Thursday, 19 June 2008

صفيحة زبالة

من كام يوم كنت سهران مع أصحابي ف الحسين وبالصدفة واحد صاحبنا كان معاه بنت من كازاخستان وجم قعدو معانا ... إتكلمنا شوية عن بلدها ... حسيت إنها فخورة ومبسوطة ببلدها ... إتكلمت عن التطور اللي هما عايشينه ... إستغربت لما لقتني أعرف بلدها وإنهم عايزين ينضموا للإتحاد الأوربي ... قلتلها إنهم ناس عارفين مصلحتهم وبيسعولها ودا اللي بيساعدهم.

هي أول مرة تيجي مصر وكانت مستغربة كل حاجة وبتسأل عن كل حاجة ... هنا بقي ييجي الجزء اللي مكانش لطيف ف القعدة ... كل ما تسأل عن حاجة ألاقيني مكسوف أتكلم ... وبما إني لازم أجاوبها وبما إني مش عايزأكدب ... كانت كل إجاباتي وتوضيحاتي لأسئلتها وإستفسارتها عبارة عن كلام من اللي بيعتبروه إساءة لسمعة مصر ... طب أعمل إيه؟ مش هي دي الحقيقة. فضلنا نتكلم وهي مستغربة من اللي إحنا فيه لدرجة إنها ف الأخر عرضت علي أروح أشتغل ف كازاخستان لإنهم محتاجين ناس ف مجالي قالت إن البلد هناك بتتطور والمرتبات عندهم حلوة جدا.

حسيت بالفرق ما بينا ... هي فخورة وبتحب بلدها وبتدعي الناس تروح بلدها وتشتغل هناك ... وأنا مكسوف من مجرد الكلام عن الوضع اللي إحنا فيه ... مكسوف من اللي إحنا بنعمله ... ومكسوف من المستقبل اللي إحنا رايحنله ... مكسوف لإننا بقينا صفيحة زبالة العالم.

19 comments:

زهرة الياسمين said...

الوضع عندنا سيىء فعلا
لكن السبب مننا اكيد
إن الله لا يغير ما بقوم حتى يغيروا ما بأنفسهم
نتغير الأول و كل واحد يصلح من نفسه و يتقى الله فى كل اقواله و افعاله و بعد كده نبقى نلوم على وضعنا و حالتنا

A long distance said...

انا موافق زهرة الياسمين
في كلامها
ان المشكله فينا
واحنا اللي مفروض نتغير
احنا اللي مفروض نخاف على بلدنا
احنا نقدر نخلي بلدنا احسن

karakib said...

لا اذكر كم مرة احتجت ان اعلق بهذا التعليق مؤخرا
------
نحن في زمن الهزيمة بلا حروب

اجندا حمرا said...

في رأيي يابيشو ان المشكله كبرت لأن كل واحد بيقول و انا مالي و همه مصلحته و بس
بس قولي مش محتاجين في بلدها دكاتره اسنان؟
:)
تحياتي ليك ياجميل

أنا حر said...

اذا حسيت انك في صفيحة زبالة فابتسم انت في مصر
تحياتي

Anonymous said...

i see we all agree that we need to chnage to get better, the question to which direction we need to change.

mohamed said...

to anonymous

أنت قلت فى تعليقك the question to which direction we need to change.

هذا كلام سليم الى أى أتجاة نريد أن نتغير !

فى البلوج السابق كنت من أنصار الرأى ذو الاتجاة الواحد الذى يجب فرضة على الغير وكما فهمت مما كتبتة أن رأيك صواب ورأى الاخرين خطأ.

وما نحن فية هو محصلة لاسلوب التفكير هذا,
من بيدهم القرار يروا أنهم وهم فقط أصحاب الرؤية الصائبة وغيرهم يعانى من قصور فى التفكير أو ضيق فى الافق أو حتى عدم النضج, وذلك على أعتبار ان النضج هو الحصول على شهادة من جامعة من الخارج وأجادة اللغة الاجنبية(وأنا لا أنكر انهم لهم قيمة) ولكن المعلومة بدون عقل حر يستعملها مثلها كمثل.رضيع.. وضعنا على ظهرة الموسوعة البريطانية فلا هو فاهم وحملناة على ظهرة ما قد يقتلة خنقا.
يا سيد فلان
كلمة واحدة
المبدأ لايجزاء
أما مبدأ
أو لامبدأ

قلب يحترق said...

