب بلاش نتكلم عن الشيوخ المتشددين انا طبعا ضد التشدد
تعالى نشوف عمرو خالد مثلا و ده لا متشدد و لا بتاع لحيه و لا جلباب و الليله دى
برضه اكد على فرضية الحجاب
انا ضد النقاب جدا و شايقه انه احتقار للمرأه و مفيش نص دينى فرض النفاب
طيب معظم العلماء اقروا بعدم فرضية النقاب
و غالبية العلماء اقروا بفرضية الحجاب
دلوقتى انا ممكن اقول لأى واحد لأ
لكن تفتكر ممكن اقول لربنا لأ
صدقنى انا محتاره و نفسى اعرف اجابه لكل اللى فى دماغى
شكرا لطرح الموضوع ده

mary victor said...
This comment has been removed by the author.
Anonymous said...

لاء و الأكتر من كدة كمان قلب الموازين و المفاهيم، يعنى الحجاب اللى هو اصلا حاجة من ايام عصور الجوارى بأة حرية شخصية. و ايام ما فى فرنسا منعوا الحجاب فى المؤسسات الحكومية للحفاظ على الشكل الحضارى للبلد، قامت الدنيا و ماقعدتش ، ليه؟ ازاى يمنعونا من حريتنا الشخصية، دى حقوق انسان. فين يا خالتى حقوق الإنسان فى إنك تمشى زى الكيس الأسود لا باين لك إنتى راجل و لا ست و لا بؤجة ماشية!

و بعدين ألبسوا زى ما انتو عايزين بس سيبوا باقى الناس فى حالها، مش تلبسوا كدة عشان يبقى من حق أى حد إنه يقل أدبه على أى واحدة مش محجبة عشان هى مش محجبة و تبقى الحجة انها ماصانتش نفسها و اللى يفرس بأة لما تلاقى التشبيهات المتخلفة من أول " اختى انتى زى الجوهرة اللى فى علبة قطيفة" لغاية " حتة اللحمة اللى لا مؤاخذة معلقها الجزار من غير ملاية الدبان بيعف عليها"
هى حصلت أتشبه بفخذة البقرة المتعلقة؟
و إن الراجل يتشبه بالدبانة؟
حاجة تقرف

M&M said...

بص انا معاك فى حكاية ان الحجاب حاجة مش لذيذة كشكل
بس برضه كل واحد حر ......princess dodoزى ماقالت
البنت لو عايزة تعمل حاجة هتعملها

انما اللى بقى يضايق اليومين دول انه زاد بطريقة غريبة جداااااااا

لدرجة ان المش محجبات او المسيحيات بيتشتموا فى الشارع وساعات بيتعاكسوا بطريقة مش حلوة وبيتقالنا صراحة كدة

انتى يابنت الكذا يالى مش لابسة حجاب ......بالمنطق كدة
شايفين اكتر من نص البنات لابساه يبقى اكيد اللى مش لابساه دى مش كويسة تبقى تستحق انها تتعاكس وتاخد فوق دماغها

سورى طولت عليك بس بجد دى حاجات بنشوفها

The Alien said...

masria

أكيد أنا مع حرية اللبس
ومش من حق حد يفرض علي حد لبس معين
بس الكلام دا مش حاصل
والحجاب فعلا مفروض زي ما بتقولي
بس مفروض باسم الدين
ولاهو حماية ولا حشمة ولا نيلة
مش حتة القماش هي اللي بتخلي البنت مؤدبة

موضوع البوليس دا كوميدي
يابنتي إنتي مش عايشة ف البلد ولا إيه
أول ناس بتدايق البنات هما رجال البوليس
إنتي بس إبقي ركزي وخدي بالك

إتكلمي براحتك
أنا بتبسطت بكومنتاتك
نورتيني

***********************************
سمير

قول باعم هو حد حايشك

معاك حق
دلوقتي بيقولوا إن الحجاب مش كفاية
ولازم نقاب
وبعدين يقلك العنين أصل جمال المرأة
يبقي لازم نلبس سوبر نقاب
وهكذا لغاية ما يبقي الحل هو إنهم يقعدوهم ف البيت

نورتني

The Alien said...

princess dodo

الحجاب فرض
ودا اللي بيؤيد كلامي
وكل بنت مش محجبة بتتعاقب
كفاية لما يتقال الحجاب قبل الحساب
يبقي مفروض علي كل البنات ولا إيه رأيك؟

"البنت لما بتحب تعمل حاجة بتعملها"

عفوا بس مش ف مصر
البنت مقهورة ومفروض عليها رقابة في كل تصرفاتها
دا حتي لما بنت صغيرة تضحك بصوت عالي تلاقيهم يزعقوا فيها ويقلولها إنتي بنت والبنات ميضحكوش كدا
كمية من القيود والرقابة وكلها حاجات سخيفة مصدرها واحد
سيطرة الرجل وذكورية المجتمع

نورتيني
وأتمني أشوفك دايما

*************************************
big code

أنا بقي ضد الحجاب عموما
عشان شايف إنه مظهر من مظاهر قهر المرأة وتحكم الرجل فيها

عارف إن المشكلة كلها عند الرجل
لكن المظلومين هما البنات
ومفيش حاجة هتتغير غير لما البنات تعترض وترفض اللي بيحصل
عشان كدا أنا بكلم البنات

نورتني

The Alien said...

هبة

إنتي بتتبهدلي عشان مش لابسة الحجاب
ودا دليل علي إنه مفروض عليكوا
والمحجبات صحباتك بيتبهدلوا
عشان دا مجتمع ذكوري متخلف وعمر ما المشكلة ف لبس البنات ولا الحل هيكون الحجاب

أنا رأيي إن الحجاب ملوش علاقة بالدين
ومعتقدش دخول البنت الجنة متوقف علي حتة قماش
وحتي ف الدين مفيش إتفاق عليه
المتفقين عليه هما السعودية وإيران
ودول ناس ليها مصالح وبتدفع ملايين عشان تنشر فكرها
يعني كله لعب سياسة

إيه يخليكي تحتاري ف إن الحجاب موجود في كل الدول الإسلامية؟
يعني إنتي شايفة أي ميزة ف الدول دي؟
طب بصي ع السعودية واللي بيحصل فيها
البنات ممنوع يخرجوا لوحدهم من البيوت أساسا
هو دا اللي إنتي عايزاه؟
ومش معني إنتشار الحجاب إنه حاجة حلوة
الحجاب مفروض بالقوة
وشوفي اللي بيحصل ف إيران من ضرب وقتل للبنات وإنتي تعرفي ليه الحجاب منتشر

عندك تساؤلات ف دماغك ومش لاقيه إجابة
متستنيش إجابة من برة
متستنيش حد يأكد أو يرفض الحجاب
إنتي فكري وقرري
وأكيد هتعرفي إنه مش ربنا اللي طالب منك تلبسي الحجاب
دا الرجل بيمارس سلطته وقهرة عليكي

نورتيني
وأتمني أشوفك تاني

***********************************
balanila

ليه مسحتي الكومنت بتاعك؟
أتمني ترجعي وأعرف رأيك

The Alien said...

anonymous

أنا كان بيصعب علي لما البنات تطلع مظاهرة عشان الحجاب
لما بنت ترفع رمز القهر والذل للمرأة وتطالب بيه

الحجاب مفروض علي البنات
والدليل إن اللي مش محجبة كله بيدايقها
والكل بيطالبها بلبس الحجاب

أنا بقي عندي شعار تحفة
حاجات من اللي بيلزقوها فالمترو
كان بوستر عليه صورة خمار ومكتوب عليه:

" أختي نحب أن نراكي بزي العفاف"
" إمضاء شباب يحب لكي الخير"

بجد كوميديا

نورتني

********************************
m&m

مش لذيذ كشكل ومهين كمضمون

والحجاب مش معناه إن اللي لابساه مؤدبة
واللي مش لابساه قليلة أدب
وكله عارف كدا كويس
بس إحنا بنغالط نفسنا

طولي زي ما إنتي عايزة
أنا نفسي كل البنات تتكلم
نورتيني

Anonymous said...

انا اول مره ادخل هنا
والصراحه انا مش فى دماغى الكلام البتحكوا فيه دا خالص
بس عجبنى thealien
دا اكيد مش فى دماغه ومراته بتمشى بالكت فى الشارع
واخته بتدق شكك
دانت عسل لو فيه منك عشره كان زمانه قضيناها بلاش بدل مابندفع فلوس للشراميت

The Terminator said...

نتيجة التجربة : 10/10 ونجمة كبيرة كمان
التجربة كانت جميلة ونتيجتها أجمل لأنها فتحتلنا باب كلام مهم أوي
لما قريت كلامك فرحت وخدتني الحماسة .. ولما فكرت تاني لقيت ان الحل صعب جداً
ليه ؟
- لأنك بتطلب نغير فكر دول .. وده صعب جداً
- لأنك بتتعرض لنقطة الدين داخل فيها .. وانت عارف نهاية المناقشات اللي من النوع ده
- لأنك بتطلب ان الحل يكون من البنات .. اللي المفروض ان هما كائن ضعيف ملوش رأي طبقاً لفكر مجتمعنا الذكوري.

مش عارف أقولك ايه .. طول عمري باقول ان مفيش مشكلة ملهاش حل .. بس المشكلة دي مش عارف فين حلها .. باحلم باليوم اللي أمشي فيه في الشارع ماشوفش بنت محجبة .. مش عارف ليه الدين بيأثر حتى في طريقة لبسنا .. وبالتالي بيأثر في طريقة تعاملنا مع بعض .. عشان كده البنت اللي مش محجبة بتتهان لأنها بس مختلفة ..

مبسوط من البوست جداًً .. حتى وان كان الموضوع صعب يتحقق لكن محتاجين نتكلم كده دايماً ..

ياريت أشوفك قريب

لا اله الا الله said...

انا سامعنا اختنا شئ عجاب قالوا كلاما لا يسر عن الحجاب

يا كل بنت عفيفه دول شباب تافه خايب بزمتك لو بتحبى ولا جوزك تحبى انه يكون بيغير عليكى ولا لأ
صارحى نفسك تحب تتجوزى اى كلب معندوش كرامه من العندهم افكار متعفنه يقبل انه يسيبك عريانه وسط الناس بزمتك يا شيخه بزمتك دا راجل تقبلى انه يكون جوزك
دا كلام اجتماعى مالوش علاقه بالدين
وبعدين الغلبانه المش عارفه تلبس الحجاب ولا لأ جايه الموقع دا تسأل
مالقتيش غير ناس بتقول بالفنط العريض انهم لادنيين
مستنيه منهم ايه الحجاب موجود فى القران والسنه
ومش محتاج كلام وبراحتك هاتلبسيه تخشى الجنه مش هاتلبسيه هاتترمى فى النار محدش بيضربك على ايدك واذا كان الرجاله الخولاااااااااا المشعجبهم الحجاب دول عايزين يشيعوا الفاحشه فى الاسلام والله الكلاب احسن منهم يابنتى كل نفس بما كسبت رهينه
اعملى الانتى عايزاه بس تحبى تكونى جوزك يخونك مع واحده تانيه تحبى انه يقلع البنطلون ويمشى فى الشارع
تحبى ان جوزك يكون عادى بالنسباله انك تمشى رجليكى عريانه وبطنك باينه
هاتقولوا احنا بنتكلم عن الحجاب مش بنقول الرجلين والبطن ماتقلقيش والله المره الجايه هاتكون البطن والرجل ومش هايبوكى والله العظيم الظلمه دول مش هايبوكى غير وانتى فى النار

The Terminator said...

مش قلتلك يابني .. شفت المناقشة عاملة ازاي .. مش عارفين حتى نتناقش بأسلوب كويس

لا اله الا الله said...

1- الحجاب عفه للبنت البنت المحجبه اقل تعرضا للمضايقات
2- الحجاب عفه للراجل لو الحريم كله محجب هاتقل التحرشات الجنسيه
3- الحجاب يا علمانيين قمة الرومانسيه فى الافلام لما اتنين بيحبوا بعض بيقولوا نفسنا نروح مكان بعيد مفيش مخلوق يشوفنا فيه غير احنا وبس مش كده بيقولوا فى الافلام مش كده رومانسيه
الحجاب بيخليكى محفوظه مفيش واحد فى الدنيا شاف جمالك غير جوزك البتحبيه ولو انتى متدينه بجد ربنا بيرزقك بالراجل المناسب اليكون حافظ نفسه ليكى انتى وبس بزمتك دى مش رومانسيه انتى وجوزك لبعض وبس مفيش حد شاف منك شعره الا جوزك ومفيش حد سمعه منه كلمه حلوه الا ودانك انتى
يا خبر ابيض والذى نفسى بيده قمة الرومانسيه والعفه ولا يعترض عليها غير كل خنزير اذاى يا خنزير تقبل على نفسك البنت البتحبها من قلبك زوجتك انها تمشى فى الشارع كل العيون شايفاها وطبعا انت اذاى تسمح لنفسك انك تشوف حد غير زوجتك
طبعا تقولى افكار ذكوريه عشان الرجاله مابتفكرش غير فى الجنس
انت يا خنزير الوحيد الهتبص عارف ليه لأن الراجل المقتنع بالحجاب وبالاسلام هو الراجل الملتزم يعنى هايغض البصر مش عايز عينه تيجى على العفن
يا عفن الدماغ والعقل

Fantasia said...

alien, alien, alien.. really you're so brave to say such a thing that you wish the veil would disappear from our life. I wish so too. But look at the comments you got from men. Is there any hope? Girls as you see are more flexible and open-minded to alternatives, although it is a matter that concerns them, they are the ones who wear it or not wear it. See now how the guys react.
Now, when I tell you that in order for the veil to disappear men must disappear, will you call me biased and male-hater? Believe me the problem starts and ends in male hands as long as we are living in a patriarchal society where women are helpless and got no free will.
I loved your post.. Way to go.

The Alien said...

itsok

مش فدماغك اللي بنحكي فيه
عشان واضح دماغك فيها إيه

مكلف نفسك وعامل account
جديد مخصوص عشان تقول الكلمتين دول
دا إنت حالتك صعبة
ولو فيه منك عشرة كانت خربت

The Alien said...

the terminator

هو دا الغرض الحقيقي
نفتح باب كلام

هي حالة مكلكعة ومنيلة بستين نيلة
دين علي ساسة علي مجتمع متخلف
كوكتيل مشاكل
عشان كدا مفيش حل واضح

أتمني أشوفك قريب
نورتني

Mirage said...

ههههههههههههههههههههههههههههههههههههههههههههههههههههههههههههههههههههههههه


انا عجبنى قوى ردك على المتخلف عقليا وجنسيا ده اللى اسمه
itsok

هو فعلا واضح دماغه فيها ايه

واخيرا وليس آخرا

انا لية وقفة كبيرة قوى مع الحجاب هتتعمل فى مدونتى ان شاء الله وهتتكتب فى اكتر من بوست وهتاخد شكل حملة ان شاء الله

ويارب نكون بنعمل حاجة تفيد البلد للنهوض بدل الحجاب والنقاب اللى هيجيبنا ل 1000 سنة ورا ده

حاجة تقرف

انت عارف ان الجماعات بتدفع فلوس للى بتتنقب

زى كده الشيخ الشعراوى ماكان بيصرف على الفنانات المعتزلات ولما مات رجعوا يمثلوا كلهم

عشان تعرف ان العملية كلها تعريص فى تعريص ولا مؤاخذة

The Alien said...

لا إله إلا الله

تاعب نافسك برضه وعامل account
جديد عشان تعلق
إنت مش واخد بالك إني فاتح التعليقات للمجهولين اللي زيك
يعني كان ممكن تقول الكلمتين دول من غير ما تتعب نفسك

بصراحة إنت موتني م الضحك
وأنا فعلا بضحك وأنا بكتب دلوقتي
ورغم قلة أدبك إلا إني هكون محترم معاك

إنت بتتكلم عن الغيرة وإن البنت عايزة حبيبها يغير عليها
طب هي الغيرة برضه ف إن الراجل يخبيها ويغطيها
هو دا دليل الغيرة والحب؟
طب ليه هي متستعملش نفس الطريقة
وعلي فكرة
البنات بتغير أكتر من الرجالة
يعني ساعتها كل الرجالة هيلبسوا خيم ومش بعيد يقعدوا ف البيوت عشان مراتاتهم بيغيروا عليهم

الغلبانة اللي مش عارفة تلبس الحجاب ولا ﻷ دي مضحوك عليها ومحتارة في زمن فتاوي الفضائيات ولازم تحتار
لإنه مفيش إتفاق علي الحجاب
بس اللي عايزينه هما اللي صوتهم عالي ومعاهم فلوس
وبيستخدموا اسلوب حقير لفرضه
زي ما إنت عملت بالظبط
تقول للبنت براحتك هتلبسيه هتروحي الجنة مش هتلبسيه هتترمي ف النار
بالزمة في حد عاقل يصدق إن حتة القماش دي هي اللي بتودي الجنة والنار

بتقول للبنات تعمل اللي هي عايزاه
وبعدين بتقول تحبي جوزك يخونك مع واحدة تانية عشان التانية مش لابسة حجاب
يعني إنت من الرجالة اللي بيقلعوا بنطلوناتهم لما يشوفوا بنات؟
للدرجة دي التفكير حيواني ماشي ورا الغريزة


بتقول الحجاب عفة!
عفة من إيه؟
يعني الحجاب بيقلل التعرض للمضايقات؟
أنا هسيب البنات ترد عليك ف الحتة دي
والحجاب عفة للرجل!
يعني الحجاب هيقلل التحرشات الجنسية
يعني هيخلصنا من حالة السعار الجنسي الموجودة؟
هما الرجالة دول حيوانات
بيتحرشوا بمجرد إنهم يشوفوا بنت؟

موضوع إن الحجاب قمة الرومانسية دا بقي مسخرة
بجد فكرة جديدة موتتني م الضحك
إستني لما أخلص ضحك
ههههههههههههههههههههههههههههههههههههههههههههههههههههههه
لا بجد حلوة
عايز البنت تبقي بس لجوزها
محدش يشوفها ولا يسمعها غيرة
كدا إنت بتحفظ المرأة ولا ببتحفظ عليها؟

"الراجل المقتنع بالإسلام هو اللي هيغض البصر"
طب ادام هو هيغض البصر بيصر ليه علي الحجاب؟
وبعدين إيه مش عايز عنيه تجي ع العفن
جسم المرأة بالنسبالك عفن!!!!
طب ياريت بلاش تبص عليه وسيبهم ف حالهم

أنا مش هرد عليك ف الدين
بس لو تحب تعرف شوية عن أصل الحجاب ف التاريخ والإسلام إقرا المقال دا
مكانة الحجاب بين فضائل العرب

يابني إنت كلامك كله تناقضات
وشوية بتحاول تتكلم بجد وشوية تشتم وتقل أدبك
تقول للبنات دا حرية
وبعدين تقولهم لو ملبستهوش هتروحوا النار

كلامك كله ف الهوا
صوت عالي وتعصب وخلاص
عارف ليه؟
عشان معندكش حاجة تقولها

منورتنيش خالص

The Alien said...

fantasia

i missed u so and i am happy with ur return.

you are right ... girls even who wear the veil are much more open minded ... they are trying to convince themselvies with it but at least they do not shout and yell.
on the other hand, men are defending veil and threatending girls to wear it ... always yelling and waving with the hell.

i do know that the problem is in men and has nothing to do with girls ... i just want women to say NO and to fight for their right.

happy with ur comment
hope to c u here always

The Alien said...

mirage

بالضبط كدا
دا متخلف عقليا وجنسيا
وأنا فعلا العالم دي بتموتني م الضحك

عارف اللي بتتكلم عنه
ودا حقيقة محدش يقدر ينكرها
ومستني بوستاتك عن الحجاب

نورتني

Anonymous said...

