Monday 17 December 2007

طب دا يبقي اسمه إيه؟

أنا ف القطر .. معاي كتابي وبقرا .. قعد جنبي شاب صغير .. شوية وحدث اﻷتي:

إنت بتقرا إيه؟ .. دي رواية .. آه
(بعد نص ساعة) وهتاخد إيه من التعب دا؟ مش تقرا حاجة تفيدك أحسن؟ .. إنت بتكلمني أنا ؟ .. مش تقرالك الإنجيل أحسن من الكلام الفاضي اللي إنت بتقراه دا

أنا عايز حد يفهمني .. بلاش أنا أتكلم المرادي عشان محدش يقلي إن عندي دوافع داخلية وغضب مدفون ومش عارف إيه .. حد يقلي تصرف زي دا يتوصف إزاي؟ .. المرة اللي فاتت أنا قلت إنه تصرف سخيف .. المرادي مش هتكلم عشان مبقاش قليل أدب

23 comments:

Samir Saad said...

دعني أنا أقول: أنا أصفه بأنه تصرف أحمق ولدي اسبابي:

أولا: هو تصرف فيه اقتحام لخصوصيتك، أخينا يحدثك في أمور شخصية وأنا أثق أنه لم يستأذنك أولا لأنه يعتقد أنه يقدم إليك ما لا يقبل الرفض

ثانيا: هو تصرف فيه حكم مسبق. هو يقرر لك أن ما تفعل وتحب هو أمر تافه ومتعب دون أن يعرفك أو يعرف حتي الكتاب الذي بيدك. ثم يعود ليقرر ما هو الأفضل لك وهو لا يعرفك أيضا.

يعتقدون أن لديهم ما تتهافت إليه النفوس
اغلقوا عقولهم ليشتروا بجهلهم الفردوس
ويمرحون في الأرض بلا قيد كما الجاموس
بدين على كل فكر وحرية قد يدوس

تحياتي

micheal said...

من الاخر كده البلد دي بتعاني من هوس جنسي و هوس ديني هذه الايام و متسألنيش ازاي
تحياتي

Lasto-adri *Blue* said...

نفس الشئ مع المسلمين
اى كتاب تقراه يتعايب عليه طالما انه مش كتاب دينى
وكان الدنيا المفروض ننسى تواجدها.. وننسى بالمرة "حرية الفرد فى اختيار ثقافته"

وزى ما ان واحد يفرض نفسه على المجموعة فى الميكروباص مثلا وهو بيقرأ القرآن بصوت عالى .. بل ويفترض انه اجباره للسواق على انه يقفل الكاسيت حق مشروع له طالما هو بيتحدث باسم الدين
!

شئ ابعد من انه يكون سخيف

sally said...

ابشع حاجه في الدنيا هو التدخل في شئون الاخرين
بأي حق ممكن واحد يفتكر انه وصي علي تصرفات غيرة
فعلا بتكون حاجه مستفزه

The Alien said...

innocent

بالحق تفوهت
بيعرض اللي فاكر إنه ميترفضش

بحب تعليقاتك
منورني دايما

********************************
مايكل

مش هسالك
أصلي عارف

نورتني

*******************************
lasto-adri*blue*

نفس الشئ ونفس المواقف
وحتي مش بييجي علي بالهم إنهم ممكن يكونوا بيعملوا حاجة غلط

نورتني

******************************
Sally

طب مين يفهمهم
أغلب الناس بتعمل كدا
وكله فاكر نفسه بيعملك خدمة

مبسوط بزيارتك وأتمني أشوفك دايما
نورتيني

Fantasia said...

hehehehe.. people have gone crazy it seems. how can someone give himself the right to make choices for others or claim that he knows what is better for them?!!
this boy is too screwed.. i don't want to imagine his future, because i will end up depressed, while he doesn't give a damn about himself or others. i really wanted to know what you told him after he said his final comment.. were you able to control yourself?
such people exist everywhere in egypt nowadays.. following the saudi model of religious police! they aren't holding sticks yet, but i expect that they will do so cery soon. i myself decided not to respect anyone who invades my privacy anymore. why are we the only ones forced to practice tolerance with those who don't abide by it? this only gives encourages them to go further and become more aggressive. they are never shy of their rudeness or rediculous acting of the role of uninvited preachers.
we'll be stuck with those people for a long time if we don't start doing something about it. i fear that they misinterpret our patience and politeness to be inability for action or a kind of agreement that what they do is right.

Fantasia said...

ma3lesh nseet 2a2olak mestanya ta3lee2ak 3ala posti elgdeed.

على باب الله said...

تصرف أحمق طبعاً بدون شك

و أنا مع أستاذ مايكل أن في تطرف ديني و تطرف جنسي في ( القطر ) و يمكن كمان في القطر اللي جنب القطر

و إحنا شكلنا كده إتقنطرنا و اللي كان كان

----

Masria said...

