صدفة
نزل من بيته مبتسم
عنده أمل اليوم يبقي مختلف
مشي ف طريقه للمترو زي كل يوم
بيتفرج ويتابع الناس ف الشارع
وعند مدخل المترو شافها
بنوته رقيقة جميلة وهاديه
هي كمان شافته
ومن غير أي كلام نزلوا السلم مع بعض
وعدو من المكن مع بعض ونزلوا السلم جنب بعض
وهو جنبها كان حاسس إنه طاير
مش مصدق إنه ماشي جنبها
هي اللي بيدور عليها من زمان
اتمني السلم يطول ومينتهيش
بس بسرعة وصلوا للنهاية
وعلي الرصيف كان الفراق
فراق لتجمع إستمر دقيقة واحدة بس
مشيت لقدام بعيد عنه
فضلت عنيه عليها كتير
الرصيف كان زحمه وتاهت منه
جه المترو ركب لوحده حزين
وطول المسافة مش شايف غير وشها الجميل
ياتري هي بتفكر ف إيه
وصل محطته ونزل من المترو
طلع السلم لقيها قدامه وجايه ناحيته
بجد مش خيال
قربوا أكتر وعنيهم إتقابلت
نظرة و إبتسامة هادية
وكل واحد ف طريق
نهاية صدفة جميلة
إكتفي بالنظرة والإبتسامة
واتمني الصدفة تتكرر تاني
عنده أمل اليوم يبقي مختلف
مشي ف طريقه للمترو زي كل يوم
بيتفرج ويتابع الناس ف الشارع
وعند مدخل المترو شافها
بنوته رقيقة جميلة وهاديه
هي كمان شافته
ومن غير أي كلام نزلوا السلم مع بعض
وعدو من المكن مع بعض ونزلوا السلم جنب بعض
وهو جنبها كان حاسس إنه طاير
مش مصدق إنه ماشي جنبها
هي اللي بيدور عليها من زمان
اتمني السلم يطول ومينتهيش
بس بسرعة وصلوا للنهاية
وعلي الرصيف كان الفراق
فراق لتجمع إستمر دقيقة واحدة بس
مشيت لقدام بعيد عنه
فضلت عنيه عليها كتير
الرصيف كان زحمه وتاهت منه
جه المترو ركب لوحده حزين
وطول المسافة مش شايف غير وشها الجميل
ياتري هي بتفكر ف إيه
وصل محطته ونزل من المترو
طلع السلم لقيها قدامه وجايه ناحيته
بجد مش خيال
قربوا أكتر وعنيهم إتقابلت
نظرة و إبتسامة هادية
وكل واحد ف طريق
نهاية صدفة جميلة
إكتفي بالنظرة والإبتسامة
واتمني الصدفة تتكرر تاني
32 comments:
بصراحه علشان ما اضحكش عليك
هيا حلوة و مشاعر جميلة
بس مشاعر مراهقين
تعرف قصة بتكرر اكتر من ميت مرة في نفس اليوم بس ميتقلش عليها غير انها مشاعر وقتية وتحياتي ليك وللامام
دي باين عليها واكله عقلك.....ههههههه
ع العموم يا باشا أتمني لك كل خير
تحياتي لك
يا ابنى الفرصة مبتجيش كتير
خد خطوة جريئة واتكلم بس خالى بالك لحسن ابوها يبقى ماشى وراها ساعتها هتاكل علقة محترمة وانسى مش هتلاقى حد واقف جنبك
عموما احنا كلنا بتحصلنا نفس الحالة ديه بتلاقى واحدة تحس انها ملاك ماشى على الارض تحس انك عايز تفضل تتفرج على وشها وابتسامتها
بجد يا صديقى انتى بتحكى عن احلام كتير اوى من الشباب
إسلام يوسف
حلوة صراحتك
بس أنا مش شايف مشكلة إنها تكون مشاعر مراهقين
يعني إيه الضرر ف كدا؟
أي مشاعر حقيقية تبقي جميلة وحلوة
الفكرة إن دا بيحصل مع ناس كتير ولاد وبنات
مبسوط بزيارتك
نورتني
***********************************
قلوب حائرة
هي فعلا بتتكرر كتير
وحتي لو مشاعر وقتية
هي مشاعر جميلة
نورتيني
واتمني أشوفك تاني
*********************************
مايكل
هي مين اللي واكلة عقلي؟
ياريت ياعم هو أنا أكره
**********************************
مصر هي أمي
الفرصة مبتجيش كتير
والصدفة مبتحصلش مرتين
ومتقلقش ... هخلي بالي وأتأكد إنها لوحدها
علي فكرة ... مش معني إني كاتب حاجة
إنها تكون تجربة حقيقية
كله خيال ف خيال
منورني دايما
احاسيس جميلة اوى بجد
عشان كده
من مكانى ده اوجه رسالة لكل اللى يشوف بنت فى اى حتة ويحس انه مستنيها من زمان
ومحتاج يعرفها
وهى كمان بادلته ده
ارجوووكو اتكلمو
مش احنا اللى حنيجى نتكلم
تعالى إنت اتكلم
فاجأها
ابهرها بجرأتك
اخطفها بكلامك وقولها كل حاجة
بلاش حجج الساعة كام دى والنبى لانها بتنزلكو من نظرنا اوى
نصيحة لوجه الله اهه :-)
بوجهالكو من منبر الراجل الطيب اللى آوينا فى مدونته ده
تحياتى يامعلم
ووالنبى قوله لما يشوفها تانى ميبلمش كده زى خيبتهم :-)
السر كلة في نزل من بيتة مبتسم
الواحد لما يكون مبتسم ومتفائل هيشوف ناس كتير حلوين وصدف احلي
ويمكن تتكرر الصدفة تاني
شئ جميل اننا نقابل صدفة جميلة
كلام جميل
والاجمل انه حصل من غير ولا كلمة
لغة العيون طول عمرها ابلغ من اي كلام
بس للأسف بنبقى مضطرين نغلف كلام العيون ده بكلام اللسان واللي بيفقده معاني كتير ماينفعش تتقال .
