Monday, 9 June 2008

لبنان .. اللي حصل واللي لسه هيحصل

من زمان وأنا بحب لبنان .. بالنسبالي هي رمز للجمال .. بحس إنها جميلة ف وسط منطقة تفتقد الجمال .. عشان كدا زعلان عليها وعلي اللي حصل فيها ولسه هيحصل. لبنان مفيهاش ديمقراطية زي م الناس فاكرة .. التقسيم الغريب اللي عاملينه ف لبنان للحكم هو أبعد ما يكون عن الديمقراطية .. فين الديمقراطية ف إن الرئيس لازم يكون مسيحي؟ ورئيس الوزراء يكون مسلم سني؟ تقسيم غريب ومينفعش. الديمقراطية متعرفش لا دين ولا لون ولا جنس .. الديمقراطية حرية .. ومع الأسف الحرية مش موجودة.

طول ما التقسيم دا موجود ف لبنان، الصراع هيستمر وعمره ما هينتهي .. يعني اللي حصل زمان ومن كام شهر هيحصل تاني .. لإن الصراع عمره ما هينتهي طول ماهو علي أساس ديني.

10 comments:

قلب يحترق said...

ايه حكاية اول تعليق النهاردة دي

أول تعليق عندك و عند مايكل

لأ بقي الحكاية في سر

ما علينا

خلينا في البوست الحلو ده

اكيد انت عارف ان اللي حصل ده مش علشان الاوضاع تهدي ولا نيلا

كله لعب و تمثيليات

خلاص انا مبقتش اصدق حاجة

عاتشي يعني

وبعدين كل اللي احنا فيه بيتكرر و هيتكرر و مش عارفين هنوصل لحد فين

ولا عارفين و عاملين نفسنا مش واخدين بالنا

بس تصدق انا كان عندي تصور معين

بس بعد ما قريت رواية يوتوبيا ممكن فعلا الوضاع تتعكس و تاخد مجري تاني

بس في كل الحالات الشعوب الغلبانة هي اللي هتروح فيها

الديموقراطية و الكلام الكبير ده تقراه في الكتب

تسمع عنه في بلاد غير بلادنا

تحلم بيه

ماشي

انما تصدقه عندنا

اوعي

عشان متتعبش

واحد مش فاهم حاجة said...

ماهو لو جيت بصيت على طبيعة لبنان

هاتلاقى ان الوضع ميمشيش غير كدة

زى ماحنا كمصريين مينفعش نعيش غير مظلومين

The Alien said...

قلب يحترق

فينك من زمان؟
مبسوط جدا برجوعك وتعليقك

إحنا فعلا أبعد ما نكون عن الديمقراطية
إحنا منطقة الديكتاتورية ف العالم
ومعاكي حق .. الي عايز يحلم .. يحلم بعيد عن هنا

نورتيني

************************************
واحد مش فاهم حاجة

يبقي الوضع هيفضل كدا
هنفضل متخلفين عن العالم كله

نورتني

اجندا حمرا said...

انا متفقه معاك يابيشو في اللي بتقوله
مسيحي مسلم مش كلهم بيحبوا البلد و خايفين عليها؟يبقي ليه التقسيم اللي بيعمل فرقه؟
طول مافيه تفرقه علي اساس الدين صدقني الصراع حيفضل موجود

تحياتي ليك علي اثاره الموضوع الهام ده

Heart Beat said...

انا اؤمن ان المنطقة العربية ككل بعيدة عن اي ديموقراطية

و في الحديث عن لبنان كمثال على ذلك

بالفعل التقسيمات الموجودة لديهم للحكم تقسيمات غريبة جدا

سواء الرئيس كان مسلم و لا مسيحي اعتقد ان اهم شيء بيكون مصلحة البلد

حصر الرئاسة و رئاسة الوزراء في قالب ديني لا يمت بصلة للحكم هايؤدي للنتائج اللي اتعرض لها لبنان

الحروب الاهلية و الصراع الدائم و عدم الشعور بالامان بين افراد الشعب نتيجة الاختلافات الدينية و التقسيمات المبنية على ذلك

لبنان حتى ألان لم يتعظ من الحروب السابقة او المشاكل و ما حدث مؤخرا

يعني كم شهر بقى لبنان بلا رئيس بسبب الخلافات هناك

هل يعقل هذا بلد بلا رئيس لاكثر من شهر مثلا

و لكن حدث ذلك في لبنان

و زي ما تفضلت حضرتك و ذكرت ان الوضع هايستمر على ما هو عليه

اذا لم يفيق لبنان الآن و يتحد بعيدا عن الاختلافات الدينية او تصدير الدين كمادة اساسية لتقسيم الحكم

سنرى في القريب العاجل صراعا لبنانيا استكمالا لسلسة الصراعات السابقة

تحياتي

مُزمُز said...

انا معاك تماما
كنت فعلا بقول زمان ان لبنان ديمقراطي
بس بقيت أقول هأو دي على كده ديمقراطيتها أظرف

مفيش فعلا أدنى ديمقراطية في التقسيم ده ولا التحزب الغبي الطائفي والهرولة وراء زعامات براجماتية لا تبحث الا عن مصالح خاصة الوطن ليس من ضمنها
وحتى انتخاب الرئيس الأخير أكد كده
فين الديمقراطية في الانتخاب ده
ده كأنه استفتاء زي بتاعنا ف مصر بس بفروق طفيفة

micheal said...

يا لهوي يا بيشو..ده البوست ده كأنه خارج من لساني...يا عم أنا اساني دلدل في البقين دول مع أي حد بيسألني عن لنان
:)
تحياتي يا باشا

Sharm said...

صيف سعيد لك وللجميع

The Alien said...

أجندا حمرا

هما دماغهم كدا .. والمشكلة إنهم مش شايفين إن التقسيم دا هو السبب ف الخراب اللي عايشينه ولسه هيعيشوه

منوراني دايما ياجميل

*************************************
heart beat

إحنا منطقة إنعدام الديمقراطية
إحنا منطقة الديكتاتورية ف العالم
بس الشكل بيختلف من دولة لدولة

مبسوط بزيارتك
نورتيني

The Alien said...

مزمز

أنا كمان إتخدعت زمان ومش عارف ليه
الموضوع واضح . .فيم الديمقراطية ف اللي بيحصل؟

نورتني

*********************************
مايكل

لإن الموضوع واضح
ومع ذلك هما مش شايفين دا
أو شايفينه وبيستهبلوا

نورتني

**********************************
sharm

مبسوط جدا بزيارتك
وأتمنالك صيف سعيد