Monday, 1 September 2008

الفزع

من كام يوم عرفت يعني إيه فزع .. صحيت من نومي مفزوع .. بصرخ بصوت عالي .. الدنيا سوده .. بتنفس بصعوبة .. مش قادر أميز أنا فين مع إني ف أوضتي .. قلبي هينط من صدري من قوة ضرباته .. باصص قدامي علي ولا حاجة وبصرخ.

فضلت علي الحال دا شوية .. بعدها حسيت بأصحابي اللي عايشين معاي حوالي .. هما كمان إتفزعوا لما سمعوني بصرخ .. جريوا علي وكل واحد بيخمن سبب لصراخي .. أنا لغاية دلوقتي معنديش سبب .. مش فاكر أي حاجة .. لو كان كابوس كنت إفتكرت .. أويمكن دماغي مشغولة بحاجة .. بس أنا طول عمري مشغول وعمر دا محصلي .. دلوقتي مش حابب أعرف السبب .. بس نفسي الموضوع دا ميتكررش تاني.

6 comments:

اجندا حمرا said...

سلامتك من كل ده يابيشو
تلاقيه كابوس
انشاء الله مايحصلش تاني و نومك يكون هادي

The Innocent said...

ربنا يهديك يابني، بس انت تلاقيك نسيت ترشم الصليب وتقرأ سورة البقرة قبل ما تنام.

نام، ناااااااااااااام

HafSSa said...

الف بعد الشر عليك
هي اوقات بنكون شايلين جوانا كتير اوي و مش بنظهره لكنه بيطلع بالليل و احنا نايمين
اصل النوم مش راحة
النوم هو عكس حالة اللاوعي و بيتم فيه عمليات كتيرة
ابقى اشرب ميه او نام جنبك مية و اشرب بس تحس انك مخنوق

تحياتي

Anonymous said...

في خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

قلب يحترق said...

يارب مش يتكرر ده تاني

يارب

سمراء said...

في اوقات كتير مبنقدرش نواجه نفسنا باللي مضايقنا وبما انك مش قادر دلوقت تواجه ده خلاص متضغدش على نفسك

هيجي الوقت المناسب
الف سلامة
سمراء