انا الأنونيموس بتاعة فوق و انا بلا نيلة برضه يا alien
و الموضوع شعشع فى دماغى بأة و سخنت الصراحة

مبدأيا شوف مستوى الحوار، بس أكيد إنت كنت متوقع كلام من اللذيذ دة كتير، خسئت و ثكلتك أمك يا فتى! عايز نساؤنا يمشوا فى الشارع عرايا؟ النهاردة خلع الحجاب، بكرة الستات يعترضوا على تعدد الزواج، بعده قوانين الميراث و الشهادة فى المحكمة و هوب نلاقى نفسنا زى تونس و الستات تبقى بنى آدمين بجد فى البلد دى!

يعنى نموذج كأحد النماذج اللى ربنا ابتلانا بيها فى مصر الأخ ايتس اوكيه ، بيعتبر إن مشى مراتك بالكت فى الشارع دة سفالة و قلة أدب، إزاى تمشى بالكت يعنى ، هه؟ لاء مفروض مراتك تلبس جلابية سودا تمسح بيها أرض الشارع و طرحة سودا تكتم على منافذ الهوا بتاعتها فى عز الحر، عشان حر الجحيم أقوى، آه ما أصل ربنا بيكره الستات، الست لازم ينكتم نفسها بأى طريقة، و إختار يا عبد الستار ، يا إما أختاه ينكتم نفس اللى خلفوكى فى الحياة الدنيا يا إما أختاه ويلك من عذاب جهنم ، و بعدين حرام تحطى برفان، لازم تمشى أختاه ريحتك تقلب معدة اللى بيحتكوا بيكى و واجبك إن تجيبى لهم كرشة نفس عشان ماتتشبهيش بالزانيات الكاسيات العاريات.
و بعدين تأمل آخر جملة أنهى بيها حواره، و الله كنت هعيط ، الأخ أخيرا لقى حل لمشاكل الكبت اللى عنده.

الأخ التانى بأة بيتبع مبدأ " أختاه أنتى جوهرة فى علبة قطيفة"
مبروك يا alien
خدت لقب صاحب الأفكار المتعفنة، مش كنت حطيتهم فى التلاجة؟ حد يسيب أفكاره برة التلاجة فى الحر دة يا راجل؟
و بعدين كلامك إتحول بقدرة قادر إلى إنك بتدعو إلى ثورة العراة هههههههههههه
"
وبراحتك هاتلبسيه تخشى الجنه مش هاتلبسيه هاتترمى فى النار محدش بيضربك على ايدك"
واخدين بالكم من براحتك دى؟

"تحبى تكونى جوزك يخونك مع واحده تانيه تحبى انه يقلع البنطلون ويمشى فى الشارع"

هو حر، لو البنطالون مضايقه و مش عارف يتنفس منه يقلعه، و لو إن الرجالة برضه بيقلعوا البنطلون و يلبسوا شورت و مايوه، يعنى ماحدش قال للراجل براحتك هاتلبس البنطلون تخش الجنة مش هتلبسه تترمى فى النار، و لا شوفنا ملصق فى الترام عليه صورة راجل لابس بنطلون و تحتها مكتوب آخاه آخاه البنطلون قبل يوم الحساب. و الله ضحكتنى يا راجل، الله يحظك.

و بعدين فوائد الحجاب تحت بأة:

اقرا و أتمزمز زى ما انا اتمزمزت

1- الحجاب عفه للبنت البنت المحجبه اقل تعرضا للمضايقات

و دة دليل إن الحجاب حلو و لا دليل إن فيه تحرش بغير المحجبات؟


2- الحجاب عفه للراجل لو الحريم كله محجب هاتقل التحرشات الجنسيه

طيب ما الراجل دة يتحكم فى نفسه، و لا هو كائن يفكر بنصفه الأسفل و معندوش أى مقدرة على التمييز و الإدراك و التحكم بالذات؟ و لا يكونش الراجل زراير الكونترول اللى فى دماغه بايظة، يشوف البنت اللى مش محجبة من هنا و توماتيكى توماتيكى قلة أدبه تبتدى من هنا؟

3- الحجاب يا علمانيين قمة الرومانسيه فى الافلام لما اتنين بيحبوا بعض بيقولوا نفسنا نروح مكان بعيد مفيش مخلوق يشوفنا فيه غير احنا وبس مش كده بيقولوا فى الافلام مش كده رومانسيه

لاء خلاص مش قادرة يا جماعة، عايزة أعيط، مش الحجاب طلع قمة الرومانسية؟ ماشفتوش فيلم حجبنى دائما بتاع بوسى و نور الشريف و لا ايه؟ ماسمعتوش أغنية تامر حسنى حجبنى و إنت بعيد؟


الحجاب بيخليكى محفوظه مفيش واحد فى الدنيا شاف جمالك غير جوزك البتحبيه

طيب أنا كمان عايزة ماحدش فى الدنيا يشوف جمال جوزى اللى بحبه غيرى، أيه إقترحاتك لحل الإشكالية دى؟

جتكوا الهم مليتوا البلد

Mirage said...

هههههههههههههههههههههههههههههههههههههههههههههههههههههههههههههههههههههههه


انت ردودك عاية كييييييييييييييك

ههههههههههههههههههههههه

لا اله الا الله ده

يعنى خلانى الحس البلاط من كتر الضحك

انا اغمى علية خلاص



عارف

المشكلة ان كتير جدا من المسلمين ان لم يكن معظمهم بينظروا للمرأة بمفهوم جنسى مطلق

المرأة ماهى الا المخلوق المسخر لاشباع الرغبة الجنسية للرجل

وطبعا النظرة دى كلنا عارفين ان هى نظرة الرجل للمرأة ايام العصر الحجرى

ايام الناس ماكانت بتتكلم بالاشارات ومفيش لغة

ايام محمد صبحى وسعاد نصر فى الهمجى


لا اله الا الله

انت كلامك اجوف وخالى من اى معنى وبلا اى قيمة

catroz said...

مش عارفه اقول ايه
لانى مش عارفه بتفكر ازاى
اولا البنت بتلبس الحجاب عن اقتناع
محدش يرغمها عليه
و مادامت البنت مسلمه هتلبس الحجاب اللى فرضه ربنا
مش الحجاب اللى البنات بيلبسوه دلوقتى ده
اللى هى مينى جيبو طرحه
لالا مش كده ابدا
تلبس حاجه تحترم بيها نفسها
و جسمها اللى بيبان ده لاى حد
من حق زوجها فقط
......:)

Anonymous said...

شكرا ليك على اسلوب كلامك معايا
انا هبه صاحبة التعليق اللى فوق
هى دى لغة الحوار الراقيه
و اللى بسميه حوار العقل
بالنسبه للأستاد لا الله الا الله
احب اوضحله حاجه
انا مسلمه و مؤمنه
و اللى هيدخلنى الجنه مش الحجاب
اللى هيدخلنى الجنه هو اللى هيدخلك هو اللى هيدخل اى مسلم
عرفت انا بتكلم على ايه؟
بتكلم عن اركان الأسلام الخمسه
و لو مش عارفهم قولى و انا اقولهم لك
لأننا نسيناهم و بنتكلم بس عن الحجاب
بمعنى تانى لو الحجاب فرض اكيد هتحاسب عليه
بس مش الأولويه عند ربنا الحجاب
الأولويه الصلاه
لو اقمتها اقمت الدين و لو هدمتها هدمت الدين
لكن هاتلى آيه او حديث عن الحجاب انه بيهدم الدين
بتسألنى ملقتش غير دول اسألهم
ايوه ملقتش غيرهم
عارف ليه
لأنى عايزه حد يخاطب عقلى و يقنعنى بصفتى انسانه
مش واحد يقولى هتترمى فى النار
يا راجل حرام عليك
انت بتسىء للدين
على الأقل كون صوره كويسه لدينك
شكرا لصاحب الموقع على سعة صدره

The Alien said...

mariez

كدا برضه كنتي هتحرمينا من كلامك
بس كويس إن الموضوع شعشع والعملية سخنت عشان تكتبي

طبعا متوقع كلام زي دا
وبعدين دول ماليين البلد
أمال هي باظت من شوية

حلو موت التسلسل اللي عملتيه
وفعلا هما عايشين ف رعب لييجي اليوم اللي تكون فيه المرأة إنسانة بجد عشان ساعتها هيتنازلوا عن كتير من سلطاتهم

أنا كمان عجبني موضوع إن الحجاب قمة الرومانسية
بس أنا معيطتش أنا ضحكت

مبسوط جدا بتعليقك
وأتمني تتابعيني وأشوفك هنا دايما
إحنا محتاجين بنات بتفكر زيك

نورتيني جدا

The Alien said...

mirage

كويس إنك بتضحك عندي ياسيدي
عشان تيجي كتير

علي فكرة
وضع المرأة دا قديم ومش السبب فيه اﻷديان
لإن الإنسانية في بدايتها كانت محتاجة المجهود العضلي
وهو دا اللي إدا الصدارة للرجل
لكن دلوقتي الوضع إتغير وبقينا محتاجين العقل والعلم
والعالم كله أدرك الكلام دا وبيساعد المرأة
لكن عندنا هنا الوضع ماشي بالعكس

منورني دايما

**************************************
catroz

أنا مش عايزك تهتمي أنا بفكر إزاي
أنا عايزك إنتي تفكري
إنتي مقتنعة إن ربنا اللي طالب منك الحجاب؟
وإن الحجاب هو جواز سفرك للجنة؟

صدقيني مش اللبس اللي بيقول مين محترم ومؤدب ومين مش محترم وقليل أدب
وجسم البنت من حقها هي قبل ما يكون من حق أي حد

أتمني تفكري بفكر صافي من غير تحيز
نورتيني

The Alien said...

هبة

مبسوط جدا بكلامك ورأيك
وإنك متابعة الحوار
وأديكي شفتي إزاي بيدعوا للحجاب ويطالبوا بيه
صوت عالي وتهديدات عمال علي بطال
اللي مش هتلبس الحجاب هتروح النار
واللي معترض وعنده رأي مخالف يبقي كافر وهيتقتل وبعدين يروح النار
منتهي التعصب والعنف

بجد مبسوط بكلامك
وأتمني تتابعيني وأشوفك دايما
نورتيني

The Alien said...

هبة

لو عايزة تقري كلام بيكلم عقلك بجد
إقري المقالة دي

مكانة الحجاب بين فضائل العرب

وبعدين قوليلي رأيك

Anonymous said...

انا قريت الموضوع ده قبل كده
و قريت حاجات تانيه كتير لسيد القمنى

و غير قرائتى لخالد منتصر عن الحجاب و الغزو الوهابى و حاجات كده
المشكله بقى ان سيد القمنى تم تكفيره و تهديده بالقتل
و خالد منتصر برده مرفوض من قبا المتدينين
و كمان كنت قرأت اجزاء من كتاب لأيراهيم عيسى
اسمه فصل الخطاب فى مسألة الحجاب
برضه بيرفض فيه الحجاب
بعيدا عن كل ده محدش يقدر ينكر ان الأخلاق و التدين فى فترة ما قبل الحجاب يعنى الستينات كده كانت احسن من دلوقتى بكتير
و محدش كان ممكن يعاكس بنت مهما كانت لابسه ايه
طيب ليه لو كان الحجاب مش فرض كل الشيوخ اتفقوا على فرضيته
يعنى مفيش و لا شيخ واحد بيبتغى وجه الله فعلا
طيب و ازاى كل المسلمسن على تفرقهم سنه و شيعه اتفقوا على الحجاب
لكن طيب فى محجبات بميت راجل
زى مثلا نهى الزينى يعنى ده مثال ان الحجاب مش لازم يلغى شخصية المرأه
كل دى اسأله فى بالى
و شكرا ليك على اهتمامك و اسلوبك الراقى
و شكرا انك بتحاورنى بالعقل

The Alien said...

طب ليه ف الخمسينات كان فيه فتوة من اﻷزهر إن لبس المرأة المفروض يغطي من أكتافها لحد ركبها
يعني كان المشايخ مش بيتكلموا عن الحجاب
بص شوفي مين متحكم ف الليلة دلوقتي وإنتي تعرفي ليه المشايخ متفقين ع الحجاب
وتعرفي كمان ليه سيد القمني كفروه
وله خالد منتصر مكروه
وليه فرج فودة قتلوه
كلها مصالح
وهما بيدافعوا عن مصالحهم ولو وصلت للقتل

والدينا زمان مكانوش بيلبسوا حجاب
وكانت الناس محترمة أكتر بكتير من دلوقتي
وأنا شايف إن الحجاب نتيجته عكسية

معاكي إن الحجاب مش بالضر
ورة بيلغي شخصية المرأة
وفيه بنات كتير محجبات وناجحين جدا وبميت راجل
بس تفتكري لو هما مش محجبين كانت هتفرق؟
يعني بلاش ناخد الحجاب من باب إنه مش هيضر
نظام لو طلع فرض أديني لابساه
ولو مش فرض يبقي مخسرتش حاجة

كويس إنك بتقري لكل الإتجاهات ومش حاصرة نفسك ف فكرة معينة ورأي واحد
ودا يخليكي قادرة إنك تاخدي قرارك بنفسك ومتستنيش فتوة من حد

تحياتي ليكي

Anonymous said...

بيشو بجد مش عارفة اقولك اية بعد الكلام اللى انت قولتة فى البوست الجامد دا وكمان ردك فى الكومنتات كان واضح انك فكرك متحرر بعيد عن اى قيود دينية انت مفرضتش حاجة على حد اتكلمت بمنتهى الحيادية
وربنا يكون فى عونك فى الرد على الناس الجاهلة اللى مش بتفكر وعمال تقول كلام فاضى عمال على بطال
انا لما قريت الكومنت بتاعة بجد بقيت
حزينة جداً ان فية واحد زيك عايش فى بلد واحدة مع واحد زى الجاهل دا وبتتعملوا زى بعض يمكن هو اخد حقة اكتر من ناس بتفكر بجد وعايزة البلد تفوق وتكبر
انت عارف رأى طبعاً فى البوست علشان انا قلتة كتير انا مؤيدة رأيك ومع حرية المرأة فى كل شىء سواء كان لبس او فكر او عمل وضد قهر المرأة بكل صورة وعدم فرض اى شىء عليها سواء كان حجاب او نقاب او رأى او فكر هى مش عايزة
انا مش مع اللى بيقولوا ان البنت لما تحب تعمل حاجة بتعملها دا كلة كلام فى الهوى احنا كل حاجة فى البلد دى مفروضة علينا حتى الهوى اللى بنتنفسة

كمل وميهمكش من الناس الجاهلة دى الامل فيك انت واللى زيك انكوا توصلوا فكركوا المتحرر لكل الناس

تحية كبيييييييييرة ليك ولكل شاب حر مفكر

Anonymous said...