أنا أتعرضت لمواقف شبه دي شوية .. خصوصا إني على طول معايا رواية أو شعر .. بحسب ما فهمت في حد وصل الفكرة إن إذا ما كنتش بتقرا في الدين تبقى تبع الدنيا .. و ما دام تبع الدنيا تبقى بعدت عن الدين
:)
ما اكدبش عليك .. أنا عارفه وصلتلهم الفكرة دي ازاي
أنا مش باحاول اهاجم الناس دي .. مش باشوفهم على إنهم بيتعدى خصوصيتي ..باشوفهم ما يعرفوش غير كده .. فاكرين إن اللي بيعملوه هو الصح

MerMaid said...

Oh Really ???

بيشوي

انا اقولك علي حاجة

زي ما مايكل قال و قريت قبل كدة في مدونة الاستاذ احمد شقير
كل واحد حفظله كلمتين بيعمل نفسه واعظ
و هو تلاقيه مش عارف بيقول ايه

و بعدين احنا في مصر يعني
كل واحد من حقه يقول للتاني اعمل كذا و متعملش كذا
و هم مالهم هما
دي حاجة تحرق دم
مفيش قيود علي اي شيء
القيود فقط علي فكر الشخص
و محاولة تدمير الاخر المخالف لنا في الراي
----------------
اجابة عن سؤالك
ده اسمه
جهل و تخلف

تحياتي
اتمني اشوف تعليقاتك عندي
يهمني رايكم
:))

Anonymous said...

Do you carry any (sign) of your religion orientation?
[Necklace, Tatoo, Dressing, etc]?

Anonymous said...

مره كنت راكبه المترو وحاطه سماعات الووكمان فى دوانى ..أيام ماكان عندى ووكمان
جتلى واحده منقبه .. سلمت وقالتلى.. انتى ليه مش بتقرى فى المصحف؟
قلتلها..مش معايا مصحف دلوقتى
قالتلى.. طب وليه ماجبتيش معاكى مصحف فى الشنطه؟
مسكت لسانى عشان ما أردش رد مالوش لازمه وقلتلها.. عشان ما ينفعش دلوقتى.. مش متوضيه
قالتلى.. طب ماهو ممكن تسمعى قران على الووكمان بدل مانتى مشغله أغانى
...............
املأ النقط بمعرفتك
-------------------
أنا جيت أعزمك على بوست مهم جدا على مدونتى.. ياريت تدخل وتقراه

Mirage said...

انا اشك إن الموقف ده حصل اصلا

انت مرسوم على وشك صليب ولا إيه

ياللا

كل كريسماس وانت طيب

The Alien said...

fantasia

مشكلتي إني دايما بقدر أتحكم ف نفسي وف اللي بقوله
مش هقلك أنا عملت إيه بس كل المهم إني عرفته إن اللي عمله دا غلط مع شوية غلاسة

معاكي ف كل اللي قلتيه
أنا مش عايز أتكلم عشان مش عايز أكرر نفس الكلام اللي قلته المرة اللي فاتت .. بس عندي سؤال:

"they aren't holding sticks yet, but i expect that they will do so cery soon"

لو إحنا متوقعين دا يبقي إحنا هنا بنعمل إيه يافانتازيا؟ قاعدين فالبلدي ليه؟ مستنين لما ننضرب ف الشارع؟
ويقلك مفيش هوس ديني..أمال دا يبقي اسمه إيه؟

عارف إني متأخر علي التعليق عندك
معلش أعذريني

منوراني دايما

*************************************
علي باب الله

وف القطر اللي ورا القطر
وف القطر اللي قدام القطر
وف كل قطر
القنطرة مش سايبة حد

منورني دايما

The Alien said...

masria

فينك من زمان؟
مبسوط برجعك وتعليقك
ناس كتير مقتنعين بالفكرة الي قلتيها
ونتيجة للفكرة دي تلاقيهم علي طول يتطوعوا ويحاولوا يساعدوكي ف العودة للدين وترك الدنيا
طب هما فاكرين اللي بيعملوه دا صح .. أنا مال أهلي؟
ومين اللي هيفهمهم الصح؟

نورتيني

***************************************
mermaid

حتي لو فاهم وعارف بيقول إيه .. دا مش مبرر لأفعال من النوع دا .. أنا مطلبتش الهداية والنصيحة عشان يتبرعوا ويدوهالي

الأخر المخالف ف الرأي
هي دي الكارثة

نورتيني

**********************************
anonymous

إنت/ي مش محتاج/ة تدخل/ي "مجهول" عشان السؤال دا

مع اﻷسف أنا عندي صليب علي إيدي
مش أنا اللي عملته .. دا نتيجة عادة سيئة عند اﻷباء واﻷمهات أنا كنت إتكلمت عليها قبل كد
بس أنا بحاول أخفيه علي قا مأقدر

The Alien said...

وينكي

يادي المترو واللي بيحصل ف المترو
أنا متهيألي أغلبنا إتعرض لموقف زي دا مش أنا لوحدي

أكيد هقراه
نورتيني

***************************************
mirage

الموقف دا حصل فعلا
واللي فات هو كمان حصل فعلا
أمال أنا يعني بألف!!

