Sunday 26 August 2007

وراء كل عظيمة

وراء كل رجل عظيم إمرأة عظيمة
مقولة سليمة بنسبة كبيرة ... ومعتقدش كتير هيختلفوا عليها ... وأنا مصدقها ف أغلب الحالات ... بس أنا بفكر ف حاجة تانية ... لو بنقول إن رواء كل رجل عظيم إمرأة عظيمة ... هل نقدر نقول إن وراء كل إمرأة عظيمة رجل عظيم؟

البيت بيتك عاملين فقرة اسمها "هي والنجاح" ... أنا كل المرات اللي شفتها فيها كانوا مستضيفين راجل ناجح بيتكلم عن المرأة ودورها ف نجاحه ... أنا طبعا بستغرب ... يعني هي مصر مفيهاش ستات مشهورين وناجحين ... بس دا مش موضوعنا ... ف نفس الفقرة بيجيبوا أمثلة لستات ناجحين من مجتمعنا البسيط ... ستات وبنات من اللي ظروفهم صعبة ... لو تلاحظوا هتلاقوا إن كفاح المرأة عندنا أصعب ... وعشان توصل للنجاح بتتعب أكتر ... أصل مجتمعنا بيفرض علي البنت حاجات صعبة وبيحطلها معوقات كتير ... بس ياما عندنا ستات أبطال شايلين أحمال تهد جبال ومع ذلك عايشين ومكملين ... نسبة كبيرة عندنا ف مصر بتكون فيها الست هي اللي شايلا الحمل وحدها ... هما اللي فاتحين البيوت سواء ف وجود راجل أو غيابه ... أنا شخصيا أعرف ستات عايشين ف ظروف صعبة جدا ووحدهم مع ولادهم ومع ذلك ربوهم وعلموهم كويس ولسه الستات دي بتشتغل لغاية النهاردة.

السؤال اللي عايز أسئله: الستات دول وراهم مين؟
أنا هقلكم:
وراء كل عظيمة .. مفيش حد

43 comments:

Egypt Rose said...

ازيك .. يعني ان اول حد بيكتب عتدك النهاردة.. وده طبعاً لاننى اختك الكبيرة يا ولد ...ههههه

وراء كل ست عظيمة .. عزيمة ..ليس إلا

العزيمة

تلك هى الكلمة السحرية ومفتاح تجاح اى ست في مصر والعالم .. لان المجتمع بيضغط عليها وبشكل ملحوظ في اتجاه الفشل والتبعية وعلى جميع المستويات .. وعلى العموم مفيش نماذج رجال ناجحين وبالتالي مفيش ستات ناجحة او شخصيات ناجحة ملحوظة في مصر .. احنا في اتجاه التعميم والقطيع والتميز فيه صعب ومن دواعى الاضطهاد

على فكرة عندى احصائيات عن نسب السيدات التى تعول اسر وهى كثيرة في مصر بسبب الطلاق او الهجر او سجن الزوج ارقام كبيرة ولحد دلوقتي يطلع حد متخلف في نفس البرنامج واللى بنصحك يبطل تشوفه علشان صحتك النفسيه .. يقول ان الستات في مصر سبب البطالة ما هى لو مشتغلتش شغلنه محترمة الست اللى جوزها طلقها او هجرها او شجن او توفي .. هتروح تشتغل عنده شغاله ولا عاهرة بفلوس .. متسيبو الستات محترمين وبيشتغلو شغل محترم
وبعد كل اللى قولتهولك ده .. عايش يا اخويا الصغير الست تتفوق و تتميز وتصبح عظيمة .. منين يا بشبوش

Rushdy Kamel said...

ازيك يا بيشو
انا اتفرجت على البرنامج ده مرة واحدة وكان فيها عمر خيرت
وقدم فيها نموذج لواحدة كفيفة لكن ناجحة جدا في عملها وموهبتها الفنية
فعلا في ستات كتير في مصر ناجحين جدا سواء وراهم حد او لأ
انا شايف ان الست المصرية حمالة اسية بالفطرة بس للأسف مهملة ومحدش واخد باله من نجاحها

بوست جميل
تحياتي

§a§a said...

