بنشتغل نفسنا
اللي يركب المترو ياما يشوف ... وأنا بركب المترو كتير
قاعد جنبي ولد صغير ... ماسك مذكرة ملونة وبصراحة كده شكلها مستفز وسخيف ... أنا قلت اقرا معاه شوية ... لقيت كلام غريب
تعريف العمل:
هو كل نشاط إنساني يبذل من أجل إنتاج سلعة أو منتج ولا إنتاج بدون العمل
بماذا تفسر:
العمل له طبيعة خاصة "إنسانية”
إن اﻷجر الذي يتلقاه العامل ليس مقابل لإسهامه ف العملية الإنتاجية ولكن لتحديد مستوي معيشته
ولذلك يجب مراعاة الاتي:
1- تحديد عدد ساعات العمل
2- تحديد الأجازات المستحقة للعامل
3- وضع قيود علي عمل النساء والأحداث
أنا لحد كده ووقفت ومقدرتش أكمل ... كان لازم أفهم
سألته: إنت بتدرس إيه؟ ... قالي: إقتصاد ... قلتله: ثانوية عامة؟ .. قالي: اه ... قلتله: هي المناهج متغيرتش؟ ... قالي: هما شالوا منها شوية والكلام ده من السنة اللي فاتت وف كل المواد
شفتوا بقي طريقتنا في تعديل وتطوير المناهج ... طبعا دي كارثة من الكوارث الموجودة بس ده مش اللي أنا عايز أتكلم فيه ... وطبعا الكلام عن قوانين العمل والقيود برضه مش هي اللي هتكلم فيه ... طب أنا عايز أتكلم ف إيه ؟
الكلام اللي أنا قريته ده واللي المفرض درسته ومش فاكر منه حاجة ... أفكار إشتراكية جدا وأكيد مش هي دي مشكلتي ... أنا عايز أفهم ليه ندخل ف عقول شبابنا كلام مش حاصل ف الحقيقة ... الواقع اللي كلنا عايشينه هو إن علي قد شغلك تاخد ... يعني مستوي معيشتك هيتحدد بناء علي مساهمتك يعني مش هتاخد أجرك غير لما تساهم ويكون ليك فايدة ... ليه بندرسهم أفكار مش هيلاقوها لما يخرجوا للحياة ويشتغلوا ... ليه منجهزهمش للحياة الصعبة اللي هما داخلين عليها ... بنقول كلام والواقع بعيد ...
ده مثال واحد من مئات الأمثلة لحاجات بنعملها وحاجات موجودة في مجتمعنا بنضحك بيها علي عقول ولادنا ... نفسي نكون واضحين ونبطل نشتغل نفسنا
11 comments:
هو كل المناهج كده دلوقتي بس انت مش عايش معانا طبعا يابختك
.............
المشكله ان فعلا بيدرسولنا حاجات مش هتفيدنا في بلدنا ويعدوا يتكلموا عن عظمة مصر وعظمة الوزاره وعظمة وعظمة واصلا مافيش عظمه في مصر بدل الريس فيها
........................
معلش على الكلام نا مش بتاعة الكلام ده اصلا
المخرج عاوز كده و طبعا معروف مين المخرج هنا و ازاي هوا بيستخدم كل أدواته لاخراج الفيلم بالصورة التي يريدها و التي لا تحقق الا مصلحته الشخصيه و ليذهب الجمهور للجحيم
تحياتي لك
هههههه
ده منهج اقتصاد ثانوية عامة
كان كله اشتغالات فعلا
والله ده شئ طبيعي جدا في اي حاجه عندنا ........مسافة كبيرة جدا بين المناهج ..أو الكلام اللي مكتوب على الورق والكلام الواقعي اللي بيتطبق ....طبعا اشتراكية ..رأسمالية
..نظم فوضوية هاتخرج ايه الا عقول بدون عقول
بيشوى الجميل
المشكلة ان اللى بيكتبوا المناهج منالطراز القديم اللى اتربوا على الافكار القديمة وهما مش متطورين مع المجتمه ولا اللى بيحصل فيه
الحاجة الوحيدة اللى بيعرفوا يكتبوها هوا الكلام اللى انت قريته وللاسف ده سبب فشل البلد ديه ان الطلبة بتحفظ كلام مش واقعى تدخل تصبه فى ورقة الاجابة وتخرج من اللجنة ناسية اى حاجة
Hi theAlien,
مش عارفة اقولك اية غير انها فعلا مشكلة جامدة قوى حشو العقول و خلاص بدون اى فائدة لأننا كلنا كنا لما بنصدق يجى الامتحان و نرمى كل حاجة فى الورقة علشان نخلص و نريح عقولنا لأنها بتكون مليانه خالص و محشية على الاخر .