انا الكنت تحت اسم لا اله الا الله
اللهم اجعلنى ممن هم تحت اسمك العظيم

انا داخل اهوه على انى مجهول من غير ايميل جديد شكرا على النصيحه الغاليه دانت ابن ... حلال
انت كاتب يا واد يا فتك ان الحريم بتغير اكتر من الرجاله و ساعتها كل الرجاله هاتلبس خيم
دا كلامك
إنت بتتكلم عن الغيرة وإن البنت عايزة حبيبها يغير عليها
طب هي الغيرة برضه ف إن الراجل يخبيها ويغطيها
هو دا دليل الغيرة والحب؟
طب ليه هي متستعملش نفس الطريقة
وعلي فكرة
البنات بتغير أكتر من الرجالة
يعني ساعتها كل الرجالة هيلبسوا خيم ومش بعيد يقعدوا ف البيوت عشان مراتاتهم بيغيروا عليهم
اتضحلى انك مش جاهل بس فى امور الدين والدنيا دا انت جاهل فى امور النساء الانت فاهم انك بدافع عنهم مع انك بتستعبدهم
اسأل اى بنت هى بتغر على جوزها من ايه تفتكر بتغير عليه علشان بنت تانيه غيرها بتشوفه ولا لما هو البيبص على بنت تانيه وبيدلها اهتمامه(يارب تكون فهمت)
وبعدين دا انا قايل الاتنين يحفظوا نفسهم لبعض
شوف النقطه التانيه كلامك اهوه

الغلبانة اللي مش عارفة تلبس الحجاب ولا ﻷ دي مضحوك عليها ومحتارة في زمن فتاوي الفضائيات ولازم تحتار
لإنه مفيش إتفاق علي الحجاب
بس اللي عايزينه هما اللي صوتهم عالي ومعاهم فلوس
وبيستخدموا اسلوب حقير لفرضه
زي ما إنت عملت بالظبط
تقول للبنت براحتك هتلبسيه هتروحي الجنة مش هتلبسيه هتترمي ف النار

مفيش اتفاق على الحجاب غريبه دى انت اكيد ماسمعتش عن الاسلام
صوت عالى ايه وفلوس ايه ؟؟؟
ذى مانا عملت هاتلبسيه هاتروحى الجنه مش هاتلبسيه هاتروحى النار
هو انا البقول يا جاهل دا الاسلام البيقول الانسان مخير ولا مسير ولا الاتنين مع بعض
اما انت مقتنع بجود الجنه والنار وشايف ان بالطريقه دى فرض راى دا انت بقى مش بتنتقد المسلمين انت بتنتقد رب المسلمين رب العالمين
يبقى من حقى انى اقول عليك حيوان بل الحيوان احسن على الاقل بيسبح باسم الله
الدليل على كده من كلامك (
بالزمة في حد عاقل يصدق إن حتة القماش دي هي اللي بتودي الجنة والنار ( دا انت البتقول)
طيب مستنيه ايه يا اختى بزمتك هو دا الهاتخدى منه النصيحه دا بيتكلم بمنطق الملحدين
شوف بتقول ايه كمان يا جاهل

بتقول للبنات تعمل اللي هي عايزاه
وبعدين بتقول تحبي جوزك يخونك مع واحدة تانية عشان التانية مش لابسة حجاب
يعني إنت من الرجالة اللي بيقلعوا بنطلوناتهم لما يشوفوا بنات؟
للدرجة دي التفكير حيواني ماشي ورا الغريزة
دا كلامك
انا قلت فى كلامى جوزك يخونك مع واحده تانيه علشان مش لابسه حجاب (وحياة امك الطاهره طلعلى كلمة علشان مش لبسه حجاب دى من كلامى )
يعنى انت من البيقلعوا بنطلونك لما بيشوفوا بنات بزمتك انت مش جاهل دا انت حتى مش قادر تستوعب الكلام المكتوب لو اى حد فهم كده من كلامى يبقى سبحان الله مش فهمين عربى اساسا

شوف كمان انت بتقول ايه

بتقول الحجاب عفة!
عفة من إيه؟
يعني الحجاب بيقلل التعرض للمضايقات؟

خلى انت البنات ترد عليك شوف لو فيه 10 بنات محجبات كام واحده منهم بتتعرض للمضايقات وشوف لو 10 غير محجبات كام واحده منهم بتتعرض للمضايقات
يا جاهل انا بقول بتقلل بتقلل البيه خرنج برضه
بتقول ايه كمان شوفوا بيقول ايه
يعني الحجاب هيقلل التحرشات الجنسية
يعني هيخلصنا من حالة السعار الجنسي الموجودة؟
هما الرجالة دول حيوانات
بيتحرشوا بمجرد إنهم يشوفوا بنت؟
متهيالى يا واد يا ناصح ان دا الحال الموجود فعلا فى مصر ولا انت مش بتقرا جرايد يعنى مشكله بالفعل موجوده
تفتكر ايه اليقلل من مشكله ذى دى ان البنات كلهم يلبسوا حجاب ولا يقلعوه ؟ قول انت بأأأأأأأأأأأأه
من كلامك برضه بتقول

موضوع إن الحجاب قمة الرومانسية دا بقي مسخرة
بجد فكرة جديدة موتتني م الضحك
إستني لما أخلص ضحك
ههههههههههههههههههههههههههههههههههههههههههههههههههههههه
لا بجد حلوة
عايز البنت تبقي بس لجوزها
محدش يشوفها ولا يسمعها غيرة
كدا إنت بتحفظ المرأة ولا ببتحفظ عليها؟

عجبتك اوى بتضحك ياد (دا انت زبون لقطه )
انا لما اتكلمت عن الرومانسيه قولت كلام كتير عن الراجل والست خدت نص الكلام وبتضحك عليه
لا مش بتحفظ عليها انت عايز انك زوجتك تتكشف على واحد صحبك دا عادى جدا بالنسبالك وما خفى كان اعظم \
لأ يا انصح خلق الله الرومانسيه ذى ماقولت عليها ذى البيعرفها كل رومانسي ان الاتنين يكونوا لبعض وبس
ماسمعتش عن الانانيه فى الحب ولا جاهل فى امور الحب كمان

شوف بتقول ايه كمان يا سيد امك


"الراجل المقتنع بالإسلام هو اللي هيغض البصر"
طب ادام هو هيغض البصر بيصر ليه علي الحجاب؟
وبعدين إيه مش عايز عنيه تجي ع العفن
جسم المرأة بالنسبالك عفن!!!!
طب ياريت بلاش تبص عليه وسيبهم ف حالهم
انا بصر على الحجاب مش علشان الراجل الملتزم البيغض بصره انا بصر على الحجاب علشان الخنازير امثالك عديمى الدين والرجوله والشهامه

كل مراه بتعرض جسمها امام عيون الناس فاهو جسم عفن رخيص الثمن بنشوفوه ببلاش
انما المراه الطاهره البتحفظ نفسها بتمن غالى لليتجوزها ويعطيها قلبه وحياته ويجعلها قرة عينه هى دى الغاليه الهتدخل الجنه دى الاحلى من الشهد دى احلى من الحور العين

رد بقى على البيقولوا انى عايش فى جهاله وواحد من البلد مليانه منهم الحمدلله انا عشت فى اكثر من دوله عربيه وغربيه ولسه عايش فى واحده منهم لحد الوقت وعلى فكره كمان انا عارف ان الكلام دا هايغظكم وانا عايز اغيظكم الاسلام الحمدلله بيدخول فيه كتير اوى من الغربيين ودا واقع انا شايفه وبيتحجبوا
وهما بنفسهم الكانوا شايفين فى حياتهم الاولى حريه هما البيقولوا ان الاسلام عملهم كرامه وعزه

شوف يابنى انا كتبت كتير ومعنديش وقت لأمثالك انت و الذيك مش هايزود الاسلام ولا هايقلله
اللهم اعز الاسلام برجال ونساء يسيرون على درب الحبيب محمد صلى الله عليه وسلم
انا بكتب الكلام دا كله علشان البنت الغلبانه البتسأل يابنتى عايز اقولك على حاجه لوجه الله لا انا عايز عز ولا شكر وانتى حره
مفيش حد كرم النساء الا الاسلام
الرسول الكريم بيقول
وجعلت قرة عينى النساء
رفقا بالقوارير
امك ثم امك ثم امك
استوصوا بالنساء خيرا
والله العظيم قسم يحاسبنى عليه العظيم الناس البتكلم فى حق الحجاب دول عايزين يرخصوكى عايزينك سلعه رخيصه بين عيون اى فاسق ندل جبان
انت يابنتى الاسلام اذا صلحت المراه المسلمه صلحت الامه كلها

اسف جدا على الطريقه البكتب بيها انا عارف انها طريقه قذره بس البيرد على الناس دى وهم اقذر من على الارض لازم يرد كه
لكل مقاما مقال
وربنا يهديك ويهدينى ويهديهم














)

Anonymous said...

مره تانيه تحت اسم
لا اله الا الله

الاخ او الاخت mariez
تصدق ماكنتش واخد بالى منك انا هاكلمك على انك راجل علشان اخد رحتى وانا بمسح بيك الارض علشان لو انت امراه هاستحى ارد عليك بقلة ادب

بتقول ايه يا حبيبها فى اول كلامك

وبراحتك هاتلبسيه تخشى الجنه مش هاتلبسيه هاتترمى فى النار محدش بيضربك على ايدك"
واخدين بالكم من براحتك دى؟
مره تانيه نفس الرد القولته للخنزير التانى والحجبه هاتدخل الجنه والمش لبسه حجاب هاتدخل النار لو انت معترض على كده يبقى معترض على الله عز وجل لو اعترفت بكده قدام البنت الغلبانه البتسأل يبقى شكرا انا مش هارد عليك تانى واتحرق فى نار جهنم انت حر مليش دعوه
انت يا يا خنيزير مصغر خنزير بتقول
-
هو حر، لو البنطالون مضايقه و مش عارف يتنفس منه يقلعه، و لو إن الرجالة برضه بيقلعوا البنطلون و يلبسوا شورت و مايوه، يعنى ماحدش قال للراجل براحتك هاتلبس البنطلون تخش الجنة مش هتلبسه تترمى فى النار، و لا شوفنا ملصق فى الترام عليه صورة راجل لابس بنطلون و تحتها مكتوب آخاه آخاه البنطلون قبل يوم الحساب. و الله ضحكتنى يا راجل، الله يحظك-
ملصق ايه يا تافه هو انت المضايقك الملصقات هى دى مشكلتك
هو الاسلام يا حمار بيه كان حلل للراجل انه يمشى بالشورت فى الشارع ولا قدام حد اساسا
طبعا لانك جاهل ومش فاهم حاجه يارجاله لو مشيت بالمايوه فى الشارع هاتدخل النار لو لبست محترم هاتدخل الجنه
مبسوط يا سيدى بس يا خنيزير احنا بنتكلم عن الحجاب لو بنتكلم عن لبس الراجل كنت هارد عليك برضه
فتك اوووووى يابن الايه يابن الايه يا ناصح بتقول ان الراجل يتحكم فى نفسه بدل ماهو بيفكر فى الجنس وبس وبدل مالحريم تلبس الحجاب
اولا الخوف على حريم الاسلام مش من المسلم الملتزم الخوف من كلب ذيك ومن نوعك البيحلل لنفسه ان يبوص على عورة اخته ولا اخيه

وبعدين دى شريعة مين البتكلم بيها دى لا هى اسلام ولا مسيحيه ولا يهوديه اكيد دى شريعة امك (دى سياسة امك يا واد يا ماذيكا)


_لاء خلاص مش قادرة يا جماعة، عايزة أعيط، مش الحجاب طلع قمة الرومانسية؟ ماشفتوش فيلم حجبنى دائما بتاع بوسى و نور الشريف و لا ايه؟ ماسمعتوش أغنية تامر حسنى حجبنى و إنت بعيد؟_
دا كلام عين الست مامته

مش حاسس انك مثل الحمار يحمل اسفار
هى الرومانسيه عندك تتمثل فى بوسى ونرو وتامر
الصراحه ردك قوى على فكرة الرومانسيه دا الخنزير التانى رد بعقل شويه عنك دا انت خيبتك ماوردتش على حد


كمان بتقول فى الاخر كلام حلو اوى يبين انك اكتر حاجه فاهم فيها الخيبه
-
طيب أنا كمان عايزة ماحدش فى الدنيا يشوف جمال جوزى اللى بحبه غيرى، أيه إقترحاتك لحل الإشكالية دى؟-
احللك المشكله دى يا بنوته يا حلوه ابقى خليه يصلى ويلتحى ويلبس ذى الاسلام وانا متاكد ان مفيش حد البايظين امثلكم هايبصله
الهيبصله بس رجال نفسهم يبقوا ذيه وياتخدوه قدوه ليهم وهايحبوه فى الله
اى بنت مايصه مش هاتبوص عليه علشان عارفه ان دا مش بتاع دا بتاع ربنا يعنى ذى مابيقولوا اخونا الخليجين ماشى سيدا
مش زيجزاجا يا حماره
انت جى اشتغلى ايه اكيد مش سواقه اكيد قواده

islam yusuf said...

لازم نرفض كلمة لازم
انت اصبحت من المدافعين عن حقوق المرأه
سيب المرأه تقرر نصيبها
احنا مش وصايا عليها

احساس لسه حى said...

عزيزى
على التجربة بتاعت اللبس
ما ادامك بلاد فيها لبس عارى كتير
تفتكر الستات مرتاحين فيها
العقل الصغير هو اللى بينظر للبس ويقول انه مشكلة المشاكل
اللبس فرض دينى اللى عاوز يعمله يعمله واللى مش عاوز يرفض والحساب يوم الحساب
تفتكر فى الامتحان بتاع اى كليه ينفع تقول انا مش عاوز المادة دى ولا الجزئ ده الغهولى مش عجبنى
ليه مش فاهمين ان للعباده متطلبات
واللى مش عاوز يعبد يقول ونسيبه برحته
سلام

Anonymous said...

أنا معاك في شيئ أساسي
ان صمتنا كنساء أضاع منا الكثير والكثير من الحقوق
ببساطة لاننا معندناش استعداد ندفع تمن رد فعل حريتنا واخدنا لحقوقنا
انا فتاة .. حرة .. مش محجبة ومش ناوية حد يفرض على راسي حجاب ولا على عقلي حجاب .. ولو حد عاكسني هطلع عين اللي خلفوه
هل لو راجل واحد تاني اتحرش بيه او عاكسه بقلة ادب هيسكت له؟
ولا االرجالة عندها كرامة واحنا لأ
احنا كمان من حقنا نرفض ونتكلم ونعلن ونقول بأعلى صوتنا لأ على اللي احنا رافضينه
ولو البلد حصل فيها زي الهبل والهطل اللي بيحصل ف دول اسلامية عايشة ف دور اسلام سياسي مش لايق على الانسانية
مش هرضخ لهم ولا هسيبها
وعندي اموت ف بلدي وانا لسه حرة على ان حد يستعبدني ف بلدي او يضطرني اخرج منها
وبما اني واثقة ان فيه مني كتير وان لسه فيه عقول بخير
فمش هييجي اليوم دا
وبعينهم
قاعدين على قلبهم ومش هنسمح للتخلف انه يفرض رأيه علينا
...
اكيد دي مش اول مرة ادخل مدونتك واتعرف على كلامك اللي بيسعدني في اغلب الاوقات لاتفاقه مع الفكر الحر المنطقي
يمكن مش منتظمة ف الحضور وعمري ما تركت تعليق
لكن ثق صديقي
لسه ف الدنيا ناس بتفكر

The Alien said...

فرحة

مرسي علي كلامك الجميل
ومتزعليش ولا حاجة
البلد مليانة ناس بتفكر وبنات زيك بتفهم بس إحنا صوتنا واطي ومش باينين
عشان الناس اللي زي اللي معلق هنا ماسكين ميكروفونات ومعاهم فلوس وكمان ماسكين السلاح
واللي مش عاجبهم بيقتلوه ويودوه النار

نورتيني

The Alien said...

anonymous لا إله إلا الله

كويس إنك عرفت تدخل مجهول
إنت مجهول ولازم تفضل مجهول
وهتلاقي أمثالك دايما مجهولين
وع العموم أي خدمة

إنت فاكر نفسك كدا رديت؟
إنت بتشتغل نفسك وبتحاول تشتغلنا معاك
كل كلامك كلام ف الهوا
بتحاول تتكلم بجد وكلامك يكون موزون
طبعا متعرفش عشان معندكش كلام يدخل العقل
تقوم تشتغل ف الشتيمة والتهديد
وترجع تاني لموال هتروحوا النار
ياعم إنت شكلك بتخاف م النار
إبعد إنت عنها وخليك ف الجنة بتاعتك اللي بتلغي فيها دماغك
وسيبني أنا فالنار اللي بشغل فيها دماغي


ماشي ياعم .. أنا مش فاهم في أمور النساء
وواضح جدا إنك فاهم
بدليل إن مفيش بنت موافقاك ف اللي بتقوله
وعلي فكرة
البنات بيغيروا من بعض ... يعني لو بنت تانية شافت حبيبها وقالت كلمة أو حتي بنظرة
هتلاقي البنت إتجننت وساعتها لو بنفكر بنفس اسلوبك يبقي من حقها تغطيه وتلبسه حجاب
وبعدين إنت بتقول الاتنين يحفظوا نفسهم لبعض
يعني هي البنت بتحفظ نفسها بحتة القماش؟


الأسلام بتاعك إنت المستورد من السعودية وإيران هو اللي بيقول و العقل هو اللي بيرفض
طول عمرنا ف مصر بعيد عن الكلام الغريب بتاعكوا دا
طول عمر المصريين معتدلين وناس بتفكر
وبعدين أنا متكلمتش عن الإسلام والدين أنا بتكلم ف نقطة الحجاب
ليه إنت بمجرد الكلام عن الحجاب إعتبرته هجوم علي الإسلام ورحت شايل سيفك وشغال بتدافع وتشتم


كويس إنك اعترفت بإن عندنا حالة سعار جنسي
بس أنا جاوبت علي سؤالك قبل كدا
ومتهيألي كل الناس قالت رأيها ف البوست اللي فات
إن اللبس مش هو السبب ومش ممكن يكون الحل
أنا عايزك إنت تجاوب


مالك زعلت ليه إني بضحك
فيها إيه لما أضحك شوية
وبعدين اللي إنت قلته دا لازم يضحك
ومتهيألي مش أنا لوحدي اللي ضحكت لما قريته
قال الحجاب منتهي الرومانسية
أديني هضحك تاني
إنت بتقول الرومانسية إن الإتنين يكونوا لبعض بس
إزاي يكون الحجاب الطريقة عشان الإتنين يكونوا لبعض؟
مش فاهمها دي


يعني إنت عايش برة مصر
وعشت ف أكتر من بلد ولفيت وزرت بلاد الغرب
وبرضه لسه مش عارف تشغل دماغك
ولسه بتختزل الإسلام ف حتة قماش
واللي هامك ف اللي بيدخلوا الإسلام إنهم بيتحجبوا
أنا مش متغاظ ولا حاجة
عشان اللي إنت بتقوله دا مش حاجة حد يفتخر بيها
عشان عمر ما حتة القماش هي اللي بتدي كرامة للانسان
ومش هي اللي بتخليه محترم بين الناس
الانسان كرامته ف عقل مش ف جسمه
الانسان يتقاس بأخلاقه وعلمه مش بلبسه


جاي ف اﻷخر بتعتذر عن اسلوبك القذر
يعني إنت بقالك يومين نازل شتيمة وقلة أدب وجاي ف الأخر تعتذر
بس معلش ... أنا عارف ليه
عشان أمثالك معندهمش كلام يتقال للعقل
فدايما بيبقي الحل ف الصوت العالي والشتيمة والتهديد عمال علي بطال
وهو دا الفرق بيني وبينك
أنا محترم وبفضل محترم للنهاية
لكن إنت مش قادر تبقي محترم
وأظن أي حد متابع الحوار يقدر يلاحظ دا
وعلي فكرة
دا اللي دايما بيضعف من موقفكوا وكلامكوا

Anonymous said...

