Thursday 30 August 2007

بيكلم نفسه

قال واحد بيكلم نفسه
وإيه يعني؟
يعني هوه وﻻ هي بيكلموها من فرحتهم بدنيتهم
أهم ماشيين بيفكروا ف همومهم وحياتهم
سيبوا الناس ف حالها
حاجة جميلة إن الواحد لما ميلاقيش حد يكلمه ... يكلم نفسه
علي اﻷقل لسه بيلاقي حد يكلمه ويسمعله
الخوف لييجي يوم والواحد ميلاقيهاش علشان يكلمها

23 comments:

carol 2002 said...

الاجمل إن الواحد عندما لا يجد أحد يتكلم معه , أو حتى يسمعه

أن يتكلم مع الله
الوحيد الذى يسمعك دون ان تتكلم
و ينتظرك دائما لكى تتكلم معه
تحياتى

Reham Ragab said...

مهم جدا نبذل كل جهودنا علشان اليوم ده ميجيش! أنا شخصيا بتخانق مع نفسي ألف مرة في اليوم، باجي عليها وبتيجي عليا، وبنبهدل بعض، بس ضروري جدا بالليل نتصالح قبل منام، ونتحاسب على كل كبيرة وصغيرة..
لأن غضب النفس هو أقسى عقاب لأي شخص، ورضا النفس أحيانا كتيرة بيدي كل رضا اخر بالجزمة! وفي النهاية بيريح الضمير!

تحياتي
:)

Amr Ahmed said...

شكلك كاتب البوست ده

وانت ماشي تكلم نفسك في الشارع

كتاكييييييييييييييت

Unknown said...

كويس ان نفسك لسه بتسمعلك في ناس حتي نفسهم مش تايقاهم
بس يا تري بتكدب علي نفسك و لا ايه

micheal said...

بصراحه أنا بعمل كده كتييييييير
:)
مش أحسن ما أطق برضه؟
تحياتي لك و ابقي عدي علينا يا عم لحسن خدت عليك
:)

Tamer Nabil Moussa said...

بجد الواحد كتير مش بيجد غير نفسة ويتكلم معاها

ربنا يخليها لينا

ولانتحرم منها لااحسن تبقى نهاية

تحياتى

Mirage said...

انا بكلم نفسى كتير كييييييييييك

عادى يعنى

شىء طبيعى جدا

وكل الناس كده

وخصوصا لمااكون قاعد لوحدى

h said...

هاي صديقي

انا من زمان مردش هنا ,وانا عارف ظروفي واشكرك على دعمك ليا وانا باعتز بوجودك جنبي كمان في الاوقات الصعبة

انا دايما بافتح مدونتك وباكلمها من غير ما اكتب حاجة بس لاني مش قادرة اكتب والصراحة
طول الوقت وانا باكلم نفسي وباستعيد كل الذاكرة المخزنة اللي باقراها بالانترنت واللي باسمعها من الناس لما باكون لوحدي
بس الحياة مش بسيبنا نعيش من غير منكلم نفسنا

مرسي على البوست وعلى وقوفك جنبي

روز

H. M. H. said...

"الخوف لييجي يوم والواحد ميلاقيهاش علشان يكلمها"
سطر جميل جداً عن أشد مخاوف الإنسانية توحشاً. الخوف من اغتراب الذات. ماذا سيحدث عندما أجد أن أنا قد صارت "أخرى"؟! ماذا يبقى في الوجود إن اغترب الإنسان عن ذاته؟..
كلمات بسيطة جميلة..
شُكراً لك..

The Alien said...

carol 2002

شكرا علي كلامك
نورتيني

*************************************
ريهام

جميل إنك تكلميها عشان تتصالحوا
وفعلا .. الرضا بيريح كتير

نورتيني

*************************************
عمر

ههههههههههههه
فينك ياواد من زمان
أتمني أشوفك قريب

نورتني

The Alien said...

emy

أنا معنديش غير نفسي أكلمها بصراحة
عشان حاجات كتير جواي بس ومش بتطلع لحد
ولو الواحد مش صريح مع نفسه مش هيكون صريح مع حد

نورتيني
وأتمني أشوفك دايما

**************************************
مايكل

كلنا بنعمل كدا

بزورك دايما يامعلم
نورتني

*************************************
tamer nabil

فعلا .. يوم ما متلاقيهاش هتبقي دي النهاية

نورتني

The Alien said...

mirage

عادي جدا
حتي وإنت بتكلمها وسط الناس وبصوت عالي
برضه عادي

نورتني

************************************
rose

أنا سعيد جدا إني عرفتك
وبجد أنا وكتير غيري وقفنا جنبك عشان حاسين ومقدرين قوتك ورغبتك

أتمنالك كل سعادة
وأتمني تفضلي تزوريني
وياريت تكتبي وتطمنينا عليكي

نورتيني ياجميل

***********************************
h.m.h

اليوم دا هو النهاية
يوم ما فعلا متلاقيش نفسك ولا تعرف تكلمها

مبسوط بزيارتك
وأتمني أشوفك دايما
نورتني

Rushdy Kamel said...

