Thursday, 6 December 2007

إنتصار

هزيمة هوجو شافيز ف الإستفتاء اللي فات أنا بعتبرها إنتصار ... شافيز فشل في تمرير التعديلات الدستورية اللي كان إقترحها ... الشعب الفنزويلي إنتصر ورفض إن بلده تتحول لنظام ديكتاتوري يسمح بإن رئيس يحكم لعدد مفتوح من الدورات ... الشعب رفض التعديلات رغم شعبية شافيز الطاغية ف فنزويلا ... ودا الجميل ف الموضوع بالإضافة طبعا لوجود إستفتاء بجد وظهور النتيجة ضد الرئيس وإعترافه بيها وبالهزيمة.

أنا إتبسطت جدا لما عرفت الخبر ... حسيت إنه لسه فيه ناس جدعان بيحبوا بلدهم وعارفين مصلحتهم وبيقولوا ﻷ

16 comments:

karkor said...

الشعب هو الباقي حي
هو اللي كان هو اللي جي
طوفان شديد
لكن رشيد
يقدر يعيد
صنع الحياة

نجم

Innocent said...

دي شعوب فايقة مش متخدرة
شعوب ماشية لقدام مش لورا
...

ما عادش ليّ نفس اقول حاجة
تحياتي

Fantasia said...

eih ya 3am elnashat da koloh!.. ana mesh la72a a3ala2 :))
so happy that you revived your blog and very pleased with the wonderful subjects you tackle.
i hope we learn a lesson from venezuela.. we should, as a matter of fact believe that no ruler, however powerful he is, or however popular he is, can manipulate the future of the people..
ya3ni eih this ruler did so and so and so, so ya citizen 7'ally 3andokom dam and vote for what he wants?? does this happen in any part of the world except egypt? 3omry ma shoft 7okooma tezel elsha3b b el7'adamat elli bte3melhaloh.. omal el7okooma w el7akem sho3'lethom eih? do they have any other business to do?
we must learn a lesson from what happened in venezuela..
or maybe we won't because they are communists and athiests!!
or maybe we won't because those people voted against chavez our friend, who publicly attacked israeli practices during its attack on lebanon.
or maybe we won't because we respect our rulers and obey them, even if this is against what's good for our country. elmohem ta3et wali el2amr bardo.
ah ya dma3'y.. 3amak innocent 2alha 7ekmah:
دي شعوب فايقة مش متخدرة
شعوب ماشية لقدام مش لورا
ah ya sha3b mashy b el3aks,
ya 7'ibet 2amaly, ya sabab elya2s!

smraa alnil said...

انت يا عم بيشوي
انت انبسطت وانا اتنكدت

وعلي راي مدون شاعر زميلنا
قال كلمة في الجوون

قال
عادي بقي

The Alien said...

karkor

الشعب
هو دا الكلام
بس فين شعبنا؟

منورني

************************************
innocent

ما إنت قلت أهو ياعم
ومافيش كلام يتقال أكتر من كدا

منورني دايما

The Alien said...

fantasia

شفتي بقي .. نشاط أنا مشفتوش قبل كدا
لما الواحد بيهدي ويصفي مع شوية عوامل مساعدة الواحد بيشوف الدنيا بشكل مختلف

ياريت نتعلم
وزي ماقلتي .. مش معني إنه عمل حاجات حلوة إنه يقعد طول عمره
اللي عنده يقدر يقدمه ف كام سنة
بعد كدا نجيب حد تاني يقدم حاجة جديدة

والله حاجة تحزن
لما نرفض اللي حصل عندهم عشان هما إشتراكيين أو ملحدين أو عشان إحنا بنطيع الحكام بتوعنا

دي شعوب فايقة مش متخدرة
شعوب ماشية لقدام مش لورا
ah ya sha3b mashy b el3aks,
ya 7'ibet 2amaly, ya sabab elya2s!
دا شعب ماشي مش شايفله طريق
وهيفضل ماشي لحد مايموت غريق

شكرا ياجميل علي تعليقك الجميل
منوراني دايما

*********************************
سمرا الجميلة

أنا إتبسطت طبعا
وإتبسطت لما شفت تعليقك
أصل بقالي كتير مشفتكيش هنا

هو فعلا الموضوع ينكد
لما نقارن يبقي لازم نتنكد
بس أنا بما إني بحاول أتبسط اليومين دول
فقررت أتبسط ليهم بدل ما أحزن علينا

منوراني وأتمني أشوفك قريب

شادي فايد said...