تحت راية لا اله الا الله
دائما وابدا
رد خاص للاخت هبه
انتى بتقولى انك عايزه تتكلمى بالعقل والمنطق مش واحد يقولك هاتترمى فى النار والناس الهنا بيكلموكى بالمنطق
مش واخده بالك من حاجه مهمه مش عارف مازعلتيش منها اذاى كأنسانه مسلمه و زعلتى من هاتترمى فى النار

شوفى كده اخر كلامك فى الاول فكراه كنتى بتقولى
((انا ضد النقاب جدا و شايقه انه احتقار للمرأه و مفيش نص دينى فرض النفاب
طيب معظم العلماء اقروا بعدم فرضية النقاب
و غالبية العلماء اقروا بفرضية الحجاب
دلوقتى انا ممكن اقول لأى واحد لأ
لكن تفتكر ممكن اقول لربنا لأ
صدقنى انا محتاره و نفسى اعرف اجابه لكل اللى فى دماغى
شكرا لطرح الموضوع ده))

ماخدتيش بالك اترد عليكى بأيه

اترد عليك بالكلام ده

((لاء و الأكتر من كدة كمان قلب الموازين و المفاهيم، يعنى الحجاب اللى هو اصلا حاجة من ايام عصور الجوارى بأة حرية شخصية.
و ايام ما فى فرنسا منعوا الحجاب فى المؤسسات الحكومية للحفاظ على الشكل الحضارى للبلد، قامت الدنيا و ماقعدتش ، ليه؟
ازاى يمنعونا من حريتنا الشخصية، دى حقوق انسان. فين يا خالتى حقوق الإنسان فى إنك تمشى زى الكيس الأسود لا باين لك إنتى راجل و لا ست و لا بؤجة ماشية))

بتقولى تفتكر اقول لربنا لأ بيقولك لأ و الاكتر من كده كمان انتى فاهمه ولا انتى غايبه عنك الحقيقه

اكلمك بالعقل انتى بنفسك البتقولى ان النقاب عليه اختلاف لكن الحجاب مفيش عليه اختلاف (طيب ايه؟؟؟1)

بتقولى مش هى حتة القماشه دى الهدخل الجنه البيدخل الاركان الخمسه
طيب شوفى الاركان الخمسه تعرفى تصلى بدون حجاب ينفع ؟ طيب ليه تقبلى ربنا فى الصلاه بحجاب وتقبلى الناس العاديه من غيره ايه الحكمه من كده؟؟
من الاركان الخمس الحج تعرفى تحجى من غير حجاب ينفع ولا ايه ؟؟؟؟

تفتكرى انك المفروض تلبسى حجاب قدام الخلقك وتقلعيه قدام بشر عادى

يعنى ولله المثل الاعلى تلبسى حجاب قدام ولدك وتقلعيه قدام زميلك فى الجامعه دا منطق عقل

مش البقوله دا من الاركان الخمسه ولا ايه
بتقولى مفيش ايه ولا حديث قالت ان المش هايلبس الحجاب يبقى هدم الدين
على فكره مفيش ايه ولا حديث قالت ان الزنا والخمر والسرقه هاتهدم الدين
يبقى نعمل كده ولا ايه

طيب ان مش هاقنعك بحاجه ولا هاقولك جنه ولا نار

اسألى انتى نفسك بنفسك

بالله عليكى لو جالك ملك الموت حفظك الله
تحبى تكونى متحجبه فى اللحظه دى ولا تكونى من غير حجاب

كمان سؤال اساليه لنفسك السيده عائشه اكثر من نقل احاديث عن الرسول صلى الله عليه وسلم بعد ابو هريره رضى الله عنه يعنى هى العلمتنا الاسلام
تفتكرى كانت محجبه ولا لأ تفتكرى انسانه ذى دى البشريه بتعظمها دنيا واخره دى ام المؤمنين كانت من غير حجاب وكانت شايفه ان الحجاب عبوديه وسيطره من الذكور طيب لو السعوديه بتدفع
فلوس وايران بيجربوهم على الحجاب علشان مصالحهم السياسيه
طيب من الكان فارض على السيده عائشه حاجه ذى دى من الكان فارض على نساء المسلمين الحجاب وكان فرضه ليه
تفتكرى الفرضه انسان عادى لأ
الفرضه القران الفرضه الله عز وجل الفرضه سيدنا محمد صلى الله عليه وسلم ولا هو كمان بيخدم مصالح سياسيه عن طريق الحجاب

السيده فاطمه مش هى لقالت رحم الله نساء الانصارى لما نزلت ايات النقاب وكأن على رؤوسهن الغربان
يعنى ربطت الرحمه بالحجاب
على فكره هى ماكنتش بتتكلم على الحجاب البتفكروا فيه هى بتكلم عن الحجاب من الراس للقدمين يعنى الاسدال

لكن للاسف احنا كنا بنتناقش الاول فى جواز النقاب او عدم جوازه
وبعدين الوقت بنتكلم عن الحجاب
وبعد كده الله اعلم هايودوا المسلمه لفين

وبعدين انا هسأل سؤال لكل الموجودين الفاهم فيكم يرد عليه
انتم عايزين تحرروا النساء من الحجاب طيب انا معاكم بس ممكن بدل ماتفضلوا تقولوا فى عيوب عن الحجاب ممكن تعطونى ميزه فى العرى

يعنى مثلا لو انا بشرب بيبسى ماتفضلش تقولى دا وحش وبيجيب امراض لأ هاتلى البديل وقولى مميزاته عن البيبسى علشان اقتنع
طبعا دا مجرد مثال علشان المش فاهم يفهم

ممكن تعرفونى ايه البديل عن الحجاب وايه هى مميزاته والاضافه الممكن يضفها فى مجتمعنا ممكن؟؟؟؟؟؟؟؟؟؟؟؟؟؟؟؟؟؟

The Alien said...

anonymous لا إله إلا الله

إنت بترد علي mariez
وهي أكيد تقدر ترد عليك
بس أنا برضه عندي كلمتين
أولا هي بنت ودي مش حاجة عيب
ثانيا مينفعش تتكلم بالاسلوب المتخلف دا سواء مع بنت أو ولد

عندي ملاحظة علي كل كلامك هنا
دا طبعا بعيد عن الشتيمة وقلة اﻷدب
مش ملاحظ إنك تاني بتختزل الدين كله ف اللبس وشوية المظاهر؟
يعني بتخلي دخول الجنة والنار متوقف علي مين لابس إيه
البنت بالحجاب والراجل باللحية والجلباب
إنت مش واخد بالك إنك بالفكر دا بتضر الدين مش بتفيده
ليه تخلي كل الكلام علي شوية تفاهات ومظاهر خارجية


بص بقي عشان أنا إتخنقت منك
إنت بتكلمني وبتشتم وأنا محترم معاك
لكن مينفعش تقل أدبك علي حد بيعلق عندي
أنا عارف إني المفروض أشيل الكومنت بتاعك دا
بس أنا عايز كل الناس تقرا عشان تعرف اسلوبك وتشوف إزاي بتدافع عن جهلك وتخلفك

mariez
لو الكومنت دا مدايقك أنا مستعد أشيله

The Alien said...

islam yousef

معاك إننا مش وصايا عليها
بس المرأة عندنا مقهورة ومطحونة
وبعدين إيه المشكلة فإن راجل يقول رأيه ف حاجة تخص المرأة
أنا مش شايف أي تعدي علي حقوقها ف دا
لإنه اساسا الراجل هو اللي فرض عليها الحجاب وهو اللي وصلها لي هي فيه دلوقتي

نورتني

**********************************
احساس لسه حي

كلامك جميل
بس واضح إنك مفهمتش أنا كنت بتكلم عن إيه ف البوست اللي فات
أنا بقول إن اللبس مش هو السبب ف أي حاجة
عشان كدا مينفعش نفترض إنه هيكون الحل
وبعدين مش أنا اللي بدي اللبس أكتر من حقه
مش أنا اللي بقول إنه مشكلة المشاكل
بالعكس
أنا بقول إنه أخر حاجة نتكلم فيها
ولما بتكلم دلوقتي فأنا بتكلم مع اللي مهتمين باللبس
ومخلينه سبب دخول الجنة

نورتيني
وأتمني أشوفك دايما

The Alien said...

era

متعرفيش أنا سعيد بكلامك إزاي
بتبسط جدا لما بشوف بنات متحررة بتفكر
بنات بترفض اللي بيحصلها
بنات بتقدر تقول ﻷ

أنا كمان بتكلم عشان البلد دي
أنا عايش فيها وصعبان علي اللي بيعملوه
إحنا ماشيين ف سكة مش بتاعتنا
هيودونا لنهاية عارفنها ودا اللي مخوفني
إحنا رايحين هناك وبسرعة ومحدش بيتكلم
صوتي وصوتك واطي قدامهم
نعمل إيه أنا وإنتي والكام واحد اللي بيفهم قدام الملايين اللي بيصرفوها
أنا شايف إن الكل لازم يتكلم
نحاول نلحقها قبل ما تغرق

مبسوط جدا بكلامك وتعليقك
وأتمني تفضلي متابعاني
بس أتمني تعلقي أكتر من كدا

نورتيني

The Alien said...

anonymous لا إله إلا الله

إنت ليه بتخلط اﻷمور
الكومنت اللي إنت بتتكلم عنه مش رد علي هبة
دا كلام مستقل ورد علي البوست
متحاولش تلخبط الدنيا وتبني كلام علي حاجة محصلتش

أنا مش هتكلم ف التفاصيل اللي إنت بتحكي فيها
بس عندي ملاحظة
ليه دايما استخدام موضوع الموت
يعني حتة لو جالك ملك الموت هتعملي إيه
دا مينفعش يكون اسلوب إقناع لإنه تهديد


بالنسبة لموضوع البديل
ليه لما بنقول بلاش حجاب بتفترض إن العري هو البديل؟
ليه بتحصر الموضوع ف اللبس والمظهر

إحنا أثبتنا إن الحجاب مش حل
والبديل واضح:
العقل
البديل إن الناس تفكر وتشغل دماغها
تفهم إن المرأة انسان مساوي للرجل
من حقها تعيش بحريتها دون فرض رقابة عليها
نفهم إن المرأة انسان قادر يعيش مستقل ويحقق ذاته
تقدر تستغني تماما عن الرجل وتنجح من غيره
لازم نفهم بناتنا إنهم مش محتاجين ظل حيطة يمشوا وراه
لازم نفهمهم إنهم يقدروا يمشوا ف نص الشارع
لازم نفهمهم إنهم لازم يدافعوا عن حقوقهم
لازم تعرف إنه مش من حق أي حيوان يتحرش بيها بأي شكل ف أي مكان وف أي ظروف
وساعة لما كل دا يحصل
يبقي اللي عايز يتحجب يتحجب

Anonymous said...

انا its ok
اصلى نسيت الايميل الكنت عامله

انا جتلكم تانى اول مادخلت و شفتى الكلام والشتيمه التقالت عنى كنت ناوى اشتم واطلع عنيكم
بس مش عارف ايه الخلانى اشوف الموضوع كله واشوف الردود عليكم
الصراحه الجدع الاسمه لا اله الا الله عامل الواجب وزياده

عايز اقولك حاجه يا لا اله الا الله

انت كلامك جميل اوى تعرف انى اول مره اعيط واحس انى قذر ذى مانت بتقول انا عملت كل البلاوى فى حياتى
خمره و حريم وحشيش انا قرفت من حياتى دى نفسى اتوب بقى
كلمتك وانت بتقول للاسمها هبه دى لو جالك ملك الموت تحبى تكونى محجبه ولا من غير حجاب
خلتنى اسأل صحيح لو مت ورحت فى داهيه وانا محعايا واحده ولا بشرب ولا بتنيل بنيله هاقابل ربنا اذاى

ليه البنت المحجبه بتكون تحت الضغط النفسى دا كله وانا اروح اعاكسها واضغط عليها اكتر واقرفها اكتر
يااااااااااااااااااااااه دا انا زباله اوى

ابوس ايدك انا معرفش حاجه عن الاسلام غير الشهادتين عرفنى اعمل ايه اتوب اذاى
اسال مين ولا مين يعلمنى اثق فى مين فى الازهر والشيوخ المربين الدقنهم ولا بتوع النت ولا ايه
وحيات ابوك يا اخى انت بتقول انك شفت فى البلد الانت عايش فيها ناس بتاسلم طيب انا مسلم عرفنى اعمل ايه عشان اتوب
دا ايميلى ابعتلى عليه
ngmalngom@hotmail.com
بس ياريت اكتب ايميلك انت كمان علشان انا عارف فى ناس ممكن تشتغلنى وتبعتلى على انهم انت
وانا ارتحتلك كلامك مقنع كفايه انى اول مره اعيط واتاثر من كلام حد

Anonymous said...


تحت راية لا اله الا الله
دائما وابدا

سبحان الله العظيم
انت يابنى بتناقض نفسك وتحاول تقول انى انا البناقض نفسى كل مره هاخد من كلامك وعلق عليه طيب يا سيدى اولا

اول كلامك بتقول

((

وهي أكيد تقدر ترد عليك بس أنا
برضه عندي كلمتين أولا هي بنت ودي مش حاجة عيب))


اهو انت كده عامل ذى العلى راسه بطحه هو انا قولت ان عيب انها بنت دا انا قولت لو بنت هاستحى اكلمها بقلة ادب
لا تعامل البنت مش ذى الولد يا ناصح البنت مخلوق رقيق لازم نقدره مهما كان ولو كنت اعرف انها بنت ماكنتش اتكلمت بالطريقه دى
متهيالى اسلوب مكنش وحش مع الاخت هبه

انت بتقول

((مش ملاحظ إنك تاني بتختزل الدين كله ف اللبس وشوية المظاهر؟
يعني بتخلي دخول الجنة والنار متوقف علي مين لابس إيه
البنت بالحجاب والراجل باللحية والجلباب ))


يا العظيم ارحمنا هو انا الفتحت موضوع اللبس ولا انت يعنى ماينفعش البنت تتحرر الا وهى قلعه الحجاب
مانت الفاتح موضوع اللبس كان من باب اولى لو انت بتفكر فى التحضر تتكلم عن ظاهره ذى السعار الجنسى واذاى تتعالج
وتقولى انا البتكلم عن اللبس انا برد فى موضوع انت العامله مش انا
انا البخلى الدين مظاهر خارجيه
لما الناس اتكلمت عن النفاق اتكلمنا
لما اتكلموا عن الاخوان والصوفيه اتكلمنا
لما اتكلموا عن الشيعه اتكلمنا
لما اتكلموا عن الصليب اتكلمنا
لما غلطوا فى الاسلام وفى الرسول الحبيب اتكلمنا

بس انت الفاتح موضوع اللبس مش انا

وتانى مره مع انك ماردتش على القولته قبل كده هو انت مقتنع بالنار والجنه ولا لأ


بتقول ايه كمان


>((إنت ليه بتخلط اﻷمور
الكومنت اللي إنت بتتكلم عنه مش رد علي هبة
دا كلام مستقل ورد علي البوست
متحاولش تلخبط الدنيا وتبني كلام علي حاجة محصلتش ))


معلش جايز اكون انا فاهم غلط بس هو كان رد على ايه وعلى مين اول مره اشوف حد يبدأ كلامه بلأ


انت بتقول

((أنا مش هتكلم ف التفاصيل اللي إنت بتحكي فيها
بس عندي ملاحظة
ليه دايما استخدام موضوع الموت
يعني حتة لو جالك ملك الموت هتعملي إيه
دا مينفعش يكون اسلوب إقناع لإنه تهديد))


ليه مش هاتتكلم فى التفاصيل هو مش نقاش واقناع ولا انت مش عارف ترد

الموت الانا دايما بجيبه هو الحقيقه واقعه فى حياتنا ولا عندك شك انك هاتموت ولا بنيجى على الجرح لما بنجيب سيرة الموت
ذى بالظبط الطالب الخايب لما بنجبله سيرة الامتحان بالظبط بيعمل كده


الحل الاثبته دا ان الناس تفكر وتشغل دماغها وتحترم المراه ماينفعش غير لما تقلع الحجاب
هاتقولى انا البتكلم على اللبس ((((يابنى انت العامل الموضوع انت ناسى مين البيتكلم فينا وفاتح الموضوع انا برد بس))))

انت غلبان اوى انا حتى مسمعتش رد مقنع يا اخى ارحموا نساء الاسلام باه

الله قادر عليكم

Anonymous said...