لازم كلنا نتغير عشان مصر تتغير

كل واحد ليه دور و متخلي عنه و الحجج كتير

مثلا خوف علي لقمة العيش او خوف من بكرة او خوف من حاكم

حاول تغير فكر سبعين مليون مصري عشان نقدر نخرج من صندوق الزبالة ده

mariam said...

بشوى
انت وجعتنى قوى
و فكرتنى بحاجات بتناساها لكن مش بنساها
احنا حالنا بيتدهور من سىء لأسوأ
و الأصعب انى مش شايفه اى حل على مرمى البصر
لو شايف يا ريييييييت تقولى

Guevara said...

عندك حق
احنا في زمن اسواء من السوء
بس انا هقولك علي حاجة يا صديقي انت بتروح بعيد لية بص لـ السودان دلوقتي كانت اية وكان الجنية السوداني بكام دولوقتي بكام
بلاش يا سيدي السودان بص علي الامارات الي كانت من 30 سنة خيم
اقولك اية
بلدنا مش بلد بلدنا مش بلد

blackcairorose said...

دايما لما بتتفتح موضوعات مماثلة بفتكر حوار فى فيلم الكرنك لما نور الشريف بيقول لسعاد حسنى أنه خايف مصر تبقى حالتها فى المستقبل أسوأ

فتقوم هى راده وقايلاله حاجة معناها مش ممكن تبقى اسوأ لأنه مفيش أسوأ من اللى احنا فيه

والكلام طبعا كان مفروض يبقى سنة 1972
ربنا يكرمه جمال الليثى او ممدوح الليثى اللى كتب الحوار ساعتها

Anonymous said...

to mohammed; I find it interesting that you are interested in my comments, even more than the topic discussed !!!!! but I don,t really know from where you got the idea that I encourage one and only opinion and force others to beleive in it, as far as I know myself I am not like that, then if you understood something else I think it is not my problem. also you add to myself things that you think you know better like 'getting a university certificate especially from abroad or being good in a foreign language mean that the person is better' also i did not state that before, it seems to me that you just want to hang some ready made accusations to someone which happened to be me, and the top of the tragedy came when you say, 'principles should be same either principles or not' to be honest I don,t know what to say. but I just want to let you know I write in English because I don,t have arabic keyboard, does this please you!!!! or you still have more comments that reflect how prejeduice personality you are?

micheal said...

حاجة تكسف فعلا يا بيشو
:)
تحياتي لك

Abdou Basha said...

طب انت كنت قاعد مع صديقة من كازاخستان
انا كنت قاعد مع صديق يمني، وكنت في نفس الموقف
:(

Abominatrix said...

سؤال واحد.. ليه المصري لما بيخرج برة مصر، في البلاد التانية بيمشي على النظام، المصري اللي بيطلع برة بيمشي زي الالف. اشمعنى جوا بلده لأ. هو احنا مش بنخاف على بلدنا زاي الناس التانية ولا إيه؟

الحمقاء المضلله innominate x said...

مصر بقت أفقع و أسوأ و أعفن مكان ممكن الواحد يعيش فيه بجد بلاعة صراصير مش صفيحه زباله و بس أن كان من حال البلد السياسي و الإقتصادي ولا من سلوكيات الناس و الهمخيه و الفوضى اللي أصبحوا عليها نتيجه لتلك الظروف الإقتصاديه و السياسيه........زن عليها تجيبلك عقد في كازاخستان و اتكل على الله

على باب الله said...

مش عارف ليه أصبحنا في مؤخرة الأمم

الطيز يعني

علشان كده الأختراع الأعظم للعلماء بتوعنا في الخمسين سنة الأخيرة هو الشطاف المحمول

ahmEd_H said...

هى الصراحة وكلاك اوى يا خويا

ما كنت تعديها !! البنت جايا تقعدلها ساعتين على الحسين و ماشية تانى

دا انتو ناس غريبة يا جدع

كدا يا بيشو لوثت سمعة مصر

سؤال على جنب يا ريس !! البنت مقالتلكش اذا كانوا عايزيين مهندسيين اتصالات هناك ولا لا ؟

يا اخى بلا نيلة سمعة مصر مين اللى انتى لوثتها !! يا بنى احنا مفضوحيين على المستوى الرسمى و الشعبى من استراليا جنوبا الى الاسكا شمالا

appy said...

ما هو احنا السبب معاهم برضه
يعنى هى منظومه منا ومنهم بس مش هنكر عليهم العبأ الاكبر واحنا بنكبر دماغنا ساعات