Saturday 5 April 2008

الإضراب والواقع

الواقع بيقول إنه لاهيبقي فيه إضراب ولا غيره
أنا نفسي أفهم مين منظم أم الإضراب دا
هو إضراب لعمال غزل المحلة .. ماشي ومفهومة
مين بقي اللي بيحاول يعمله إضراب عام ؟
جروب علي الفيس بوك !!!
ﻷ وإيه .. يقلك دا عدد أعضاء الجروب معدي الخمسين ألف
الناس دي هبلة ولا إيه؟ ميعرفوش مين مستخدمي الفيس بوك ف مصر!
وحتي لما دخل كام حزب علي كام حركة سياسية
الناس دي كلها معندهاش قدرة تحرك الشارع
ومش أنا لوحدي اللي عارف دا .. هما كمان عارفينه

ياجدعان إرحمونا وبلاش تهييس
مش قد حاجة متعملوهاش عشان بعدها شكلكوا هيبقي وحش قوي

7 comments:

إبـراهيم ... said...

معاااكـ جدًا ف ده يا بيشو ، ممممممم تخيل إني حلمت إني مش رايح الشغل عشان فيه إضراب، بجد حلم عجيييب !!، وقال كنت راكب ميكروباص ، قلت مش هركب أتوبيس عشان جده تبع الحكومة !!! ، بهيس ف الحلم
**********
ما علينا، يبقى إنتا يا مان اللي سألت عليه ف عمر ستور :)
أحب أطمنك إنه مش هيكون موجود إلا يوم حفل التوقيع، دي سياسة النـــاشـر
سأنتظرك يوميها


وتحياااااتي أكثر

Anonymous said...

كلمة اضراب بالنسبالى يعنى انى هاغيب من الشغل اللى اكتشفت ان كل اللى فيه مش جايين
فخلاص بقى
اقعد اكتب التقرير اللى مش عايز يخلص ده فى بيتنا

R.O.U.R.O.U. said...

2ed5oul fi medwanty wenta 7ate3raf ra2yii

Desert cat said...

معلشى هو الاضراب حركة ايجابية بس لو منتظمة فعلا ولوف يه اتحاد بالفعل
انما بالشكل ده لا هو محصل اضراب ولا لعب كورة حتى

The Alien said...

إبراهيم

هو كدا بالظبط
الإضراب دا أشبه بالحلم اللي مع اﻷسف مش هيتحقق المرادي

أشوفك الجمعة
نورتني

****************************************
وينكي

يعني إنتي مضربة بس مش بمزاجك
مفيش شغل يبقي إضراب طبيعي
أتمني تخلصي تقريرك علي خير

منوراني

***************************************
rourou

دخلت وقريته
وتقريبا إحنا متفقين

نورتيني

*************************************
desert cat

أكيد الإضراب حاجة إيجابية
بس اللي حاصل إن الناس ماشية بتتكلم ومش عارفين فيه إيه ولا إيه اللي هيحصل ولا المفروض يعملوا إيه
ودا اسمه تهريج

نورتيني

basma saghir said...

الناس اتلككت واخدت النهاردة اجازة..واساسا الجو كان منيل

كنت عارفة ومتأنكدة ان مفيش حاجة هتحصل بس برضو كان عندي امل..الظاهر اني لازم اخف من المرض ده بسرعة قبل ما افتكر انه ممكن تحصل مظاهرات ولا اضراب تاني بعد الشر علينا..وعن السامعين

وياريت وحياة ابوهم بلاش الحركات النص كم دي تاني..قال اضراب قال..ما نابنا غير شوية الامل الي طاروا وخلاص

The Alien said...

بيسوو

الناس أخدت أجازة عشان كانوا مش عارفين إيه اللي هيحصل فكانوا خايفين

هو محصلش إضراب .. اللي حصل قلق
بس فالمحلة الوضع مختلف

نورتيني