Sunday 16 March 2008

محتاجين نور

قاعد ع البحر ساعة الغروب
الجو جميل والسما صافية
نسمات هوا وصوت موج
الشمس بتبعد كل دقيقة
بصتلها وقلتلها: خليكي معاي شوية
قالتلي لازم أروح لناس تانية
إختفت الشمس وأنا عارف هي راحت فين
راحت هناك عند ناس تانيين
بس هما مش محتاجين
مش محتاجين الشمس زيي
أنا اللي عايش ف الضلمة
أنا اللي محتاج النور
نفسي ف يوم الشمس تطلع تنور
ولما تغيب متسبنيش ف ليل

12 comments:

مصر هى أمى said...

حكمة الله فى كونه

علشان تحس بقيمة نعمةالله عليك لازم تفقدها فترة علشان تحافظ عليها وتقدر تشكر الله على نعمة

Rushdy Kamel said...

ازيك يا الين
جميلة جدا ...
علشان كدة لازم نستغل وصول النور الفترة الصغيرة دي


واحشني جدا ..

باي

مُزمُز said...

موضوع جميل جدا

رائع

الفكرة مفروشة بذكاء وبراعة

اللوحة الأولى الجميلة ومنها إلى محاورة قصيرة رقيقة وخفيفة الظل ومنها إلى حديث ذاتي قصير ينتهي بخلاصة الفكرة

فكرة تلمس الكثيرين

باختصار

انت والله شاعر

The Alien said...

مصر هي أمي

علشان تحس بقيمة أي حاجة حلوة لازم تفقدها
طب إيه رأيك ف اللي عايشين ف الضلمة
وشايفين اللي عايشين ف النور
ومع ذلك بيفضلوا الضلمة

منورني

*************************************
big code

إحنا بدل ما بنستغله .. بنخنقه
شعاع النور الصغير اللي باقيلنا بيموت

وإنت كمان واحشني
نورتني

*************************************
مزمز

واحشني كتير
وبتبسط بجد لما بشوفك عندي
شكرا علي كلامك
منورني دايما

Anonymous said...

Last of the Mohicans
that's much better post than the last, I thought the last one was out of line Alien.
I'm glad you are back to a better subject.

Anonymous said...

الصديق العزيز
the alien

شوف ممكن الشمس تغرب و تسيبلنا القمر ينورلنا ليلنا لحد ماترجع لينا الصبح ايه رأيك؟

The Alien said...

Last of the Mohicans

happy u like it
hope to c u here always

***********************************
أجندا حمرا

ياريت كان ينفع
نور القمر مش كفاية لإنه مش قادر يعمل حاجة
إحنا محتاجين الشمس عشان تشيل الظلام اللي عايشينه

منوراني دايما ياجميل

micheal said...

كلنا محتاجين نور و لكن بدرجات متفاوته
حستني رأيك في البوست الاخير عندي لان رأيك يهمني
تحياتي

على باب الله said...

حلوة التجليات دي

: )

ممكن نقول أن العلم نور ؟

في الحالة دي ها نبقي في ال

pitch black

MONDAHESH said...

الشمس برده مش طول الوقت عند الناس التانيين

بتسيبهم وبتجيلنا احنا كمان

بس الفرق بيننا وبينهم انهم بيعرفوا يستغلوها صح

واحنا لا


تحياتي

The Alien said...

micheal

بس الزيادة مش هتضر
وإنا محتاجين نور بزيادة جدا

نورتني

***********************************
علي باب الله

أكيد العلم نور
وهو الوحيد اللي ممكن ينورلنا
بس إحنا زي ماقلت
نفضل الظلام

منورني دايما

*************************************
mondahesh

هما بيستغلوها صح
وإحنا مش عايزين نستغلها
ومش بنحاول نستغلها
إحنا مبسوطين بالضلمة ومش عايزين النور

نورتني

Ahmad Hegab said...

جمال ساعة الغروب مينفعش يستنى اكتر