اكيد وراء كل رجل وكل ست عزيمه قويه تقر توصله الى اي مكان مهما كان
بالعزيمه وقدرة الانسان تحقيق ما يريد مهما كان هناك الكثير من المشاكل التى يواجها الانسان

________

بالنسبه للمرأة عندنا فى مصر فهى ناجحه جدا جدا فنجاحها ليس نجاح العمل بل نجاحها هو نجاح اسرتها ومقدرتها على رتبيه الاولاد وهذا اكبر نجاح لها

وكونى مسلم فان امى مثلا هى اكبر عامل النجاح ولا افضل انها تعمل فعملهعا فى بيتها خجنا ال الدنيا ناس كبار معلمين مثقفين

وذى ما قال

احد الاشخاص عندما ساله عن عمل المرأة
فقال كلمع عجبتنى وهى

عندما قال الايه الكريه ا

فيما معناها

"ايها النمل ادخلوا مساكنكم ليحطمنكم سليمان وجنودة وهم لا يشعرون "

فيعنى فى ذالك ان المراة لو اهتمت ودخلت بيتها واهتمت بتربيه اولادها هتبق وراء كل امراة اسرة ناجحه


وهناك العديد والعديد من الاسر اللى فى بلدنا مصر اسر كثيرة المراة تعمل والرجل يعمل وفشل زريع فى تربيه الاولاد وفشلهم فى التلعيم وغير ذلك


تحياتى

mariam said...
This comment has been removed by the author.
mariam said...

فعلا يا بشوى
المرأه المصريه مكافحه
و المرأه المصريه هى اكبر دليل ان النساء عندهم قدرات جامده جدا و تفوق الرجل فى احيان عديده

زى ما انت قلت نجاح المرأه اصعب من نجاح الرجل لأن المرأه بيكون عليها مسئوليات اكتر من الرجل

و شوف ابسط الأمثله فى الأسر اللى بيتخلى الأب فيها عن اسرته المرأه دائما بتربى ابنائها و تعلى من شأنهم و انا شفت امثله كتير كده

المشكله بقى ان المجتمع ساعات بيقضى على رغبات المرأه فى التفوق
رغم انها ممكن يكون عندها قدرات كبيره

النقطه التانيه بقى
ان ليه دايما بنقول ان المرأه العامله ابنائها بيضيعوا
انا معظم اصدقائى ان لم يكن كلهم امهاتهم بتشتغل
و رغم كده كلهم فى كليات قمه و متفوقين جدا
و بقول كلهم مش مبالغه فعلا


تحياتى على مواضيعك الجامده دى

Guevara said...

ازي يا بيشوي مفيش حد امال الجهل والتخلف ولقهر دول معموليين لمين

بحلم said...

طب ناخد سؤالك من زوايا مختلفة، يعني
والله انا اللي اعرفه ان وراء كل
مجرمة، أو مجنونة، أو سفاحة، أو معقدة نفسيا، راجل
انما وراء كل عظيمة..أعتقد حيطة
طب ممكن نقول قدام كل ست عظيمة..مم..قدامها جبال بعيد عنك
تحياتي ع البوست

بحلم said...

الي الشخص العجيب اللي -والعجيب هنا مش بس لأني مش عارفة أقرا اسمه- اللي فسر الآية تفسير عجيب، علي لسان حد أكيد عجيب..اليه فقط
الله يكرمك مش لازم تبدأ تعليقك ب"كوني مسلم" لأني أعتقد ان اللي قلته، ملوش اي علاقة ب"كونك مسلم"

With Myself said...

وراء كل امراة عظيمة حب فاشل!

The Alien said...

egypt rose

أنا يشرفني إن أختي تبقي أول حد بيكتب عندي
وبجد بتبسط جدا بتعليقاتك

عزيمة
ومش أي عزيمة
دي وراها عزيمة جبارة تهد جبال

أنا مش بشوف البيت بيتك .. أصلها مش ناقصة
بس ساعات بيعدي قدامي
وموضوع إن الستات سبب البطالة فدي نكتة غريبة مش قادر أفهمها
هما مش واخدين بالهم من نسبة عمل المرأة ف مصر ولا إيه؟
دا فكر ظلامي عايز يرجعنا لورا
يقعدوا الستات ف البيوت ونرجع لعصر الحريم

البناتن عندنا مطحونين
وعشان بنت تنجح فعلا بتتعب
ورغم ذلك عندنا بنات وستات كتير ناجحين
ودا الدليل علي إن المرأة تقدر تنجح وتعتمد علي نفسها وغيرها كمان يعتمدوا عليها

نورتيني ياوردة مصر الجميلة

************************************
big code

هي دي الحلقة اللي أنا شفتها
وفعلا البنت دي عظيمة

واحشني ياواد وأتمني نتقابل قريب
نورتني

The Alien said...

