Wednesday 16 April 2008

إنتهاء عصر الغذاء الرخيص

الأمم المتحدة بتقول إن عصر الغذاء الرخيص إنتهي
واللي بيحصل ف مصر والعالم كله بيقول كدا
اللي بيحصل بيقول كمان ان الحل أصبح التضحية بالفقراء
يعني اﻷسعار هتفضل تزيد واﻷكل هيفضل يقل ويغلي
والنتيجة هتكون موت مجموعات من البشر اللي هما الفقرا
ناس كتير أكيد الكلام دا مش هيعجبهم
وصدقوني مش عاجبني أنا كمان بس هو دا الواقع
يعني دا مش نظرية ولا كلام ف الهوا
دي الحقيقة ودا اللي بيحصل وهيحصل
وأخيرا أقول:
سلملي علي نينه اللي مش هتقدر تصرف علينا

14 comments:

Anonymous said...

Good bye.. blue sky..

the problem is not (yet) because there isn't enough resources.. but rather because resources are not equally distributed..

And since human beings are never perfect.. we can't have communism without have some crazy dictators, thirsty for power that will take away every single right we have in order to "provide us with the food"..

At this point..that's what I think is the reality of things.. but I might think differently tommorrow :D

Tamer Nabil Moussa said...

فعلاا شىء يحزن

دلوقتى كل حاجة غالية

مفيش رخيص غير الانسان


تحياتى

The Alien said...

bassam

توزيع الثروة موضوع معقد
يعني عندك مصر من أوائل الدول في تقسيم الثروات
عشان التروة بتتقسم علي حسب المشاركة ف الإنتاج
وهتلاقي ف مصر أكتر من نص الناس مش بتشتغل
هتلاقي واحد بيصرف علي أسرة من 4 أو 5 أفراد
أغلب البنات مش بتشتغل
دا غير الكبار واﻷطفال والعاطلين من الشباب

الإنسانية فعلا مش قادرة توصل لشكل يفيد الكل
وأنا معتقدش إنها هتوصل
رغم إن الحل الوحيد هو التعاون

نورتني

***********************************
تامر نبيل

كل حاجة غالية وهتغلي
وإحنا وكروت الشحن بس اللي بنرخص

نورتني

MONDAHESH said...

اعترض علي حاجة بس في تعليقك

انت بتقول البنات مش اغلبهم بيشتغل

مع ان البنات دلوقتي فرص العمل متوفرة ليهم اكتر من الولاد

لكن عن الوضع انت واصفه صح قوي

بس انا شايف ان في ناس تانية هتموت مش من الجوع

من الاكتئاب واللا مبالاة اللي الشعب عايش فيها

تحياتي

Samir Saad said...

هو: يارب ارفع البلا وزيح الغلا
إنا: أهو دا الرب وإلا فلا

تحياتي

على باب الله said...

Good bye.. blue sky..
في صحة الجوع .. و الفقر .. و شياطين أخري

( مع الإعتذار لعم ماركيز )

---

Anonymous said...

صديقي العزيز بيشوي

فينك من زمان ياجميل؟طولت الغيبه
حمدلله علي سلامتك و يارب تكون بخير

شوف ياجميل انا لسه قاريه في الدستور كانوا بيتكلموا مع تاجر الحمير اللي كان بيبيع اللحمه ديه و قال ان العمليه فل و طالما الناس مااشتاكتش يبقي فين المشكله و حضرته اضاف كمان ان مسؤول من وزاره الصحه قال ان لحمه الحمير لذيذه طب بذمتك لما واحد مسؤول يقول كده حيعوزوا تشجيع اكتر من كده ايه
ده خلصوا علي لحمه الحمير الصاحيه و راحو علي الحمير الميته و بيبيعوها كمان

اسكت يابيشوي خالينا ساكتين داحنا حنشوف ايام
:(

تحياتي ليك ياجميل

مُزمُز said...

الشعب لابد أن يكون فقيرا
الفقراء يدخلون الجنة

The Alien said...

mondahesh

حتي لو إفترضنا إن فيه فرص عمل للبنات
المجتمع نفسه بيرفض عمل البنت
سيبك من القاهرة .. إطلع بعيد عنها هتلاقي الوضع مختلف تماما .. خصوصا ف الصعيد

اللي هيموتوا من الإكتئاب دول ضحية التركيبة المنيلة بستين نيلة اللي إحنا عايشينها واللي مش مخليه حد يقدر يعمل حاجة من كتر تعقيدها

أتمني متكونش من اللي هيموتوا بالإكتئاب
الموت جوعا أسهل
نورتني

*************************************
the innocent

فينك ياعم .. ليك وحشه بجد
أدينا رافعين إيدينا
وشكلنا هنفضل رافعينها كتير

نورتني

The Alien said...

علي باب الله

وف صحتك وصحتي وصحت الفقرا

منورني دايما

**************************************
أجندا حمرا

أهو موضوع الحمير دا في منتهي الواقعية
الراجل شايف إنه بيساعد الفقرا وبيأكلهم لحمة
والفقرا هما اللي وحشين ومش عايزين ياكلوا
قال إيه لحمة الحمير وحشة
طب موتوا من الجوع

منوراني دايما ياجميل

************************************
مزمز

الشعب لابد أن يكون فقيرا
ولابد أن يموت من الجوع
ثم يدخل الجنة

نورتني

micheal said...

و الله كلامنك صح...إحنا في عصر معاك قرش تسوي...ما معكش تأخذ بالجزمه
تحياتي

The Alien said...

micheal

معاك قرش تسوي
مش معاك تاخد بالجزمة وتموت م الجوع وتدخل الجنة

نورتني

Christa said...

ربنا يرحمنا

The Alien said...

أدينا مستنيين

مبسوط بالزيارة
وأتمني تتكرر