و الجميل فى كدة ياترى فى حد بياخد حقه فى الزمن دة ان كان تقدير معنوى او حتى مادى و هى دى المشكلة.
المشكله نى احنا اللى بيضحك علينا
بس ارجع و اقول انا مش فاكر اى حاجه من الاقتصاد, و حتى نسيت انى درست اقتصاد ,,,
استنى كده ... نسيت ... تانى بيضحك علينا
john
وشوشني
أنا فعلا دلوقتي مش معاكو
بس قعدت كتير معاكو
ولا يهمك قولي اللي إنتي عايزاه
ما هي بلدنا مش بلد الريس
نورتيني
مايكل
المخرج عايز كده
وإحنا عندنا ممثلين محترفين
بيسمعوا كلام المخرج
sharm
ياريتها تيجي ف منهج إقتصاد ثانوية عامة وبس
كل المناهج إشتغالات
human
فعلا الموضوع مش بس مناهج
إحنا عندنا الكلام ف وادي
والفعل ف وادي
شرفت
وأتمني تكرر الزيارة
مصر هي أمي
المناهج دي إشتراكية
يعني بالميت كده بقالها أكتر من 30 سنة
واللي حطوها زمانهم ماتوا وشبعوا موت هما وأفكارهم
askurself
دي مش بس مشكلة ... دي كارثة
لو إحنا بنشتغل الطلبة والأطفال
وبنعلمهم أي كلام وخلاص
يبقي منتوقعش منهم أي حاجة مفيدة لما يخرجوا للحياة
أصلهم طول دراستهم كانوا ف عالم بعيد عن الواقع
نورتيني
John
معاك حق
أنا كمان مفتكرتش إني درست الكلام ده
بس يمكن يكون فيه طلبه بتفتكر
وساعتها هيعرفوا إنهم كان بيتضحك عليهم
زميلي بيشوي
اشكرك على زيارتك مدونتي
والتى اتاحت لى فرصة بالتشرف
وقراءة بعض من افكارك الجميلة
بالنسبة للمناهج فبالفعل لازم تتغير
وتصبح اكثر موضوعية وواقعية
ليست بالمبادئ الاشتراكية الحتي حتتشال مادتها من الدستور
ولكن اختلف ايضا فى حقيقة تقييم الاجر
*********************
يعني مستوي معيشتك هيتحدد بناء علي مساهمتك يعني مش هتاخد أجرك غير لما تساهم ويكون ليك فايدة ...
****************
احيانا اجد ان دخل الفرد لا يتحقق
بمدي اسهامة وفائدتة
فافراد كثيرون يعملون بجد ولساعات طويلة ويتحدد الاجر تبعا لقربة من المدير ورضاؤة عنه وليس بانجازة
اكيد مش حيقدروا يكتبوا الحقيقة كاملة
لكن هي دي الحقيقة الوحيدة فى حياتنا
ارق تحياتي لك
الزعيمة عندي...دا شرف كبير
شكرا علي زيارتك وتعليقك
معاكي ف إن الموضوع عندنا كوسة
وعلي رأيك لو بنكتب الواقع
كان هيبقي أجر العامل بيتحدد حسب درجة سوي الكوسة بتاعته
يعني لو معاك كوسه مستوية
هيبقي دخلك ومستوي معيشتك تمام
بس بجد ومش دفاعا عن حد
ف مجالي مثلا ده مش بينفع يحصل
عشان لازم اللي بيشتغل يكون بيفهم
وفعلا أنا باخد فلوس علي قد ما بشتغل
ومتهيألي هو ده الصح
أنا مش مع الرأسمالية ولا مع الإشتراكية
أنا مع العدل والحرية
تحياتي وأتمني أشوفك تاني
يااه يا بشوى
انت فكرتنى ايام المواد العجيبه
الحقيقه ان معظم الطلبه بيحفظوا الكلام ده من غير ما يفهموا حاجه
و بصراحه عندهم حق
الغريب ان التعليم عندنا كله بالشكل ده
طيب الأبداع هييجى ازاى
كنت اتمنى اتشرف بيك فى اللقاء لكن العدد كان كبير فلم يتيح فرصه كافيه
تحياتى
Post a Comment