ياريت كل الناس زيه
راكب الميني باص الأخضر – اللي لسه مستواش – ... السواق لطيف جدا ومزاجه عالي ... مشغل أغاني لطيفة ... فايزة أحمد علي نجاة علي شادية وشوية عبد الحليم وفريد ... عامل جو لطيف ف العربية ساعدني كتير أنسي الزحمة وطول المسافة وضياع الوقت ... ركب شاب من اللي عاملين فيها شيوخ ... جلبية بيضة فوقيها شال وعلي راسه عمه ... دقن طويلة وسبحة ... هسه ولقيته ميل علي السواق ... بعدها علي طول نزل من العربية وهو متضايق ... بعدها السواق بدأ يزعق ويقول: أصله مينفعش كدا ... دي عربية مواصلات عامة ... كل الناس بتركبها ... يعني مينفعش أشغل لا قرآن ولا خطب ... أنا راجل بصوم وأصلي وأعرف ربنا ... لما أبقي ف البيت لوحدي أبقي أسمع اللي أنا عايزه ... مينفعش كل شوية يركب معاي واحد منهم يقولي شغل مش عارف إيه ... هو دا اللي فالحين فيه ... كل واحد عاملي فيها شيخ المشايخ وهو مش فاهم حاجة ... دي حاجة تحرق الدم.
موقف عجبني جدا من السواق ... هو لسه فيه ناس كدا؟ ... وأنا نازل ضحكتله وقلت : ياريت كل الناس زيه
5 comments:
تصدق أن السواق ده فاهم الدين بشكل أجمل و أحلي و أعمق من عم الشيخ اللي نزل زعلان ؟
صحيح السائق لم يأخذ رأي احد حين شغل الأغاني اللطيفة، لكن على الأقل من حق الراكب أن يعترض عليها. أما إن شغل قرأن أو أي هباب تاني، سيكون من الصعب على المتضرر أن يعترض.
علمنوا البلد
تحياتي
يا الين طب كنت جبلنا نمرة موبايل السواق ده
انا اعلنها من هنا كما اعلنتها على مدونتي
انا بحب الحكماء من عفاريت الاسفلت
هؤلاء العفاريت اكثر وعيا وانضف عقلا وانقى ضميرا من كل المزايدين اللي عملين نفسهم افندية ومستشيخين
انا لو كنت شوفت السواق ده كنت جبته يتكلم ف مؤتمر شعبي ورشحته رئيس نقابة سائقين النقل العام والخاص كمان
احيي الاستاذ انوسنت
واضم صوتي لصوته قبل ما حد من البعدا يجي يقولي اصلك خليعة وبتاعة اغاني
هي دي المشكلة. مفيش مراعاة لمشاعر الناس. فيه فرض للاسلام المظهري على الشعب المصري بكل فئاته
هو الشريط دا اللي هيخلي الناس تتدين؟ طب لو واحد حط شريط ترانيم, هيسيبوه؟ وهو الميني باص معمول للوعظ الديني ولا لتوصيل الناس؟ مش كفاية المترو واللي بيحصل فيه؟
موتوا بغيظكم يا نصارى
ايه يا روز ولا انت سوزانا اه ده انتي بتكتبي فانتازيا ايه يا ست هانم
ايهاب العرة عاملكوا ايه
وانت ياللي ركبت الميكروباص بقى دة اللي حصل يا كداب يا واطي
ربنا هيعمل فيكوا ايه اكتر من الجهل والهبل اللي انتوا فيه يا هبل
Post a Comment