مش علي وشي .. علي إيدي
والغريب إني بحس إن الناس طول الوقت بدور عليه

وإنت طيب
نورتني

عباس العبد said...

شوف يا سيد اليان
العيل ده كان بضهر ايدك و على وشه
ليه لأنه كأى شخص واطى بينصحك و هو اكيد كان قاعد جنبك مبيقراش الانجيل
و لو فرضنا انه قاعد يقراه
فأكيد مش فاهم حاجة و مش مركز اساسا
بدليل انه مركز معاك
بضهر ايدك على وشه
ضرب العيال دى واجب مقدس
.......
اما بالنسبة للمرة الى فاتت
كنت ترفع صوتك و تزعق
مبشر مبشر و سيبه و امشى و الناس فى الشارع حيقوموا بالواجب

Rushdy Kamel said...

هاي بيشو
عامل ايه يابني
بص حاول ماتنفعلش
وخد كل حاجة ببساطة
كلمه ورد عليه بالمنطق
وفهمه يعني ايه حرية شخصية
وان الكلام في الدين مش معناه حرية مطلقة

تحياتي

The Alien said...

عباس العبد

عباس هنا عندي .. دي خطوة عزيزة جدا
وبجد مبسوط بزيارتك

"ضرب العيال دي واجب مقدس"
ماهو لو عملت كدا أخاف يكون عندهم نفس الواجب المقدس
وأنا مستحملش ضرب
لكن حكاية إني أزعق فدي لطيفة
بس تفتكر الناس اللي ف الشارع هيقوموا بالواجب مع مين؟

نورتني وأتمني أشوفك دايما

********************************
big code

أنا مش بنفعل ساعتها
لكن بعدين بنفعل ومش بعرف أخد الموضوع بساطة
لإنه مينفعش حاجات زي دي تتاخد ببساطة
يعني نستني لما يضربونا ف الشارع عشان مش ماسكين إنجيل؟

دول مينفعش معاهم منطق
هتلاقي نفسك بتتكلم بمنطق مع الامنطق
لإنه مفيش أرض مشتركة تبدأ منها كلام

نورتني

Reham Ragab said...

يابيشو متضايقش نفسك خالص
لتستخرج الفكاهة من الموقف وتعامله بمنتهى البرود اللي في الدنيا، لأن زي مانت عارف كويس مفيش أي مستقبل ل"مناقشة" مع الناس دي
أنا مثلا بتعامل مع الحاجات دي حسب مودي، يعني لو مودي وحش ومخنوقة وسالني كدة هقوله وانت مالك؟ وش كدة، لو رد وقالي عشان مصلحتك، هقوله أنا اللي هدخل النار، بحبها ياأخي، وسبنالكو الجنة كلها تبرطعوا فيها!!.. لو مودي عالي ورايق مش هخلي واحد زيه يبوظهولي وهرد مثلا: اقراه انت وادعيلنا، رحمة ربنا ياأخي وسعت كل شيء تحت السماء، أكيد ربنا هيسعنا برحمته، افرض انه دخل الناس كلها الجنة؟ مش معقولة هنحاسب ربنا يعني! ميصحش برضه!! أنا بأة متعشمة فيه خير!!!!!
ههههههههههه، المهم ان مفيش حاجة تستاهل، لأني تقريبا اقتنعت ان مفيش فيهم أمل، وطالما احنا لسا محافظين على نفسنا نضاف، يبقى أكيد فينا احنا الأمل:)
سوري طولت عليك
تحياتي

The Alien said...

reham

أنا مع اﻷسف بتضايق
بس مش لدرجة أتخنق
لكن موضوع البرود دا بيكون صعب
وطريقتك دي لطيفة ... بس صعبة علي قوي

المشكلة هي هي بتاعت المرة اللي فاتت
إن الناس دي مش ف بالها أساسا إن اللي بيعملوه دا ممكن يكون غلط
يعني هو فاكر نفسه بيتكلم ف اللي مينفعش أزعل منه
وبيعرض علي العرض اللي مينفعش أرفضه .. فاكر نفسه دون كورليوني

منوراني دايما

VioLotus said...

the proplem has never ever been in God or in any relegion, it's always in 'most of' the people who try to tell about God & a certain relegion.
p.s: yes, the second comment from me here, I like your blog ^^

karkor said...

هاي الين
وحشتني بجد..كنت مشغول الفترة اللي فاتت ومكنتش قادر ادخل اقرالك حاجة
بس صدقني انا ماليش تعليق على الموقف ده
اعذرني لما قريته قعدت اضحك ماتاخذنيش
انا ياما كنت بابقى فالمترو واقرا كتب غريبة الشكل والمضمون ولا حد بيسالني ولا حاجة
شوف بقى
يا اما انت شكلك فيه حاجة تخلي الناس تنصحك غصب عنك
يا اما في حد مسلط الناس دول عليك
قلبي معاك