$a$a

أكيد العزيمة هي سر نجاح أي حد
سواء رجل أو إمرأة

مين قال إن نجاح المرأة هو نجاح اسرتها ومش نجاح شغلها؟
ليه بتخلي دور المرأة فقط هو تربية اﻷطفال؟
طب لما يكون عندها بنات .. تفتكر المفروض تربيهم عشان بس يكونوا أمهات؟
أنا متهيألي إن نجاح المرأة الحقيقي هو إثباتها لذاتها
سواء ف الشغل أو العلم أو البيت

مش فاهم حتة كونك مسلم دي
كونك مسلم ملوش أي علاقة بإن أمك ليها دور كبير ف حياتك
اﻷم دورها مهم ف حياة الجميع
ومش إحنا - اﻷولاد - اللي نقول أمهاتنا تشتغل ولا ﻷ
دا قرار هما اللي بياخدوه ومش من حقنا حتي نعترض عليه

الآية اللي إنت قلتها أنا مش فاهمها
وحتي تفسيرك ليها أنا مش فاهمه ومش فاهم إيه علاقتها بشغل المرأة
بس اللي أقدر أقوله إن ياما ستات بتشتغل وعندها أسر ناجحة جدا
وعمر ما كان شغل الأم سبب في فشل اﻷسرة

نورتني

The Alien said...

مريم

اﻷمثلة اللي كلنا عارفنها بتؤكد إن المرأة قوية وبتتفوق علي الرجل ف كتير
ودا عشان الظروف المفروضة عليها أصعب بكتير

أنا أمي طول عمرها بتشتغل
ومعظم اﻷمهات اللي أعرفهم بيشتغلوا
وكلها أسر ناجحة وحياتهم مستقرة وأولادهم ناجحين

نورتيني

*********************************
guevara

الجهل والتخلف والقهر معمولين عشان يوقفوها
يحسسوها إنها مخلوق أقل
انسان مش كامل ميقدرش يعتمد علي نفسه وينجح
والرجاله هما اللي السبب ف دا كله

نورتني

The Alien said...

بحلم

حلوة جدا نظرتك للموضوع
فعلا وراء كل مجرمة أو معقدة نفسيا رجل
وقدام كل عظيمة جبال وسدود

مبسوط جدا بزيارتك
ويشرفني إن عضوة مغامير تعلق عندي
وأتمني أشوفك دايما
نورتيني

**********************************
with myself

هي نظرية
لإن كتير الفشل ف علاقة حب بيكون دافع قوي إن الواحد يكمل وينجح
بس متهيألي إن دا مش عند البنات بس
يعني نفس السبب ممكن يكون دافع عند الولاد

نورتني
وأتمني أشوفك دايما

Mirage said...

وراء كل عظيم امرأة ده مثل اخترعته ست ماكانتش لاقية حاجة تعملها غير ان هى تقف ورا جوزها

:)

Fantasia said...

Behind every great woman.. herself. That's it. A woman is much better off without a man in her life. When a husband dies, his widow discovers the hidden powers inside her, and when she uses these powers her achievements can be even more than a man's.
Women only need to believe in themselves and their abilities. Once they do so, the sky is the limit. But our society keeps putting heavey loads on women to prevent them from achieving what they can. Our role (I mean females) is to remove those obstacles and aim towards having an active role in society.
Thanks for the excellent post.

Egyptiana Trapped Soul said...