المفروض تزعل لانك اكتشفت اننا بس المغفلين

micheal said...

ماشي يا عم بس برضه أنا بحب هوجو شافيز و بحترمه جدا لانه اخر المحترمين مع كاسترو و أحمدي نجاد و حسن نصر الله و كيم إيل يونج رغم عيوبه في كوريا الشماليه
تحياتي

اجندا حمرا said...

ساعات كتيره بقول ايه اللي يفرقنا عن الشعوب اللي زي فنيزويلا اللي بتقدر تقول لأ في الانتخابات و مابيجرالهاش حاجه و مش خايفه؟
تحياتي علي موضوعك المميز

على باب الله said...

واحد صاحبي كان سافر دولة أوروبية
و لما رجع سألته أيه الأخبار هناك

قال لي بص : هما ماشيين كده
و شاور ناحية اليمين

و إحنا ماشيين كده
و شاور ناحية الشمال

--

هو ده الوضع بكل بساطة

The Alien said...

شادي فايد

عارف بس أنا مش عايز أزعل وأتدايق اليومين دول
فقلت أفرحلهم بدل ما أزعلنا

منورني

***************************************
مايكل

أنا مش بحبه
لإني مينفعش أحب حد بيطمع ف السلطة وبيقول إنه مستعد يفضل رئيس لخمسين سنة جايين
مش عارف دا يبقي اسمه إيه

كاسترو ديكتاتور
واحد بقاله 50 سنة ف الحكم يبقي أحبه أو أحترمه ليه؟

أحمد نجاد عبارة عن ديكور ملوش لزمة
يعني مش دا اللي ينفع يتحب أو يحترم

حسن نصر الله خاين
اللي يبهدل بلده وإنتمائه يكون لناس تانية يبقي خاين

كيم إيل يونج هو كمان ديكتاتور
واحد مسك 14 سنة ولما مات مسك إبنه وإبنه ناوي يمسك إبنه
واللي بيحصل ف كوريا الشمالية مش حاجة تفرح

علي فكرة .. كل دا عبارة عن رأيي الشخصي
منورني دايما

The Alien said...

أجندا حمرا

أنا معرفش إيه السبب اللي عامل الفرق
بس اللي حصل هناك حاجة تفرح

منوراني دايما

****************************************
علي باب الله

هي دي الخلاصة
بس بدل يمين وشمال
أنا أفضل قدام وورا

منورني

mariam said...

غريبه قوى ان الشعب خذل الرئيس المؤمن شافيز
شعب معندوش دم
انا بنصح شافيز ياخد له شوية شعب من عندنا
بس يا ريت فى المقابل ناخد شويه من الشعب الفنزويلى

micheal said...

كلامك صح الي حد كبير بس لو ركزت شويتين حتلاقي أني مختار الشخصيات دي نكايه في أمريكا و اسرائيل
:)
بس بصراحه أكتر واحد بيعجبني فيهم أحمدي نجاد و الي حد كبير هوجو شافيز بس يبعد عن شطحات عبد الناصر السلطويه
:)
تحياتي

MerMaid said...

ازيك يا بيشوي

؟؟؟

يارب تكون كويس

الحقيقة انا مبحبش شافيز لانه لسانه طويل شوية

و حاسة ان النسبة دي مش مظبوطة

حاسة ان كتير قوي قالوا لأ

اكتر من 51 % بكتير


=============

بس ليه اصلا يعمل كدة؟؟من البداية ؟؟

شكله اتعدي من الحكام العرب

اشكرك

كنت عاوزة اعمل موضوع عنه بس خلاص

انت سبقتني

و قلت نفس الكلام

The Alien said...

مريم

ياريت يوافقوا علي الصفقة دي
متهيألي هو هيوافق
أصل مفيش أحلي من شعبنا عشان يحكمه

منوراني ياجميل

******************************
مايكل

كويس إنك إعترفت
بس متهيالي حتي لو إنت متغاظ من أمريكا وإسرائيل ف مش معني دا إنك تحب حكام منيلين بستين نيلة لمجرد إن صوتهم عالي وبيشتموا ف أمريكا وف اﻷخر مبيعملوش وميقدروش يعملوا حاجة

منورني

**************************************
mermail

هو معندوش غير لسان
بس الشعب هناك هيقطعهوله
وأنا كمان حاسس إن النسبة كانت اعلي من كدا
بس علي اﻷقل الموضوع متزورش

نورتيني