الاخ او الاخت mariez
تصدق ماكنتش واخد بالى منك انا هاكلمك على انك راجل

لاء إنت واخد بالك كويس بس الإستهبال هواية عند بعض الناس

"علشان لو انت امراه هاستحى ارد عليك بقلة ادب"
يا واد يا متربى ؛)

"انت يا يا خنيزير مصغر خنزير"
خنيزير ههههههههههه تصدق إنت مضحك أكتر من حلقات فريندز

"هو الاسلام يا حمار بيه كان حلل للراجل انه يمشى بالشورت فى الشارع ولا قدام حد اساسا
طبعا لانك جاهل ومش فاهم حاجه يارجاله لو مشيت بالمايوه فى الشارع هاتدخل النار لو لبست محترم هاتدخل الجنه"
لاء الإسلام ماحللش للراجل يمشى بالشورت عشان ماكنوش إخترعوه لسة، كان الراجل بيلبس جلبية معفنة و يقعد يلعب فى صوابع رجليه قدام الخيمة. و بعدين رجالة أيه اللى هتمشى بالمايوه فى الشارع؟ إعقل كدة اومال، فيه حد بيمشى بالمايوه فى الشارع؟ المايوه مكانه البحر، ليه الراجل ممكن يقعد بالمايوه على البحر و الست يفضل مكتوم نفس اللى خلفوها بالحجاب؟ ليه الراجل محلل له يلبس أى حاجة مادام مقبولة إجتماعيا لكن الست فيه كوندشنز للبسها؟ إيشى لا يشف و إيشى لا يرف و إيشى لا يحدد و إيشى لا يتشبه بالرجال، أيه القمع دة كله؟ هى الست مش إنسان؟ ليه لازم تتعامل معاملة الفريسة بين أنياب الذئب اللى هو الراجل؟ المشكلة إن الفرضية دى أصلا بتهين الرجالة نفسهم لأنها بتعاملهم معاملة الحيوانات. و الراجل اللى يقول الست لازم تلبس كدة عشان تحمى نفسها هو راجل بيبص للست على إنها مش أكتر من حتة لحمة لا مؤاخذة ، مش الراجل اللى بيقول لها إنتى إنسان زيك زيى، ليكى حقوق زيك زيى ، حبى نفسك و إتمتعى بحياتك، ربنا بيحبك و ماخلقكيش عشان يعذبك، ربنا بيحبك زى ما بيحبنى.


"احللك المشكله دى يا بنوته يا حلوه ابقى خليه يصلى ويلتحى ويلبس ذى الاسلام وانا متاكد ان مفيش حد البايظين امثلكم هايبصله"
تصدق فعلا ماحدش هيبص له، المشكلة إن ساعتها أنا نفسى مش هبقى عايزة أبص له

Anonymous said...


راية لا اله الا الله
دائما وابدا



الاخ its ok


والله انا فرحان بيك جداا فوق ماتتخيل تخيل انا مجرد عبد من عبيد الله وفرحان بيك انك عايز تتوب
تخيل فرحة الله بيك لما ترجعله وتوب اليه

تصدق بالله انا عندى كلامك داه بالدنيا كلها انا مش عايز اى حاجه من الموقع دا انا عرفت الحكمه من دخولى المكان ده
سبحان الله جت رميه بدون رامى

من عند ربنا
انا هابعتلك على الايميل بتاعك مواقع موثوق فيها باذن الله
وهابعتلك اسماء المشايخ الموثوق فيهم

مرحبا بك يا اخى ربنا يهدينا ويهديك يارب
توب وابكى واندم على كل الفاتك بس خلى بالك ان ربنا غفور رحيم ويقبل التوبه الصادقه توب من قلبك ولن يخلف الله وعده
وهايغفرلك وان شاء الله تكون ممن يحول الله سياتهم حسنات
سيدنا عمر بن الخطاب كان فى الجاهليه شديد على الاسلام وبعد توبته اصبح من المبشرين بالجنه
والامثله كثيره وباب التوبه مفتوح ان شاء الله هاتحس براحه نفسيه عمرك ماحسيت بيها فى حياتك


وربنا يجعلك سبب لدخولى الجنه
امين يارب العالمين


دا سيدى الايميل بتاعى هابعتلك منه بعون الله
muslim.way@hotmail.com
الله اكبر الله اكبر الله اكبر

Anonymous said...

لهبة

تفتكرى ربنا قاعد فى السما ناقم عليكى عشان شعرك مش متغطى؟
هل صدقا تحسى إن ربنا اللى هو كبير أوى دة اللى يهمه منك؟
إتحجبتى و لا متحجبتيش
لبستى نص كم و لا كم
عملتى حواجبك و لا سايباهم كدة " حديث لعن الله النامصة و المتنمصة"

و إذا كنا إحنا البنى آدمين الضعفا بنتهم بعض بالتفاهة لو حد حكم على حد من مظره، تفتكرى ربنا يحكم علينا بنفس الطريقة؟

ربنا يهمه قلبى من جوا، مش باين خصلتين من شعرى و لا لاء
ربنا يهمه بعامل الناس إزاى، مش طول كم بلوزتى
ربنا يهمه أمانتى معاه و هل وقفتى أو سجدتى له فى الصلاة فيها حب و خشوع آد أيه، مش كمية الشعر فى حواجبى

ربنا مش بيهددك، و مش شايفك كائن أدنى من الراجل..
الناس أمثال العم أنونيمس هما اللى شايفينك أقل و عايزينك أقل..

و على رأى المدونة زبيدة بتاعة مدونة الحرملك

اللى يقول لك إنتى عورة.. عوريه

The Alien said...

anonymous itsok

يابني محدش شتمك
إنت اللي شتمت نفسك
إنت اللي وقعت نفسك من نظرنا
ولما تبص علي اللي كنت كاتبه هتفهم ليه

بقي بتقول إنك عيطت
وحسيت إنك زبالة وعايز تتغير
طب دي حاجة كويسة خالص
أتمني تبقي انسان محترم أهو علي اﻷقل البنات تخلص من حد كان بيدايقها
بس عايز أقولك حاجة لو فعلا عايز تبقي محترم
شغل دماغك وفكر ف اللي هتقراه وتسمعه
خليك انسان وإتعامل مع الناس بإحترام
شوف إنسانيتك بتقلك إيه وبلاش تمشي ورا الجهل والخرافات

Anonymous said...

"يعنى مثلا لو انا بشرب بيبسى ماتفضلش تقولى دا وحش وبيجيب امراض لأ هاتلى البديل وقولى مميزاته عن البيبسى علشان اقتنع
طبعا دا مجرد مثال علشان المش فاهم يفهم"

لاء أقول لك دة وحش و بيجيب أمراض عشان ربنا ماخلقش الأنهار فيها بيبسى، و لا فيه آبار فيها بيبسى بيطلعوا منها بيبسى معدنية و لا إحنا بنسقى الزرع بيبسى. هقول لك ببساطة إشرب مية
و إستخدمت نفس مثالك و على الله المش فاهم دة يفهم عشان قرفنا معاه

"ممكن تعرفونى ايه البديل عن الحجاب وايه هى مميزاته والاضافه الممكن يضفها فى مجتمعنا ممكن؟؟؟؟؟؟؟؟؟؟؟؟؟؟؟؟؟؟"

شوف يا سيدى، اللبس دة حاجة إجتماعية عشان نواجه بيها الناس، يعنى إنت لو قاعد لوحدك فى بيتك ممكن تلبس اللى إنت عايزه، إن شالله حتى ما لبست خالص، لكن لو نازل تجيب جبنة بيضا من البقال اللى تحت بيتكم مش هينفع تنزل كدة لازم هتلبس ترينج حتى تنزل بيه. لو رايح شغلك هتلبس قميص و بنطلون، لو رايح فرح هتلبس بدلة. الناس فى الخليج بتلبس جلبية بيضا عشان دة اللبس التراديشينال بتاعهم .الصعايدة ليهم لبس. البدو ليهم لبس. كل واحد ليه اللبس اللى بيلائم بيئته و المجتمع اللى هو عايش فيه بحيث مايبقاش نغمة نشاز.
اللى حاصل فى موضوع الحجاب كالآتى:
إن الزى لا يلائم البيئة. بمعنى إزاى تيجى لواحدة فى بيئة حرارتها قاتلة تقول لها لازم تغطى شعرك و تلبسى مجرجر فى الأرض و مايبانش من إيدك غير الكف. و اللبس لازم يكون تقيل مايصفش حاجة من تحته و إلا – و تتصاعد نبرة التهديد – و إلا – و مازالت تتصاعد – ربنا هيرميكى فى النار يا كلبة.
البديل بأة إن الواحد يلبس اللبس اللى يناسب البيئة و الموضوع موضوع تعود، يعنى زمان لو بتشوف أفلام على روتانا زمان و لو إن شكلك آخرك اقرأ بس ما علينا لو بتشوف هتلاقى الستات ماشيين فى الشارع آخر شياكة و إعتداد بالنفس رافعين راسهم فوق فخورين بنفسهم و ماحدش بيتنطع عليهم. ليه؟ اسألنى ليه؟ مش عايز تسأل؟ مش مهم هقول لك برضه. عشان الناس عنيها متعودة على كدة مش شايفة إن الست دى كائن غريب ماشى فى الشارع، الناس عندها تسامح مع بعض و عندها أخلاق عشان مش الحجاب هو اللى بيجيب الأخلاق. لكن دلوقتى اللى ماشية كاشفة شعرها بس حتى لو باقى المواصفات القياسية من طول و تقل و وسع اللبس موجودة مش بتسلم من اللى يستخف دمه عليها عشان اللى ماشية كاشفة شعرها دى عجبة دلوقتى فى الشارع و كائن هبط من أورانوس فى رحلة إستكشافية لكوكب الأرض. بكرة بأة يقول لك أختاه أنتى جوهرة مكانك البيت. أختاه صونى نفسك و عفى زوجك و الرجال و إلزمى بيتك. و تلاقى الستات قعدت فى البيت و الست اللى تخرج من البيت مفقودة.

بيشو

"لو الكومنت دا مدايقك أنا مستعد أشيله"

نو آت أول ماى دير
خليه كدة عشان اللى داخل و اللى طالع يشوف الأدب و الأخلاق و التدين اللى بجد.

The Alien said...

anonymous لا إله إلا الله

أنا برضه اللي بناقض نفسي
أنا برضه اللي علي راسي بطحه
أنا ياسيدي عايزك تكلم الولاد والبنات بإحترام
زي ما عملت المرادي
إتكلمت بأدب وبطلت شتيمة
ودي حاجة كويسة

أنا برضه اللي فتحت موضوع اللبس
أنا كل كلامي عن إن اللبس ملوش علاقة بالموضوع
أنا اللي ماشي ف الشوارع ماسك الميكروفونات وقاعد أقول للبنات: الحجاب قبل الحساب
ياراجل خليك واقعي
مين اللي مخلي اللبس هو اﻷساس
مين اللي مخلي حتة قماش تبقي دليل اﻷدب والعفة
مين اللي حكم علي البنات بالنار لو ملبسوش الحجاب
أنا برضه؟؟؟؟

أنا مش هتكلم عن تفاصيل ف الدين عشان أنا شايف الموضوع ملوش علاقة بالدين
أنا بتكلم ف حاجة إجتماعية جدا تخص كل الناس
وبعدين أنا مش بخاف م الموت ولا الإمتحانات
وتفتكر الطريقة المناسبة للتعليم إنك دايما تخوف الطلبة من السقوط ولا إنك تحببهم ف العلم والنجاح؟

أيوه الحل اللي أنا إقترحته مينفعش غير لما البنات يقلعوا الحجاب
يقلعوا الحجاب اللي إنتوا فارضينه عليهم
يخلصوا من القيود والرقابة اللي إنتوا فارضينها عليهم
يشيلوا الحجاب اللي حاطينه علي عقولهم
ساعتها مش هنحتاج حجابك

Mirage said...

يابنى معظم المسلمين قافلين دماغهم على اللى فيها وعمرهم مابيناقشوا حاجة بموضوعية ابدا

بيتكلموا على كل حاجة بنفسية وتعصب وخلاص

متتعبش نفسك

Anonymous said...

سينثيا فرحات
cynthia_farahat@yahoo.com
الحوار المتمدن - العدد: 1754 - 2006 / 12 / 4


أهداء الي ما يسمونه بالتبرج...
الي المرأة المصرية المتزينة الجميلة
المرأة التي خلقت الحلي و المكياج
الي نفرتيتي التي ساهمت في وضع مقاييس الجمال الدولية
الي المراة المصرية التي في ذاكرتي...

اما واقعنا الغير جميل هو واقع فضائل القماش الهاوية
فكم هي فضفاضة حربائية ملونة ان يباع الشرف علي ارصفة الاسواق
يباع في قطعة قماش تسمي بالحجاب، ما اربح تلك التجارة بالشرف!

لا داعي يا سيدتي ان تتحلي بالاخلاق ذات الفلسفة المعقدة، او بصحة النفسية ذات الوعي المرهف، يمكنك دائماً يا سيدتي ان تشتريه و بالون الذي يعجبك!
فضيلة للبيع بعشرة جنية! يابلاش!

صدر لنا الخليج الزي الوافد علي ثقافتنا المصرية المسمي بالحجاب فلتنظروا لحفلات ام كلثوم في زمن الفن و الانسانية المصرية لن تجدوا محجبة واحدة، انظروا الي الجماهير التي تشاهد مسرحيات فؤاد المهندس و نجيب الريحاني، لن تجدوا محجبة واحدة في جمهور مليئ بالنساء.
هل كل هؤلاء النساء في النار؟ هل كل تلك النسوه خليعات؟؟
بالطبع لا... فذلك كان زمن الاخلاق و الشرف ليس الذي يختذلة فاقديه بين ارجل النساء او علي ما رؤسهم بل الشرف الذي يكمن في جوهر العقول و الضمائر.
و ها نحن في زمن الحجاب... زمن الجريمة و انعدام الاخلاق
ما هي العلاقة بين الحجاب و بين انعدام الاخلاق؟
الواقع يحكي...
كلما تغطينا النساء اختُزلت الفضيلة في قطع قماش و قل مكانها القلبي و العقلي
المشروع ليذداد في القماش!
و كلما ذاد التنافس السهل علي اقتنائه و اصبحت حرب الاثواب
لا منافسة ذاتية شريفة لارتقاء الاخلاق، فمن يأبي الي العمل علي تطوير النفس الشاق و يمكن دائماً ان نجتاز ذلك الطريق الطويل بقطع القماش الطويل ايضاً؟
و تشوهت القيم و المفاهيم...
و لفظت خارج النفس لتُقدم بثمن رخيص في زي
منافسة تنتهي بالنساء الي المشي في الشوارع كالاشباح دون وجه، دون اسم، دون هوية، فقط اعلان علي انتصار الانحراف كمقياس رسمي لقياس الفضيلة.

قد عمم الحجاب انتصار احدي انواع الانحرافات النفسية بتعميمة و افتراضه كخصلة عامة في كل الرجال و الذي يهين الرجل اكثر من المرأة بكثير، فنعندما تتغطي النساء تتهم الرجال بالشذوذ، و بخاصة المرض الجنسي النفسي المسمي بالفويريزم Voyeurism اي اشتهاء امرأة غير مُتوقعة.
ان يشتهي رجل امرأة لا تتوقع منه ان ينظر لها نظرة جنسية حتي و ان كانت شبه عارية او عارية يُعتبر بموجب علم النفس الحديث رجل منحرف و شاذ جنسياً لا يستوجب عليه فقط العلاج و لكن في بعض الاحيان السجن بمحض القانون في الدول المتحضرة ان تأذت مشاعر المرأة التي لا تتوقع منه ذلك الفعل.
و بالطبع ان كانت تتقوع فهو لا يصنف بتصرف طبيعي صحي لا شئ فيه.
اليس هذا القانون اكثر رحمة بالنساء و اكثر حزم مع اي من يعتدي علي مرآة حتي و ان كان بنظرة!!

ولكن في الدول المتخلفة الاانسانية هذا المرض هو الذي يضع العرف العام و احياناً القوانين و التشريع العام!!
فتجعل تلك الدول الشذوذ هو قاعدة القياس الرئيسية، و بدلاً من ان تعالج مرضاها النفسيين و المنحرفيين جنسياً تصدق علي شرعية شذوذهم بل و تجعلة هو القاعدة العامة!! بل و ايضاً تتصرف بناء عليه فتقوم بحجب كل النساء عن نظر الرجال حتي الاصحاء منهم فتمرضهم و المرضي منهم يذدادوا مرض و شذوذ... فتصبح من لا تخضع لارضاء شذوذ المريض تجعله يستشعر مشاعرة المنحرفة فذلك تلقائياً
يبيح له التمتع بشذوذ اكثر اجراماً ليتعدي عليها، ان كان بالفظ او باليد او بالاعتداء الجسي او الجنسي!!
و تصبح من لا ترتدي وشاح الرأس تمثل تهدديد علي الرجل المريض المبرمج بتلك الشفرة المشوهه، التي تتمثل في ادراكه الحسي المختل بالرزيلة، فبما ان العفة عنده مرتبطة بالوشاح فاذن الرزيلة مرتبطة بعدم وجوده!! فيبرر لنفسه التعدي و الجريمة و شذوذ اقبح، و بالطبع نلوم ربه المرأة المصير له في تلك الحالة و يصبح هو مفعول به رهن شَعر المرأة!! كم هذا قبيح! ان يتحول رجل لمثل هذا الكائن.

و ينتج من هذا الخلل المرضيِ المتعسر ان يقف البعض في برلمان تلك الدول المتخلفة و بغوغائية و جهل يتشدق بانه يستخدم القماش في اثبات فضائل نساء عائلته!!!

فجلست اضحك ثم وعدت نفسي ان لا يأتي علي يوم و تقاس فضيلتي او شرفي بشرائح قماش او اشئ اخر خارج عقلي....
لاني ارقي من ان يتم الحكم علي بقماش رخيص... و سأظل امرأة مصرية متزينة بزينة عصرية و اللهم دمهما عليا نعمة.
قولوا امين...

http://www.rezgar.com/debat/show.art.asp?aid=82558

hana said...