لن يكون من العدل ان نعمم
فاحيانا وراء امراة عظيمة رجل

اوافق على جميع الاراء هنا
ان ظروف النساء صعبة... وان المتميزة منهن يتم محاربتها عشان تطهق وتضايقها حتى تستسلم

نعم وراء كل امراءه عظيمة حب فاشل يجعلها تدفن نفسها فى ما تحب فيكون كاجمل ما يكون

نعم وراء كل امراة عظيمة عزيمة وقوة وتصميم

ولكن هناك فى بعض الحالات يكون وراء المراة العظيمة رجل

قد يكون اب
او معلم
او اخ
او زوج
يؤمن بها... وبقدرتها على التميز

وفى تلك المساحة الصغيرة احب ان اشكر ابى على الرغم من كل شئ لانه سبب اساسى فى تميزى وتنمية عقلى

تحياتى على البوست الجميل

R.O.U.R.O.U. said...

wara2 koul set 3azema fe ba3ed 2l 2a7yan 2l 7ob.....3arfa 2nou kalam 3'areb shewaya bs ana asdy 2naha lama te7b 7aga 7atenga7 fiha we tekbarha,3ashan hiya bet7b weladha bteshta3'al 3ashanhoum 3ashan teshofhoum 2a7san 2l nas.....ya3ni dih weghet nazary .........

Anonymous said...

انت ليه كل مواضيعك
عن المرآه..............
ده مجرد سؤال
شكرا

طهقان said...

يا عزيزي

المقولة في أصلها
" وراء كل رجل عظيم ..أمراة ....تشده للخلف"

Anonymous said...

زي ماقالت ايجيبت روز يابيشوي وراء كل ست عظيمه اراده قويه من حديد مايقدرش حد انه يهزها و لو حتي جت عاصفه او اي انتقادات تلاقيها بتقوم و لا كأن مسها حاجه
بجد بحترم اوي الستات اللي بتكون شايله البيت و بتربي عيالها و مفيش وراها لا ورث و لا يحزنون

اشكرك علي البوست الجميل دايما كده كلامك عميق و حساس

:))

The Alien said...

mirage

نظرية
لإن فعلا عندنا ستات مع اﻷسف مش بتعمل حاجة غير إنها تقف ورا جوزها
بس دا ميمنعش إن ليها دور

نورتني

************************************
Fantasia

فعلا قوتها بتبان لما بتتحط ف موقف تشيل فيه المسؤلية
ساعتها بس بتعرف قدراتها الحقيقية

منوراني دايما

************************************
miss egyptiana

أنا عارف إن التعميم مش سليم ف الحالة دي
وأكيد فيه ستات كتير كان لرجل دور ف نجاحهم
أنا بس بركز علي الستات اللي فعلا مطحونين ولوحدهم
ومع ذلك مكملين وناجحين
الفكرة إن البنت تؤمن إن قدراتها تقدر تخليها تنجح
وإنها مش لازم تعتمد علي حد

إنتي بجد انسانة مثقفة مميزة
ومن الناس اللي فعلا بعتز بكلامك وأفكارك
وجميل إنك تعترفي بفضل والدك عليكي

نورتيني

The Alien said...

rourou

أكيد مينفعش أنجح ف حاجة غير عشان بحبها

نورتيني

**************************************
بنوتة شقية

أقلك ليه أنا بكتب عن المرأة
عشان المرأة عندنا مظلومة
مظلومة من المجتمع والقانون
عشان نفسي أعيش ف مجتمع محترم
كل فرد فيه انسان قبل ما يكون راجل أو ست
نفسي البنات تفهم وتفوق عشان عمر ما الدنيا هتتعدل غير لما البنات تخرج من الضلمة اللي هما عايشين فيها

أنا زمان كان نفسي أجيب بنوتة
بس أنا عارف إني هظلمها
عشان كدا نفسي الحال يتصلح
عشان منظلمش اﻷجيال اللي جايه

علي فكرة
أنا بكتب ف كل حاجة مش عن المرأة بس

نورتيني

The Alien said...

طهقان

طبعا لازم تقول كدا
بس بزمتك من غير طهقانة كانت الدنيا هتبقي حلوة؟
يمكن هي ساعات بتشدك لورا .. بس دا لما بتشطح لقدام
يعني هي بتلعب دور المنظم ف حياتك

منور ياكبير

**************************************
أجندا حمرا

لازم تكون إرادة من حديد
عشان تواجه كل المعوقات اللي قدامها لازم تكون من حديد
المشكلة إن المجتمع كله بيحاول يقنعها إنها ضعيفة ومش هتقدر تنجح وتكمل
عشان كدا بنقدر جدا كل ست ناجحة

نورتيني

واحد من الناس said...