تحياتي
البتاع
يعني نتكلم وعلي ضمانتك؟
يعني هتنضربي مكانا لما نتكلم؟
منوراني دايما
*********************************
كراكيب عادل
عندك حق
الواحد وهو نازل متفائل ومبتسم
كل حاجة بتبقي حلوة حواليه
شرفتني وأتمني أشوفك تاني
*********************************
big code
كتير الكلام بيبوظ حاجات كتير
بس دا ميمنعش إنه بيوضح حاجات كتير
منورني
خش انت بس وملكش دعوة
حتى لو اضايقت وبينت ده
هى من جواها مبهورة بيك اوى
اسألنى انـــــــــا
مدوبهاهم 2
ههههههههههههههه
تحياتى
كان يوم حبك أجمل صدفة لما قابلتك مرة صدفة
حليم بقي و روقان و كدة وانت عارف ان امتحاني السبت الجاي وعادي
بوست رقيق و جميل أوي بجد عجبني جدا
مستغلش الفرصة ليه
الفرصة ممكن متتكررش
البتاع
ماشي كلامك يا جميل
أنا كمان عارف إن دا لو حصل بشكل لطيف وزوق
البنت مش هتدايق
مجرد إبدأ الإعجاب حاجة لطيفة
منوراني
********************************
dyin soul
مش ملاحظة إنك رايقة جدا اليومين دول
شكل الإمتحانات بتعمل معاكي شغل جامد
إلحقي لمي الموضوع ف اليومين الأخرنيين
ويعديكي منها علي خير
*********************************
sharm
هو اللي مستغلش الفرصة
عيب عليك يا مان
لو أنا مكانه كنت خلصت علي طول
منورني دايما
وصل محطته ونزل من المترو
طلع السلم لقيها قدامه وجايه ناحيته
بجد مش خيال
قربوا أكتر وعنيهم إتقابلت
نظرة و إبتسامة هادية
وكل واحد ف طريق
نهاية صدفة جميلة
إكتفي بالنظرة والإبتسامة
واتمني الصدفة تتكرر تاني
---------------------
رهيبة بجد حلوة جداااااااااااااا
عارف فكرتنى بموقف قديم حصلى بس انا الصدفة اتكررت وعرفتها وبعد ما عرفتها اتمنيت لو فضلت بالصورة الطيفية دى طيفية جاية من طيف
بجد حلو اوى
It places fhoto of Madeleine in your bloggue
Missing Madeleine!
Madeleine, MeCann was abduted from Praia da Luz, Portugal on 03/03/07.
If you have any information about her whereabouts, please contact Crimestoppers on 0800555111 Please Help
الغزالي
الموقف بيحصل معانا كلنا
بس نادر جدا إن الصدفة تتكرر مع نفس الشخص
وعلي فكرة
أنا عارف إن طيفية جاية من طيف
مبسوط بزيارتك وأتمني أشوفك تاني
**********************************
David Santos
i did not get what u want me to do,
do u want me to put her picture on my blog? i do not think that this would help
i hope she come back home safe
اعجبتنى تلك المشاعر التلقائية
تحياتي وكن بخير دائماً
مش نظرة وابتسامة
مش كلمة والسلامة
دى حاجات كتيرا ياما لو ناوى تحبنى
اول ما قراءة الموضوع دا هو دا اللى جية فى بالى على العموم تعيش وتشوف غيرها
تحياتى ايمى
هو خلاص كده
صدفه وخلصت الحكايه علي كده
طيب ليه
هو كل يوم بيكون فيه صدفه زي دي
سلامااااااااات
صاحب البوابة
شكرا
ومبسوط إنك شرفتني تاني
********************************
ايمي
معكي حق
فيه مجهود كبير لازم يتبزل عشان الحب
نورتيني وأتمني أشوفك دايما
********************************
riri
هي صدفة ومش هتحصل تاني
بس ممكن يكون فيه صدفة تاني
منوراني ياجميل
بتفكرنى بموقف حصل يوم الاحد اللى فات ده ...رايح لاصحابى فى جامعة عين شمس
وراكب المترو
وملاك زى كده ....بس الفرق الفراق حصل فى المحطة
هى عدت من باب الخروج ...مع الابتسامة الرقيقة
وانا عديت الناحية التانية
مش عارف ليه منقلوش الجامعه الناحية التانية :D
Nice post. But are you sure he didn't try to impose his sticky self on her? Are you sure he won't try to say something in a desperate attempt to attract her attention, or even say something provokative so that she will talk to him? Are you sure that there is a man who will be satisfied with these feelings and just walk away? Are you sure that he won't forget about her the moment he walks down the street? Are you sure he is a man?