انا شايف ان الطبيعي ان الانسان يكلم نفسه في سره
الغريب انه يكلم نفسه بصوت عالي مع ان ده مبقاش غريب اليومين دول انا بشوف ناس كتير كدة
الاغرب والاخطر انه ميكلمش نفسه يمكن علشان مش بيلاقيها !!

بس اهم حاجة ان الواحد يكلم نفسه مش يحاسبها بقسوة او يحتقرها

تحياتي يا صديقي

Anonymous said...

انا مش لاقيه غير نفسي علشان اكلمها

The Terminator said...

هاي يا ولد
عامل اييييش؟

على فكرة انك تكلم نفسك ده مش جنون ولا حاجة دي حاجة مهمة جداً ..

الفرق بس انت بتعمل ده قدام الناس ولا لوحدك ودي مش فارقة ..

بالنسبة لي الموضوع ده مهم لأنه شوية بيعلمني أوزن الكلام قبل ما أنطقه لأني بسمع نفسي وأنا باقوله قبل ماقوله لحد ..

كمان ده بيساعدنا نواجه نفسنا بغلط احنا عملناه وده يخلينا أقوى ويوصلنا اننا نكون شوية أسوياء

كلماتك بسيطة بس بتقول أفكار كتيرة
تحياتي يا ولة

MONDAHESH said...

انا مابكلمش غير نفسي اصلا

:))

لا ويا سلام لو فايق بقي وافضل اقولها في نكت

ونمشي مهيسين مع بعض

mariam said...

تعرف انى بكلم نفسى كتيير جدا
بس ايه يعنى انا بكون مبسوطه كده

على الأقل اتكلم مع حد يفهمنى
مش احسن ما اتجنن

Mirage said...

طيب انجز

عايزين البوست اللى بعده

The Alien said...

big code

صدقني حتي لما يكلمها بصوت عالي فد طبيعي
اللي إحنا فيه يخلينا نعمل أكتر من كدا

نورتني

*************************************
anonymous

ومين سمعك

************************************
the terminator

وأدي فايدة تانية إن الواحد يكلم نفسه
تسمع الكلام قبل ما تقوله
بس الفايدة اﻷكبر لما تكلمها بجد
تكلمها وتقلها اللي مش بتقوله لحد

نورتني

The Alien said...

mondahesh

دي أحل حد تهيس معاه
ولو مش هتهيس مع نفسك مش هتعرف تهيس مع حد

نورتني

**********************************
مريم

فعلا الواحد لما بيتكلم مع نفسه بيتبسط
أنا بحس براحة

منوراني دايما

***********************************
mirage

صدقني كل الكلام اللي ف دماغي مينفعش يطلع
مش بقوله غير لنفسي
عشان كدا مكتبتش جديد

نورتني

Anonymous said...

فعلا عزيزي
the alien

الواحد لما بيفيض بيه من الناس بيقعد يكلم نفسه و المصيبه الناس بتفتكرنا مجانين مع اني بحس انها لحظه جميله جدا لما بقعد مع نفسي و اتكلم وياها
عشان كده اتعلمت مايهمنيش و ايه يعني لما اتكلم مع نفسي خاللي الناس تقول مجنونه ماهما حيتكلموا كده كده صح؟

An Author said...

انا بكلم نفسى بكل بساطة عشان مش لاقية حد اكلمه
و عشان كلامى لو اتكلمت محدش بيحبه ولا بيفهمه
انتحر يعنى ولا ايه ،بكلم نفسى وخلاص
:)

The Alien said...

أجندا حمرا

علي رأيك
وبعدين لقب مجانين دا إحنا أخدناه من زمان
يعني مش هو اللي هيفرق معانا

نورتيني ياجميل

**********************************
جيداء

لا يابنتي كلمي نفسك
إنتحار إيه وبتاع إيه
طول ما معاكي نفسك كلميها
هي أحلي حد ممكن يسمعلك ويحب اللي بتقوليه

مبسوط بزيارتك وأتمني أشوفك هنا دايما
نورتيني