السلام عليكم

شكرا على ردك فى بوست ميدوسا

وبما انك دعتنى انى اكون متواجد اسمحلى اختار لنفسى اسم و اهو مجهول برضه

البوست المره دى مش عارف اكتب فيه حاجه ايه السبب مش عارف

لكن حبيت انقل كلام العظماء عن المرأه

هنا سأستعرض معكم بعض آراء عظماء التاريخ من خلال آرائهم في المرأة من حيث أهميتها في تكوين المجتمع أو حتى الكون. لكل منهم نظرته الخاصة في النظر إلى هذه القضية وذلك بإختلاف دياناتهم أو حتى معتقداتهم. عموماً لن أطيل أكثر من هذا وإليكم هذه الآراء:

1 - يقول الله تعالى في محكم كتابه: ( هن لباس لكم وأنتم لباس لهم) ويقول أيضاً : (يا أيها الناس إنا خلقناكم من ذكر وأنثى وجعلناكم شعوبا وقبائل لتعارفوا).

2 - قال الرسول الكريم صلى الله عليه وآله وصحبه وسلم : ( المرأة والرجل جزءان من جسد واحد) و يقول أيضاً : ( الجنة تحت أقدام الأمهات ) و ( إنما النساء شقائق الرجال).

3 - قال الإمام علي كرم الله وجهه: (لا تهيجوا النساء بأذى وإن شتمن أعراضكم وسببن أمراءكم فأنهن ضعيفات القوى والأنفس والعقول) وقال أيضاً : (عقول النساء في جمالهن, وجمال الرجال في عقولهن).

4 - يقول عباس محمود العقاد وهو يتحدث عن الإمام علي بن أبي طالب كرم الله وجهه ورأيه في المرأة فيقول : ( شر كلها , وشر ما فيها أنه لا بد منه ).

5 - قال الزمخشري : ( أستعظم كيد النساء لأنه وإن كان في الرجال أيضاً إلا أن النساء ألطف كيداً وأنفذ حيلة ولهن في ذلك رفق).

6 - قال الشاعر طفيل الغنوي: ( إن النساء كأشجار نبتن معاً ,, هي المرار وبعض المر مأكولُ).

7 - قيل لسقراط: أي السباع أحسن؟ , فقال: المرأة.

8 - قالت العجفاء بنت علقمة السعدي : (كل فتاة بأبيها معجبة).

9 - قال المهاتما غاندي : ( عندما تعلم رجلا فإنك تعلم سخصا واحدا لكن عندما تعلم إمرأة كأنك تعلم أسرة بكاملها).

10 - قال اوسكار وايلد: ( خلقت المرأة ليحبها الرجل لا ليدرك سرها).

11 - كتبت أنا مرة : ( أجمل ما في المرأة, أنها لا تشبه الرجل) و ( أغبى الأغبياء , من يرى أن المرأة مجرد جسد ويتناسى بأن لها قلبا تكمن روعتها فيه) و ( المرأة لا تستحق أن تكتب فيها قصيدة لكنها تستحق أن يكتبها الشعر قصيدة حب خالدة على مر التاريخ).

12 - قال أحدهم ( لأني لا أعرف قائل هذه المقولة أهو سقراط أو ستندال) : المرأة كالعشب الناعم ينحني أمام النسيم وينكسر أمام الإعصار.

ملاحظة: وضع أرائي الخاصة مع هؤلاء العظماء لا أقصد من وراءه بأني أصبحت أحدهم فمازلت صغيراً كي أصبح بينهم.

وفي النهاية أترك لكم أن تبدوا آرائكم فيما قرأتموه أو حتى أن تشاركوا بوضع أرائكم الخاصة حول هذا الموضوع.

micheal said...

و الله كلامك مقنع يا بيشوي
:)
تحياتي لك

§a§a said...

بحلم said...

الاستاذ بحلم

يعنى دار أيى يا اخى وكلنا احرار فى الرأيى فياريت عندما تتحدث تحدث بأسلوب ارقى من كدا وجزاك الله خيرا

تحياتى

__________________

§a§a said...