السفاح
طب ولو نقلوا الجامعة الناحية التانية؟
يابني سيب الناس ف حالها
كفاية عليك الإبتسامة
***********************************
fantasia
u look too angry and i can c why and i do understand cause i am angry as u r
and to answer ur questions,
yes he was a man, yes he won't forget about her as he walks away and yes he is satisfied with the smile.
here i am talking a bout a man who rearly exist in Egypt
being satisfied with the smile does not mean that he did not want more but he thought that it is enough, u know why? cause he did not want to annoy her, he do understand that if he did anything more than that, she won't be happy with it
i am happy with ur visit and comment
hope to c u here always
وعلي الرصيف كان الفراق
فراق لتجمع إستمر دقيقة واحدة بس
.................
فكرة النص حلوة جدا
إيه الدماغ العالية دي؟
اللغة كمان رقييييقة جدا جدا
هادية كده وفيها بساطة مؤثرة وموسيقى جميلة ورقيقة برضه
نهاية جميلة جدا
منطقية
مختزلة
.................
نظرة و إبتسامة هادية
وكل واحد ف طريق
نهاية صدفة جميلة
إكتفي بالنظرة والإبتسامة
واتمني الصدفة تتكرر تاني
.....................
ده انت شاعر بقى؟
:))))))))
وبعدين بقى مش ناوي تشيل صور الكفار اللي يخشوا النار اللي على الجنب دول وخصوصا الزنديق الكبير نجيب محفوظ ده؟:))))
أيه ده بقى؟؟؟؟؟
أنا فاكره انى دخلت وعلقت فى الحته دى من كام يوم
ايوه انا قريتها وعلقت
يبقى فيه ايه بقى؟؟؟؟؟؟
عموما مافيش مشاكل
افتكر انى قلت انها فكرتنى بمشهد من فيلم عمارة يعقوبيان لما كان زكى الدسوقي بيتكلم عن أغنيه لاديث بياف
البنت اللى دفعتها الزحمه لانسان ارتاحتله وحست انه هو ده وبعد كده الزحمه بعدتهم عن بعض تانى للأبد
ايه العك اللى أنا باقوله ده؟؟؟؟
ماعلينا
سلاموز
مزمز
فينك يا مان ... واحشني كتير
هو إيه اللي حصل عندك؟
أتمني الدنيا تكون إتظبطت شوية
إيه ياعم الكلام الحلو دا
مرسي كتير
تفتكر أنفع شاعر؟ معتقدش يا مان
دا أنا نفسي مش عارف إيه اللي بكتبه
هاههههههههههه
الزنديق الكبير نجيب محفوظ
إنت لسه فاكر
الناس دي ماتت من زمان ومبقتش أشوفهم تاني
مبسوط إني شفتك
وأتمني إنك ترجع قريب
*********************************
وينكي
إنتي اللي بتسأليني فيه إيه؟
هو إنت حد يفهم منك حاجة أصلا؟
إيه يا بنتي اللي بتقوليه دا
وبعدين حتي لو كنتي جيتي هنا قبل كدا ... عادي
أنا بسمح بكومنتين للشخص الواحد وساعات تلاته
شفتي بقي
الدنا قربتهم والزحمة بعدتهم
هي دايما كدا
منوراني وسلاموز
Ta3raf ya besho,
aslob katabtak, shabah el kasa elqasera akter maho shabah elsha3r.
elqasa 7elowa we feah e7a2 men qasas Yousef Edres
3agabatnee kateer
بس كده انا كنت مستنيه "فموعد فلقاء"ايه يا عم انت مش بتتفرج على افلام عربى ولا ايه
بسام
ياعم أنا بكتب وخلاص
يطلع شعر يطلع نثر تطلع قصة
مش مشكلتي يا مان
المهم إنها تعجبك
**********************************
بندقة
يادي اﻷفلام العربي واللي عملته ف العيال
إنتي لازم تفوقي وتنسي اﻷفلام العربي دي
بطلي تتفرجي عليها وكفاية اللي عملته فينا
نورتيني
وأتمني أشوفك تاني
عاوزين بوست جديد بقي يا عم
:)
تحياتي لك
listen to james blunt ... "you are beautiful" ... talk the same :)
lovely words dear
رقيقه اوى
عجبتنى بجد
و عجبنى بساطتها
الموقف ده تقريبا حصل لكل الناس
اصلنا كلنا بنمر بالمرحله دى
و احلى صدفه
البلوج بتاعك جامد
....:)
Post a Comment