Wednesday 5 March 2008

بعد الصلاة

عايز أحجز تذكرة لو سمحت
بعد الصلاة
هو المكتب مش شغال دلوقتي؟
الشبكة واقعة
طب هتتصلح إمتي؟
بعد الصلاة

ماهو يا تقولوا إن المكتب مش شغال ف وقت الصلاة
يا تتنيلوا تشوفوا شغلكوا ومتقرفوناش

4 comments:

MerMaid said...

المفروض فعلا يقولوا ان المكتب مش شغال في وقت الصلاة وده هيبقي اريح من انك تقف تستني
عادي يعني
المفروض يبقي معروف كدة

بس انت متضايق قوي كدة ليه؟
انت اول مرة تتعامل مع الحكومة ؟ولا مع موظفين؟؟
ده طبيعي
بس ميمنعش ان اي حد ممكن يستني لما يخلصوا صلاة وبعد كدة يكمل ورقه وحاجته

بس الافضل انهم يقولوا فعلا ان ده وقت صلاة ومش هيشتغل فيه لمدة عشر دقايق او ربع ساعة


تحياتي ليك يا بيشوي و متعصبش نفسك

على باب الله said...

أنا برضه كنت في البنك و حصل لي نفس الموقف

الشبكة دايما تقع في وقت الصلاة

يظهر هي كمان بتروح تصلي

; )

The Alien said...

mermaid

متضايق لإن الحركة دي بتحصل دايما
المفروض إن دا وقت شغل وبيتاخد عليه فلوس
يبقي الناس دي المفروض تشتغل

نورتيني

*************************************
علي باب الله

ماهي هي دي الردود اللي تنرفز
قال الشبكة واقعة وهتيجي بعد الصلاة!

منورني دايما

Ahmad Hegab said...

من حق اى واحد انه يصلى فى وقت عايزة و اى مكان بيكون فى وقت للصلاة !و بما ان دا مكان حيوى لازم يكون فى واحد باك-أب
المشكلة فى اللى رد عليك و استفزك