يا فندم كونى مسلم لا اقصد بها شىء الا ان اسلام مثلا كفل حقوق المرأة بعد ان كانت فى عصر الجاهليه تهان فقام بتكفل حقوق المرأة حتى اناه خرجت للقتال

ولكن هذا نابعا من ان هذا العصر اساسا كان كله فضيله واخلاق ولم تقوم المرزاة مثلا بالتبرج

وانا عن نفس لو زوجتى هتعمل انا ارفض

دى حريتى يا فندم

جزاك الله خيرا

Egyptiana Trapped Soul said...

alein اشكرك يا عزيزى

على كلماتك الرقيقة، اخجلتم تواضعى.... وفى انتظار المزيد من الافكار والبوستات الهادفة

beroo said...

السلام عليكم
اولا دي اول زياره ليا لمدونتك وان شاء الله مش هتكون اخر زياره
ثانيا فعلا الستات فيهم نسبه كبيره مفيش حد من البشر وراهم لكن تلاقيهم دايما معاهم ربنا
بس تحياتي علي المدونه المدونه الجميله وياريت تشرفني بزيارتك
سلام
بيرو

The Alien said...

واحد من الناس

ياعم أهلا بيك بأي اسم

الآيات والأحاديث اللي إنت ذكرتها واضحة
ومعنديش عليها تعليق
أنا هتكلم عن بعض المقولات اللي إنت كتبتها

مش متفق مع مقولة الإمام علي
أنا ضد فكرة إن النساء يكونوا ضعيفات الأنفس والعقول
مش شايف إن فيه منطق ف إن انسان يكون ضعيف لمجرد إنه ست أو راجل
والمقولة التانية بتاعته مش واضحة
لإن تعريف الجمال نفسه بيختلف
يعني أنا بالنسبالي جمال المرأة ف عقلها

عباس محمود العقاد هو عدوا المرأة اﻷول
هو بيكلم عن المرأة من وجهة نظره
بس دايما بلاحظ إنه بيشرح الوضع الحالي للمرأة وبيعتبره نتيجة لكونها إمرأة
يعني يقلك طبيعة المرأة إنها بتحتاج للراجل دايما ف حياتها
ودي مش حقيقة .. دا واقع إحنا الرجالة اللي فرضناه عليهم

الزمخشري بيعترف إن الكيد موجود عند الرجالة والستات
بس بيقول إن كيد النساء ألطف وأنفذ حيلة
ودا بيأكد ذكاء النساء .. يعني حاجة حلوة

مقولة أوسكار وايلد غريبة
هل معناها إن المرأة مخلوقة لمتعة الرجل فقط؟
أنا متهيألي هو قصده إن الرجل صعب جدا يفهم المرأة
بس حتة إنها مخلوقة عشان يحبها دي مش عجباني

بالنسبة لكلامك إنت
متفق معاك إن المرأة لاتشبه الرجل
وأكيد فيه إختلافات مابينهم
بس دا مش معناه إن حد منه مميز عن التاني بشكل مطلق لمجرد كونه راجل أ, لمجرد كونها ست
ومعاك حق ف إن أغبي اﻷغبياء من يري المرأة مجرد جسد
بس المشكلة إن اﻷغلبية دلوقتي أغبياء


حلوة مشاركتك لينا بالكلمات دي
وأتمني كل الناس تقول رأيها فيها
نورتني
ومستني أشوفك دايما

The Alien said...

مايكل

شكرا لزيارتك
نورتني

*************************************
SaSa

أنا بس مكنتش فاهم إييه علاقة اللي إنت إتكلمت فيه بديانتك
ولو هنتكلم عن عمل المرأة
فدا أمر واقع ومتهيألي عدينا مرحلة التفكير ف إذا كانت الست المفروض تشتغل ولا ﻷ

إنت مش عايز مراتك تشتغل
أنا ف دماغي سببين
لو إنت شايف إن الست المفروض متشتغلش غير ف بيتها وإن دورها هو تربية اﻷطفال
ف أنا مش معاك ف دا خالص زي ما وضحت قبل كدا
لو إنت مش عايز ها تشتغل عشان خايف عليها
ودا طبعا بسبب اللي بيحصل لبناتنا ف الشوارع وف الشغل
ف متهيألي دي حاجة ترجعلها هي
بس انا مقدر خوفك عليها لإني عارف بناتنا بتعاني إزاي

نورتني

أنا حر said...

المرأة في حد ذاتها مجموعة من التحديات والاصرار والعزيمة علشان كده انا شايف ان حرام يتنسب اي نجاح ليها لحد غيرها
تحياتي

§a§a said...

