Sunday 15 April 2007

حلوة

إنتي حلوة اوي
بجد ؟
آه ... أول مرة حد يقلك إنك حلوة ؟
لا ... كتير قالولي
طب مالك مستغربة ليه ؟
أصل دي أول مرة أحس إني حلوة

24 comments:

مُزمُز said...

الله

حلوة بشكل

إيه العذوبة دي كلها؟

Anonymous said...

Beshoy,
deih agmal 7aga 2arathalak!!
gamela gadan!

bas naseet "?" ba3d bagad

مصر هى أمى said...

بيشوى

هيا مين ديه يا شقى اللى انتى هولتلها انتى حلوة اوى

بس اكيد هيا حلوة علشان اما انتى تقولها يبقى اكيد كلامك صح

Ahmad Hegab said...

هىهىهىى

حلوة اة

يا حلاوتك انت

انت وقعت يا امور

كان بدرى عليك
عليك بدرى

Guevara said...

حلوة وزي القمر كمان

micheal said...

شكلك حبيت يا عم الامور
:)
علي العموم ابوست حلو و أحلي حاجه فيه أن موضوعه جه عكي البوست السابق جدا رغم اعجابي بالبوست السابق
تحياتي لك

جبهة التهييس الشعبية said...

حلوة صحيح

بجد قوي

safa7_karmooz said...

يا سيدى يا سيدى ...

بتعاكس عينى عينك كده ;)

مين بقى سعيدة الحظ؟؟؟

:D

The Alien said...

مزمز

عذوبة
حلو الوصف ده
منورني
*******************************
بسام

بتبسط لما حاجة بتعجبك
وهزودها يامعلم

*********************************
مصر هي أمي

الجمال كل واحد بيشوفه بشكل
يمكن أنا أشوف حد حلو وغيري ميشفش جماله

مش هقلك هي مين
أهي واحدة حلوة والسلام

*********************************
أحمد

ولا وقعت ولا حاجة
الكلام مش معناه إني وقعت
بس ياريت أقع يامان

The Alien said...

Guevara

حلوة وزي القمر كمان ؟؟؟
إنت تعرفها ؟

كل واحد عنده صورة للجمال
ياريت نلاقيها ونلاقي اللي نقله الكلام ده

**********************************
مايكل

من بئك لباب السما
وصدقني موضوع البوست مش عكس اللي فات
يمكن هي دي الفرصة اللي طلبتها ف البوست اللي فات

**********************************
جبهة التهييس الشعبية

نواره عندي هنا
بجد مش عارف أعمل إيه
لو أعرف كنت فرشت البلوج رمل
بجد مبسوط بزيارتك وشكرا ع الكلام الجميل

***********************************
سفاح كرموز

طب ياريت كل المعاكسات تبقي كدا
كنت أنا هحب أتعاكس

Guevara said...

انا مش قصدي كدة

أسوور said...

صحيح ممكن كل الناس يقولوا لواحدة انها حلوة بس ما تحسش فعلا بحلاوتها غير لما حد واحد يقول
ليه .. عشان ايه .. ماتعرفش؟؟
دى المرأة بإحساسها الراقى والرادار اللى بيكشف انت عاجبك ايه فيها بالظبط وحلاوتها فى عينك نابعة من ايه

تحياتى .. فينك؟

raspoutine said...

لاء حلوة بجد

The Alien said...

ياسمين

كل حد بيشوف جمال التاني بشكل مختلف
وساعات بنحب إن حد معين يشوف الجمال ده

أنا موجود يا ست الكل
وقاعد مستني أي أخبار عن لقاءات أو حفلات

**********************************
raspotine

الله يكرمك يا أيمن

الزعيـمة said...

بيشوي

اخبارك اية ؟

فكرتني ببرنامج كلمتين وبس الكان بيجي
فى الراديو بتاع فؤاد المهندس


بس محتاجين تفاصيل اكتر نرسي على الموضوع منت عارف الشعب المصري
يحب الزياده وبالتفاصيل الدقيقة

تقبل ارق التحية

Tamer Nabil Moussa said...

دة حب

والحب مش عايز كلام كتير

تحياتى

yamen said...

يلا يا عم ربنا يتمم بخير..

بس حلوة اوي حكاية اول مرة احس اني حلوة..

حلوة بجد


تحياتي

The Alien said...

الزعيمة

منوراني
وصدقيني لو فيه حاجة
أنا أقول علي طول

*****************************
تامر نبيل

الحب مش عايز كلام كتير
شكلك فاهم يانصه
نورتني

******************************
يامن

مبسوط بزيارتك
وإن الكلام عجبك
وياريت يحصل ويتمم بخير
أنا أتمني

smraa alnil said...

لالالالالالالالالالالالالالالا

الحوار دة بالظبط اتقالي يا بيشوي

ببس ماشية معاك يا عم
الله يسهلوا

ان شاء الله ربنا هيسهلك وتقع يا بيشوي

ShAb 3AdY said...

حلاوتك دى ولا حلاوة المولد ؟

دوللي said...

اكيد قولتها باحساس قوي لانها حست بيها كأنها اول مره تسمعها
احييك

قلب يحترق said...

احلي كلام هو القليل في كلماته الكبير في معناه رقيق أوي و عذب جدا جدا

The Alien said...

سمرا الجميلة

الحوار إتقالك ... دي حاجة جميلة ومنطقية
المهم إنتي قلتي إيه؟

يامسهل ياختي
أنا أتمني

*********************************
shab 3ady

مش عارف

*********************************
دوللي

البنت بتسمع كلام كتير
بس لما الكلام بيبقي من حد هي عايزه تسمعه
ساعتها بس بتحس بيه

*********************************
dyin soul

مش لازم نقول قصايد
ونكتب مقالات عشان نوصل اللي جوانا
اللي بيسمع هيحس ويفهم لو كلامك من قلبك

sabsoob said...

7elwa :)...