Thursday 22 May 2008

أسئلة

أنا هبدأ أجازة 3 تيام .. وكالعادة أنا ف اﻷجازات مش بقرب من أي كمبيوتر .. فقلت أسيبلكوا شوية اﻷسئلة دي تفكروا فيها عبال ما أرجع .. فكروا كويس وجاوبوا ليكوا إنتوا مش لحد تاني.

ليه الناس لغاية النهاردة بتؤمن بالعفاريت والسحر وتفسير اﻷحلام؟
ليه الناس هنا مصدقين إن الملحد عارف كل الحقيقة وبيعاند؟
ليه أول 500 جامعة مفيهمش واحدة ف أي دولة عربية؟
ليه الحضارة الوحيدة اللي بتتبع دين هي الحضارة الإسلامية؟
ليه ناس كتير مصدقين ف اﻷبراج وفاكرين إنها علم؟
ليه الناس مصرين يربطوا بين الأخلاق والدين؟
ليه وف مصلحة مين الربط بين العلمانية والإلحاد؟
ليه بيتكلموا عن الإصلاح السياسي والإقتصادي ومش الإصلاح الديني؟
ليه قاصدين يبوظوا معاني الكلمات زي الليبرالية، العلمانية وحقوق المرأة؟

5 comments:

Anonymous said...

تروح و ترجعلنا بسلامه يابيشو و يارب تستمتع بالاجازه و لو انك حتوحشنا لكن الاجازه مفيش استغناء عنها

بخصوص الأسئله

اول واحد ليه الناس بتؤمن بالعفاريت و ماشابه عشان الناس دايما يابيشو بتحب تؤمن بحاجه حاجه تحسسها بالامان

تاني سؤال ليه الناس مصدقين ان الملحد عارف كل الحقيقه و بيعاند عشان هما عايزين يصدقوا ده اي حد بيختلف مع فئه معينه يبتدي يقولك الفئه دي عارفه الحقيقه و بتكابر و بتعاند

تالت سؤال يابيشو مفيش اي جامعه عربيه بين الخمسميت جامعه الاولانيين عشان الجامعات عندنا للأسف تحولت من منابر للعلم لمنابر لجمع الفلوس و فقدت مصداقيتها

كفايه لحد كده و ححاول ارجع اكمل بقيه الأسئله في وقت تاني ماشي ياجميل
اجازه سعيده انشاء الله و ترجعلنا بسلامه
تحياتي ياقمر

Dr. Eyad Harfoush said...

صديقي آلين

هاك بعض الاجابات و لو ان اسئلتك الذكية تحتاج الى بوست كامل للرد عليها

ليه الناس لغاية النهاردة بتؤمن بالعفاريت والسحر وتفسير اﻷحلام؟
لأن تخدير العقل أسهل من تشغيله، و لان العلم محدد و الوهم واسع فضفاض يحتمل الكثير من الوجوه

ليه الناس هنا مصدقين إن الملحد عارف كل الحقيقة وبيعاند؟
لأن التفسير التقليدي لآية الشهادة بالوهية الله يقول ان كل منا قبل مولده قد رأى الله و شهد أنه ربه، بينما الحقيقة ان الاية تتحدث عن الانبياء الذين خلقهم الله ممن ظهور بني ادم

ليه أول 500 جامعة مفيهمش واحدة ف أي دولة عربية؟
لأن العلم قرينه الوعي، و الوعي بضاعة غير مرغوبة في العرف الديكتاتوري

ليه الحضارة الوحيدة اللي بتتبع دين هي الحضارة الإسلامية؟
المسيحية مرت بهذه المرحلة و البوذية كذلك

ليه ناس كتير مصدقين ف اﻷبراج وفاكرين إنها علم؟
لعجزهم عن ادراك الحقائق يتناولون حشيشة الأوهام

ليه الناس مصرين يربطوا بين الأخلاق والدين؟
لأن الصورة التقليدية لغير المتدين انه انسان قرر الهروب من الدين ليعيش على هواه، و هي باطلة تماما، فلا علاقة للمعتقد بالسلوك

ليه وف مصلحة مين الربط بين العلمانية والإلحاد؟
لمصلحة حزب الحكم للمتأسلمين بالحق الالهي، لتنفير الناس من مذهب حضاري يسع الجميع هو العلمانية

ليه بيتكلموا عن الإصلاح السياسي والإقتصادي ومش الإصلاح الديني؟
لأنهم أجبن و أعجز من الكلام عنه

ليه قاصدين يبوظوا معاني الكلمات زي الليبرالية، العلمانية وحقوق المرأة؟
حتى نظل من الشعوب المركوبة و المنكوبة و الراضية بسكنى الحظيرة على رأي نزار قباني رحمه الله

تحياتي و تقديري

سمراء said...

عندي اجابة واحدة على كل الاسئلة
علشان الديانات اتحشرت في كل حاجة زي البصل محشور في كل اكلة

اعتقد ان الاعتناق الديني هو يعبر عن
العلاقة بين الانسان والله و التي تمدة بطاقة الحب والتسامح بينة وبين باقي البشر
وليس لها علاقة بالتنظيم البشري والسياسي والتعليمي ...............الخ
تحياتي
سمراء

Unknown said...

اجازه سعيده و ترجع كتب تاني بسرعه

الناس عندها الدين تابو و بتغطي بيه اي حاجه

و الخرافات عندنا منتشره بسبب الجهل و التخلف الي عندنا و ده طبعآ اين اننا مش من افضل 500 جامعه

العلمانيه و الدوله المدنيه و الليبراليه و حقوق المرأه دول في ناس مش من مصلحتها تعريفهم صح علشان يفضلوا مسيطرين علي عقول الناس بأسم الدين

تحياتي

Samir Saad said...

علشان بنخاف، بنخاف من بكرة، بنخاف من المواجهة، بنخاف من المجهول.