The Alien said...


بشوى شكلى مش هعرف افهمك

ان شاء الله لينا لقاء اكيد قريب

هعرفك وجهه نظرى

تحياتى

Unknown said...

المرأه المصريه بجد مظلومه فى مجتمعنا رغم كل الى بيحصل و فعلاً المرأه الناجحه صعب تلاقى وراها رجل لان الراجل فى مجتمعنا تقريباً ضد نجاح المرأه على خط مستقيم سواء بشكل مباشر او غير مباشر


تحياتى يا صديقى على بوستاتك الى جميله جداً الى فاتت كلها والى فيها فعلاً تتطورررررر كبير و رائع

Unknown said...

المرأه المصريه بجد مظلومه فى مجتمعنا رغم كل الى بيحصل و فعلاً المرأه الناجحه صعب تلاقى وراها رجل لان الراجل فى مجتمعنا تقريباً ضد نجاح المرأه على خط مستقيم سواء بشكل مباشر او غير مباشر


تحياتى يا صديقى على بوستاتك الى جميله جداً الى فاتت كلها والى فيها فعلاً تتطورررررر كبير و رائع

The Alien said...

أنا حر

معاك حق
علي اﻷقل لما المرأة المصرية تنجح رغم كل الظروف
لازم ننسب النجاح ليها هي وبس

نورتني

**********************************
SaSa

خلاص ياسيدي
لما نتقابل نبقي نتكلم
أشوفك قريب
منورني دايما

**********************************
whyme

الرجل عندنا حتي بيرفض يعترف بنجاح المرأة
يعني مش كفاية طالع عنيها
ﻷ وكمان لما تنجح نحاول نبرر نجاحا بأي حاجة غير إننا نعترف ونقول إن فلانة ناجحة

فينك ياكبير من مدة
إختفيت وليك وحشة
أتمني نتقابل قريب
وشكرا علي كلامك الجميل

نورتني

known said...

UR ABSLUTLU RIGHT...NO ONE CARE ABOUT THE EVE RACE..WE LIVE IN A MALE SOCIETY

karkor said...

انا مش موافق
ده كلام اغاني.. عزيمة الانسان اضعف بكتير مما تتخيلوا
الانسان كله كيان ضعيف جدا .. هش قدام ازمة نفسية .. موقف صعب.. كلمة جارحة
انهي عزيمة دي تقدر تقف قدام ده كله
بطلوا غنا

karkor said...

لواحد من الناس
اخر قول انت كاتبه غلط
ينحني امام النسيم ولا ينكسر امام العاصفة
معلش ابقى ركز يا واحد من العظماء

karkor said...

ويعني ايه عقل المرأة في جمالها
يعني المرأة الوحشة مجنونة؟
صدقوني انا ماشفتش اعقل من الستات الوحشة فالشكل
مش كلام نصدقه ونقتنع بيه

karkor said...

ولا الاخ التاني اللي بيشبهلي النساء بالنمل
نمل يا عم
انت ترضى حد يقول على مامتك نملة؟
او مراتك نملة؟
نمل ايه ياعم غيت روحك

The Alien said...

karkor

بالراحة ياعم كركور
إنت ليه محسسني إنك داخل شمال ف الكل
عارف إن الكلام كتير بيكون غني
ومش أنا اللي بقول كلام ف الهوا
لو شفت الستات اللي بتكلم عنهم
لو عرفت الناس دي عايشة ومكملة إذاي كنت عرفت إنه بجد
أنا كان سؤالي هما مين وراهم
وأكيد مفيش حد
ناس بقي تقول عزيمة
ناس تقول دا أمر واقع والواحد بيتصرف
دا ميهمنيش
ف اﻷخر الناس دي طالع عينهم ومتعذبين بس ف اﻷخر مكملين وعايشين وشايلين وساكتين

نورتني

karkor said...

غريبة انك لسة مصمم ان مافيش حد وراهم
للدرجة مش فاهم؟ولا مش قادر تشوف ولا مش عايز تشوف؟
على فكرة عجبني جدا قبولك للاخر(انا يعني)ده معناه انك متفتح ومثقف.سعيد بمعرفتك
نفسي نفكر بالمنطق والعقل بدل الجري ورا الشعارات والوهم
متزعلش مني