Sunday 23 March 2008

إحساس بالعجز

دي تاني مرة ف حياتي يبقي إحساسي بالعجز هو المسيطر علي كل تفكيري
عندي إحساس فظيع بالعجز تجاه اللي بيحصل
إحساس بالعجز وأنا شايف بلدي بتتخنق وأنا مش قادر أعملها حاجة
إحساس بالعجز وأنا شايف كل حاجة حلوة كنت بحبها وهي بتضيع
بتعب من الإحساس دا وبحاول أغمض عيني مش بقدر
بلاقي نفسي غصب عني بشوف
ودا اللي بيزود إحساسي بالعجز

15 comments:

micheal said...

للاسف كلنا عجزه
تحياتي

R.O.U.R.O.U. said...

nafs rad micheal

msh lewa7dak..

سمراء said...

لان كل واحد فينا لوحده بنحس بالعجز لو كلنا ايد واحدة لو كلنا رفضنا يمكن الحال يتغير بس كل واحد فينا شايف عارف مضايق رافض لوحده بيجري ورا اكل عيشة ولو عنده عيش يبقي بيجري ورا حتة تورته يعني كل واحد فينا همة نفسة
على فكرة انا كمان همي نفسي رغم اني بحبها قوي
سمراء

basma saghir said...

احنا مساكين بجد...وانا بشفق علينا
وعلى حالنا...ده احنا بقينا نصعب على الكافر

مُزمُز said...

طيب الإصلاح ده موضوع صعب يعجز أمامه أي حد

احمد ربنا ان الاحساس بالعجز تجاه أشياء خارجية

أنا بيجيلي إحساس بالعجز تجاه كل شئ
بحس في لحظات كتير بعدم جدوى أي فعل مني حتى تجاه أمور خاصة وذاتية

The Alien said...

micheal

كلنا عجزه
بس مش كلنا حاسين بالعجز

منورني دايما

**********************************
rourou

عارف إني مش لوحدي
بس الإحساس دا لازم بكون فيه لوحدي
ومش بعرف أشارك حد فيه

نورتيني

**********************************
سمراء

أنا رأيي إن نفسي هي الدافع لكل حاجة
أنا لو عايز الدنيا تتغير للأحسن فدا عشان أنا عايز أعيش أحسن
طبيعي إن كل حد يفكر ف نفسه
ولما نتفق ومصالحنا تكون واحدة .. هنمشي ف نفس السكة
ف اﻷخر إحساسي بالعجز هو تجاه نفسي

مبسوط جدا بزيارتك
وأتمني أشوفك دايما

The Alien said...

بيسوو

إحنا مساكين وعاجزين
وأنا بشفق علي نفسي وعلي حالي
وحالنا يصعب علي أي حد .. مش بس الكافر

نورتيني ياجميل

**************************************
مزمز

صدقني إحساسي بالعجز هو إحساس داخلي
لإني لو عايز حاجة تتصلح فأنا عايز دا عشان أنا أعيش حياة أفضل
المشكلة لما إحساسي بالعجز الكلي دا بيسيطر علي كل تفكيري .. ساعتها فعلا بتعب

منورني دايما

MerMaid said...

لا

بلاش كدة ارجوك

انت مش عاجز

الظروف اللي زي الزفت
مش في متناول ايدك ولا ايدي

معلش حاول تستحمل شوية

منورنا

على باب الله said...

أنا كمان قلبي مكسور

و حاسس أن روحي في أقرب حالاتها للموت

----

The Alien said...

mermaid

الظروف مش في متناول إيدي ولا إيدك
يبقي كلنا عجزه

نورتيني

*************************************
علي باب الله

مش أنا لوحدي اللي عندي الإحساس دا
واضح إننا كلنا وصلنا للمرحلة دي

بتنورني دايما

Anonymous said...

صدقني ياصديقي مش انت لوحدك اللي عندك الاحساس ده
كلنا
انا لما بشوف و بسمع عن اللي بيحصل في بلدنا بحس فعلا بأكتئاب و عجز و بقول ياتري احنارايحيين علي فيين

:(

إبـراهيم ... said...

لى كل المدونين المصريين، ومحبي الأدب،وبهاء طاهر ، ومصر :
أدعوكم، وتدعوكم ورقة وقلم .... إلى الاحتفالية المقامة بمناسبة فوز بوكر العربية ببهاء طـاهر ، وذلك يوم الثلاثاء القادم .... الأول من إبريل ... في نقابة الصحفيين الدور الرابع ... السادســـة مساءً

The Alien said...

أجندا حمرا

رايحين فداهية
ومتهيألي دا واضح للجميع

منوراني دايما ياجميل

*************************************
إبراهيم

شكرا علي الدعوة

shabfa2re said...

مش لوحدك
بس الامل موجود

The Alien said...

shabfa2re

هو فين اﻷمل دا؟
شاورلي عليه

نورتني