Thursday 8 March 2007

أحلي تمن

بقالي مدة بفكر وأخطط وأحسب ... وعمال أجيبها يمين وأجيبها شمال وكله تمام

هو ده اللي بعمله لما أبقي عايز أخد قرار خصوصا لو هتترتب عليه حاجات

أأحسب الفوايد وأركز مع الخساير وأشوف العملية تسوي ولا

أنا حسبتها وطلعت كسبانة

دلوقتي أنا نفذت اللي كنت بفكر فيه وأحسبله بس الموضوع طلع مختلف شوية عن حساباتي ... يعني أنا ف اﻷول كنت حاسبها وكنت كسبان ... دلوقتي مش متأكد ... أصل الوضع إختلف ولقيت حاجات مكنتش عامل حسابها

أنا شايف إني كسبان وهستفاد سواء الموضوع طلع شغال أو مش شغال

اللي مخليني متشجع أكمل إني لما بحسبها من تاني بلاقي الخساير والتمن رخيص جدا ... وف رأي إنه إحلي تمن أدفعه ... فلوس

ياسلام لو كل الخساير شوية فلوس ... كتير قليل مش مهم ... أصل الفلوس هي أحلي تمن تدفعه ﻷي قرار ميطلعش ف محله

4 comments:

Memo said...

awl mara brdo ashof elmdwna dih
msh 3rfa ana msh mn elbald dy wala aih
ta7itshy

-_- said...

دايما فكر في حاجة

يا تري ايه اهم ؟

و ايه اللى انت ممكن تخسره ؟

بدام الخسارة جت في فلوس يبقى مش مشكلة و الحمد لله

اصلها لو جت في اي حاجة تانية هتبقى مرة

و صدقنى

في الدنيا دي .. الفلوس .. ارخص حاجة

safa7_karmooz said...

ايه اللى هنخسره...فلوس ..طظ....شغل ...هيجى غيره

لكن لو الخساير دى فى بنى ادمين ...بشر بتفكر وعندها عقل ...ناس بينا وبينهم صداقه طويلة ...يبقى مالوش لازمة اللى هيخليك تخسرهم

بمعنى الماديات رغم انها بقت مهمة جدا عشان نعيش ....بس فى اوقات كتير ...مبيبقاش ليها لازمة ..:)

الدبور said...

توضيح بخصوص البوست بتاعي اللي عمل قلق وزعل ناس مني انا بحترمهم وبحبهم
تم توضيح وجهه نظري في بوست منفرد
اقراه وقولي ليا رايك ؟
رايك يهمني

تحياتي
الدبور