مش عارفة أقول ايه
هوة الحجاب فرض علينا ولازم
الـكل يلبسه لانه ديننا الاسلامى بيقول كدة
صحيح احنا بنحب نسيب شعرنا
ايوة باعترف وبنحس أنه كدة مافيش حاجة مقيدانا
و
صحيح أنا لبست الحجاب مش بارادة شخصية منى لكن يمكن أحنا بنتعود مش عارفة
بس لما الواحد بيكون سايب شعرة عادى كدة ورايح وجاى بيبقى مش مخنوق
يمكن الحجاب شوية بيايد
بس فى حجاب جميل وبسيط أعتقد
يكفى
بس انا ضد التحكم الشديد
يعنى الحل الوسط فى كل شىء اعتقد مرضى
والله شىء محير بس احنا لازم نرضى الله سبحانه وتعالى

The Alien said...

hana

أنا معجب جدا بشجاعتك
ومني تحية كبيرة علي صراحتك
واضح إنك عايشة المشكلة ومحتارة
عارفة إنتي عايزة إيه وبتحبي إيه
وف نفس الوقت عايزة ترضي ربنا
لو فكرتي شوية بعقلك من غير ما تسمعي كلام حد
هتعرفي إن الحجاب بعيد تماما عن الدين
الحجاب دا وسيلة من الرجل لفرض سيطرته عليكي
وإنتي عارفة جواكي إن المجتمع هو اللي فارضه
وإن مش الحجاب اللي هيخليكي محترمة ومؤدبة
خليكي صريحة مع نفسك للأخر
قرري بنفسك لنفسك ومتستنيش فتوة من حد

نورتيني

R.O.U.R.O.U. said...

ana msh 3arfa a7na asasan benetna2sh fih 2h ,2l 7egab fard msh manzara wala mazhar wala 3omrou kan 7oriyah sha5siya,7oriyt 2h bs,dah fard ,wana msh ma3ah fard 2l libs,ana 3an nafsy ma2balsh 7aga zay dih 3alaya,bs low fih maslan mo7agba,akid libsaha msh 7aykon 2ly msh mo7agba,hna lazm ykon fih kalam an maynfa3sh hna 2l 7orya bs bardo msh 7anefrd 2l libs,ana asdy an msh kol 2l libs mota7 blzebalha,bs dlewa2ty beya5do bl mazahr 2l libs we 5alas.
" 2l bnt te3ml 2ly hiya 3ayza te3milo",sorry,bs maykonsh ded fard rbna la2n dah fard ya3ni mafihosh nekash.
we sawa2 2l bnt mo7agba wala la2,dah malosh ay 3ela2a bi ay 7aga,dih 7aga lih rbna mahiyash manzara we wala sabb lil mashakl aw 7alha.
we 2h 3elakt 2l 7egab bl ta7koum regala,we a7na 3a2lna feen ya3ni mn kol dah,ya3ni howa 7ad ye2olna 7sih be2onthtik we an 7egab dah 7oriya?!,tb wana feen mn kol dah?
ra2y ana feen?
post ra23

Anonymous said...


تحت رايه لا اله الا الله
دائما وابدا
انتم لسه بتتكلموا فى الموضوع دا بعد كل التكتب
دا انتم حاجه تقرف مش مهم انا عملت العليه والكلام اهو موجود فى الموقع العايز يعرف وبيفهم هايفكر
انا راجل بقول السيده عائشه كانت محجبه والرسول الكريم هو الامر بالحجاب

وانتم بتقولوا ام كلثوم مكنتش محجبه والجماهير كانوا سايبين شعرهم وان الامر بالحجاب مش الدين دا الرجاله علشان يفرضوا
السيطره على المراه

اليجى يقرأ لو مفهمش انتم ايه بالظبط فى الدين الاسلامى هو حر اللهم قد بلغت اللهم فاشهد

الحمدلله انا مرتاح نفسيا علشان الاخ its ok
ربنا هداه يمكن من كلمتين انا

قلتهم وانا مش محتاج اكتر من كده
ربنا يجعله سبب لدخولى الجنه اما الباقى المفهمش هاقول فيهم
انك لا تهدى من احببت ولكن الله يهدى من يشاء

بالنسبه للتلميح الجميل لأخ اتس اوكى انه مايمشيش ورا الجهله
احب اعرفك انه ممكن مايدخلش هنا تانى لأنه مش فاضى وراه حاجات كتير اكتشف انه لازم يتعلمها

احب اعرفك بنفسى وعن جهلى
الحمدلله وبفضله وانا عندى 27 سنه حاصل على الدكتوراه من اكبر الجامعات فى انجلترا
ومش فى اى حاجه دا فى مجال البرمجه والتصميم الالكترونى

اما بالنسبه لزوجتى ربنا يحفظها ليه هاقولك حاجه من الكبت الانا عامله فيها
زوجتى نمساوية الاصل حاصله على درجة الماجستير فى القانون

زوجتى بفضل الله اتعلمت اللغه العربيه وعلى فكره منتقبه وحافظه 18
جزء من القران بالتجويد

الحمدلله عارفه حقوقها كويس وعارفه تعطينى حقوقى كويس
واسعد زوجين فى العالم
ابنى عمر ربنا يحفظه يارب حافظ 10 أجزاء من القران عارف عنده كام سنه 6 سنوات
وصوته ماشاء الله غايه فى الروعه

هاقولك جانب من الكبت الاحنا عايشين فيه
بفضل الله عايشين فى احلى بلد وفى احلى شقه على اعلى ديكور
ابنى عنده بلاي ستيشن واكس بوكس وبيلعب جمباز

زوجتى ماشاء الله الله يحفظها راكبه سياره رئيس دولتك مش راكبها
وكل سنه بناخد الاجازه السنويه بتاعتنا فى بلد غير التانيه
وفى موسم الحج الحمدلله بنحج والعشره الاواخر من رمضان بنكون فى مكه

والحمدلله كله بفضل الله انا بس بعرفك جانب الكبت والجهل البنفكر فيه

المقصود من كلامى الدين عمره ماكان عقبه انك تعيش حياتك وعمر الحجاب ماكان عقبه للنجاح

Anonymous said...


تحت راية لا اله الا الله
دائما وابدا



الاخت
r.o.u


ماشاء الله عليكى متهيالى هى جابتلكم من الاخر كده
ماشاء الله وصلتلكم الكلام بمنطق رائع ان مقدرتش اعمله معاكم
ولازم اثنى عليها كل الثناء على عقلها الراجح

بارك الله فيكى

اخرسيهم يا بنت عائشه وفاطمه وخديجه رضى الله عنهم جميعا

متهيالى واحده ذى الاخت البتكلم الله يعز الاسلا بيها دى واضح انها على قدر من العلم ورجاحة العقل يعنى مش تفكير الجوارى
الانتم متخيلين الاسلام بيعملهم

§a§a said...

أنا مش عايزك تهتمي أنا بفكر إزاي
أنا عايزك إنتي تفكري
إنتي مقتنعة إن ربنا اللي طالب منك الحجاب؟
وإن الحجاب هو جواز سفرك للجنة؟
_ _ _ _ _ _ _ _ _ _ _ _ __

يا الين

دا فرض فرضه الله على المسلمين

وذى ما هو موجود فى المسيحيه وفى اليهوديه الحجاب ولكن الاسلام عف المرأة بالحجاب

بعد ان كانت فى جهاله فى فترة قبل الاسلام وواد البنات

وغيرها من الامور التى جاء الاسلام فحرمها بعد ان كانت المرأة مهانه فى زمن الظلمات

فأمر الحجاب هذاموجود فى ديننا الاسلامى وتربينا عليه ومش احنا ولا شيوخنا اللى بيقولو

لان الكلام دا جاء به رسولنا الكريم صلوات الله عليه وسلم فى كتابه العزيز الفرقان

يعنى مش من دماغ اى حد دا كلام ربنا ودى عقيدة السملمين

ما فى أناس فى مشارق الارض ومغاربها بدون حجاب وبلادهم تحرم الحجاب ولكن المرأة عفيفه شريقه هناك لا اعتقد فهى مسلوب كل انوثتها

كيف أرى اختى او ابنتى او زوجتى تتراقص وتتعارى فى الشارع امام الرجال

اعتقد ان بوستك خانك هذة المرة

تحياتى

Fantasia said...

Let me Laugh Out Loud first...
still .............
sorry, can't hold it ...........
Ok, I think now I can write.
Alien, don't waste your time with this loser. We are the ones suffering from his ignorance. Allah yesam7ak.. If you had simply deleted his comments, you would have saved me all the trash I read from him.
It's useless to try to have a logical argument with the likes of this guy. He should call himself Abu Gahl. It seems he has nothing else to do with his life than to comment on your post. Please cut him off from this pleasure and save us from reading his garbage thoughts. Let him go and get a life instead of the virtual mission he thinks he is leading.
My God, never thought there were men that sick!

micheal said...

متزعلش مني يا بيشوي....أنا حموت و أعرف ايه اللي خلاك تفتح موضوع زي ده من اساسه...أنا كنت متأكد أول ما قريت البوست أن حتجيلك ردودعنيفه و قد حدث....أنت و ميراج بصراحه فتحتوا موضوعين حساسين جدا حيزعلوا ناس كتير لانها تمس معتقدات دينيه بحته و محدش في مصر من أساسه بيحب يتناقش في مواضيع دينيه مع حد مختلف عنه
تحياتي لك و في انتظار بوست جديد و كفايه كده يا عم
:)

Anonymous said...


تحت راية لا اله الا الله

دائما وابدا


الحمدالله الذى حفظ دينه
الحمد الله الذى حفظ كلمة الحق
الحمدالله الاكبر من كل كبير
الحمدالله دائما وابدا
ويمكرون ويمكر الله



Alien, don't waste your time with this loser. We are the ones suffering from his ignorance. Allah yesam7ak.. If you had simply deleted his comments, you would have saved me all the trash I read from him.


فانتزى كلمة الله يسمحك طلعه منك ذى العسل
سبحان الله

فعلا الله يسمحكم كلكم ويهديكم ويهدينى

امين يارب العالمين

Unknown said...

هاللو..انا عايز اقول رائ بصراحة انت مالك ومال اللى بيتحجب اذا كنت عايز تناقش موضوع مهم او تعرض وجهة نظر فى موضوع غريب شوية بلاش المواضيع اللى مش ها تفيد فى مناقشتها لانى انا متفق مع مايكل اللى قال ان الموضوع ده مرتبط بالمعتقدات الدينية اكتر من انه يخص المجتمع او المرأة بالاخص , وبعدين انت زعلان ليه ما انت عندك المسيحيين بردوا لما بيروحوا الدير بيلبسوا على دماغهم كلنسوا دى كمان مدايقاك ... كل واحد بيلبس حاجة او بيال حاجة اكيد مش بيعملها وهو مغصوب عليها ممكن يكون مقتنع بيها وقتيا بس او لسببا ما ولما بيجى يغير وجهة نظره مش بيقدر يرجعها تانى علشان كلام الناس .. والانسان ده بيكون هو اللى بيلاقى نتيجه عدم تفكيره فى القرارات اللى بيتخذها ...
حاول تراعى الامور المتعلقة بالدين وبلاش تتعرضلها علشان ما تلاقيش ردود لازعة هدامة دا اذا كنت عايز تستمر فى المدونات بتاعتك ..
تحياتى وخد باللك من نفسك

The Alien said...

rourou

اللي فهمته إنك رافضه إنه يتم فرض أي لبس عليكي
وبعدين بتقولي إن الحجاب فرض
طب ماهو الحجاب لبس!

أنا قريت الكومنت بتاعك أكتر من مرة
وبرضه حاسس إن في حاجة واقعة مني
أتمني توضحي كلامك أكتر

The Alien said...

anonymous لا إله إلا الله

طب لما هي حاجة تقرف
إيه اللي جابك تاني
إنت مش قلت الكلمتين اللي عندك؟
سيبني بقي وكفاية عليك عشان أنا زهقت
الكلام معاك لا بيودي ولا بيجيب
وبعينك بترجع تقل أدبك وتشتم
ولو سمحت .. خليك محترم وبلاش تعلق علي حد من الناس اللي بتعلق
عشان أنا مش بسمح لحد يتريق أو يدايق حد عندي
ولا دي بالنسبالك صعبة؟

The Alien said...

SaSa

ولا خاني ولا حاجة .. بالعكس
لو قريت كويس هتعرف إني بتكلم بعيد عن أي دين سواء اسلام مسيحية أو يهودية
أنا كلامي عن حاجة إجتماعية بالتحديد لبس البنات اللي أنا شايف إنه مفروض عليهم بسبب الثقافة الذكورية الموجودة ف بلادنا

وبعدين مش الحجاب اللي هو حتة قماش اللي هيعف المرأة ويحافظ عليها
ولا شعر البنت لما يبان هو السبب ف سلب أنوثتها

كل اللي أنا بقوله وعايز أوصله
إني أتمني نفصل ما بين اللبس والأخلاق
وأظن كلنا متفقين علي إن اللبس مش مقياس للأخلاق
عشان كدا أنا مش عايز نفرض لبس علي بناتنا

مبسوط بكلامك الهادي المتزن
نورتني

The Alien said...

Fantasia

أنا كمان بضحك لما بقرا الكلام دا
وأسف ياجميل إني ضيعت وقتك\بس أنا مش بحب أشيل أي كومنتس
وبعدين الكلام اللي إتقال هيفدني
عشان أنا ناوي أحلل بالراحة كل اللي حصل هنا

وبعدين إزاي مكنتيش متخيلة إن فيه رجالة كدا؟
بقي فانتازيا مش قادرة تتخيل فكر الرجالة وتخمن إنه بالمنظر دا؟

علي فكرة
أنا مبسوط إنك رجعتي ف التوقيت دا
عشان أشوف تعليقات منك هنا علي
الكلام دا

نورتيني

The Alien said...

مايكل

وأزعل ليه؟

إنت عارف إني مش بتكلم ف حاجة تخص الأديان هنا
وأنا دلوقتي بتكلم ف حاجة أنا شايف إن ملهاش علاقة بالدين
وبعدين لحد إمتي مش هنحب نناقش حد مختلف معانا؟
هي دي مشكلتنا الحقيقية
إننا مش بنعرف نختلف
ومش بنعرف نعمل نقاش ناجح من غير ما نعلي صوتنا ونشيل السكاكين

منورني دايما

The Alien said...

peterthrwat24

ياعم أنا دايما بتكلم عن البنات ومشاكلهم
وأنا شايف إن فرض لبس من مشاكل البنات ومن الحاجات الكتيرة اللي مفروضة عليهم
وهو دا اللي خلاني أتكلم

وأيوه ياسيدي
الموضوع دا مدايقني عند الكل
يعني متقليش إنه موجود ف المسيحية
عشان أنا ضد فرض أي نوع من اللبس علي البشر
عشان حتي ميبقاش علامة دينية مميزة

أكيد انا معي حرية اللبس
بس تفتكر اللي بيحصل دا حرية؟
يعني لو بنت راحت الدير اللي بتقول عليه من غير إيشارب هيدخلوها؟
يوم ما يبقي حرية مش هتلاقيني بتكلم

الدين حاجة أساسة ف حياتنا
عشان كدا لازم نتكلم فيه
ومع ذلك أنا هنا مش بتكلم عن الأديان
إنتوا بس اللي حساسين زيادة عن اللزوم
وباخدوا أي كلام علي إنه هجوم علي الأديان وعلي طول تبدأو حملة الدفاع
وكإن كلامي هيهز الدين أو هيفرق من أساسه

مبسوط إنك بتعلق عندي
وعايز أشوفك دايما
نورتني

moneer said...

ايه كل ده يا بشوى هو انا اغيب يومين اجى الاقى ضرب نار

بس الغريب ان فى ناس فاضية داخلة تشتم و تقل ادبها و خلاص يعنى مش بتقول رايها و تمشى باحترامها الناس دى اساسا فاكرين انهم بيدافعوا عن دينهم بس هما اساسا معندهمش دين يعنى هو انا علشان ادافع عن دينى اقل ادبى عالناس و خلاص
ما هو كل واحد حر فى رايه ده ميسمحش لحد انه يشتمنى علشان راى

صدقنى العالم دى لا بتفهم فى دين ولا دنيا
زى البلطجية اللى كان بيكسروا محلات الميسحيين و بيسرقوا ازايز الخمرة و يشربوهاو هما بيرفوعوا اصواتهم بالشعارات الدينية كفاية بقى ناخد الدين حجة لاغراضنا و اطمعنا و تفريغ لشحنات من العجز الفكرى على بعضنا البعض

انا مش معترض على فكرة الحجاب كرمز دينى يعنى انا امنت بدين معين و فيه اوامر بعضها على حسب تفسيرات علماء الدين ده فالمفروض كاحترام لدينى هو اتباع تعاليمه او ابسط شئ هو احترامه
بمعنى انا بلاقى بنات محجبة ده من فوق و من تحت الجيب قصيرة جدا
طب ثانية يعنى انتى عايزة تقنعينى مثلا يعنى ان شعرك ( سورى يعنى المعفن) هيكون اكثر اثارة من رجليكى (سورى يعنى المعفنة برضه)؟؟
انا اسف لتشبيهات زى كده بس هوه فكرة الحجاب كده فقدت جوهرها و اصبحت بدون قيمة ده على اساس ان قيمتها متمثلة فى عدم ابراز مفاتن المراة على حسب العقيدة الاسلامية
و لو اعتبرناه مجرد تنفيذ لامر الهى فبرضه كان من الاولى تغطية الاماكن الاكثر اثارة مثلا يعنى

مرة و احدة بنت صاحبتى مسيحية قالتى احنا عندنا فى الرهبنة البنات بيلبسو حاجة زى الحجاب بس ساعتها البنت بتكون فى حالة مقدسة تتميز بالطهارة يعنى مش اى بنت بتكون كده
يعنى البنت المسلمة تلاقيها محجبةو ليها علاقات غير شرعية مع كذاولد( انا متاكد من ده) ايه بقى علاقة الحجاب اللى هو المفروض يكون امر مقدس متصل بحالة روحانية دينيه بان بنت (سورى) بتنام مع ولد و لما تخلص تقوم تلبس الحجاب؟؟
او تنام ماه بالحجاب ( اى كان المرحلة اللى وصلتلها) و ده كان بيحصل قدام عينى

غير ان فى اساسا بنات مش محجبة و اكثر احتراما ايه العلاقة ليه مثلا البنت تلوث الفكرة الدينية دى

كان فى واحدة صاحبتى او ما بتطلع من الشارع بتخلع الحجاب اصل باباها جابرها انا الصراحة كنت بحترمها فى نقطة انها بتفذ اللى مقتنعه بيه و كون انها مش قادرة تمتنع عن سيطرة الاب دى كانت مشكلتة مش مشكلتها

بس ليه مثلا لو فيه بنت مؤمنه بفكرة موجودة فى دينها و بتنفذها كما يقول كتابها
يعنى مرة (مصرية) طرحت موضوع الجواز بين المسلمين و المسحيين و انه مينفعش على حسب العقيدة المسيحية عكس ما هو منتشر فى الاعلام المصرى
انا اختلفت معاها فى النقطة دى و كانت فكرتى ان الحب اقوى من اى دين و ان البشر مش لازم يفرقهم و تمنعهم حاجات اتولدوا لقوها موجودة
بس هى جاوبت اجابة بسيطة وسهلة قالت انا ممكن فى حالة واحدة ممكن اتجوز اللى مش على دينى مستحيلة الحدوث هو انى بحب الشخص ده (صاحب الديانة المختلفة)اكتر من الهى ساعتها انا فهمت من نفسى كده ان ده محرّم فى الديانة المسيحية و ساعتها مقدرتش اتكلم مقدرتش غير انى احترمها و احترم دينها لانها بتحترم تعاليمه و ده ملهوش علاقة بانى مش مقتنع مثلا لان اقتناعى من عدمه ملوش اى لازمة امام احترامها لفكرة دينها و طبعا ده كان كفيل بايقافى عن التحدث عن الله و ارادته و رغبته وكلام كله على وزن لماذا يمنع و يفرق الله بين خلقه طبعا امام احترامها لفكرة دينها كل الكلام ده توقف عن التردد داخل عقلى و لم يملك عقلى حينها الا الانحناء لفكرة الاحترام للفكرة الدينية و كما يتصل الموضوع بفكرة البنت المسلمة اللى هى بتحب ربها علشان كده بتفذ اوامره -متضمنة الحجاب-
فاصبح موضوع احترام الفكرة الدينية و احترام من يطبّقها هام جدا

و طبيعي انه بيبقى فيه بنات ملتزمة بالفكرة الدينيه بتاعتها بارادتها او بسبب نشاتهاو فى بنات مجبرين عليها لاسباب تتعلق بالاسرة او المجتمع او لاسباب اخرى نرجو الافصاح عنها

بس برضه الفكرة ابعد ما يكون عن الدين

يعنى انا مش متدين بس مش بفضل ابص على البنات فى الشارع مش علشان حاجة - يعنى دينى بيامر بده بس انا من جوايا و بعقلى نفذت ده فمحتجتش للرادع الدينى اللى هوه المرحلة الاخيرة بعد الرادع القانونى و الاخلاقى و الانسانى- بس انا حاطط فى دماغى فكرة معينة و ماشى عليها انى بحترم المرأه فى ذاتهاو مش بعتبرها حاجة بتثير غرائزى - يعنى بالعربى انا مش زى الحيوانات كل ما اشوف انثى هجرى وراها زى القطط فى الشارع -سواء كانت بقى محجبة مش محجبة ايا كان دينها ماليش دعوة هى فى ذاتها و ده يكفى انى احترمها ككيان يحتمل الصواب و الخطأ (اقصد المرأة)
مش محتاج الهوجة دى كلها علشان حتة قماشة مستطيلة الشكل غالبا
تغطى معظم الراس فكرتها الاساسية انها فكرة دينيه يجب احترام من يطبقها بصدق و ايمان و اكرر الكلمتين اللى فى الاخر مهمين (بصدق وايمان وكل مايشابههما من المعانى)
طول ما انت محترم فكرتك الدينية (حتى لو كانت ايه) يجب على افراد المجتمع احترام من يطبقها و ايضا على الجانب الاخر من لا يطبقها و لكن حينها يتبقى مجموعة فى الوسط يطبقونها بدون اى روحانية او اقتناع او ماشابه مجرد شكل او تنفيذ لرغبتة شخص ما فيعتبر اهانة للفكرة الدينية

اساسا انا كتبت كتيير ربنا معاك و تقراه
بس هوه ده الكلام اللى فى دماغى
مع احترامى لكل الاراء ما عدا ما تلوث منها بالقذف و السب و قلة الادب

نهارك سعيد يا بيشوى

القلم السكندري said...

متصدقوش إن جسمكوا عورة لازم تتغطي ... متكرهيش جسمك وتحسي إنه سبب مشاكلك ... متصدقيش إن المشكلة عندك وإنك السبب ... المشكلة عمرها ما كانت عند البنت ... المشكلة عند المتخلفين اللي بيبصولك وكإنك فقط وسيلة لإشباع رغبتهم.



والله أنا مش عارف الكلام الوسخ بتاع انسان عايز البلد كلها تبقي شاطئ عرايا عشان هو طبعا عنده سعار جنسي عايز يرضيه


عايز نرجع لآلاف السنين قبل الميلاد وللحيوانية وكل واحد عايز واحدة عادي نام معاها بمنتهي الحرية

وهو ده التخلف الحقيقي

روحو شوفو اسيادكم في الدول المتقدمة اللي انتو روحتوا علي اوسخ حاجة عندهم عايزين تجيبوهالنا

شوفو نسبة الاغتصاب عندهم اد ايه.. رغم انها مفتوحة ع البحري

لكن مع ذلك التحرش الجنسي والاغتصاب نسبة عالية مينكرهاش الا اعمي

جتكم خيبة

لو عايزين حضارة وتقدم بصحيح كنتو جيبتو اللي يفيدكم من عندهم

مش الشرمطة والوساخة وقلة الأدب

وبعدين عجبني اوي أنا الناس الحلوة دي اللي بتتكلم عن الرقي في الحوار وهما قاعدين يشتمو في حاجة موجودة بالنص في القرآن يعني في كلام اللي خلقهم بيتكلمو عليها بالاسلوب الوقح ده

وفريضة أجمعت عليها الأمة كلها بعلمائها علي مستوي الدول الاسلامية

جيين تقلو أدبكم عليها وتتكلمو عنها بقلة أدب .. ده تعدي علي الشعوب المسلمة كلها وعلي ارادتها

وبعدين جيين يتكلمو عن الرقي في الحوار

رمتني بدائها وانسلت

القلم السكندري said...

يبني انت اللي زيك حاجة منبوذة في المجتمع اللي عنده فطرة سليمة

متتعبش نفسك أنت وشوية الحسالة اللي حواليك

وأنا هنا بكلم المسلمات

والمسلمات بس

والهوانم اللي جيين يقولو احنا مؤمنات ومسلمات وبنقضي فرائض ربنا بس الحجاب مش فرض


وبقول تاني بكلم المؤمنات بالقرآن بس

اللي كفرو بيه ومش مقتنعين بيه دول ليهم كلام تاني

الله يقول في القرآن: (يا أيها النبي قل

لأزواجك

وبناتك

ونســـــــــــــــــاء المؤمنين

يدنين عليهن من جلابيبهن ذلك أدني أن يعرفن فلا يؤذين)

سورة الأحزاب

آية 59

واخدة بالك يا هبة هانم من كلمة نساء المؤمنين؟؟؟

ياللي بتتريقي وجية تعلمي الناس هنا الفروض الخمسة؟؟؟

انتو امثالكم تلاقيهم مبيعرفوش يتوضو اساسا

شوية جهلة كل علمهم في الموضة ولا تلاقيه في الأندر ويير

شوية أدب بقي يبتوع الحرية

شوية حرية

اذا كنتو بتتكلمو عن الحرية بصحيح

المجتمع الشرقي عموما يرفض ثقافة اللي عندهم سعار جنسي واللي عايزينها حرية جنسية من أمخثالكم

المجتمع الشرقي بما فيه بناتهم العاقلات ....... وبقول العاقلات سيبوكم من شرذمة المتخلفات عقليا وفطريا اللي عايزينها حرية يلبسو زي ما هما عايزين وينامو مطرح ما هما عايزين

المجتمع الشرقي وبناته يرفض ان البنت ميكونش حد بيسأل عليها ولا بيخاف عليها

يرفض ان البنت تمشي علي حل شعرها

يا اخي مش انت بتقول حرية؟؟

انت حر في مراتك وبنتك

يكش توزعهم ع الشباب

لكن وانت مال اهلك بالناس وبنات الناس

جي تفرض عليهم ترويج الثقافة الوسخة بتاعتك ليه

القلم السكندري said...

وبعدين يا شوية متخلفين

أنا عايز أفهم ايه علاقة الحجاب بالتقدم

نفسي افهم علاقة التكنولوجيا بالحجاب

عايز سبب علمي كدة يمثل الثقافة والعلم اللي عندكم

بالعكس

اللي زيكم اللي بيتخلو عن دينهم وتراثهم وعقيديتهم ده لو كان عندهم عقيدة اصلا

يوم ما بيجرو ويلهثو ورا الغرب بيلهثو في ايه؟؟

بيجيبو تكنولوجيا جديدة من عندهم؟؟؟

مبيجيبوش غير الشرمطة والوساخة وقلة الادب

روحو يا شوية متخلفين اعملو حاجة تنفعكم وتنفع البلد بدل ما انتو قاعدين تتكلمو في حاجة يا اخي اقل ما فيها تراث اصالة عادتنا وتقاليدنا دينا

روح دور ع التقدم الحقيقي بدل ما انت بتجري ورا الاجساد العارية واللي عايز تعريها

وبعدين بص للحواليك الحمد لله امثالك مش كتير

مفيش غير شوية خولات بس وانا اطالبهم أدعياء الحرية دول انهم يكتفو بنسوانهم يعملو فيهم اللي هما عايزينه ويسيبو بنات الناس حرة في دينها وعقيدتها

القلم السكندري said...

مصر بفضل الله

قيادات سياسية

وعلماء الجهات الرسمية

ونواب الشعب

والشعب

تجمع علي فرضية الحجاب

واللي اتعمي ومش واخد باله يرجع يشوف بيان مجلس الشعب وكلام القيادات السياسية ايام دوشة وزير الثقافة اياها

وبإذن الله مصر عمرها ما هتمشي ورا أمثالكم اللي هما شوية حثالة آخرهم مزبلة المجتمع

Unknown said...

انا كلامى ده موجه للسيد المحترم القلم السكندرى

يا سيادة المدون المحترم انا ها قولك حاجة واحدة بس لو انت عايز تقول رايك ممكن تقوله باحترام اكثر من كده ولو انت يا سيدى معترض ممكن تعلن عن غضبك باسلوب افضل وارقى من كده ...ولو انت طبيعتك كده يبقى ما فيش فايده وها تفضل البنات تتعرض للقهر من اللى زيك..
شكرا .....

القلم السكندري said...

يا أخ peterthrwat24

ياريت لما تشوف رد رقم 74 تشوف الردود اللي قبله

ردي من جنس ردود البهوات اللي هنا

وأسلوب يليق بالتفاهم مع أمثالهم

كلماتي من جنس كلماتهم مش نمط جديد عليهم

ورأيي امثالكم مش هيعلموني ازاي اعبر عنه

ابقو خلو اسلوبكم انتم محترم بس الاول هتلاقي حروفي من جنسه

لكن ثق تماما أني عندي الأسلوب اللي يليق بكل متناقش

ثانيا البنات بيتعرضو لوسوسة الشياطين اللي زيك وزيهم مش لقهر اللي زيي

انت مالك ببنات المسلمين اساسا

مين وكلك تتكلم عنهم

روح اتكلم علي نسوانكم براحتك محدش هيقولك بتعملو فيهم ايه

حرية شخصية

لكن لن نسمح لبيتر وامثال بيتر انهم ينطقو بحرف عن مسلمة

وياريت ياريت يعني متضطرنيش أتكلم كلام تاني هنا مش كويس عشانكم

Unknown said...

يا قلم يا سكندرى يا محترم
يظهر انى ضيعت وقتى معاك .. اوكى المهم قبل ما ترد على تعليقى اللى كتبته على تعليقك اقرى رأى اللى كتبته مش ترد وخلاص على الكلام من غير اى فكرة عن الرأى الاخر ..
على العموم يظهر انه ما فيش فايدة ..
واعتبر المقابلة انتهت ..
مافيش فايدة .. مافيش فايدة..مافيش فايدة

روان العربية said...

معلش اسمحلى يا alienاكلم
حضره المحترم القلم السكندرى
لانة بجد انسان مستفز جداًوانا شايفة ان عمر الحوار ما يكون كدا بهذا الاسلوب الدنىء سورى بس اصلة بجد مستفز
وانا متأكدة ان الانسان اللى بيفكر كدا وبيتكلم بالاسلوب دا عمرة مابيحترم المرأة بأى صورة حتى ولو قال غير كدا وانة بيبص للمرأة على انها خلقت لافساد البشرية فقط وايضاًلاغراء الرجل وهذة النظرة لاتليق بأنسان مسلم
وبيتهيألى ان دا من اللى شيلين السيوف فى جيوبهم واللى يختلف معهم يموتوة واضح جداًمن خلال اسلوبة فى الحوار مع الجانب المختلف معاة فى الرأى

وانا انسانة مسلمة وغير محجبة ولا اسمح لأحد ان يخاطبنى بهذا الاسلوب
وعمرى ماهسمع لكلامك ولصوتك العالى اللى كل نبراتة تهديد وشتيمة لانى عمرى ما هاقتنع غير لما بفكر بعقلى الاول
وبهذا الاسلوب عمرى ما هاافكر اسمعلك اساساً ولا اقتنع بأى كلمة من اللى بتقولها

واسفة مرة اخرى على كلام هذا الانسان لان عمر ما كان هذا الحوار من اخلاقنا ومبدأنا واخلاق رسولنا الكريم

hana said...

يا جماعة النقاش محتاج هدوء 0.
واسلوب بسيط وغير جارح
علشان نوصل للاقناع اذا محتاجين نقنع الاخرين ولا ايه

القلم السكندري said...

بصي يا أخت روان

وإن كنت أشك أنك منهم ويمكن تكوني نفس صاحب المدونة بيعمل فيلم علينا

ياريت قبل ما تيجي تعلمينا ادب الحوار تطبقيه في حوارك انتي الاول

سيوف ايه ياماما الي بتتكلمي عليها دي

انتي جية من العصر الحجري ولا ايه؟؟؟

قبل ما تكلميني انا روحي كلمي شوية الصليبيين اللي جيين يعلموكي دينك وتلبسي ايه ومتلبسيش ايه

مفيش مسلمة محترمة -والمحترمات كتير- تسمح لواحد من ملة تانية انه يتدخل في دينها اساسا

وبعدين تقتنعي متقتنعيش تلبسي حجاب متلبسيش حاجة خالص ولا هتفرق معايا اي حاجة

ايات الحجاب عندك في المصحف لو كنتي بتمسكيه ولا لو كان كلام ربنا بيثنعك اساسا

واسلوب الاتهامات بتاعك وتطاولك في الكلام اعرف ارد عليه كويس

لكن ميلزمنيش ارد عليكي اساسا

واخلاق الرسول امثالك ميعرفوش عنها حاجة عشان ييجو يعلوهالنا

وبكرر تاني بصو لنفسكم

انتو مين اساسا

مصر بفضل الله

والنواب الممثلين لمصر

وعلماء الازهر المعترف بهيبته علي مستوي العالم

وقيادات مصر السياسية علي ان الحجاب فريضة مسلمة

وامثالك مش هيزودونا واحدة لو اتحجبوا ولا متحجبوش

ولن نسمح لغير المسلمين انهم يتدخلو بكلمة في شئ من شئونا

والكلام كتيير اوي

ياريت بلاش استفزاز

mariam said...

ايه يا بشوى ضرب النار اللى هنا ده؟

و بعدين انت قلت بنفسك ان نتيجة التجربه ان كل واحد حر فى لبسه

يبقى ايه الداعى للحرب دى بأه

و الموضوع يتقلب مسلمين و مسيحيين
و دينا و دينكوا
و بيتدخلوا
و كلام مفيش داعى ليه

و بعدين
انت شايف الوقت ده الفتن ماليه البلد
و كل يوم مصيبه

يبقى دورنا اننا نهدى و ننشر قيم التسامح و المواطنه

لكن اللى بيحصل عكس كده

ليه نزود الأحتقان

صدقنى يا بشوى انا مش بنقدك بس مش عايزه اشوف الخلاف بيتحول لمسار تانى كده

و انا رأيى زى رأى مايكل

تحياتى

Anonymous said...

قسما بالله
لولا انى لو شتمت ههبقى تضايق وعارف
ان الشتيمة مش هتجيب حل
لكن انت مالك يا زنديق
مالك بالحجاب ومالك بلبس المسلمين
ولو اى زنديق تانى اتكلم فى حاجة زى كدة
يتكلم فى مكان اقدر اشوفة فية
مش يتكلم من وراء الستار
وكمان اى حقير زنديق كافر
حب يتكلم يقرا ويعرف الحكم
وبعد كدة يتكلم وساعتها هيعرف
ان كلامة دة كان هيودية فين
واى زنديق يفتح فمة من غير معرفة
يتلم ويخاف على نفسة ودة مش منى
ولو انى لو مسكتة اقسم بالله مش هرحمة
بس ينتظر عقابة من الله عز وجل
وميفتكرش ان ربنا غافل عن قولة ولكن ينتظر والدلائل كتير وكلكم شفتم وقريتم
وربنا يهديكم

Anonymous said...

انا كواحدة مسلمة مسمحش لحد مش مسلم انه يقولي تلبسي ايه ومتلبسيش ايه

وليا صديقاتي مش محجبات

لكننا كمسلمات نرفض ان حد تاني برضه يتكلم في دينا اساسا

حرية شخصية نلبس اللي عايزينه ونتعامل مع اولياء امورنا بالطريقة اللي احنا عايزينها برده

واحنا عندنا العلماء كلهم قالو ان الحجاب فرض

وعلي سبيل المثال الاستاذ عمرو خالد

وده مشهود له انه مش متشدد ومع ذلك قال انه فرض وغيره كتير قالو انه فرض

ممكن اعرف مين بقي انتو عشان تعلمونا ديننا

علي فكرة انتو كدة بتعملو فتنة ملهاش اي لازمة بتدخلكم في اللي ملكوش فيه

ياريت كل واحد يخليه في دينه وفي نفسه وميتدخلش في حاجة ملوش فيها

Anonymous said...

يسلم لسانك اختى شيماء

مش عايزين اى كلب يتدخل فى دينا

ومحدش لية دعوة بلبسنا وعاداتنا

واى كلب او كلبة يتكلم يسد فمة احسن

واحنا احرار محدش وصى علينا

اظن الرسالة وصلت وبلاش قرف قرفتونا

جتكم نيلة مليتم البلد

Anonymous said...

يا اخ بيشو

انت بتقول ان في جماعة فرضت الحجاب فردة ع الناس وفرضت النقاب فردة برده

جيبت منين التخلف بتاعك ده

انت بتكدب الكدبة وتصدقها يبني؟؟

منت هتلاقي زوجات امثالك ماشيين في الشارع يمكن من غير لبس ولا بملابس النوم

حد بيكلمها؟؟

متشوف ياعم الشواطئ والشوارع

حد كلم حد ع لبسه؟؟

ياريت بقي متتدخلش في اللي ملكش فيه نتمني يعني

ثانيا تجربة زي اللي بتتكلم عليها دي تبقي تتعمل عندكم في فرنسا ولا في الفاتيكان يا بتوع حقوق الانسان

لكن مصر بلد دينها الرسمي الاسلام

متجيش تقل ادبك وتقول نفرض البادي والشورت واللي تنزل من غير الزي تتمنع انها تنزل من بيتها اساسا

دي كدة قلة ادب

مش عشان بنقول مواطنة واخوة يبقي انت تقل ادبك وتتعدي علي دينا وشعائرنا

Anonymous said...

يا جماعة شوية هدووء

شوفت يا بيشو اسلوبك عمل ايه؟؟

كان لازم تفتح موضوع زي ده؟

ليه تستفز مشاعر المسلمين

والبلد مش ناقصة فتن فعلا

أتمني يا بيشو تتجنب المواضيع اللي بتعمل فتنة

وياريت نتكلم ديما في النقاط المشتركة اللي تفيدنا كلنا

مش اللي تعمل فتنة ممكن تاكل الاخضر واليابس

Anonymous said...

مشاعر مين

هو دة عندة دم عشان يحس

دة شكلة خنزير

وكمان فعلا انت حشرى لية

احنا قلنالكم انتم بتعملوا كذا وكذا لية

وكلام كتير
اية البرود دة خنزير وبارد

Anonymous said...

بسم الله الرحمن الرحيم
(وليضربن بخمرهن علي جيوبهن ولا يبدين زينتهن الا ماظهر منها
اوليس هذا امر من الله عز وجل للمؤمنات من فوق سبع سماوات بالحجاب وعدم اظهار اي شيئ من جسدها الا المأمور به وهو الوجه والكفين ام ان عندكم اعتراض علي امر الله العلي القدير

القلم السكندري said...

وبعدين بقي ايه حكاية الادب الي بتتكلم عنه يا أليين بيه

وكل ما ترد علي حد تقول له ادب ومش ادب

انت لو كت تعرف الادب مكنتش قليت ادبك علي معتقداتنا واتكلمت في اللي ملكش فيه

وخلي بالك انا لحد دلوقتي شايل كلام كتير اوي مش عايز انزلهولك

مش عايز انا كمان بقي اتكلم علي حاجات كتير عندكم

خلي الدور ملموم يابن الناس وخلي العاقلين اللي عندكم كدة يعقلوك احسن

وبالنسبة للناس اللي دخلت تناقش موضوع الحجاب وتكتب ادلته هنا

الكلام ده لو موجه للمسلمات اللي هنا يبقي اوك

لكن لغيرهم الف لاء

مرفوض اساسا انهم يناقشونا ولا يتدخلو في معتقداتنا خصوصا والنقاش بقلة الادب دي

واحد بيقول لكم عايزين الحجاب يختفي من حياتنا

يختفي من حياتك انت ونسوانك

انت حر تلبسهم تقلعهم انت حر فيهم

لكن بناتنا اوعي تفكر تفرض عليهم حرف ولا تقولهولهم اساسا

Anonymous said...

الحجاب فريضه بس على المسلمين والمسلم اللي مايعرفش انو الله سبحانه قال ولا تبرجن تبرج الجاهلية الأولى ومعنى الايه دي بتاع الحجاب ده للي مايعرفش الغير مسلم ليس له ان يتدخل في شئون الملمين زي مالمسلم احترمه وماتدخلش في أي حد غير مسلم والاسلام وضع الحجاب للمرأة المسملمه كي تتميز عن غيرها من غير المسلمين وكان قديما الغير مسلمين بيضعوا اشاربات ومناديل على شعرهم والحجاب من المقاييس للبس المرأة المسلمه واللي عاوز ياخد به له الاجر والثواب وإن لم ياخذ به فالله غفور رحيم والحجاب لما الاسلام ميز المسلمه عن غيرها من غير المسملمين لكن لما المسلمه دي لما ماتستهلش رحمة الاسلام ليها وتميزيها عن غيرها ماتخدش بالحجاب وده بيعود للتربيه والفطره والدين والقناعه والقرب من الذي فرضه

Anonymous said...

اللي يتكلم في الحجاب للمرأة المسمله عشان لو ماكانتش تعرف نقولها لكن واحد او واحده مسيحيه ماتعرفش حاجه عن الاسلام وتجي تتكلم عن فرع من الاسلام مش هيجدي الكلام معاه أو معاها لأ نها ماتعرفش والدين غير الدين لما الواحد يتكلم يتكلم في اللي يعرفه اللي هو دينه وبعد ايه حكاية الغصب دي الغصب دي مش في الاسلام والدليل على كده قول نبي الاسلام محمد من حسن اسلام المرء تركه مالا يعنيه فما بالك باللي مش مسلم أصلا ازي يتكلم عن الحجاب وهو أصلا مايعرفش عنه غير مسماه طبعا

أسوور said...

موضوع الحجاب دة مستفز جدا
انا شايفة انه مش فرض ولا سنة ولا أى حاجة وما هو الا عادة كانت موجودة من زمان

عادة كانت تميز الرجال عن النساء لما كان برضه الرجال مفروض عليهم يفغطوا راسهم بعمامة أو خلافه وكانت الست تغطى راسها برداء أفضل فى الشكل دة طبعا لظروف الحياة فى الصحراء

وحتى الآية القرآنية اللى بيدعوا انها تفرض الحجاب تفسر على انها لناس معينة ولأسباب معينة

وكمان طوروا الموضوع وخلوه نقاب رغم ان فى الحج بيحرموا تغطية الوجه
طب ايه السبب فى التناقض دة؟

انا التفرقة العنصرية بين الجنسين جننتنى وخايفة عليك تبقى زيى
الناس بتقول مجنونة
انت ايه رأيك؟
يمكن احنا الإتنين مجانين

تحياتى

Anonymous said...

شوية الأخوة الأفاضل أعضاء القاعدة اللى رادين فوق ورا بعض
هو إنتم ماتعرفوش تتكلموا من غير ما تقعدوا تقولوا خنزير و صليبى و زنديق و كلب و شوية المصطلحات الراقية دى؟
عموما إغلطوا كمان لأن مستوى ردودكم و إختياركم لكلامكم بيبين حقيقتكم
بيشو
ماتضيعش وقتك فى الرد على الناس دى تانى

القلم السكندري said...

بقولك ايه يا mariez

اصطناع الأدب ده مش هينفعك

لو كنتو محترمين بصحيح متقلوش أدبكم علي دينا وجيين عايزينا نحترم أشخاصكم

والهانم اللي جية بقي تعرفنا تفسير الآيات دي دي لو كانت مسلمة بصحيح.. تلم نفسها وتسيب موضوع أجمع عليه علماء الأمة ومعلوم من الدين بالضرورة

يعني مينكروش غير خارج عن الأمة

بطلي تخلف وتدخل في اللي ملكيش فيه

موضوع يجمع عليه علماء دول العالم الاسلامي

وسعادتك جية علي اخر زمن تقولي لاء مش من الاسلام؟؟؟

انتي الوحي لسة بينزل عليكي ولا ايه

The Alien said...

moneer

مبسوط جدا بكلامك ورأيك
وأنا معاك ف موضوع إحترام معتقدات الأخريين
وأنا هنا مش شايف إني تعديت علي معتقدات حد

اللي بتتكلم عنه واقع وبيحصل
واللي ينكر يبقي أعمي

فكرة الرداع الديني
أنا لما بعمل حاجة كويسة
فأنا بعملها عشان انسانيتي مش عشان الدين بيقول
يعني أنا بحترم أي بنت ومش بدايق البنات ف الشوارع عشان أنا انسان بيحترم أي انسان
مش عشان الدين قالي متعاكسش

إتكلم براحتك يا كبير
ولو أنا مقريتش كلامك إنت يبقي هقرا لمين؟
نورتني

The Alien said...

القلم السكندري

مش عارف ليه مليش نفس أرد عليك

The Alien said...

روان العربية

أنا عارف إنك بتكلمي القلم السكندري
بس أنا عايز أقلك حاجة

أنا بتبسط لما بسمع كلام زي كلامك
ومعاكي حق
كفاية تشوفي إزاي بيتكلموا وبيعملوا نفسهم بيدافعوا عن الحجاب والدين عشان تعرفي هما مين وف دماغهم إيه
تعرفي إزاي بيحترموا المرأة ويكرموها
مش فاهم إزاي بهذا الاسلوب فاكرين إن ممكن حد يسمعهم؟

متتأسفيش علي كلام حد
كل انسان مسؤل عن كلامه ودماغه

مبسوط بزيارتك وتعليقك
وأتمني أشوفك دايما

The Alien said...

mariam

صدقيني ولا أعرف إيه اللي حصل
أنا جيت لقيت الدنيا والعة
ولغاية دلوقتي مش عارف ليه

ماشي إحنا قلنا إن كل واحد حر ف لبسه
وإن عمر ما اللبس بيفرق ولا بيقيس اﻷخلاق
طب قوليلهم هما الكلام دا

عارف إن البلد فيها فتنة والدنيا والعة
بس أنا هنا متكلمتش عن الأديان
لإني لو هتكلم عن اﻷديان أكيد كلامي مش هيبقي عن الحجاب عشان أنا شايف إنه ملوش علاقة بالدين
ولو تلاحظي اللي بيحصل هنا هتعرفي مين بيعمل الفتنة
ومين بيغير الكلام ويحوله لسكة مش بتاعته

نورتيني

The Alien said...

shima

ف البداية شكرا علي اسلوبك المحترم
وبعدين إزاي مليش فيه؟
دي حاجة مفروضة ع الناس ف الشوارع
واللي بيخالف بيتعاقب
حاجة بترجعنا لورا وتنزلنا لتحت
حاجة بتساعد في قهر المرأة وحرمانها من حقوقها
يبقي أكيد لي فيه
أنا عايش ف مجتمع ولي ف كل اللي بيحصل فيه
يعني مش كل واحد مقتنع بحاجة يعملها ونسيبها تخرب

نورتيني

The Alien said...

هناء

متطلبيش من الناس دي الهدوء
دا مش موجود ف دماغهم

مين اللي بيعمل فتنة؟
شوفي الردود وإنتي تعرفي

موضوع الحجاب حاجة مشتركة تخص المجتمع كله؟ عشان كدا من حق الكل يتكلم فيه

نورتيني

The Alien said...

memo && ace

هقول تاني
الحجاب مش حاجة تخص المسلمين بس
واللي بيحصل دلوقتي حاجة تخص المجتمع كله
وأنا شايف إن الدين بعيد عن الكلام دا
زدا اللي مخليني بتكلم وأقول رأيي

وبعدين يا memo
ليه عايزه تميزي المرأة المسلمة عن غير المسلمة؟
ليه يكون فيه تمييز علي أساس ديني؟
هو دا بالظبط اللي أنا مش عايزه

نورتوني
وشكرا علي تعليقاتكوا

The Alien said...

ياسمين

فينك ياست الكل من بدري
بس كويس إنك جيتي وإتكلمتي
أنا بحترم جدا أرائك وكلامك

تمييز وتناقض غريب
وفعلا ... دلوقتي حجاب وشوية بعدها نقاب وبعدها مش هيبقي فيه حاجة غير إنهم يقعدوكوا ف البيت

لو إنتي مجنونة يبقي أنا لي شرف الجنان
وبعدين أنا بالنسبالهم تعديت مرحلة الجنون

نورتيني

أنا حر said...

اسمحلي اللي انت بتقوله ده ضد الحرية الشخصية والغريب ان في تعليقات عندك كمان بتعلق باسلوب مش كويس كتير الحجاب ده متعلق بجزء ديني لازم نتناوله بشكل ديني اجتماعي انما مش بالشكل ده محدش نفسه ان الحجاب يختفي انما نتمنى ان الناس تتعامل معاه صح والبنت ما تقهرش علشان تلبسه لازم يكون حرية شخصية فعلا بدون قهر انما بقى اللي بيقولوا انه صورة من التخلف ومش عارف ايه اسمحولي ده جهل اللي انتم بتقولوه وبعدين دلوقتي محدش بيفرق في المضايقة بين المحجبة واللي بشعرها كله بيتعرض لنفس المضايقات
احنا محتاجين توعية من نوع تاني بعيد عن مزاجنا في لبس الحجاب او عدم لبسه ولو بنتكلم بحرية بجد يبقى من غير الفاظ مهينة لرمز ديني حتى لو كان الرمز ده مش عاجبنا
تحياتي

Mirage said...

ياااااااااااااااااااااربى


دانت الموضوع كبر قوى

107 تعليق

وانا ال 108

ايه ياعم ده

ربنا يزيد ويبارك

القلم السكندري said...

يبني قلت لك بلاش تعدي

ايه بيعملو نفسهم بيدافعو عن الحجاب دي

منتو عندكو القساوسة بيلبسو لبس من العصر الحجري حد اتكلم عليه؟؟؟

منتو عندكو الراهبات ليهم برده لبسهم المعروف والقديم الأزل

حد كلمهم عليه؟؟

يبني اقسم لك

الدور يتلم احسن ومعتقدات المسلمين ودينهم كفاية تعدي عليها

انت مين أساسا عشان تيجي تعرفنا اللي متعلق بديننا وايه اللي مش متعلق

انت تخليك في دينك متفتحش بقك في دينا ولا بحرف

وبدل ما تفتعل الأدب خليك مؤدب أحسن

اتأدب كدة وبلاش تطاول علي دينا عشان أنتو زودتوها أوي

وقلة الأدب بقي وان ده واقع موجود واللي يكرهو يبقي اعمي

وأساليب الارهاب الفكرية بتاعتك دي مش هتداري قلة أدبك

أقسم لك بالله العظيم أنت لو تتعدي التعدي ده قدام المسلمين في الشوارع كانوا علموك بصحيح أنه من الاسلام ولا لاء

وكانوا عرفوك ازاي تفتح بقك بعد كدة في حاجة متخصكش

انتو عندكو حاجات كتير اوي يبتاع التقدم والتحضر تتكلم فيها قبل ما تحشر نفسك في اللي ملكش فيه

اتمني اني ملاقيش استفزاز يخليني افتحها

أتمني

وقلت لك اسمع كلام العاقلين اللي عندك اللي بيحاولو يعقولوك ويقولولك لم الدور وبلاش استفزاز

The Alien said...

أنا حر

أنا أسف علي كل التعليقات اللي فيها إساءة
بس كل انسان مسؤل عن كلامه
وأنا مش بحب أشيل تعليقات عشان يبقي فيه صورة كاملة عن اللي أنا بعتبره نقاش

أنا مختلف معاك ف موضوع الرمز الديني
لإنه ببساطة مكانش موجود زمان
واللي بيحصل دلوقتي إنه تحول لرمز ديني نتيجة أطماع ف السلطة وأغراض سياسية
ودا اللي يخلي الحجاب قابل للنقض والتفكير
خصوصا إنه حاجة تمس المجتمع كله
عشان تطوراتها هتكون خطيرة

أكيد مفيش فرق بين المحجبة واللي مش محجبة
كله بيتبهدل في شوارعنا
واﻷكيد إن اللبس مش سبب فدا
وهو دا اللي بتكلم فيه من الصبح
نفسي نبطل نربط اللبس بالأخلاق
يعني مينفعش يكون رمز عفة وأدب البنت حتة قماش

إحنا عندنا مشكلة كبيرة ف اﻷخلاق
واللي محتاجينة حاجة أكبر بكتير من الحجاب

شكرا علي أسلوبك الراقي
نورتني

القلم السكندري said...

أطماع سلطة ايه يا جاهل

وهو لو أطماع في السلطة كان هيختلف فيه العلماء الرسميين مع الدعاة اللي انت شايف أنهم من جماعات طامعة في السلطة

وهو علماء الأزهر عندهم أطماع في السلطة؟؟

والمفتين في دول العالم الاسلامي كل دول عندهم أطماع في السلطة؟؟

بطل جهل وتخلف وقلت لك متتدخلش في اللي ملكش فيه

وبعدين لو عندك أقل علم بكتب التاريخ تعرف أنه مختفاش غير جزئيا و لفترة صغيرة في عمر ممتد قرون كان موجود ورجع تاني بفضل الله

ومختفاش غير في المناطق اللي ظهر فيها أمثالك لكن متكتبلوش النهاية

اقرأ يا جاهل يا متخلف كتب التاريخ

عشان متقولش أننا بنتعصب لأي اتجاه

اقرأ وارجع بتاريخ قرائتك كدة لما قبل قاسم أمين وهدي شعراوي والشلة الوسخة

اقرأ لطلعت حرب

ولمصطفي كامل في ردهم علي قاسم آمين

سمعت عن كتاب الحجاب بتاع طلعت حرب ولا لاء؟؟

أكيد أمثالك انت وشلتك مسمعوش عنه طبعا


ولا الزعماء الوطنيين دول كمان كانوا طمعانين في السلطة

ولغيرهم كتير

كفاية قلة أدب وتعدي وجهل واستفزاز لحد كدة

The Alien said...

أنا هقفل التعليقات لحد هنا
متهيألي كل الأفكار إتقالت وبكل الطرق

تحياتي للجميع